هل أنت مع توريث الحكم لإبن الرئيس أم لا؟

[SAW]

المطلوب وضع رأيك و قناعتك الشخصية و لا تستسلم و تقول أصلهم هيعملوا، أصلهم هيسووا - أنا عايز رأيك الشخصي

[مغتربة]

اكبر فونت ممكن

لاكبر لا فى التاريخ

كفايه بقى

[SAW]

لا و ألف لا لتوريث الحكم لإبن الرئيس و ألف لا لتولي أبناء الرئيس أي مناصب سياسية.

[Alrefaey]

فى حالة واحدة اقبلة كرئيس لمصر

ان يعتزل الحياة السياسية بعد انتهاء حكم والدة لمدة عشرة سنوات بعدها لو اراد الترشيح يقوم بتأسيس حزب او ينضم لحزب ما ويرشح نفسة كأى مواطن مصرى ببرنامج انتخابى دون استخدام اى نفوذ سواء اكان نفوذ والدة كرئيس او نفوذ المستفدين من بقاء الحزب الوطنى كحزب حاكم وللشعب ساعتها الاختيار

تم تعديل 2 يوليو 2009 بواسطة Alrefaey

[tarek hassan]

لا

الخوف أن كل لا تتقلب

آه

[dawn walker]

راجل ملوش اى كاريزما ولا حضور ولا حاضر ولا ماضى

[Falcon Crest]

لا طبعا مش معقول أمهات مصر عقرن ان يلدن من يصلح لذلك و

أصل هي مش عزبه

[ziad]

سبحان الله ،شكلي أنا العضو الواحد إلي إختر نعم

أرجو بس يكون النقاش بدون أي خلاف شخصي ده رأي إلي أنا شايف إنه صح

احترم كل من إختار لا و اتفهم الأسباب

له أنا اخترت اه

أسباب كتيره

- معظم الشعب يعيش تحت خط الفقر المادي و الثقافي و التعليمي ،لو ادت الشعب الفقير ده فرصه للاختيار أعتقد النتيجه هتكون كارثيه و غالبا هتدل علي الفقر التعليمي و الثقافي ،أخشي كمان إن المؤهلين كأختيرات هم قله ،و يا ريت نشوف هل يصلح واحد إستخدم التزوير في إنشاء حزبه ثم خرج من السجن يكذب عن واقعه رمي مواد حارقه علي وجهه يتضح بعدها إنه حريق سطحي نتيجه إستخدام سشوار

أنا أحمل النظام الحالي كل الأخطاء إلي أنا ذكرتها ديه ،النظام ده خلي أفضل الأشخاص المهيئين نسبيا انهم يكونو بدائل لتوريث بره الصوره

كنت طول عمري بحلم بعمرو موسي كى رئيس متحدث ،كلامه يدل علي ثقافه عاليه ،شكله قوي فيما يريد ،لكن بعد واقعه اردوغان مع بيريز و شكل عمر موسي و هو مش عارف يعمل إيه و طبعا قبلها عدم رغبته في ممارسه السياسه و الدليل قبوله بجامعه الدول العربيه كبديل عن طموحه خلاني أتخلي عنه كبديل

قبل ما أسافر و أسيب مصر كان نفسي أمشي بأسرع وقت ممكن لاسباب قطره شخصيه بس كان في سبب مش شخصي و كان هو اني مش عايز أشوف جمال رئيس و أنا جوا مصر مش عارف أوقف مهزله التوريث ديه ،لكن كل مسافر و أرجع مصر ،أسأل نفسي إيه البديل

في السنتين إلي فاتو كان فيه معدل نمو إقتصادي في مصر تخطي ال- ٧٫٥ ٪ ،أنا فكر إن أيام الجنزوري إلي الناس بتحلف بي ايامه ،كان بيتكلم عن سنوات رخاء عشان معدل النمو وصل ٥٫٥ ٪

السنتين إلي فاتو عدد السياح وصل ال-١٠ مليون سنويا ،كان أملنا من ٨ سنين نعدي ال-٥ مليون سنويا

طبعا في قطاعات في مصر حصل فيها نمو كبير ،قطاعات البورصه ،الاتصالات ،السياحه ،السكن و ده واضح جدا علي الاشخاص العامليين فيها و تأثيره خارجها واضح بس مش قوي

كل ديه أسباب خلتني أفكر ليه لا ،لو النزول بلدين العام الداخلي مش حاجه تحسب لالنظام ده امال تحسب لمين ،لم التضخم ينزل من ٢٢ ٪ من سنه إلي ٧٪ الشهر الماضي لا تحسب للنظام ،طيب تحسب لمين (طبعا فاهم تأثير الأزمه الاقتصاديه العالميه علي كل ده )

أرجو من الاخوه المختلفين معايا يكون نقاشنا موضوعي مش شخصي أنا طرحت كذا نقطه خلتني أغير رأي ،نتناقش حول النقط ديه بدون أي حساسيه شخصيه أنا أكن كل إحترم لكل شخص هنا و أرجو ده يكون متبادل

[sayed_ossman]

عزيزى زيد هل سالت نفسك لماذا انخفض الدين العام - لان حصيلة بيع ثروة الشعب وهو القطاع العام اضيفت على خزينة الدوله - ولكنة اشك فى مصدر ان التضخم يصل الى 7% - ولكن دعنى اسال اذا كان فعلا هناك تطور لماذا لا يستشعر به رجل الشارع - ام ان المفروض ان يستشعر به هى فرقة الاقطاع- ومراكز القوى

بالاضافه الى التردى التى وصلت له مصر على جميع المستويات - والامراض التى توطنت اجسام المصريين - والمهانه التى يعامل بها المصريين داخليا وخارجيا

هل تسى هذة انجازات تريد بها ان تمد فى عمر المسؤلين عنها الى 30 سنه اخرى

حرام والله الشعب المصرى يستاهل اكتر من ان نسائة يطلعوا خدمات فى الخليح

فالننتظر ونصفق للقادم الذى سيهبط بمعدل البطاله الى الصفر - هل تعرف ما هو السبب لانه فتح الباب للمصريين ليلبسو البدله الصفراء " كعمال قمامه فى الدول المجاورة"

ولتهيىء مصر " الجائزة الكبرى للامريكان" وليهيىء الشعب المصرى للتهليل لاستقبال الجيش الامريكى " الاسرائيلى " بالورود كما حدث فى بغداد

فهل نحن مستعدون ؟؟؟؟؟؟؟؟؟؟ظ

[ssmaly]

طبعا انا ارفض رفضا شديدا ان يحدث هذا التوريث

اذا كان كما يقال ان معدل النمو زاد الى معدل 7% من تأثر بهذا النمو طبعا المستفدين بهذا النمو الطبقة اللى تمتلك البلد يعنى الاغنياء زادوا غنى بعد هذا النمو والفقراء زادوا فقرا

اذا لايوجدا اى شخصية حاليا بديلة (زى عادل امام بيقول انه لا يوجد اى بديل اخر غير جمال مبارك) وهو غير صحيح

ولكن اذا كان صحيحا فهو بتدير الحكومة التى استطاعت ان تتخلص من كل الشخصيات التى ممكن ان تكون البديل بطرق عدة منها التهميش مثل محافظ اسكندرية المحجوب و شخصيات كثيرة

وبين السجن مثل ايمن نور

وبين الانقلابات الداخلية للاحزاب زى الوفد

جمال مبارك صفته و مؤهلاته فى اى مكان انه ابن الرئيس ولا يوجد له اى ميزة او تميز غير انه ابن الرئيس فقط

ويوجد الاف من الشخصيات الذين عندهم مؤهلاته الدراسية وخبرته وهو لم يكون علامة صاحب نظريةفى الاقتصاد وهو ليس السبب الاول والاخير فى اى نمو اقتصادى او سياسى

[عنبو]

اولا السلام عليكم ورحمة الله وبركاته

انا موافق ان الاستاذ جمال مبارك يمسك رئيس الجمهوريه فى حاله واحده بس ان انا ابقى رئيس الوزراء ويبقى رئيس الوزراء فى يده كل الصلحيات كده كده ممكن اكون مطمن على البلد

؟؟ احنا ليه ياجماعه دائما لما بنجى نختار بيقى الخيار بين الاسؤ والاكثر سؤً يعنى خلاص مصر مافيهاش حد ينفع يمسك مصر واحنا ليه بنركز ان احنا نختار من الناس اللى فوق الظاهره مهو فيه ناس مدفونه وتنفع يعنى 80 مليون مافيهمش واحد يصلح لحكم مصر الا جمال مبارك ولا ايمن نور ؟؟؟؟

[ziad]

عزيزى زيد هل سالت نفسك لماذا انخفض الدين العام - لان حصيلة بيع ثروة الشعب وهو القطاع العام اضيفت على خزينة الدوله - ولكنة اشك فى مصدر ان التضخم يصل الى 7% - ولكن دعنى اسال اذا كان فعلا هناك تطور لماذا لا يستشعر به رجل الشارع - ام ان المفروض ان يستشعر به هى فرقة الاقطاع- ومراكز القوى

بالاضافه الى التردى التى وصلت له مصر على جميع المستويات - والامراض التى توطنت اجسام المصريين - والمهانه التى يعامل بها المصريين داخليا وخارجيا

هل تسى هذة انجازات تريد بها ان تمد فى عمر المسؤلين عنها الى 30 سنه اخرى

حرام والله الشعب المصرى يستاهل اكتر من ان نسائة يطلعوا خدمات فى الخليح

فالننتظر ونصفق للقادم الذى سيهبط بمعدل البطاله الى الصفر - هل تعرف ما هو السبب لانه فتح الباب للمصريين ليلبسو البدله الصفراء " كعمال قمامه فى الدول المجاورة"

ولتهيىء مصر " الجائزة الكبرى للامريكان" وليهيىء الشعب المصرى للتهليل لاستقبال الجيش الامريكى " الاسرائيلى " بالورود كما حدث فى بغداد

فهل نحن مستعدون ؟؟؟؟؟؟؟؟؟؟ظ

هحاول أرد علي حضرتك في نقط

فعلا من أسباب إنخفاض الدين العام هو بيع القطاع العام بس أنا شايف إن ديه مش حاجه غلط ،في كل دول العالم الرأسماليه الحكومه لا تملك أو الشعب لا يملك ،الحكومه بصفتها نايبه عن الشعب شغلتها تنفيذ سياسات معينه لصالح الشعب ،شغلتها التانيه هي الرقابه علي القطاع الخاص إلي هو يشغل و يوظف و يدفع ضرايب ،انما القطاع العام ده كذبه الاشتراكيه ،الحكومه تحكم و تشغل و تصرف و في الاخر الدول تقع ،طبعا روسيا نفسها باعت قطاعها العام ،بيع القطاع العام لو كان حصيلته تستخدم لخدمه اغراض الشعب زي تقليل الدين العام أو تخفيض التضخم يبقي أظن كلنا نستفيد

يا سيدي الفاضل أنا أعيش في وحده من قلاع الرأسماليه و معندناش قطاع عام و الحكومه هنا هتبيع الكهربة في ولايه نيو سوث ويلز ،بيع القطاع العام هو أهم بنود تخفيض الدين العام و زياده الانتاج العام

بالنسبه لموضوع الإحساس و إنخفاض التضخم ،علي مع أعتقد إن إنخفاض التضخم يعني إنخفاض الاسعار و ده إلي أنا شايفه في مصر أسعار الشقق و الاراضي في إنخفاض ،أسعار الحاجات اليوميه في إنخفاض و ده واضح من كل الناس في مصر إن أسعار الأمور ديه انخفضت عن سنه ماضيه ،رز سكر و غيره

طبعا لا أنكر إن معظم التأثيرات الايجابيه لإنخفاض التضخم بيحس بها الطبقه المرتاحه ماديا أكتر و ده له أسباب سهله و واضحه إن الناس ديه أكتر من يصرف ،أكتر من يشغل ناس ،أكتر من ينشء شركات و فرص عمل و دائما ديه مشكله في النظام الرأسمالي مش مصر بس ،ده عندنا هنا في اوستراليا الناس بتشتكي إن الاغنياء هم من يستفيدو من تخفيض الضرايب ،رد رئيس الوزراء و قال هي الناس ديه إلي بتدفع ضريب أكتر و هما إلي بيفتحو اشغل جديده و هما إلي بيوظفو ناس

بالنسبه لتردي الموجود في مصر فمن أهم اسبابه أنا و أنت و كل المصريين ،لاسف معظمنا عايش علي الكوسه و إن كانت بسيطه ،معظمنا بقت قيم حياتنا ماديه أكتر منها أدبيه ،لاسف معظمنا إنشغل بنفسه عن نفسه ،أنا كل ما أشوف مصري هنا في الغربه ألاقيه ناجح أعرف إن المصريين في الداخل جزء كبر من مشكله البلد ،البلد ديه فيها إمكنيات ماديه و عقليه تسمح لمصر بمكانه أفضل من إلي احنا فيه لكن لاسف الفساد الحكومي و الشعبي بيضيع ده

بالنسبه للأمراض إلي توطنه في المصريين فا ده موضوع كبير ،لكن من أهم اسبابه هو إنعدام الخدمه الطبيه الصحيحه ،إنتشار عادات غير صحيه علي الاطلاق و ده نتيجه إنعدام الوعي إلي أنا قلت عليه في البوست الاول ،و طبعا إنتشار الاجهزه الكبير إلي سمح لينا بالتشخيص و عايز اطمن حضرتك إن مفش مرض متوطن في مصر بس ،كل أمراض مصر متوطنه في غيرها ،حتي الكبدي الوبائي متوطن في أعلي دول العالم من ناحيه الرعيه الصحيه

أنا مش بقول الكلام ده عشان أقول إن الدنيا فل و إن الجو ربيع بلعكس ،مصر محتاجه شغل جدي ،شغل كتير لكن لست أذن إن الشغل ده ممكن يجي من رحم الاخوان أو حتي من حزب أيمن نور

[se_ Elsyed]

من أكثر الموضوعات التي قتلت بحثاً في المنتدى .. موضوع ملف التوريث وجت فترة علينا كنا ... ولا بلاش ...

طالما نحن أصحاب رسالة حقيقية لهذا البلد .. يبقى يجب أن نتحمل كل النتائج حتى لو على حساب حياتنا وحريتنا ..

ما علينا

----------------

الموضوع يستحق أن يُناقش كل يوم وكل ساعة

أنا لا أعترض أن يتولى جمال بيه مقاليد الحكم خلفاً للحج والده ..

ولكن هل هذا عدلاً يُرضي الله ورسوله ؟

هل لو أن مُنظم سباق سيارات ... هل من العدل أن أُعطي سيارة بورش لمتسابق ... وأخرى كارو أو عربية يجرها حمار هزيل لمتسابق أخر ... وأقول يالا يا جماعه بينا على حلبة السباق ؟

هذا ما يحدث بالظبط ..

عارف عارف

هاتقولوا وإيه مخلي المعارضة تسكت ... ههههههههههه

يا سادة أي حزب معارض لو نظم ولو حفل راقص خارج الشقة الأوضه وصالة اللي هي مقر الحزب ... بيتم أعتقال جميع الحاضرين تحت حماية قانون الطواريء اللي بيمنع التجمع لاكثر من شخص في مناسبة ما ( قصدي شخص خارج الحزب الوطني )

- شخص ..... أبوه يظبط له وضع سياسي فريد في العالم .... رئيس لجنة سياسات ..... يعني ولا رئيس الوزرا في زمانه ... واصبح رئيس الوزرا وجميع الوزرا يقفون أمامه كالتاكيت المبلوله ... واصبح الامر الناهي .. ومن يزور القرى الفقيرة ليغدق عليهم من أموال الدولة .. ويعدهم ويُمنيهم بالرخاء والرفاهية ...

- شخص .. ابوه يفصل له الدستور على مقاسه على يد أبرع الترزيه ...... ويضع شروطاً مستحيل ان تتحقق للمعارضة ومنها على سبيل المثال نسبة الـ 5 % اللي لازم يفوزوا بيها في مجلسي الشعب والشورى .... وهو يعلم تماماً إن حاجه زي مجلس الشورى كما كتبت من قبل منذ ان أُنشأ تقريباً سنة 76 لم يفز فيه من خارج الحزب الوطني إلا أشخاص يُعدوا على اصابع اليد الواحده لشخص عنده 3 صوابع في كفه والباقي فرمهم القطر ..

وإذا كانت أنتخابات مجلس الشعب يتم تزويرها من قِبل الشرطة حامية الحمى ويقف رجالهم ببندقيات القناصة بالقرب من لجان الإنتخاب لترويع من يتجرأ ويقول لا ، وتُدهس وجوه رجال القضاء الشرفاء تحت أحذية رجال الشرطة لأانهم اصحاب ضمير حي ...

فإن إنتخابات مجلس الشورى يتم تقفيل صناديقها من بابها في هدوء وسكينه ... وذلك بسبب ضغط اللجان الإنتخابية ... كما ان 99 % منا لا يعرفون فائدة أو مهام مجلس الشورى ...

إذاً في حالة ترشيح السيد جمال لنفسه عن الحزب الوطني وهو حق مكفول لكل مصري - بس بشرط يكون ابوه رئيس أو رئيس سابق - فلن يجد أمامه صريخ إبن يومين ينزل الإنتخابات وسيفوز بالتزكية ...

وإذا كان جمال باع البلد لأحمد عز وممدوح إسماعيل وجميع السادة أعضاء لجنة السياسات وهو لسه بدون منصب سياسي رسمي ...

إذاً المعادلة تقول إن في حالة وصولة للكرسي اللي هو قاعد عليه وبيقوم الصبح بدري قبل أبوه ما يصحى ويقعد عليه شويه عشان يجربه .... فسيتم بيعنا نحن الشعب المصري الـ 80 مليون ... في سوق العبيد ...

الرجالة يبقوا عبيد يخدموا تاني في السخرة والتراحيل ...

وحريمنا يبعتوهم يشتغلوا خادمات في دول الخليج بـ 600 ريال ...

ومش بعيد الست عيشه عبد الهادي الحاصلة على الإبتدائية - آه والله وزيرة معاها إبتدائية قديمة من قبل عبد الناصر .... هههههههه .. يا حلاوه ...ده أبويا الله يرحمه لو كان عايش كان زمانه بقى وزير ماليه دلوقت .. ما هو معاه إبتدائية قديمة برضوا دفعة عيشه وكان على دكه واحده معاها - مش بعيد نصحى نلاقي عيشه رئيسة وزرا في عهد جمال بك ... لأ بيك إيه .. ده هايبقى الخديوي جمال ساعتها

وتنزل عيشة بسيارات الحكومة تصطاد الحريم من الشوارع بشباك صيد الحيوانات وتشحنهم في مراكب لدول الخليج ... لفتح أسواق وآفاق جديدة للعمالة المصرية ...

أما الست مشيرة خطاب اللي قالت الأسبوع اللي فاتت .. إن عيب الحكومة المصرية إنها دلعت الشعب المصري أكتر من اللازم ... دي باقى تمسك وزيرة الداخلية ... عشان تورينا الدلع على أصوله ... يا دلع دلع يا دلع دلع ....

أنا مع جمال مبارك يا أخواننا

واضرب يا جمال أخر طلقه في راسنا خلينا نخلص ...

ما هو وقوع البلا ولا أنتظاره

[المهندس ماهر]

على اساس يتم توريث الحكم فى بلد جمهورى وليس بملكى =====وعلى اساس هل قدم مبارك شىء يشكر علية من قبل الشعب ===بالطبع لالالا===ولذلك نحن لا نرغب فى التوريث اى ان كان ====لان على ايدية تم خصخصة البلاد وتشريد العمال ===وافشاء الفساد على ايدى النظام ====وانتشار الرشاوى ===وتزوير ارادة الامة فى اى انتخابات تجرى ====فمن اين يأتى التوريث ومازال اعلى بطالة فى العالم يوجد بالشعب المصرى ====فمن أين يأتى التوريث واكبر موظفى الدولة من معدومى الدخل =====فمن هنا اقول لحضرتة ريح واستريح ولا داعى لسماع منافقين السلطة المستفيدة من النظام والتوريث ===لان اللة هو الوحيد المطلع على مايدور بالبطجون والعقول ====والسقوط الى الهاوية اسرع من الصعود اليها ......مع تمنياتى لمصرنا الحبيبة بمستقبل احسن من ذلك ....مصرى اصيل مهاجر الى كندا

[sayed_ossman]

هنا ابلغ دليل لماذا لا اريد هذة الحكومه او من فيها اورئيسها - او امين سياساتها

http://www.masrawy.com/News/Egypt/Politics...al_germany.aspx

[ذهبية]

اجابة واضحة و صريحة لا لا لا

ذهبية

[ziad]

هنا ابلغ دليل لماذا لا اريد هذة الحكومه او من فيها اورئيسها - او امين سياساتها

http://www.masrawy.com/News/Egypt/Politics...al_germany.aspx

معلش يا باشا مش فاهم إيه دخل حادث أليم زي ده بنقاش عن مستقبل السياسه في مصر

اعذرني لو في حاجه واضحه و فايتني

لو ينفع توضحلي الصله أكن شاكر جدا

[se_ Elsyed]

هنا ابلغ دليل لماذا لا اريد هذة الحكومه او من فيها اورئيسها - او امين سياساتها

http://www.masrawy.com/News/Egypt/Politics...al_germany.aspx

معلش يا باشا مش فاهم إيه دخل حادث أليم زي ده بنقاش عن مستقبل السياسه في مصر

اعذرني لو في حاجه واضحه و فايتني

لو ينفع توضحلي الصله أكن شاكر جدا

ممتاز

ممكن أنا أجاوب يا عمو ؟

مستقبل السياسة في مصر إسود إن شاء الله لو تولى جمال مبارك الحكم

أصل الجواب بيبان من عنوانه

والاخ اللي أقصى طموحاته أنه يشيل علم صغير وياخد مراته يروح يحضر ماتشات المنتخب أو يقف في المطار يقابلهم ...

في حين هناك 1030 شخص أبوه قتلهم وغرقهم .. فما شوفناش خلقته ولا سمعنا كلمة منه بالخير أو حتى يار اجل بالشر ساعتها ....

والأخ اللي أختفي في كارثة الدويقة

وبني سويف

و

و

و

و

وفوق ده كله .. مصر إتباعت لأصحابه أعضاء لجنة السياسات بيع وشرا ..

تفتكر ده يبقى مؤتمن على البلد لو تولى الحكم رسمياً ؟

عارف يا زياد بيه

أقسم الله وقسماً يحاسبني عليه المولى

لو كان جمال مبارك في مره قليل الأدب وطلع قال : حاسب يا عم إنت وهو .. في حاجه إسمها كرامه ... وطظ في ألمانيا وطظ في إسرائيل .... وإذا مصري إنجرح فكإن الشعب كله إنجرح ...

كلما مجرد كلام حتى وهو قاعد عالقهوة بيشيش ...

عارف كنت أول واحد هايروح يبصم برجله وإيده وينتخبه رئيساً مدى الحياه

إنما يا صديقي ... واحد إتربى في بيت كله خنوع وخضوع وإديني على قفايا وأنا أقولك كمان ... يبقى متوقع منه إيه ؟

هي دي مش سياسة برضوا ؟

ولا الكرامة وثمن الدم ليسوا مدرجين على أجندة أعمال لجنة السياسات ؟

[ziad]

كده يا باشا أنا فهمت القصد

لو كان المطلوب إن مصر تعمل مشكله عشان الأخت المصريه إلي إتقتلت في ألمانيا فمع تفهمي لداوفع طلب زي ده بس ديه مش الطرقه الصح لمعالجته

حضرتك ده حادث عارض قام فيه واحد بربري بقتل خصمه في المحكمه أمام قاضي و محلفين ،مش ممكن مع كل حادث عارض يحصل لمصريين في الخارج الحكومه تعمل مشكله ،كدة بقي حكومات الدول التانيه إلي بيموتلهة سنويا عدد و قدره في مصر من حوادث عرضيه و ارهابيه تعمل معنا مشاكل ،أظن الحل يكون دبلوماسي ،طلب زياده الحمايه علي أسر المصريين المغتربين هناك ،تعويض محترم لعائله البنت من الحكومه المحليه و الفدراليه الألمانيه نتيجه عدم قدرتهم علي حمايه مواطنه مصريه ،انما كلام طق حنك زي ما بيقول الأخوه الشوام مش هنستفيد ولا عائله البنت هتستفيد

بالنسبه لحوار إسرائيل ،للأسف أنا متفق معك ،مظنش إن ولا جمال ولا غيره ممكن يعملوا حاجه ،لاسف ثقافه الخنوع بقت هي الأقوي ،لكن في نفس الوقت أرجع اسئل نفسي مين من بدلاء الحكم ممكن متكنش عنده نفس الثقافه

أتمني يكون فيه ناس أنا معرفهمش مختلفين عن جمال في كل الحوارات ديه

بلنسبه لكوارث إلي حضرتك ذكرتها ،للأسف لا جديد ،مصر هي عزبه ،و أنا ونت من سكناها أو كنا أو هنكون ،قيمتنا أقل من تمن عربيه دايو موديل ٢٠٠٥ ،لا شعب منتبه لحقوقه و لا مسموحله بإختيار من يمثله ،تم تنويم الشعب ده بلرقص و الكره و الهيافات ،تم تحويل الابداع إلي وظيفه حكوميه ،تم نسف كل شيء كان ممكن يكون كويس ،في ظل كل ده ،جايلك شاب عنده ٤٥ سنه ،لا يملك من المؤهلات كتير لكن فيه فكر مختلف ،بيفكر في تغير البلد ،لو ممكن ديه تكون بدايه لإسترجاع العزبه يبقي ليه لا ،احنا قعدنا في صفوت الشريف و عاطف عبيد سنين ،دلوقتي بنقول نظيف ولا مغربي ولا ولا ولا

عارف إن جمال مش هو الحل بس مين هو الحل ،مين تاني ممكن يغير ،أرجوك لو تعرف أسماء ناس أخري تنفع عرفني

أنا بقالي ٤-٥ سنين بره مصر ،مش عرف الجديد

[se_ Elsyed]

أبداً أبداً

مش طالب مصر تعمل مشكلة ..

لكن زي ما قلت لك ..

نبقى قلالات الأدب .. بالكلام حتى .. مره واحده نصرخ .. مره واحده واحد مسئول يطلع يقول لأ .. كفايه ...

أنا ماليش دعوى بأسماء تصلح لحكم مصر ...

فكما قلت من قبل

أي شخص ولو زبال سوري يعني .. محترم ويعرف ربنا ... يقدر يحكم مصر ... بس يكون في نظام حكم محترم ...

يا سيدي الفاضل في دول محترمه أسامي رؤساءها مش معروفين ... تعرف رئيس وزراء اليابان ، سنغافوره ، كوريا الجنوبية ؟

عارف ليه ؟

عشان عنده سيستم ..

ييجي زيد يروح عبيد ... اقطر ماشي ومالوش دعوه بإسم السواق ...

لكن بما إننا عارفين إسم واحد سواق مقترح وهو جمال ... يبقى توقع إننا نلبس في الحيط عشان يبقى وشنا في قفانا ونخلص بقى ...