... أسئلة ومواقف طفولية ...

[Mohd Hafez]

أقف كثيرا متجمدا أمام أسئلة أبني الأصغر لي .. لا أعرف كيف أجاوب عليها .. أسميه Mr. Why .. فمن الممكن جدا أن يكرر كلمة Why على الأقل خمس أو ست مرات خلال الساعة الواحدة .. أي أنه يحرجنى إنسانيا خمس أو ست مرات في الساعة .. أمس وأثناء إنتظار أذان المغرب .. فجاءني بسؤال غريب قال لي

بابا..لماذا كانت أغنية (( الله أكبر )) يقصد الأذان هي الأغنية المفضلة عند الله ..هو (( الله )) لا يمل منها .. كثيرا ما يطلب بإذاعتها بشكل متكرر في التلفزيون ..هل هو يحتفل بعيد ميلاده .. فطلبت منه الإنتظار حتى أسائل الله أثناء صلاتي المغرب لأعرف السبب ..

وحاولت بعد ذلك الزوغان من السؤال .. لانني ببساطة لا أعرف كيف أجوبه على تلك الأسئلة .

على أي حال .. أنا فتحت هذا الموضوع .. للتعرف على خبرات الأباء والأمهات في كيفية تبسيط الأمور للأطفال بحيث لا تحتوي الإجابة على أي ثغرة تجعل الطفل يضيف على سؤاله سؤال أخر ..

تم تعديل 17 نوفمبر 2003 بواسطة EGYPT5

[فــيــروز]

على أي حال .. أنا فتحت هذا الموضوع .. للتعرف على خبرات الأباء والأمهات في كيفية تبسيط الأمور للأطفال بحيث لا تحتوي الإجابة على أي ثغرة تجعل الطفل يضيف على سؤاله سؤال أخر ..

فى الحقيقه موضوع لطيف جدا clp:: واول مره اسمع موضوع "اغنية" الله اكبر angl:: حقيقى كل ما اتصور ان سمعت من اسئلة الاطفال الكثير ولم يعد هناك ما يدهشنى منها اجد انه لا يزال هناك المزيد clp::

المهم لو تسمح لى حضرتك بس اعلق على الجمله الاخيره .. اعتقد انه شئ جميل ان يكون لدى الاطفال اسئله لا تنتهى .. على الاقل قبل ان يستطيعوا الاعتماد على انفسهم فى البحث عن اجابات لاسئلتهم تلك .. وليست مشكله ان يسال الطفل اسئله لا تنتهى ويكون هناك وعد بالبحث عن اجابه عنها مع الطفل نفسه لو لم تكن هناك اجابه حاضره فى نفس لحظة السؤال .. و اعتقد و الله اعلم ان هذا قد ينمى لدى الطفل القدره على البحث بنفسه ويشجعه على القراءه و الاطلاع

طبعا اللى ايده فى الميه مش زى اللى ايده فى النار و قد اكون انا باتكلم كلام نظرى عشان معنديش اطفال hpc:!: لكن حتى ذلك الوقت ده رايى والله اعلم

تم تعديل 3 نوفمبر 2003 بواسطة فــيــروز

[se_ Elsyed]

- تحضرني في هذا الموضوع نكته ظريفة

* واحد اخد أبنه ومراته وراحوا الهرم فالواد اول ماشاف الأهرام راح سأل أبوه : هو مين اللي بنى الاهرام دي ؟.. قال له : ما أعرفش ، قال له : طب هي أتبنت سنة كام ؟، قال له ماعرفش ، فسأله : طب بنوها إزاي ؟ قال له : ما أعرفش ، فأمه راحت قايلاله : يا واد أسكت بقى تعبت أبوك ، قال لها : يا ستي سيبي الواد يسأل أومال لو ماتعلمش مني هايتعلم من مين ...

انا الحمد لله الواد أبني لسه في مرحلة العبط يعني كافي خيره شره لا بيسأل ولا يستفسر ...

[KWA]

بسم الله الرحمن الرحيم

السلام عليكم ورحمة الله وبركاته

طبعا اسئله الأطفال لا تنتهي و دائما بيسألوا ...و في علم النفس التربوي فيه بما معناه ان الطفل لما يسأل سؤال مهما كان غريب بالنسبه لنا لابد ان نجيب عليه يطريقه مبسطه حسب سن الطفل و لا نتهرب من السؤال حتي لو احنا لا نعرف الأجابه ...في حاله عدم معرفتنا للأجابه ممكن نقوله....تعالي نبحث عن الأجابه و ساعتها سوف تجذب الطفل الي مصدر معلومات موثوق فيه و مصدر المعلومات ده ممكن يبقي كتاب ...صور....قصه...فيلم ....الأنترنت...علي حسب سن الطفل و علي الشئ اللي بيجذبه له....لأن اب و الأم في السنوات الأولي من عمر الطفل همالمصدر الوحيد لأشباع رغبه المعرفه عند الطفل ....ثم تبدأ مرحله اكبر تضم المدرسه و المدرس ....و بمساعدتنا لأطفالنا علي اشباع رغبه المعرفه و توجيهم التوجيه الصحيح لمصدر المعلومات سوف نجنبهم بذلك اللجوء لأحد غير موثوق فيه لأجابه عن اسئله الطفل.....في المستقبل

أسميه Mr. Why .. فمن الممكن جدا أن يكرر كلمة Why على الأقل خمس أو ست مرات خلال الساعة الواحدة .. أي أنه يحرجنى إنسانيا خمس أو ست مرات في الساعة .. أمس وأثناء إنتظار أذان المغرب .. فجاءني بسؤال غريب قال لي

و الله انا فرحان فيك ....اللي بتعملوا فينا ....بيتعمل فيك.....

hpc:!: angl::

ربنا يخلهولك

[Salwa]

صباح الخير...

فعلا موضوع جميل ومشوق ...ومهم جدا جدا ..

لان علي اساس اجابتك بتتكون لدي الطفل افكاره الاساسيه الراسخه عن الشيء اللي بيسال عنه..

انا اول مره انزل مصر ...وولادي سمعوا الآذان ...كان الفجر.

وفعلا ...مش ححكي حصل ايه افضل ؟؟؟؟

وبعدها لما اصبحوا يسمعوه 5 مرات في اليوم ...واحنا نصلي ونقول حان وقت الصلاه ...

بدءوا يسالوا ....وقلنا لهم ..ربنا بيحبنا جدا ...زي ما احنا آباء لكم ...ربنا ابو الدنيا كلها..

وهو كده بينبهنا اننا نقوم نصلي ومنعملش حاجات وحشه ...وكمان نطلب منه كل اللي احنا عاوزينه..

ولما سالوا ...طيب ازاي وهو بعيد حايسمع ؟؟؟

قلنا لهم علشان كده الناس بتقول في الميكروفون .....هو يسمع وكمان باقي الناس تسمع وتيجي تطلب اللي هي عاوزاه ...

وفعلا كانوا بيقولوا ...ماما ...قالوا ..موسيقا الصلاه ....

وبدءوا يتعلموا الوضوء والصلاه شويه شويه ..

مش لازم تدي الاولاد شرح معقد...

طيب مره سالوني ....ليه ممنوع الرجل العادي يلبس دهب في الاسلام ؟؟؟

ولما سا لتهم يعني ايه العادي ؟؟؟

قالوا لي ...بيطلع في التلفزيون ملك عربي لابس ...ملايه دهب ...

والمذيعه قالت ان حمامه دهب .....هو ده ما مسلم ؟؟؟؟

وقلتلهم ....لا....ده مش مسلم ....بس خايف من باباه وعلشان كده بيقول انه مسلم ..

وسالوني ...خايف من باباه ...اكتر والا اقل ما بيخاف من ربنا ؟؟؟

ابني رد قال لاخته ....انتي مش بتفهمي ...هو مش خالف من ربنا علشان ربنا بعيد مش بيزعق

آدي الولاد...........

كله بالهداوه ...وحذار من الاجابه الغلط...

الاطفال في منتهي الذكاء...

سلامي.

[Cleo]

ابني رد قال لاخته ....انتي مش بتفهمي ...هو مش خالف من ربنا علشان ربنا بعيد مش بيزعق

:D :D :D :D :D :D :D

[Mohd Hafez]

شكرا على الردود .. لا جدال بها قدرا ممتازا من الخبرات .. أتمني أن يكون عندي الوقت والصبر في أن أنفذ نصيحة الأخ KWA .. أسلوب جيدا فعلا .. لجذ الأطفال إلي القراءة والإطلاع .. وهذا نفس الأسلوب الذي كنت قد بدات به معهم . إلا كل سؤال منهم يحتاج لإجابة مبسطة للغاية .. وعملية التبسيط هي المشكلة وليس الإجابة .. وخاصة تلك الإجابات المتعلقة بمفهوم .. الله .. فالله والشيطان .. بالنسبة لهم موضوع كبير جدا .. فعلى سبيل المثال وليس الحصر . أمس وجدت شخبطة على الحائط بالألوان .. والمنزل لازال جديد بشوكه .. وثمنه لازال في ذهني دائما .. وعندما أجد شخبطة على الحائط يعني بالنسبة شئ كبير نسبيا .. وعندما أجريت تحقيق معهم ..دلت الأدلة أن البنت الصغري هي وصديقتها هما المذنبان .. وعندما حاولت أوبخها على ذلك .. كانت الإجابة .. أنها رأت الشيطان الوحش الأسود .. يمسك بالأولون ويشخبط على الحائط .. وهي وقالت له لا تشخبط .. وأنها سوف تنتظر رجوع أبوها .. أنا .. حتى تطلب منه أن يتحدث مع الله علشان يضرب الشيطان .. ووصل بها درجة الإيمان إلي أنها متأكدة من ان الله سيضرب الشيطان عقابا له .. وبالطبع لا أريد أن أثير شكوك في فهمها لمعني .. الله .. فصدقت على كلامها .. مؤكدا بأن الله سيعاقب الشيطان على فعل هذا . ورجوتها أن لا تسمح للشيطان بالشخبطة على الحائط مرة أخرى .. وألزمتها مهمة مراقبة الشيطان .. إذا راته مرة أخرى يشخبط على الحائط .. فعليها أن تنادي . لماما .. أو أن تنتظر منى علقة بالحزام لعدم منع الشيطان .. وبذلك مسكت العصى من النصف .. KWA Wrote:

و الله انا فرحان فيك ....اللي بتعملوا فينا ....بيتعمل فيك...

عارف يا أخ .. كو ..أجمل حاجة في المجتمع الماليزي .. أنهم لا يخشون البحث . حتى في الممنوع .. أو فيما يبدوا غريب لدي البعض .. كثيرا ما أسهر في منزل رئيس الجامعة السابق التي أعمل بها .. في سهرة ثقافية .. تبدأ دائما بمناقشة السياسية المحلية .. ثم الشرق الأوسط .. ثم تداعيات 911 .. ثم ربط كل هذا بالدين الإسلامي..ثم التحول لمناقشة باقي الأديان وخاصة اليهوديةوالمسيحية .. وتكون الندوة مثمرة جدا .. والجميع يتحدثون بصراحة ولا يخشون من الدخول في الممنوع .. المهم أن نصل لقناعة حول أي من الأمور .. ولكن للأسف الشديد .. بمجرد شعورك أنك وصلت لقناعة معينة حول أمر ما .. تجد بعد عدة أيام أنك واهم ..وهناك علاقات جديدة قد نضجت في عقلك تحتاج لمزيد من التوضيح .. بصراحة أجمل ما في حياتي خلال العشر سنوات الماضية .. هي تلك الجلسات والتي غالبا تنتهي قبل الفجر بدقائق..

فعذرا .. لو أكثرت عليكم بالأسئلة .. ولكن صدقني هناك أسئلة كثيرة جدا .. لا أعلم لماذا لا تخطر على بال أحد ليستفسر عنها .. وجميعها واضحة وضوح الشمس وتطلب لها تفسير

[فــيــروز]

.. أو أن تنتظر منى علقة بالحزام لعدم منع الشيطان

:D ليه كده بقىىىىىىىىىى :P انا عارفه طبعا ان دى امور عائليه لا يصح التدخل فيها :D بس اكيد حضرتك عارف يعنى ان ده مش اسلوب مثالى :)

[Mohd Hafez]

بس اكيد حضرتك عارف يعنى ان ده مش اسلوب مثالى

صدقني.. مسك الحزام في اليد فقط بحد ذاته .. وضرب المخدة على السرير كم مرة .. مع كم شخطة .. كافي جدا أن يعدل كافة الأمور ويرجعها .. تقريبا إلي نصبها .. هذا هو المقصود بالعلقة

[فــيــروز]

طيب الحمد لله :P

ممكن نستكمل النقاش فى الموضوع ده حول الاسلوب الامثل لمعاقبة الاطفال؟ ولا نفتح موضوع جديد؟ اصل الصراحه انا مش من انصار فتح مواضيع جديده :)

[ragab2]

كتب سى السيد

واحد اخد أبنه ومراته وراحوا الهرم فالواد اول ماشاف الأهرام راح سأل أبوه : هو مين اللي بنى الاهرام دي ؟.. قال له : ما أعرفش ، قال له : طب هي أتبنت سنة كام ؟، قال له ماعرفش ، فسأله : طب بنوها إزاي ؟ قال له : ما أعرفش ، فأمه راحت قايلاله : يا واد أسكت بقى تعبت أبوك ، قال لها : يا ستي سيبي الواد يسأل أومال لو ماتعلمش مني هايتعلم من مين ...

حلوة

الله ينور

fsh:: :P :)

[KWA]

فعذرا .. لو أكثرت عليكم بالأسئلة .. ولكن صدقني هناك أسئلة كثيرة جدا .. لا أعلم لماذا لا تخطر على بال أحد ليستفسر عنها .. وجميعها واضحة وضوح الشمس وتطلب لها تفسير 

بسم الله الرحمن الرحيم

السلام عليكم ورحمة الله وبركاته

تعتذر عن ايه يا اخي الفاضل ...انا شخصيااشكرك علي اسئلتك اللي جعلتني ابحث معك عن الأجابه و لأكون امين معك ليس كل الأسئله رغم البعض يجنن و لكن عايز اعرف ....و لومكناش نسأل و نجيب عمرنا ما هانعرف شئ حتي الخطأ من الصواب و اشكرك مره اخري ....

[Farida]

بناتى رجعوا النهارده من الإمتحان واحده جايبه النمره النهائيه و التانيه ناقصه خمس نمر و طبعا بعد التبكيت و التنكيد على اللى نقصت نمر فوجئت بها و سط دموعها المنهمره بتقول لى انا كنت با قرأ قران قبل ما اجاوب و مع كده ربنا خلانى اجيب النمر دى ليه بقه ؟؟؟؟؟؟ و ابتدت تتسال بصوت عالى ليه بقه ...... و بعد ما هديتها قلت لها ربنا بيساعد الواحد لما الواحد يعمل اللى عليه الول بس ان جيتوا للحق كنت عايزه اجابه اكثر اقناعا حد عنده الإجابه دى ؟؟؟؟؟

[بنت شعنونة]

مرة كنا عند عمي

ف اخويا الصغير "4سنوات" كان في البلكونة

وكنا بالليل وقدامنا البحر مباشرة

ف هوا كان شايف انوار المراكب اللي بتبقى في البحر بالليل قدامه

فاقينا بيشاور عليها وهوا مبسوووط اوي ويقولنا

طيااااااااااارة

:unsure: mfb: :o

طبعا احنا تنحنا

وحاولنا نفهمه انه النور دا بتاع مركب وانه الضلمة دي بحر مش السما

ابدااااا

مافش فايدة

هيا دي السما والنور طيااااارة

يا ابني الضلمة هيا اللي عاملة معاك اللبس دا

مافيييش امل

طيييييااارة يعني طييياااااارة :lol: :lol: ups:

[amir]

و بعد ما هديتها قلت لها ربنا بيساعد الواحد لما الواحد يعمل اللى عليه الول بس ان جيتوا للحق كنت عايزه اجابه اكثر اقناعا حد عنده الإجابه دى ؟؟؟؟؟

كلامك مظبوط 100% و أعتقد أن دى لازم تكون الأجابه الصحيحه

لأننا لازم نعمل اللى علينا الأول ثم بعد ذلك نطلب التوفيق من الله سبحانه و تعالى ، و لا نكتفى بالدعاء فقط بدون عمل لأن ذلك قد يؤدى الى نوع من التواكل و السلبيه .

[Mohd Hafez]

أمس الأول .. السبت .. قررت أخذ الأولاد وأمهم والذهاب لشراء ملابس العيد للأولاد .. وأثناء قيادتي للسيارة ذاهبين لوسط البلد .. طلبت أبنتي الصغيرة ( 4 سنوات ) مني الذهاب للجزيرة علشان النهاردة أجازة ( تقصد الذهاب لشاطئ البحر ) .. فقلت لها .. ما فيش جزيرة اليوم .. نشتري ملابس جديدة أفضل وبعدين نذهب للجزيرة في العيد .. فهاجت وماجت . وخبطت في أمها وأخواتها .. وتنططت عايزة تروح الجزيرة .. وأنا مصر على الذهاب لوسط البلد ..

فجأة .. سكتت تماما لمدة دقيقتين .. تخيلت أنا إن الموضوع إنتهي .. وأقتنعت برأي ..

وإذا بها تخلع ساعة اليد ( اللعبة ) من يديها .. وتمسكها على شكل بندول .. وترسم على وجهاا نوع من الجدية والإصرار .. ثم تضع الساعة أمام عيني وأنا أقود السيارة .. ثم بدأت تتكلم من معدتها بصوت ( مسرسع ) ..

باااااااابا ... أنظر لهذه السااااعة ..

فنظرت إلي الساعة ..

ناااااااام ... ناااااااام ...

إحلللللم ... إحللللللللم

روح الجزييييييييرة .. روح الجزييييييييرة.

فنظرت إليها في حالة من الإستغراب .. إنها تحاول أن تنومني مغناطيسا لإجباري على الذهاب للجزيرة .. وسألت امها .. هي البنت دي تعلمت الأشياء دي فين .. فأجابت .. أسائلها هي تعلمت التنويم المغناطيس فين .. !!!!!

[darker19]

الموضوع ده فكرني ببعض المواقف إلي حصلت معايا زمان و أنا صغير.

فاكر في مرة كنا مسافرين بالبر و أويا كان ماشي بسرعة فأمي قالتلة خالي بالك من الطريق علشان يهدي بس في نفس الحظة كان في عربية نقل جاية في الإتجاة التاني فأنا فكرت إن العربية النقل دي إسمها طريق, فإستلمتة أبويا كل ما أشوف عربية نقل أصرخ بابا بابا خلي بالك الطريق جاي يا بابا فيالأول ضحك بس إظاهر لما زودت الحد حب يفهمني إني دي إسمها عربية نقل مش طريق و أنا أصريت إن إسمها طريق المهم جي في مرة وقف في محطة بنزين و لقيتة خدني من إيدي و راح يكلم راجل بعدين ببص لقيت الراجل بيقولي أنا سواق العربية دي دي إسمها عربية نقل مش طريق بس فأنا إقتنعت بس كمان شوية سألت بابا طب لما دي عربية نقل أمال إيه الطريق؟!!! مش متذكر رد الفعل بصراحة fwrk: cnst: hypr:

فنظرت إليها في حالة من الإستغراب .. إنها تحاول أن تنومني مغناطيسا لإجباري على الذهاب للجزيرة .. وسألت امها .. هي البنت دي تعلمت الأشياء دي فين .. فأجابت .. أسائلها هي تعلمت التنويم المغناطيس فين .. !

هيا غريبة فعلا بس السؤال هوا التنويم المغناطيس ده حقيقي؟ موجود يعني؟