سؤال لاخواننا اللى فى الامارات

[ام بودى]

السلام عليكم .. بما اننا مش نازلين مصر الصيف دة قررنا الحصول على اجازة سريعة لا تزيد عن عشرة ايام وبما انة مستحيل نزول مصر والبقاء عشرة ايام فقط فقد قررنا نعمل عمرة اربع او خمس ايام ونقضى باقى الاجازة زيارة سياحية سريعة لدبى نغير جو وتفسح العيال ونشوف دبى اللى بيقولوا عليها من احسن المزارات السياحية والترفيهية على مستوى العالم عشان كدة عاوزاكو تصحصحوا معايا وتقولولى على برنامج ترفيهى لطيف وسريع من اخوتى واخواتى المقيمين فى دبى واللى عارفين البلد كويس وكمان من الناس اللى زاروا دبى ويقدروا يفيدونى ياللا يا جماعة الخير مستنية ردودكم الرائعة والمفيدة ارجوكم لا تبخلوا باى معلومة مش عايزين نروح نطبش لان الغريب اعمى ولو كان بصير ودمتم بكل ود :rolleyes:

[زعلان]

مع اني كنت حقفل و اروح بس معلش نرد عليك الأول :rolleyes:

طبعا لازم تعملوا حسابكم انكم جايين دبي في عز الصيف و الرطوبة يعني ما تجيبوش لبس شتوي ولا جواكيت

1- عندكم طبعا سياحة الشوبينج و المولات وده ممكن تقضوها الصبح بما فيها الامور الترفيهية في الاماكن المغلقة زي التزلج على الجليد في مول الامارات و حلبة التزلج في مول دبي و الاكواريم حوض الاسماك و جنينة الاسماك في مول دبي مكان جميل حيعجبكم و في السينمات داخل المولات طبعا و في ملاهي ترفيهية للاطفال داخل اغلب الموالات زي مول الامارات و سيتي سنتر ديره وفي صالات البولينج زي مول الامارات و فيستيفال سيتي و سيتي سنتر ديرة

2- عندك الملاهي المائية وايلد وادي في دبي جنب برج العرب بتفتح من الساعة 11 للساعة 7 مساءا

3- في سوق مدينة جميرا و الممرات المائية الي في مدينة جميرا و مطاعمها للفترة المسائية

4- عدند فندق اطلانتس فيه اكواريم وملاهي مائية ايضا وده موجود في جزيرة النخلة

5-عندك القرية العالمية وده ممكن تزوروها باليل يكون الجو اتحسن شوية وفيها ملاهي ومطاعم واسواق من كل دول العالم

رحلة سعيدة ان شاء الله

[ام بودى]

شكرا يافندم على سرعة الرد والمعلومات المفيدة وعلى انك اعطيتنا جزء من وقتك وما قفلتش علينا ماهو دة العشم برضو بس انت لية زعلان يا استاذ زعلان حد يبقى عندو الحتت الحلوة دى ويزعل ارجوك بص للنصف الممتلئ من الكوب :rolleyes: تحياتى

[محمد عيسى]

5-عندك القرية العالمية وده ممكن تزوروها باليل يكون الجو اتحسن شوية وفيها ملاهي ومطاعم واسواق من كل دول العالم

رحلة سعيدة ان شاء الله

هي مش قفلت؟

[زعلان]

مش عارف اذا القرية لسه شغالة ولا قفلت و حتفتح بعد رمضان لكن في كمان مدينة مدهش للاطفال الي جنب المطار بيقولو حلوه بس انا لم اذهب اليها حتى الان

تم تعديل 2 يوليو 2009 بواسطة زعلان

[ام محمد]

السلام عليكم : الاخت التي تود زيارة دبي أنصحك بزيارة مدينة الشارقة وهي تبعد عن دبي حوالي 20 كيلو وهي تقريبا متصلة بدبي من ناحية العمران لن تحسوا انكم خرجتم من دبي ...المدينة جميلة وتحس فيها بالراحة ...والسكن فيها ارخص نوعا ما تجدين شققا فندقية مناسبة ويمكنك زيارة مركز صحارى وبحيرة خالد وقناة القصباء وعين الامارات ومركز ميجا مول ..او السفير ..وفيها السوق المركزي ...تحفة فنية كذلك الاطفال ممكن توديهم المتحف العلمي للاطفال رائع سيقضوا فيه وقت ممتع ومفيد ..ورخيص ...هناك ايضا مركز الاستكشاف ..على طريق المطار ايضا رائع للاطفال..وبالنسبة للاسواق منتشرة بشكل كبير لديك المولات والمحلات الراقية والماركات العالمية وتجدين بضاعة من كل البلاد ...والاسعار مختلفة من الغالي الى الرخيص ...المطاعم ايضا من كل الانواع والاشكال والاسعار ...والحدائق كثيرة ولكن الجو حار والشواطئ كذلك موجودة في دبي في حديقة الممزر وفيها شاليهات يمكن حجزها لمدة يوم داخل الحديقة وهي تطل على الخور ..اي البحر .. والسباحة ممتعة ..واي سؤال نحن بالخدمة

[ام بودى]

وعليكم السلام.. الف الف شكر اختى الغالية على هذة المعلومات الطيبة واحب الشارقة مما سمعتة عنها يقولون انها العاصمة الثقافية وتفضل دبى هذوءا والتزاما عندك مثلا قناة الشارقة الفضائية مثال للالتزام . وبالنسبة للمولات فهى كثيرة هنا فى الدوحة وانما قصدنا دبى لان بها اماكن ترفيهية منعددة ومتنوعة زى مصر وهدفنا اننا نفسح الولاد ونعوضهم عن خروجات مصر ..تحياتى وشكرا لمرورك الكريم :)

[MZohairy]

ده غير ان الشارقه مفيهاش شيشه اطلاقا (ممنوعه فعلا بحكم قانون الاماره)

انما دبي مليانه :)

[ام بودى]

لا اعلم مدى حسن النية فى هذة المداخلة وهل هى بريئة ام تريقة .. عموما الحمد للة ان الشارقة مافيهاش وعقبال دبى بس تفتكر لو اتلغت فى دبى حتتحول للواق الواق لا يا عم خليها احسن السياحة تنضرب واسفة ان كنت اخدت من وقتك دقايق فى موضوع تراة سطحى