مش عارف اسميه ايه انتم سموه - تشكيلة من كله

[بندق أفندى]

لا عارف الفكرة جت ازاى ولا عارف ليه ..

المهم هى بطاطس تقطع شرائح رفيعة وجزر كذلك .. فطر من الكبير يقشر (بدون غسل) وواحدة كرات (leeks) وقرن فلفل شيلى حراق مسكر .. ومقانق لحم ونقانق رومى ... سبراجيروس (هليون) ملفوف عليه لحم مقدد وشرائح صدور كذلك ملفوف عليها لحم مقدد .. نرش عليهم ملح خفيف ونعمل لهم خلطة من خل عنب وخل بلسمك وزيت زيتون وليمون .. بنسب متساوية وملح .. وندخلهم الفرن فى صينية لمدة 20 دقيقة أول 5 دقائق تكون مغطاه بفويل

اللحمة المشوية متبلة فى نفس التتبيلة حوالى .نص ساعة .. ثم توضع على الجرل حتى تنضج وكل خمس دقائق نسقيها من نفس الصوص ..

وهنا وعافية

تم تعديل 2 يوليو 2009 بواسطة بندق أفندى

[doudy]

هوة كوكتيل غريب فعلا

بس شكله تحفة يفتح النفس بصحيح

تسلم ايديك يا بندق :sad:

[بندق أفندى]

هوة كوكتيل غريب فعلا

بس شكله تحفة يفتح النفس بصحيح

تسلم ايديك يا بندق :sad:

الله يخيلك .. الطبق ده طبق تقديم كبير بيشيل ديك رومى من الحجم الكبير .. حطيته جنبى أكلت لما تعبت .. وقمت نمت وبعدين بجعت له تانى حتى أتيت عليه .. طبعا لا خبز ولا رز ما ينفعش .. بس هى أكلة تمام أوى .. وتغيير

[MZohairy]

بندق افندي

تبريكات عظمتكم

عايز اعمل حواوشي زي بتاع الشارع (المتغطي بجرايد ده ...فاكره؟)

نفس الريحه

و نفس الطعم

مش مهم ايه الطريقه و مدى دناءتها

الغايه عندي هنا تبرر الوسيله :sad:

ورينا بقى

تم تعديل 2 يوليو 2009 بواسطة mzohairy

[doudy]

الله يخيلك .. الطبق ده طبق تقديم كبير بيشيل ديك رومى من الحجم الكبير .. حطيته جنبى أكلت لما تعبت .. وقمت نمت وبعدين بجعت له تانى حتى أتيت عليه .. طبعا لا خبز ولا رز ما ينفعش .. بس هى أكلة تمام أوى .. وتغيير

فعلا فى الحر دة الواحد محتاج التغيير دة

احنا زهفنا من الاكل المسبك و الحاجات التقيلة محتاجين نواشف كدة و حاجات خفيفة :sad:

[بندق أفندى]

بندق افندي

تبريكات عظمتكم

عايز اعمل حواوشي زي بتاع الشارع (المتغطي بجرايد ده ...فاكره؟)

نفس الريحه

و نفس الطعم

مش مهم ايه الطريقه و مدى دناءتها

الغايه عندي هنا تبرر الوسيله

ورينا بقى

شوف يا اكسلانس الموضوع بسيط خالص .. يتخلص فى 3 حاجات .. البصل والبهارات واللحمة المدهننة .. وطبعا الرغيف نص سوا ..

هتفرم بصل ناعم بحيث يكون تقريبا ثلث اللحمة .. واللحمة هتكون ملبسة على الأخر .. ومش هتطلع بنفس النتيجة لو حطيت لحمة حمرا خالص مع دهن ..

تتبلهم سعادتك مع معلقة هيل مطحون وفلفل أسود وملح حسب الذوق .. وقرن شطة حراق أو أكثر .. وبعدين تحشى الرغيف وتلفه وتدخله فرن حامى ,, حوالى 15 الى 25 دقيقة حسب سمك الرغيف ودرجة تحمل الخبز (يعنى نى قد ايه قبل دخوله الفرن) .. بس

انا مجربه مرات وبيطلع زى اللى فى بالك بنسبة كبيرة جدا ...