مشروعات التخرج

[عادل أبوزيد]

تخرج أمس الفاضل براود مسلم من هندسة عين شمس " و ما أدراك ما هندسة عين شمس" و الواضح إنه تخرج فى دور نوفمبر (إبنى تخرج أيضا نفس الكلية و نفس الدور و كان إمتحانه فى مادة التشريعات !!!)

معظم الخريجين فى معظم الكليات يمرون بتجربة مشروع التخرج و عادة تكون أول مرة تقع عيونهم على لفظة مشروع.

و كثيرا ما تبدأ فكرة المشروع بأحلام تطاول السحاب .... و بعدها مع ضغط الوقت أو الإمكانيات المادية أو غياب المشرفين أو ..... أسباب أخرى كثيرة

أقول كثيرا ما يكون المشروع فى صورته النهائية شئ مختلف تماما عن الأحلام الوردية الأولى.

هذه دعوة للجميع أن نشترك معكم فى الحديث عن مشروعات التخرج الخاصة بكم ... هذا الحديث قد يستفيد منه من هم فى السنوات النهائية أو ربما قبل النهائية و كذا قد يستفيد منه من قد يكون دوره الإشراف على مشروع تخرج (أو رسالة )

إذا كنت قادرا على شرح فكرة المشروع كما وددت أن تتم فلا بأس أن تفرد موضوعا خاصا تبدأه ب "مشروعات التخرج - "

أعتقد أنك هناك مردود إيجابى لهذا الموضوع

[فــيــروز]

معلش استفسار بسيط

يا ترى حضرتك تحب نشرح افكار مشروعات التخرج بتاعتنا ولا التجربه نفسها ولا ايه بالظبط؟ موضوع شيق وله ذكريات لطيفه :D

[عادل أبوزيد]

معلش استفسار بسيط

يا ترى حضرتك تحب نشرح افكار مشروعات التخرج بتاعتنا ولا التجربه نفسها ولا ايه بالظبط؟ موضوع شيق وله ذكريات لطيفه :)

حبذا لو شرحنا أفكار مشروع التخرج كما كنت تتمناها أو تصورتها و أيضا التجربة الفعلية و كما ذكرت هناك مليون سبب لأنك لم تستكمل المشروع كما تصورته فى البداية.

هناك من ستسعفه الذاكرة بشرح شبه كامل لمشروع التخرج و البعض الآخر لم يبق فى ذاكرته إلا صورة عامة عن تجربته.

[ragab2]

بصراحة

مشروع التخرج كما ذكر أخونا الفاضل عادل أبو زيد

قد يبدو فى الأول أنه اكتشاف وحق الابتكار ولكن فى غالبية الأحوال تقوم به مراكز متخصصة نظير أجر معين وتشرحه للطلبة والذين يتقدموا به للاستاذ على أنه من ابتكارهم

وهذا ماحدث مع ابنى تماما فقد قدم مشروعا عن الحاسب الآلى هو وزملائه وتسلموه جاهزا من أحد المكاتب التى تخصصت فى عمل مشاريع التخرج نيابة عن الطلبة نظير بضعة آلاف قسمت على ستة طلبة وطالبات

[Handicraft]

مشروع التخرج الخاص بى كان عبارة عن عمل برنامج يقوم بتحويل العمل فى أى منشأء الى قاعدة بيانات بدون الحاجة إلى وجود خبير فى انشاء قواعد البيانات يعتمد على النظم الخبيرة

"Logical Database Design using expert systems"

الحقيقة اللى باعترف لنفسى بيها باستمرار إنى مفهمتش المشروع ده غير فى مناقشة المشروع ودى حاجه يؤسف ليها بس أنا أعترف ان كان فيه قصور فى المشروع والكلام النظرى اللى بيدرس يختلف جملة وتفصيلا عن التطبيق العملى.

للأسف المشرفين على مشروعنا لم يهتموا بتوجيهنا لنفهم ولكن فقط لنعمل مثل الآله وكانت النتيجة المشروع عمله المعيدين اللى أشرفوا علينا فى المنزل طبعا بدون علم احد فى مقابل طبعا.

الغريب فى الموضوع انى حاليا مؤهل أكاديميا فى تحليل وتصميم النظم وقواعد البيانات وإدارة المشاريع وتطبيق نظم إدارة موارد المنشآت ERP بالرغم انى خرجت من الكلية وانا مش فاهم المشروع اصلا غير فهم بسيط من مناقشة المشروع.

طبعا اتمنى لو كان حد وجهنى اتحرك ازاى وفى اى اتجاه من الأول كان وفر عليا جهد سنين ...

نسيت اقول انى اتخرجت من هندسة عين شمس نوفمبر 95 :) كمبيوتر وتحكم آلى

[فــيــروز]

Distributed Control Systems

ده كان موضوع المشروع بتاعى .. انا درست فى قسم كهربا :P فى كلية الهندسه جامعة القاهره واتخرجت سنة 97

الشمروع باختصار كان بيتكلم عن كيفية التحكم فى منشاه صناعيه او محطة كهرباء مثلا عن طريق برمجة بعض الاجهزه المتخصصه بحيث يكون التحكم موزع على جميع نقاط تلك المنشاه .. وكان الهدف من المشروع التعرف على تلك الاجهزه و تعلم برمجة المستويات المختلفه منها

الحقيقه المشروع قمنا بالعمل فيه تحت اشراف من يسمون "مساعد باحث" .. ودول خريجين سبقونا و كان تقديرهم مرتفع لكن ليس للدرجه التى تؤهلهم للعمل معيدين بالكليه فكانوا بيشتغلوا مع الدكاتره بهذه الصفه و يحضروا ماجستير و دكتوراه و يشرفوا على طلبة المشاريع

المشروع فى الحقيقه كانت السلبيه الكبيره فيه اننا بدانا العمل الفعلى فيه فى ا لشهر الاخير من الدراسه اللى بيبقى مخصص بالكامل له .. طول السنه كنا بناخد محاضره واحده اسبوعيا ودى تقريبا ماكانتش بتكفى حاجه عليها القيمه

اكبر مشكله واجهتنا فى نهاية المشروع هى مرحللة ال documentation لاننا لم نبدا فيها سوى متاخر جدا .. ولكن كان السبب ان الصوره النهائيه للعمل لم تتبلور فى ذهننا سوى مع نهاية المشروع .. الحقيقه الشئ المهم جدا اللى اتعلمته من المشروع انه ما حك جلدك مثل ظفرك .. لان كل المعلومات اللى عرفتها من المشروع كانت عن طريق قراءتى فى ال manuals لان المشرف علينا كان بيذلنا عشان يجاوب على اى سؤال و ده كان بيخلينى افضل البحث عن الامر بنفسى بدل من ذل السؤال :)

تقريبا انا لم استفد باى شئ من المشروع لان عملى الحالى لا علاقه مباشره له بدراستى

لكن اللى اقدر اقوله اننا الحمد لله اشتغلناه كله بنفسنا من غير مساعدات غير قانونيه :D واعتقد ان الدكتور المشرفف علينا كان بيقدر يعرف كويس مين اشتغل بنفسه ومين ماشتغلش بمجرد سؤال بسيط او ملاحظه خلال مناقشة المشروع .. و بس :D

[Proud Muslim]

..احم احم ..

نعم تخجرت في دور نوفمبر .. :lol: بعد طول عذاب ..بس الحمد لله على كل شيء ..قدر الله و ما شاء فعل ..

مشروع التخرج .. هم كبير في السنة النهائية .. عانيت بسبب هذا الشروع جدا .. ليس لصعوبته و لكن لأن اختيار المشروع و الدكتور المشرف هو المعضلة ..

يعني .. هناك دكاترة .. تطرح مشاريع قمة في النظرية .. و لا يوجد تطبيق عملي .. مجرد ابحاث .. و انا اظن أ ن هذه وظيفة طلبة كليات العلوم و ليس الهندسة .. و لكن النظام في مصر كله غريب .. يعني جات على الهندسة .. ما علينا

هؤلاء الدكاترة .. عايزين يريحوا دماغهم .. يعني هو دكتور كبير و قد يكون استاذ كمان .. و لكن لا يريد ان يتابع و يصحح و يعدل و ينظم .. يريد مشروع ينتهي في شهر أو شهرين على الأكثر ..

و هو لأنه قديم و واصل في الكلية ..فهو يضمن للطلبة تقدير امتياز في المشروع .. فيهرع الطلبة اليه لأن بعضهم أيضا لا يريد وجع دماغ !!

في بداية العام الماضي ..

طرحت عدة مشاريع كان الكثير منها هو مجرد تطوير و تحديث لمشاريع سابقة ..

كان هناك مشروع تطوير ماكينة تشغيل معادن تقليدية لتصبح CNC machine أي تعمل مبرمجة لتعمل أتوماتيكيا .. المهم تقدمت انا و زملائي للمشروع .. و تقدمنا للدكتور .. وافق في البداية .. ثم وجد أن تقديرات السنة السابقة لنا ( السنة الثالثة ) لم تكن على القدر الكافي .. فيعني لم يكن مشجعا ..

سبحان الله ..الرجل مرض و دخل المستشفى .. و اصبح في حالة لا تسمح له بالمتابعة ..

راح اول مشروع :D

تقدمنا لدكتور آخر و هو ضليع في علمه و رجل تعلمت منه الكثير و الكثير مع انني كنت على خلاف معه .. و لكن فضله على رأسي .. ربنا يحفظه و يديله طولة العمر ..

المهم كان المشروع عبارة عن عمل rolling machine أي ماكنية درفلة معادن ..يعني ندخل قطعة معدن .. تخرج على شكل ألواح ..

الماكينة ضخمة جدا .. و معقدة من الناحية التصميمية و بها الكثير من الفنيات ..

تكاليفها كانت ستكون أكثر من 50 الف جنيه !!

من سيتحمل ؟؟

اقترح الدكتور البحث عن ممول ..فقال أنه سيخاطب أحد شركان الصلب لكي تدعم المشروع مقابل عمل نسخة طبق الأصل للشركة ..

قلنا موافقون ..

المهم ..الرجل كسرت رجله .. :unsure:

قلنا الله يشفيه .. و هو من النوع الذي لا يفضل أن يدخل عليه طلبته و هو مريض .. يعني .. حتى لا يرى في موقف ضعف !! :o

قلنا ماشي ..

فضلنا اسبوعين .. نعمل و نحسب و نصمم .. و فوجئنا به ..يقول انتو مش بتوع شغل !!!

قلنا ايه ؟؟

قال ايوه .. المفروض نكون بدأنا تصنيع ( هذا الكلام في نهاية الترم الأول ) !!

المهم .. كلمنا ناس تانية لهم دلال عليه .. و لكن مفيش فايدة !!

لا أدري ما الأسباب الحقيقية وراء تركنا .. قد يكون انه لم يرد أن يحرج نفسه و يحرجنا في مسألة التمويل ..!!

بدأنا و نحن في اوائل الترم الثاني البحث عن مشروع .. الناس كلها كانت قد بدأت في التصنيع أو على الأقل في نهاية مراحل التصميم و البحث .. و نحن في أول الطريق !!

عرض علينا مشروع من دكتور أعتبره من مواهب مصر .. و لكن للأسف ..لأنه في مصر .. فسيظل في الظل .. حسبنا الله و نعم الوكيل ..

المشروع عبارة عن ونش شوكة .. بالاشتراك مع قسم كهرباء القوى .. و نحن علينا الجزء الميكانيكي .. و هم عليهم الكهرباء و التحكم ..

قلنا ماشي ..

لم نوفق في ذلك أيضا !! ups:

عرض علينا نفس الدكتور مشورع عمل الغسالة ... قلنا هانعمل غسالة !!

بعد كل التعليم ده .. نعمل غسالة !!!!!!!!!!!!! mfb:

و لكن وجدنا الفكرة جديدة ..

فهي لا تعمل بموتور عادي .. و لكن تعمل بضخ المياه داخل الحوض بسرعة و اتجاه معين .. و تتم عملية الغسيل .. :D

المهم .. أطرف ما في الموضوع

ان الدكتور الثاني ( الذي كسرت قدمه ) كان في لجنة المناقشة .. و بعد النقاش ..صفق لنا .. و قال ( الدكتور عرف يعمل من الفسيخ شربات ) ! :D :D

و الحمد لله .. حصلنا على امتياز ..

في الحلقة القادمة .. مشاكل المشروع ..

تباعونا ..

هذا البرنامج برعاية .. غسالات .. العربي ..

:lol:

تم تعديل 8 نوفمبر 2003 بواسطة Proud Muslim

[فــيــروز]

الحقيقه واضح ان قدمكم على كل دكتور اشتغلتم معاه كان قدم السعد mfb:

عشان كده اقترح تسموا غسالتكم "قدم السعد" وتبقى بعدد اقدام 2X

حيث X هو عدد طلبة المشروع :unsure:

طبعا انا باهرج ويا ريت ماتزعلش ..

بس فيه ملاحظه فنيه

ليه معظم السطور طاير منها الكلمه الاخيره تقريبا؟

[Lancelot]

كسرت كل دكاترة الهندسة يا عم براود ..... :lol: ups: :D :D

كمل من فضلك ديه باين عليها حكاية .....

و بعدين مش فاهم موضوع دفع المياه في الحوض ده :unsure: mfb: :o :lol: ... ممكن توضح شوية ....

[Lighthouse]

موضوع شيق جدا

وفكرة جميلة صراحة

كأني كنت عايشة مع كل شخص فيكم في تجربته الخاصة :D

كمل اخي براود مسلم

حكايتك مثيرة وكلها ضحايا :blink:

بس باين عليها فعلا ممتعة :D

[afiona]

بعد طول عذاب ..بس الحمد لله على كل شيء ..قدر الله و ما شاء فعل

مبارك وكفارة يا زين الرجال، المهم إنك تخرج سليم من المهندس خانة.. و بالأخص قسم الميكانيكا

يعني .. هناك دكاترة .. تطرح مشاريع قمة في النظرية .. و لا يوجد تطبيق عملي .. مجرد ابحاث .. و انا اظن أ ن هذه وظيفة طلبة كليات العلوم و ليس الهندسة

.. لأن التعريف الأساسي للهندسة غائب عن أدهان الكثير بما فيهم الأساتدة الأفاضل في كليتنا الموقرة... هناك من ينظر للمهندس على إنه خريج علوم يعبر عن الظواهر الطبيعية بمعادلات رياضية فقط دون وجود تطبيق عملي مفيد وبثمن معقول وإرتباطه بدراسة جدوى، وهناك من ينظر لمهندس على إنه فنى يصلح فقط دون أن يستغل تعليمه في التصميم، ربما بسبب عدم وجود أي صناعات ثقيلة وطنية.

الماكينة ضخمة جدا .. و معقدة من الناحية التصميمية و بها الكثير من الفنيات ..

تكاليفها كانت ستكون أكثر من 50 الف جنيه !!

غالبا كانوا هايستخدموها في ورشة الكلية و إنتم عمالة ببلاش ومش مشكلة يطاعوا عينيكم ...

فضلنا اسبوعين .. نعمل و نحسب و نصمم .. و فوجئنا به ..يقول انتو مش بتوع شغل !!!

كلام محبط بس عادي في مؤسستنا التعليمية بصفة عامة.. كيف تقتل الطموح في نفس الشاب... ولا يهمك

قال ايوه .. المفروض نكون بدأنا تصنيع ( هذا الكلام في نهاية الترم الأول ) !!

واحد دكتور فى سنة ثالثة ميكانيكا دخل في أول محاضرة في الترم و شخط فينا وقال إن إحنا متأخرين جدا في المنهج.... متأخرين إزاى يا أبو رشا( الإسم الحركي للدكتور) ومنهج إيه اللي لازم يخلص حياك الله.... إحنا فى إبتدائى؟

ان الدكتور الثاني ( الذي كسرت قدمه ) كان في لجنة المناقشة .. و بعد النقاش ..صفق لنا .. و قال ( الدكتور عرف يعمل من الفسيخ شربات ) !

السم فى العسل..!!!

الحمد لله .. حصلنا على امتياز ..

ألف مبروك

في الحلقة القادمة .. مشاكل المشروع ..تباعونا ..

يا ريت فعلا تواصل الحكايات الهندسية الدراماتيكية المعبرة عن واقع الشعب الهندسي المطحون.. علي فكرة الشباب في الكليات الأخري بيفتكروا إن إحنا فشارين من هول الحكايات وكمان شباب الأقسام الفافي و السكومونوس الأخري في كليات الهندسة الغير ميكانيكيين برضو حكاياتهم تعبانة قوي بالمقارنة بميكانيكا.....

[فــيــروز]

يا ريت فعلا تواصل الحكايات الهندسية الدراماتيكية المعبرة عن واقع الشعب الهندسي المطحون..

علي فكرة الشباب في الكليات الأخري بيفتكروا إن إحنا فشارين من هول الحكايات

:o :D :D

وكمان شباب الأقسام الفافي و السكومونوس الأخري في كليات الهندسة الغير ميكانيكيين برضو حكاياتهم تعبانة قوي بالمقارنة بميكانيكا.....

mf-:

ليه كده بقى يا كابتن :huh: هنخسر بعض عشان الجمله دى و مش بعيد ابلغ مباحث المكافحه ييجوا يعملوا حملة تفتيش فى المنتدى mc:

سكومونوس ايه !! mfb: مفيش فى هندسه اى نوع من السكومونوس خالص mf(

[mnman]

براود كتب:

و انا اظن أ ن هذه وظيفة طلبة كليات العلوم و ليس الهندسة .. و لكن النظام في مصر كله غريب .. يعني جات على الهندسة .. ما علينا

في البداية احب اهنيك علي التخرج والف مبروك و لوانها متأخرة... لكن موضوع ان كلية العلوم دي كلية نظري غريب حبتين مش عارف انتي استقيت معلوماتك منين... هل تعتقد ان مشروع تخرج في الكمياء العضوية حيكون نظري ولا مشروع في الشريح في البيولوجي حيكون نظري .. ياراجل حتي الجولوجيا مشاريع تخرجهم كانت عملي...إلا اذا العملي من وجهة نظرك هو انك تصنع او تبني مكنة وغير كدة فهو نظري....

انا مشروع تخرجي كان اسمة

INVESTIGATION OF MOLECULAR STRUCTURE

وكان عبارة عن كيفية تحديد مكونات المواد بجميع انواعها بأستخدام التحليل الضوئي بالاشعة تحت الحمراء و فوق البنفسجية بالأضافة لآستخدام الرنين المغناطيسي .. وطبعا مكنش فية بني مكن ولا طلمبات كان عبارة عن جمع عينات و الوقوف في المعمل بالساعات و تحليلها و تصويرها علي الواح حساسه والتعرف عليها... وبجد بجد كانت الدكتورة مشرفة المشروع شخصية لن انسها وساعدتنا كتير جدا لها جزيل الشكر......

فينك يا KWA تشوف براود بيقول اية علي كلية العلوم وانها نظري....

[Proud Muslim]

أخي العزيز الأستاذ mnman ..

الله يبارك في حضرتك ..

بخصوص موضوع التخصص النظري لطلبة علوم .. هذا بصراحة ما أجده دائما في الكتب الهندسية ..يعني كثير من نظريات الهندسة او الميكانيكا اكتشفها و وضعها علماء كليات علوم و ليسوا مهندسين .. يأتي دور المهندسين ليجدوا تطبيقات واقعية لهذه النظريات ..

و هذا لا يعني أن طلبة العلوم لا يقومون بتجارب عملية ..بل كيف سيثبتون نظرياتهم بدون تجارب ؟؟

ما أعنيه أن طلبة العلوم يهتمون بالناحية النظرية .. كأصل .. بينما يهتم المهندسون بعملية التطبيق !!

بس مش قصدي حاجة خالص بخصوص حبايبنا في كلية علوم . :D

الأخ المكافح المناضل afiona ..

غالبا كانوا هايستخدموها في ورشة الكلية و إنتم عمالة ببلاش ومش مشكلة يطاعوا عينيكم ...

طبعا يا سيدي ..

ما هي الحكاية ان الكلية كانت محتاجة ماكنة درفلة ..

و بالتالي لازم يبقى في سخرة ..

طلبة .. هايشتغلوا مجانا .. و التكاليف عليهم ( الدعم 800 جنيه ) !!

يعني بصراحة .. حاجة وهمية !!

واحد دكتور فى سنة ثالثة ميكانيكا دخل في أول محاضرة في الترم و شخط فينا وقال إن إحنا متأخرين جدا في المنهج.... متأخرين إزاى يا أبو رشا( الإسم الحركي للدكتور) ومنهج إيه اللي لازم يخلص حياك الله.... إحنا فى إبتدائى؟

ههههههههه :D

ده مين أبو رشا ده ؟؟

و لا انت مش عين شمس أصلا ؟؟

يا ريت فعلا تواصل الحكايات الهندسية الدراماتيكية المعبرة عن واقع الشعب الهندسي المطحون.. علي فكرة الشباب في الكليات الأخري بيفتكروا إن إحنا فشارين من هول الحكايات وكمان شباب الأقسام الفافي و السكومونوس الأخري في كليات الهندسة الغير ميكانيكيين برضو حكاياتهم تعبانة قوي بالمقارنة بميكانيكا.....

أي و الله عندك حق ..

اصحابي في الجامعات و الكليات الأخرى .. تجارة مثلا ..

مع ان تجارة حبايبنا ..

بس تقف معاهم ..يقعد يقولك .. احنا مطحونين !!

احنا مش عارفين نشم نفسنا !!

و أنا أقول في نفسي .. حسرة علينا !! :o

الغريب بقى فعلا هو اخواننا و حبايبنا في أقسام الهندسة السوكومونس ( مدني و عمارة ) و على فكرة عمارة بالذات ..

دول بقى .. بيشتكوا شكوى .. و يقولك الدكتور طالب مننا مشروع تصميم مدينة ملاهي !!

قال ملاهي !!

و زعلانين جدا ..

ازاي يطلب مدينة ملاهي .. المفروض يطلب مطعم .. كافيه .. حاجة صغنونة كده ..

هههه

و قاعدين في قاعات نظيفة .. و بيطلبوا delivery من بره .. و تكييف .. و بيقعدوا براجتهم و يمشوا براحتهم .. فنون جميلة و الله العظيم ..

و بيشتكوا ...

امال احنا اللي في الورش و الزيت و الحر و العمال اللي تنقط !!

اسكت اسكت .. انا بصراحة مرارتي قد كده ..

بتوع مدني ( الشهيرة بقسم تجارة هندسة ) مش عارف

عندهم شكوى من مادة واحدة بس .. و لكن اذا سمعتهم يتكلمون عنها .. تحس انها الدنيا كلها !!

خرسانة !!

يقولك عندي خرسانة !!

يا سلام !!

اخواننا و زملاء الكفاح .. قسم كهرباء ..

بصراحة الناس دي بتعاني ..

كفاية بس الدكاترة بتوع كهرباء !!

شيء لا يوصف ..

و بعدين موادهم فعلا صعبة .. كفاية الرياضة ..

دول بياخدوا رياضة 6 أو 7 تقريبا !!

mf-:

نرجع لموضوعنا ..

مشاكل المشروع ..

مشكلة المشروع بتاعنا الكبرى ..

ان كان في نصفين ..

نصف يعتقد أن النصف الآخر يتآمر ضده .. و النصف الثاني يعتقد أن النصف الأول ارهابيين !!

mc:

بصراحة كانت معاناة ..

الحمد لله ..المشروع خلص بدون اصابات أو خسائر في الأرواح .. و هذا من فضل الله .

الحمدلله .. انا أحاول دائما أن آخذ مواقف متوسطة ..

و كان معي اخ فاضل آخر .. حاولنا تهدئة المسائل حتى لا تصل الى المواجهة المسلحة !!

المشكلة فعلا .. ان كان في عناصر بتعمل حاجات تجعل الآخرين يظنون السوء بها ..

يعني يروح للدكتور من غير ما يكون مع المجموعة .. و هذه في عرف المشاريع ..تعد خيانة عظمى ..

تستحق mfb:

واحد تاني .. كل لما روح للدكتور ..يقول .. اشمعنى فلان شغال و انتم لأ .. طيب عرف منين !!

في دكاترة بتعمل الحركات دي علشان تنشط الناس اللي معاها .. و لكن بمجرد الخروج من مكتب الدكتور .. تبدأ المعارك و الاتهامات .. .. mf(

عند العمل ..

المركب اللي لها ربانين ..غالبا بتغرق ..

المجموعتين أو الحزبين .. كل واحد منهم له قائد ..

و لك قائد عايز يمشي اللي في دماغه ..

واحد عايز يعمل الغسالة اتوماتيك .. و واحد يقول خليها يدوي !!

واحد يقول نستعمل 3D max لعرض المشروع .. و واحد يقول كفاية power point ..

مشكلة كبيرة كمان ..

المشاوير ..

يعني اول مشروع خالص ( بتاع الدكتور اللي اتكسرت رجله ) كان بيحتاج نروح مرة في الاسبوع لمعهد التبين للدراسات المعدنية .. علشان عندهم ماكنة زي اللي كنا عايزين نعملها ..

نروح و نرفع أبعاد .. و نكتب ملاحظات .. و نمشي ..

و مشاوير السبتية و الورش بتاعت التروس .. و مسابك .. و حدادين .....الخ

في ناس بقى كانت بتطنش ..

و يعملوا نفسهم مش واخدين بالهم !!

يعني أنا رحت مرتين بتاع التبين ده و بصراحة اتخنقت ( بعيد جدا عن بيتي ) .. و بعد كده .. قلت لهم .. لأ .. لأ .. هو انا السواق و لا ايه ؟؟

كان لازم ..يبقى في وقفة بصراحة !!

المشروع بتاع الغسالة ..

حاولنا نقسم المشاوير و نستفيد من اخطاء الماضي :huh: ..

يعني ناس تروح مصانع تجمع معلومات .. و ناس تروح السبتية ( سوق الحديد ) .. و ناس تروح محلات القطاع العام و تعرف معلومات عن البيع و التوزيع .. و ناس تدور على اسبيانات و تجمع معلومات من الناس ..

و برده ..

مفيش فايدة

في ناس بتعمل مش واخدة باللها ..

كان معانا واحد متجوز في المشروع ..و هو طالب :D

المهم .. كل يوم يطلع بحكاية ..

أصل مراتي مش عارف ايه .. اصل بنتي تعبانة !!

أصل حمايا جاي من السفر !!

طيب .. و احنا مالنا ؟؟

حد قالك اتجوز و انت طالب ؟؟

المهم .. الطالب ده .. أخذ امتياز معانا برده .. بس سقط السنة !!

و نفس الشخص .. جاء لنا ليلة المناقشة .. و قال فهموني المشروع من طقطق لسلام عليكم .. و انا عايز أعرف هاقول ايه بكرة !! :D :D

كل الوشوش !!

تباعوا معنا . الحلقة الثالثة ..

ليلة المناقشة ..

هذا البرنامج برعايو .. غسالات العربي ..

غسيلكم ..يسعدنا

:D

[Lancelot]

براود ... يعني يا إبني ... إيه البلاوي ديه يا عم ....

ينفع أتخرج من غير ما أعمل المشروع ..... أو علي الأقل مفيش طريقة نضمن بيها إن المجموعة تبقي ناس كويسة كده ....

أفيونة ... ليه بس كده يا عم ... ما إحنا كويسين مع بعض ... هنخبط في بعض ليه ... و بعدين إعرف إن بعد المهندسين مش باقي لك حد ... و لا دقي و لا زمالك و لا عجوزة هينفعوك .. :D :D :D :D :D

[afiona]

أه... يا ليت الشباب يعود يوما، وأنا كنت دخلت معهد التمثيل أو إحترفت كرة قدم أو عبيت شريط... بلا هندسة بلا بتاع.....

فيروز كتبت:

ليه كده بقى يا كابتن

:D ..كابتن !!!! ليه، شايفانى لابس كاسكيته وماسك مضرب تنس... :D

فيروز كتبت:

هنخسر بعض عشان الجمله دى و مش بعيد ابلغ مباحث المكافحه ييجوا يعملوا حملة تفتيش فى المنتدى

لا لا لا .. مش القصد يا باشمهندزة وإن شاء الله مافيش ضديات بين الأخوة المهندسين رفقاء السلاح.. قسم كهرباء علي رأسنا من فوق .. وفيه إتفاقية أخاء بين قسم الميكانيكا والكهرباء وخبرات متبادلة في كيفية إتقاء شر الدكاترة... بس ياريت تبعتوا دكاترة أحسن شوية بدل الأشكال اللي بنشوفها في مادة كهربية.. ستين بالمائة شايلين المادة في ثانية و أربعين بامائة شايلين كهربية 2 في ثالثة .. السلسلة كلها..

فيروز كتبت:

مفيش فى هندسه اى نوع من السكومونوس خالص

الموضوع نسبي... يعنى مثلا، عمر دكتور في أي قسم غير ميكانيكا يدخل أول محاضرة في الترم من غير لما يعرف نفسه للطلبة أو يتكلم عن المادة اللى هايدرسها... ولما طالب يسأله عن إسمه يسحب منه الكرنيه عشان المفترض إنه أشهر من نار علي علم والسؤال يحمل في طياته الإستهزاء... أنا لا أتكلم عن صعوبة المواد،أتكلم عن المعاملة..

Lancelot كتب:

... ليه بس كده يا عم ... ما إحنا كويسين مع بعض ... هنخبط في بعض ليه

ما نقدرش نخبط فيك يا باشا ولا في حبايبينك يا كبير.. ولو إني شاكك في مسألة إنك مهندس بالرغم من قدراتك التحليلية العالية.. إنت يا بني مرح زيادة .. يمكن لسه فى إعدادى.. عملت إيه فى الوصفية يا هندسة.

Lancelot كتب:

  و بعدين إعرف إن بعد المهندسين مش باقي لك حد ... و لا دقي و لا زمالك و لا عجوزة هينفعوك ..

:D :D :D ... عندك حق برضه... ( وش واحد مستنى لما Lancelot يخلص المشروع و يشوف رأيه إيه.. ضحكة خبيثة)

Lancelot كتب:

ينفع أتخرج من غير ما أعمل المشروع

معلهش يا براود ، اسمحلي أدلي بدلوي...

ممكن تعيين أحد أقاربك في هيئة التدريس وساعتها ممكن تقدم مشروع عن تصميم أستيكة جديدة، وتناقش المشروع بالموبايل من شواطئ الساحل...أى خدمة...

أستاد عادل أبو زيد... آسف للخروج عن الموضوع ... بس أصله حديث دا شجون وأيام المعتقل صعب الواحد ينساها..

[afiona]

براود كتب:

ده مين أبو رشا ده ؟؟و لا انت مش عين شمس أصلا

جامعة القاهرة يافندم.. بس سمعت كتير عن معتقل المغول الشهير بهندسة عين شمس و بصراحة تدريب الصاعقة اللي إنتم بتمروا فيه بينشف شخصيتكم قوي... سؤال: نسبة الفاقد كام في السنة عندكم من تدريبات الدخيرة الحية الشهيرة بإمتحانات الترم؟

ابو رشا ده سيم بين الطلبة علشان المباحث ... عقب إمتحان midterm خادع وإنتهى بمأساة إنسانية وحالات إنتحار ومحاولات إغتيال لأبو رشا، واحد فى الدفعة صمم إستيكر مكتوب عليه (طريق السلامة يا أبو رشا) وتحتها إستيكر تانى ( بيقولوا علينا ديابه.. وإحنا يا ناس غلابة) ولصقهم في مؤخرة عربية الدكتور أبو رشا بغراء..من هنا الإسم.. ليه أبو رشا رغم إنه ماكانش عنده بنات يسأل فيها صاحبنا مصمم الإستيكر..

براود كتب:

دول بقى .. بيشتكوا شكوى .. و يقولك الدكتور طالب مننا مشروع تصميم مدينة ملاهي !!

واخد بالك إنت من المشاريع الهادفة.. ملاهى.. ماشاءالله

براود كتب:

بس تقف معاهم ..يقعد يقولك .. احنا مطحونين !!

احنا مش عارفين نشم نفسنا !!و أنا أقول في نفسي .. حسرة علينا !!

لو بتتعب من الكلام ده يبقي بلاش تقف مع واحد في سنة رابعة طب.. معروف إنها سنة أجازة الكلية والجو فرايحى طول السنة.. وهايفضل يشتكى من صعوبة الدروس الخصوصي وإزاي إنه معندوش وقت لحاجة تانية

براود كتب:

امال احنا اللي في الورش و الزيت و الحر و العمال اللي تنقط !!

:D ... يا عم براود مش قدام الناس وعلي صفحات المنتدى تجرسنا كده.. انا عارف إنك رجل صادق و دوغرى بس حاول تلطف شوية من الصورة البائسة للمهندسين الميكانيكيين.. شحم ايه وزيت ايه بس يا رجل... بينا وبين بعض أه.. معلهش..

براود كتب:

كان معانا واحد متجوز في المشروع ..و هو طالب.. المهم .. كل يوم يطلع بحكاية ..أصل مراتي مش عارف ايه .. اصل بنتي تعبانة !!

أصل حمايا جاي من السفر !!

فكرتنى بالمعلم العنتبلى الأب الروحى لدفعتى وفتوة درب ميكانيكا .. كان دخل الجيش وهو في الكلية وبعدين مش عارف إزاى رجع تانى الكلية وفيلم هندى... المهم يعنى إنه أيام المشروع كان بيجهز إبنته وكان الموضوع ده مضايق المجموعة بتاعته ...

براود كتب:

تباعوا معنا . الحلقة الثالثة ..ليلة المناقشة ..هذا البرنامج برعايو .. غسالات العربي ..غسيلكم ..يسعدنا

كلنا آدان صاغية.. ده إنت طلعت حكاية... خش علي ليلة المناقشة والمناقشة نفسها والمعارك الطاحنة..(موسيقي تصويرية من فيلم الناصر صلاح الدين)

[mnman]

براود كتب:

أخي العزيز الأستاذ mnman ..

الله يبارك في حضرتك ..

بخصوص موضوع التخصص النظري لطلبة علوم .. هذا بصراحة ما أجده دائما في الكتب الهندسية ..يعني كثير من نظريات الهندسة او الميكانيكا اكتشفها و وضعها علماء كليات علوم و ليسوا مهندسين .. يأتي دور المهندسين ليجدوا تطبيقات واقعية لهذه النظريات ..

و هذا لا يعني أن طلبة العلوم لا يقومون بتجارب عملية ..بل كيف سيثبتون نظرياتهم بدون تجارب ؟؟

ما أعنيه أن طلبة العلوم يهتمون بالناحية النظرية .. كأصل .. بينما يهتم المهندسون بعملية التطبيق !!

بس مش قصدي حاجة خالص بخصوص حبايبنا في كلية علوم .

علي العموم حصل خير و ياسيدي انا والله عارف انك متقصدش الاساءة و انك بتحاول تقول وجة نظرك ... وشكرا للايضاح... بس عندي رغبة موجهة للجميع ودي وجهة نظري.. انا شايف ان كل انواع العلوم متساوية سواء كهرباء او ميكانيكا او كيمياء او فيزياء او رياضيات او ادب او اقتصاد او سياسة او سياحة او قانون.....الخ و منقدرش نفضل واحد علي الاخر ومنقدرش نقول ان في واحد اصعب من التاني.... كل العلوم مفيدة ولولاهم مجتمعين لما وصلنا لما علية الان ....

وصحيح صدق إلي قال العرب مخلوش حاجة إلا لما اخترعوها.... :D :D :D

[Proud Muslim]

تعليقات سريعة ..

أخي الحبيب زميل الكفاح و رفيق الدرب ..Lanclot

موضوع مشروع التخرج .. على حد علمي بعد خبرة كافية في كلية الهندسة .. ممكن ما تعملوش ..بس عندنا في الكلية ..لو ما عملتش مشروع .. تخسر 300 درجة زي البطل .. :D

موضوع المجموعة و كيفية اختيارها ..

و الله مجموعة المشروع نصيب .. زيها زي الجوازة .. يعني يا تكون مهنياك :D .. يا تكون معكنناك :D

[etreby]

سلام عليكم.

أنا اتخرجت من هندسة قسم التشييد فى فبراير 1995.

مشروع التخرج كان جزئين.

الجزء الأول كان تحليل و تصميم مبنى عالى الارتفاع مع الأخذ فى الاعتبار تأثير الرياح و الزلازل على المبنى.

Structural Analysis and Design of Highrise Structure Under the Influence of wind and seismic loads.

خلصت هذا الجزء باستخدام :

SAP 90 و هذا للتحليل و التصميم

AUTOCAD 14 و هذا للرسم

3D STUDIO و هذا لتحضير الPRESENTATION

امام الطلاب و الاساتذه.

أصعب حاجة فى هذا الجزء كانت خاصة بالزلازل طبعا.

انما بالنسبة للتصميم فكانت سهلة.

الجزء الثانى من المشروع كان عبارة عن دراسة جدوى و كل من الآتى :

DETAILED COST ESTIMATION

MASTER AND DETAILED PROJECT SCHEDULING AND WORK BREAKDOWN STRUCTURE

METHODS AND EQUIPMENT FOR BUILDING

لا انكر عليكم كان هذا أصعب بكثير من الجزء الأول.

ليه؟

لأن كان مطلوب مننا أن نقوم بدور المقاول الذى سيقوم بالتشييد و نقدم خطة كاملة متكاملة لتنفيذ هذا المشروع بأعلى درجة كفاءة و فى أقل وقت و بسعر مناسب.

طبعا أنا و الفريق بتاعى كنا لسه عيال مانعرفش حاجة عن اسعار السوق.

مش عاوز ادخل فى تفاصيل بس المهم خلصنا و أخذنا الامتياز.

عاوز أحكيلكم على قصة طريفة وقت تسليم المشروع.

هو أنا تقريبا ال TEAM LEADER لفريقى. و كنت اعطيت كل واحد جزء ليكتبه على الكومبيوتر لإعداد الFinal Report

قام زميل لى و أحد الأعضاء و اسمه تامر بالاتصال بى فى الساعة الثانية صباحا و دارت بيننا هذه المناقشة:

تامر: اتربى ازيك عامل إيه(صوت ضجيج و موسيقى عالية جدا فى الBackground)

انا: Buds (ده اسم الدلع )!!! انت فين يابنى؟ ههة خلصت الReport؟

تامر: لأ. أنا بصراحة تعبت مش قادر أكمل. أنا حاسس انى عملت كل اللى اقدر عليه.

أنا: معلش يا تامر الReport معادها بكرة و أنا عندى امتحان Final بذاكر له .

تامر: مش قادر اكتب كلمة واحده خلاص تانى. انا اتقرفت.

أنا: طيب انت فين دلوقتى ؟ و إيه الدوشة اللى عندك دى ؟

تامر: أصل أنا فى الجاكيز ( اسم الديسكو بتاع هيلتون النيل و ما يزال حتى هذا اليوم)

أنا: :D :D arg:: :D cbyb:

هيييه كانت أيام.