الشكل و المضمون ....

[Lancelot]

لما يكون الشكل حلو و المضمون مش و لابد تبقي الإجابة سهلة و بسيطة ... مرفوض طبعا ...

و المرفوض هنا هو عمل فني أيا كان .... مسلسل .. فيلم .. أغنية ... إعلان ...

لكن لما يكون الوضع هو العكس ... الشكل مش عاجبنا لكن المضمون فيه فكرة ... زي الإعلان بتاع موبي زوون .... الفرقة اللي بتغني ديه بتستخدم طريقة جديدة شوية علي الغناء العربي و هي أقرب إلي موسيقي الراب الغربية ... لكن الأغنية تحمل مضمون السخرية من الكلاشيهات في المجتمع المصري .... لكن مازال الشكل يمثل علامة إستفهام ... هل نترك هؤلاء يقدمون هذا الشكل و هو ما يعجب جمهور الشباب و نحرص علي أن نهتم بالمضمون فقط أم نرفض هذا المضمون لأن الشكل مش عاجبنا ...

سؤال صعب ... علي الأقل بالنسبة لي .... hpc:!: angl:: clp::

[Lighthouse]

موضوع جميل

بكرة وعلينا خير ارد بقى

اصلي اتأخرت ع السحور

:unsure: mfb:

[Sherief AbdelWahab]

لقد أصبت كبد الحقيقة، فالشكل بالنسبة لبعض الفنون في وجهة نظرنا هو كل شيء...لو شاهدنا مسلسلا كمسلسل 24 الشهير الذي يعرض على ام بي سي الثانية لوصفه النقاد الصحفيون بالجريمة الفنية لأن إيقاعه سريع و لا يتفق و الطابع الوعظي التربوي التهذيبي و التأديبي للدراما المصرية...و نفس الشيئ ينطبق و بشكل أبشع على الغناء...حيث أن أي غناء يخالف كل ما لدينا من قوالب جاهزة و مواضيع مستهلكة عن الحب و الغرام و الحبيب الغدار الملعون يعتبر غناءا هابطا حتى ولو لم يكن كذلك...

ام تي ام -بعكس واما- يقدمون أسلوبا غربيا في الموسيقى بطريقتهم الخاصة ..وهو أمر يحسب لهم..كما أنهم يقدمون أغان شبابية حقيقية لأنها تمثل شريحة ما - حتى و لو كانت أقلية - من الشباب المصري..و كم أتمنى لو أن باقي الشرائح الأخرى عبرت بجرأة أكثر دون الخوف من أقلام فلان بتاع الجريدة الأسبوعية و علان بتاع المجلة الحكومية الأسبوعية إياها..

خلص الكلام

تم تعديل 8 نوفمبر 2003 بواسطة Sherief AbdelWahab

[الأفوكاتو]

المستقبل للشباب,

فإذل أمكن إيصال رسالة طيبة لشببا , بطريقة يفهمها الشباب, فهذا عندى أمر مرغوب,

دعونا نخطوا الخطوة الأولى فى إتجاه الخروج عن الكليشيهات, التى أدى التمسك بها الى تررع البيروقراطية فى حياتنا اليومية. ما دام المضمون فى الصالح العام

تم تعديل 8 نوفمبر 2003 بواسطة الأفوكاتو

[Lancelot]

أولا .. أود أن أعلن عن راحتي للأجوبة .. أنا كنت فعلا عايز أقول إن الشكل مش مهم أوي و إن الأهم هو المضمون ..

إلي جانب إن التغيير مهم أوي و إن الكلاشيهات أصبحت مملة جدا و متكررة بشكل لا يطاق ...

بالنسبة للأغاني ... التغيير لازم يكون مش بس في الشكل و لكن في المواضيع ... الحب في الأغاني أصبح زي الملح في الأكل لازم يكون موجود ... لكن الحاجة إليه ليست كالحاجة للملح في الأكل .... هل من الممكن أن يخرج علينا مطرب أو مطربة و تقولنا حاجة غير الحب في الأغاني .... اللي بيسمع أغاني أجنبي عارف كويس أوي إيه الفرق بين التنوع في المواضيع و بين الحالة النمطية اللي ضاربة الأغاني العربي .... يا ريت نغير شوية ... مع الإهتمام بإرتقاء المضمون ....

:D gt: gt: :) :) :D et:(

[Lighthouse]

يا ريت نغير شوية ... مع الإهتمام بإرتقاء المضمون ....

وانا معاك يالانس في اهمية التغيير

ولكن للاسف عندنا التغيير لايتبعه إرتقاء بالمضمون

الفكرة قد تكون جميلة ولكن لماذا استخدام الفاظ هابطة في بعض الاحيان ... وعندما يشكو الناس من الاسفاف مثلا يقال اصلنا بنجدد

فهل بالضرورة ان يستتبع التجديد والتغيير ابتذال واسفاف :)

[Sherief AbdelWahab]

العزيزة لايت:

بالطبع لا نقر الابتذال و الإسفاف أيا كانت صورته..و أقصد هنا ما نجمع عليه جميعا بأنه إسفاف...فهناك إسفاف مطلق و إسفاف نسبي يختلف من شخص لآخر...

لكن للإسفاف سبب في وجهة نظري...أن لكل فعل رد فعل مساوي له في المقدار و مضاد له في الاتجاه...التمسك الإعلامي بشكل معين يعتبر كل من يخرج عليه على استحياء كذا و كذا هو الذي جعل التعبير الفني يصل إلى درجة -في بعض الأحيان- من الإسفاف..فبعد التمسك بالأغاني شديدة الطول شديدة الرومانسية ظهر عدوية في السبعينيات بكلمات شديدة الاستفزاز و الغرابة...وهوجم أكثر مما هوجم الام تي ام..و في ذروة الهجوم الذي يقوده بعض الملحنين من أمثال بن بكر الذين ضاع سوقهم بظهور مطربي الأغنية الجديدة في مطلع تسعينيات القرن الماضي مطالبين بالعودة لرومانسية الماضي ظهر شعبان عبد الرحيم مطرب الطبقة "البيئة" بتصنيف الطبقة الهاي... و ظهر "واما" و ام تي ام كمطربي الطبقة الهاي...

التغيير ضروري .. كما قال لانس وقلت يا عزيزتي لايت هاوس..ففي الخارج يغنون لكل شيء...فريق كسبايس جيرلز غنى للموت...وهناك فلسفة عميقة في بعض أغاني فريق سكوربيون...وهناك أغان سياسية ساخرة...كله بيتغنى...مش شرط حبيب و حبيبة و أبصار إيه...

خلص الكلام

تم تعديل 10 نوفمبر 2003 بواسطة Sherief AbdelWahab

[Lancelot]

ففي الخارج يغنون لكل شيء...فريق كسبايس جيرلز غنى للموت...وهناك فلسفة عميقة في بعض أغاني فريق سكوربيون...وهناك أغان سياسية ساخرة...كله بيتغنى...مش شرط حبيب و حبيبة و أبصار إيه...

يا سلااااااااااااام ..... هو ده الكلام اللي أنا عايز أقوله من الصبح ... ما كنتش عايز أذكر الأغاني الأجنبي ... لكن بما إنك ذكرتها يا شريف ... فهو ده ما أقصده ... اللي بيسمع أغاني أجنبي عارف يعني إيه تنوع في الأغاني و في الموضوعات اللي بتتناولها و في طريقة تناول الموضوعات ذاتها حتي لو كانت الموضوعات ديه مواضيع حب ... الناس ديه عندها ألالاف الأغاني اللي بتظهر كل يوم و ملايين المغنيين و فعلا كل اللي عايز يغني بيغني لأن في الغربي مش شرط صوتك يكون حلو .... اللي بيفرق هو الفكر اللي بتقدمه و إزاي توصل للي يتقبل هذا الفكر ....

يعني إحنا قلدنا الغرب في كل حاجة إلا ديه .... حرااااااااااااام .....