المصرية التي قتلت في محكمة (دريسدن) كانت حامل في شهرها الثالث

[sayed_ossman]

لله يرحمهــا ويصبر أهلها ويسكنها فسيح جناته

..اللهم صبرهم...وأذكرهم بقول الله تعالي:(( وماتدري نفس بأي أرض تموت....لقمــان)). و((قل لن يصيبنا إلا ماكتب الله لنا..التوبة))

و((إنا لله وإنا إليه راجعونظززالبقرة)) ولا أراكم الله في عزيز مثلها مرة أخري وكل المسلمين ...آمين.

الزوج: هذا قدر كل مجتهد أن يواجه صعاب علي صعاب...من أيام قرأنا عن عالم مصري خاطب أوباما ليحقق أمنينه في براءة اختراع للسيارات...واستجابوا له من خطاب بسيط ...ولم يهتم به أحد من مصر من زمااااااان بعيد....فاصبر واحتسب وليعوضك العليم الحكيم خيرا مما أخذ منك...

وللسفير:

يعلمونكم الدبلوماسية..ولا يعلمونكم الرحمة؟؟؟ هل سمعت أن في مصر لا يزال أحد لا يعقل أو يفهم؟؟ حتي تستخف بعقولنا بهذه السذاجة التي أعتقد أنها ردت عليك...وانتظر حتي يحدث لك مثلها ولنري كيف سيكون رد فعلك!! ألم يكن الأحري منك ان تحاول تطييب الخواطر...التي والله رغم أني لا أعرفهم إلا أننا كمصريين مغتربين نبكي علي رخص دمائنا ولو كنا لسنا من عائلة واحده إلا أنني أتيقن من أن كل مصري الآن...يشعر بالمصري ولو كان في الصين...فنحن أصبحنا نكرهك وأنت في ألمانيا ونحن في مصر ..ليه؟ بسبب كلمة لم تحسن انتقاءها ..فما بالك بربك؟؟؟

ربنا يسامحك وتعقل في كلماتك...فلربما غضبو عليك من حيث لا تدري وعدت لمصر فلم ينفعك محاباتك ولا شئ من تلك البلاد المانية فهي بحق مانية...لمن يفطن المعني...!

الناس:

أشعر بالفخر كلما قرأت تعليقات كل مصري سواء بالسلب أو بالإيجاب...فموضوعنا هذا بث في نفوسنا(وإن كنا من زمن ونحن هكذا) الوطنية والغيرة علي الدم المصري الذي رخصه هؤلاء المتأجنبين..الذين يتمنون لو لا يعودوا لمصر مرة أخري فقد أحبو البلاد التي هم فيها وصاحبوا أهلها وودوا لو ماتو فيها...وقد شعرت الآن بالمرارة لأني تذكرت ما حدث لي في اندونيسيا حيث كنت في رحلة مع صاحب لي..وفقدت بسبوري...وذهبت للسفارة يضمنوني لأن الشرطة طلبو مني اثبات شخصية فلم أجد سوي بعض الأوراق التي تثبت أني مصري بس بالعربي...المهم السفارة رفضوا وقالولي ايه يثبت إنك مصري؟؟ هههههههه

ووالله الأخ الأندونيسي طلب أن يكفلني ويخرجني رغم أني لم أحبس...فقط مجرد أن الشرطة تريد إثبات الشخصية...لكن انظروا؟؟ سفارة بلدي ترفضنب؟؟ والأندونيسي يتمني لو يستضيفني لأني من بلد الأزهر وله ولد يتعلم عندنا..؟؟ آآآآآآه يامصر!!

والله ما سكت...مسكتهم ما خليتش ليهم...وعلمتهم الأدب...اتصلو بالسفير وكان في حفلة..قطعها وجه وتأسفو لي وقالوا معلشي فيه ناس كتير بتدعي انهم مصريين عشان يباتو في السفارة...قولتلهم مش عاوز أدخلها..بس كنتم قولتم للشرطة إني فعلا مصري...واستقبلتوني كويس...انتم بتقبضو من دمنا...!!

منقول

وادى رابط لسعادة السفير وبروده اسمعو بيرد اذاى --- جتكو القرف وزارة خارجيه وسفره لا ليكم اى لازمه

http://video.egypt.com/video/1889/Egyptian...%86%D9%8A%D8%A7

تم تعديل 4 يوليو 2009 بواسطة sayed_ossman

[ذهبية]

كنت هانزل موضوع شامل بوفاة الفقيدة مروة الشربينى البقاء الله ربنا يصبر اهلها و زوجها على ما اصابهم

وكم حسرتى على اهدار كرامة و دماء المصريين لكن حضرتك سبقتنى فى سرد الموضوع

كم احسست بالالم و انا اقرا تعليق السفير المصرى رمزى عز الدين سفيرنا فى المانيا اليوم و هو يعلق

منتهى البرود ان ما حدث هو مجرد حادثة عادية جدا تحدث لاى شخصين فى اى مكان

و هو يعلق فى برنامج الحياة اليوم وان القاتل شعر بالغضب الشديد نتيجة انها رفعت علية قضية ياااااااااااااااااة

حسبى الله و نعم الوكيل فيك و فى وزير الخارجية حسبى الله و نعم الوكيل فى دم المصريين اللى بيروح هدر وكرامتنا التى يدوسها الاخرين

كمان بيدافع عن القاتل انة عمل الى عملة لانة شعر بالغضب وانها حادثة عادية جدا

وماذا عن الضحية مروة التى دافعت عن حجابها لم يذكر السبب الحقيقى للحادثة وقال حادث عادى

هل لو حدث هذا لاى جنسية فى العالم غير مصر هل كانت تعليق سفيرها يكون هكذا

راحت مروة ام لطفل ثلاث سنوات و اصبح الابن يتيم و الزوج فى حالة حرجة فى المستشفى و تقول حادثة عادية

كم حزنت على كرامتنا كم حزنت على ديننا كم حزنت على حالنا كم حزنت على مصر نقتل و نداس بالاقدام

ولا نخجل ان ندافع عن من قتل ابناءنا واحدة بتدافع عن حجابها تقتل فى المحكمة فى وسط الناس و البوليس

ونقول حادثة عادية عادية عادية

حسبى الله و نعم الوكيل

حسبى الله و نعم الوكيل

حسبى الله و نعم الوكيل

ذهبية

[pink rose]

الناس دي مجانين و الله

حد سمع سؤال المذيعة اللطيف اوي بتقاطع السفير في الكلام و بتقوله يهمني اعرف هل حضرتك تم توجيه العزاء ليك؟

اصوت و اشد في شعري و الناس تقول ريمو اتجننت

عزاء ايه يا مهبولة انتي و هو عزاء ايه و نيلة ايه

هو دا اللي هاممكم في الموضوع و اللي ماتت دي هي و اللي في بطنها دمهم راح كده هدر

اهم حاجه ان السفير تلقى العزاء من الالمان الحمدلله يا ولاد و الله الحمدلله سجدة شكر الله يباركلكم يا اخوانا

حسبي الله و نعم الوكيل حسبي الله و نعم الوكيل

يا ترى لو كان العكس حصل كان سفير المانيا هايعمل ايه؟؟؟؟؟؟؟؟؟؟؟؟؟؟؟

ربنا يرحمها و يشفي زوجها و يخليه للولد اللي اتيتم بدري بدري دا

و ربنا يصبر اهلها و يصبرنا احنا كمان على اللي بنشوفه

تم تعديل 4 يوليو 2009 بواسطة remo

[doudy]

البقاء لله و انا لله وانا اليه راجعون

فعلا حاجة تزن و الله

لا و بيقولوا ان العرب هما اللى ارهابيين

امال اللى حصل دة ايه مين اللى ارهابى

الصراحة دة اجرام مش ارهاب كمان

و مع الاسف مفيش حد بياخد حقنا

كلمتين للصحافة و الاذاعة و التليفزيون و دمتم :blink:

[biopasha]

عشان كدة هاهاجر

واخد جنسية تاني

********

تم تعديل 4 يوليو 2009 بواسطة se_ Elsyed

[biopasha]

********

تم تعديل 4 يوليو 2009 بواسطة se_ Elsyed

[se_ Elsyed]

من فضلك يا زميلنا الفاضل

حاسب على الفاظك ولا داعي للخروج عن الشعور

[se_ Elsyed]

بالرغم من اني باختلف مع شخصية عمرو اديب

الا انه قال حاجه عجبتني في رده على بهدله ليبرمان المتطرف وزير خارجة الصهاينه لمصر ورئيسها

قال

" نفسنا مره نبقى قلالات الادب "

" نفسنا نبقى عندنا حزب يميني متطرف "

" نفسنا نضرب ونلاقي .. يعني الحزب ده يخرج يلعن ابو خاش اللي بيظلمونا بره ... وحكومتنا تعمل نفسها بتهدي "

استغفر الله العظيم

تحضرني قصة هنا

عبد الناصر لما انقلب على الاخوان وهم من ساعدوه للوصول للحكم واعتقل منهم الالاف وكان بيفتخر انه بيعمل ارقام قياسية في اعتقالاتهم ... المهم ... كان رئيس يوغوسلافيا السابقة " جوزيف بروس تيتو " حبيب قلب عبد الناصر وحركة عدم الانحياز واشتراكية والهلافيط اللي كان بيهلفطها الرئيس الملهم

المهم الرئيس المسلم الراحل المجاهد صاحب الرسالة " علي عزت بيجوفيتش " عليه رحمه الله .. كان يسعى منذ زمن للانفصال عن هذا الكيان الغاشم .. فأعتقله تيتو ... وثارت بعض الدول الاسلامية وضغطت على صاحب تيتو وهو الرئيس الملهم ... فتدخل عبد الناصر وكلم تيتو

فالراجل قال له كلمه حكمه : على الاقل انا اعتقلت واحد مسلم ... انما انت اعتقلت عشرات الالاف "

فاللي بيته من قزاز ما يقدرش يحدف الناس بالطوب

المانيت ايه اللي احنا هانكلمها عن حيالله واحد مصري اتقتل ... يا سلام ؟

طب مانت يا مبارك قتلت مره واحده 1030 مصري في غرق العبارة والرجل زي الفل وقاعد على شط نهر التيمز ... وحرقت عامداً متعمداً العشرات في قطر الصعيد ... ومسرح بني سويف .... و و و و و و و و

وعامل لك بتاع 5 مليون قتيل خلال 28 سنة

تيجي بقى على واحد اتقتل في المانيا ولا البانيا ؟

ياخي

ديهدا

[زهرة الجبل]

إستكمالاً للسيناريو المستفز بكل ما تحمله الكلمه من معنى

حالاً على قناة الحياه تحدث شقيق مروه الشربيني في وجود السفير المصري أيضاً فقال :

رغم أن الحادثه حصلت يوم الأربعاء إلا أن الغموض أحاطها بدرجه جعلت الإبلاغ عنها لم يتم بشكل رسمي .. و لا حتى هم كأهلها عرفوا عن الحادثه ببلاغ رسمي

الموضوع تم التكتم عليه بصوره غامضه و لم يخرج لحيز العلن إلا عن طريق إحدى صديقات الفقيده المرحومه التي أبلغت أهلها و أبلغت الملحق الثقافي بالسفاره المصريه يوم الخميس الساعه الواحده ظهراً

يعني بعد مرور يوم كامل .. تاني يوم للحادثه !!!!!

يعني الطرف الألماني لم يهتم حتى بإبلاغ السفاره المصريه .. و لا أهل القتيله .. و لم تخرج منهم أي معلومه قبل إتصال السفاره المصريه للسؤال عن الحادثه بعد البلاغ الذي وصلهم بالصدفه _ على حد تعبير شقيق الدكتوره مروة _ عن طريق صديقتها

و طبعاً بعد كلام شقيقها تفضلت المزيعه و سألت السفير عن مدى دقة الكلام فأكده كله كما جاء على لسان الراوي

قال بالظبط :

مفيش أي إبلاغ رسمي وصلنا و لم نحصل على أي معلومات قبل التدخل من جانبنا بالإتصال للتحري عن البلاغ غير الرسمي الذي وصلنا و طبعاً النقطه دي جزء من التحقيق الذي سيجرى و سيتم التحري عن السبب .

أنا بقى مش عارفه الحقيقه ده يبقى إيه ..

يا ترى هو كما أسماه شقيقها .. (( عدم إهتمام لأنهم شافين إنه إيه يعني .. مصريه أو عربيه و إتقتلت و خلاص !! ))

أم هو شئ غامض لا بد و أن نتحرى سببه .. فماذا حدث في الفتره التي إنقضت بين وقوع الحادثه و إكتشافها .. و لاحظوا كلمة إكتشافها و ليس حتى الإبلاغ عنها !!!!

و يا ترى لو لم يتم الإبلاغ عن الحادثه فكم كانت ستطول تلك الفتره بين وقوع الحادثه و إبلاغ الجهات الألمانيه عنها ؟؟

و يا ترى أياً كانت تلك الفتره فما الهدف منها و ما الذي حدث خلالها ؟

و يا ترى هنلاقي حد يجاوب كل الأسئله دي و يبرد نار أهلها و زوجها ؟

الله يرحمها و يصبر أهلها و يعوض زوجها و إبنها خير

أم كريم

تم تعديل 4 يوليو 2009 بواسطة زهرة الجبل

[الحازم حسن]

فعلا حادث بشع جداً

لله الامر من قبل ومن بعد

[زهرة الجبل]

كنت أتناقش في الموضوع مع أبو كريم منذ قليل و أقول أن دائرة المسؤوليه لا يجب أت تحيط بالقاتل فقط

بل أيضاً المسؤول عن الأمن داخل القاعه الذي سمح أو حتى أهمل في التحقق من عدم وجود سلاح مع أحد الموجودين .

و أيضاً ضابط الأمن حامل السلاح الذي إنطلقت منه الرصاصه التي أصابت زوج الدكتوره مروه هو الآخر .. حتى و إن كانت إصابه عن طريق الخطأ .

و بالفعل أقر السفير المصري بموافقته على ذلك بعد أن تفضلت المزيعه بإلقاء ظل المساءله على القضاء الألماني بتهمة الإهمال داخل القاعه و سؤال السفير إن كان يوافقها الرأي

لكن يا ترى ستتوسع تلك الدائره لتطال بحدودها المسؤول عن التكتم على الخبر أو فلنقل على أقل تقدير : من لم يهتم بإبلاغ زويها و سفارة بلدها ؟

[MZohairy]

برود قاتل من السفاره المصريه في المانيا

برود قاتل من وزارة الخارجيه

برود قاتل من السلطه المصريه

برود قاتل من الاعلام المصري

برود قاتل من الامن في قاعة المحكمه مما سمح للقاتل بطعن الشهيده 18 طعنه!!!!

برود قاتل من الجميع

لعنة الله على كل هؤلاء الباردين الساقعين المتوفيين

ما ارخص اولادك يا مصر

ما ارخصهم

لا اله الا الله

[iloveegypt]

إنا لله وإنا إليه راجعون

الله يرحمه ونحسبها عند الله من الشهداء

وحسبى الله ونعم الوكيل فى حكامنا الذين لايقيمون لنا اى كرامة ولاجوة البلد ولابراها

[عندى أمل]

عشان كدة هاهاجر

واخد جنسية تاني

قول إن شاء الله

و ابقى خدنى معاك

[MZohairy]

اقسم بالله لو ان هذه الشهيده كانت سودانيه لكان رد الفعل الرسمي للدوله اقوى مما حدث من مصر

و انا تاعب نفسي ليه؟

ارحمنا يا رب

[se_ Elsyed]

شاهدت رسم تصوري للحادث من الصحف الالمانية

يا حلاوه يا حلاوه

رجل الشرطة كان على بُعد 2 متر من القاتل

والقاتل اتمطع وخرج المطوه وضرب الشهيدة 18 طعنه

18 واخدين بالكو

ولما زوجها جه يدافع عنها راح نفس رجل الشرطة ضاربه بالنار في رجله والواد القاتل طعنه بنفس المطوه وهو في العناية المركزة الان بين الحياة والموت

يا الله

من الاخر

هانجعج ونهلل

ومبارك قاعد فوق ولم يسمع في حياته عن شيء اسمه كرامه او شرف او نخوه او دم واحد مصري ...

ده من الاخر يعني عشان ما نتعبش نفسنا

واللي بيتفرج على افلام خيال علمي وبيطلب ان فريق تحقيق مصري يحضر التحقيقات هناك ... يبقى يروح يكلم الفيلم

بالظبط زي ما حصل في طائرة مصر للطيران ... ما حدش يقدر يقرب من التحقيقات

هاننتظر ايه من الالمان اذا كنا نحن نفرط في شرفنا ودمنا ...

اقسم بالله لو صهيوني

صهيوني ... كانت المانيا ركعت تحت قدم اليهود وقبلوا الارض من تحتهم ليصفحوا عنهم

[se_ Elsyed]

سيبك سيبك

يارب مصر تكسب بكره رواندا

وانجلترا تتعادل مع الاكوادور عشان نطلع كاس العالم والريس يروح ينتظر منتخبنا في المطار ويمنحهم قلادة النيل من الدرجة الاولى

[doudy]

شاهدت رسم تصوري للحادث من الصحف الالمانية

يا حلاوه يا حلاوه

رجل الشرطة كان على بُعد 2 متر من القاتل

والقاتل اتمطع وخرج المطوه وضرب الشهيدة 18 طعنه

18 واخدين بالكو

ولما زوجها جه يدافع عنها راح نفس رجل الشرطة ضاربه بالنار في رجله والواد القاتل طعنه بنفس المطوه وهو في العناية المركزة الان بين الحياة والموت

يا الله

من الاخر

هانجعج ونهلل

ومبارك قاعد فوق ولم يسمع في حياته عن شيء اسمه كرامه او شرف او نخوه او دم واحد مصري ...

ده من الاخر يعني عشان ما نتعبش نفسنا

واللي بيتفرج على افلام خيال علمي وبيطلب ان فريق تحقيق مصري يحضر التحقيقات هناك ... يبقى يروح يكلم الفيلم

بالظبط زي ما حصل في طائرة مصر للطيران ... ما حدش يقدر يقرب من التحقيقات

هاننتظر ايه من الالمان اذا كنا نحن نفرط في شرفنا ودمنا ...

اقسم بالله لو صهيوني

صهيوني ... كانت المانيا ركعت تحت قدم اليهود وقبلوا الارض من تحتهم ليصفحوا عنهم

بجد حاجة تطير البرجين اللى فاضلين

طيب الطعنة الاولى ماشى التانية نعديها برضه التالتة ما يضرش

لكن 18 و الله بجد نكتة بس نكتة بايخة جدا

الامن و الحراسة و الناس كلهم اللى فى القاعة سايبينه كدة يتسلى و براحته خالص

حاجة تجنن لا و الحرس يغلطوا و يضربوا جوزها المسكين

طيب ما كانوا يغلطوا كدة و يضربوا القاتل

[MZohairy]

سيبك سيبك

يارب مصر تكسب بكره رواندا

وانجلترا تتعادل مع الاكوادور عشان نطلع كاس العالم والريس يروح ينتظر منتخبنا في المطار ويمنحهم قلادة النيل من الدرجة الاولى

عليك نووووووووووووووور

هو كده

و احنا كده

بننسى بسرعه و بننسى كتير

و الكبار فهموا الحته دي

و عرفوا يشتغلونا ازاي

اي مصيبه حتلاقي وراها حدث يلهي المصريين البسطاء

اللي اعتقد انهم اصبحوا كييفه ان يتم الضحك عليهم

[زهرة الجبل]

و الكبار فهموا الحته دي

و عرفوا يشتغلونا ازاي

اي مصيبه حتلاقي وراها حدث يلهي المصريين البسطاء

اللي اعتقد انهم اصبحوا كييفه ان يتم الضحك عليهم

لا معلش إسمحلي

هتجيبها في الكبار ليه و تقول فهموا اللعبه و احنا البسطاء الواقعين في فخ الإلهاء

لو بننسى فبننسى بمزاجنا

آه و الله العظيم بمزاجنا .. منقولش بقى لعبة كبار .. ده إحنا إللي بنلعبها و نرجع نلعن حظنا فيها

عشان كده نستاهل

لما الكوره تنسينا الدم نبقى نستاهل

و أما بمزاجنا نسكت و نبلع يبقى حلال فينا

و أما نسمع إن بنت البلد إندبحت بـ 18 سكينه على غفله .. و فين ؟ مش في شارع .. لأ .. ده في وسط محكمه !! .. و يتقال لنا حادث فردي نقول آمين يبقى نستاهل

و أما نفتخر و نهلل بأن وزير الدوله الألماني عزَّانا و نشكر زميله المسؤل الفلاني إنه ساب خبر إنه هيتصل بكره يقدم التعازي و نشكرهم بدل ما نقول لهم تعازيكم مقبوله فقط بعد ردع المسؤول عن الخطأ يبقى على الدنيا السلام و نستااااااااااااااااااهل

يعني كله بمزاجنا

زي ميكون بنتناسى علشان التفكير بقى بيوجع .. التفكير بالعقل و وضع الأمور في مكانها هيخلي شكلنا وحش قوي

يبقى ننسى أحسن

مش كده و لا أنا غلطانه و لا إيه ؟