المصرية التي قتلت في محكمة (دريسدن) كانت حامل في شهرها الثالث

[dongol]

مش عارف بس انا حاسس ان الموضوع ده فيه حاجة مش مظبوطه

أنا كنت عايش في ألمانيا لفترة ليست بالقصيره و المسلمين هناك يتمتعون بحريه أكثر مما نتمتع بها في أغلب البلدان العربيه

معظم النساء الأتراك هناك محجبات ولم يتعرض لهم أحد و لم نسمع عن أي شخص تعرض لهم بسوء بسبب حجابهم

ربنا يرحم الفقيده و ان شاء الله اللي هتلاقيه في الجنه أحسن من اللي احنا عايشينه في زمن مبارك

[التونسى]

اين رد فعل الجاليه المصريه والمسلمين فى المانيا .. الحادث على بشاعته قد يبدو فرديا فعلا,,لم اسمع عن حادثه شبيهه من قبل .. ولكن العنصريه ضد العرب والمسلمين موجوده وبشده ولكنها لم تتحول الى ايذاء جسدى واجرام بهذا العنف... ولكن هذا الحادث الشنيع الذى اقلقنى شخصيا كواحد بيعانى من العنصريه الااوربيه بشكل شبه يومى ... قد يكون نذير بما هو أسوء ينتظرنا خصوصا فى اوربا التى تشتعل بالعنصريه الان تجاه الاجانب بشكل عام ... خاصة بعد الازمه الاقتصااديه التى افقدت الكثير صوابهم سواء فى المانيا او غيرها من دول اوربا الغنيه

وشهيده باذن الله تعالى

[omerelsherief]

مصر اصلا بتحارب الحجاب وبتسير على خطى تونس في الموضوع ده ووزارة الخارجية المصرية منعت بقرار رسمي ارتداء الحجاب بين موظفات الوزارة في عهد أحمد ماهر وعايزين السفير يدافع عن الحجاب ده ممكن يكون لسان حاله"شفتوا الحجاب عمل ايه فينا" حسبي الله ونعم الوكيل

[nizza la bella]

إن لله وإن إليه راجعون

[MZohairy]

مصر اصلا بتحارب الحجاب وبتسير على خطى تونس في الموضوع ده ووزارة الخارجية المصرية منعت بقرار رسمي ارتداء الحجاب بين موظفات الوزارة في عهد أحمد ماهر وعايزين السفير يدافع عن الحجاب ده ممكن يكون لسان حاله"شفتوا الحجاب عمل ايه فينا" حسبي الله ونعم الوكيل

حوالي 4 مليون تركي و تركيه عايشين في المانيا و كتير منهم محجبات و مبيحصلهمش اللي حصل

المصريه مواطنه ملهاش قيمه و راحت هدر

[dongol]

المصريه مواطنه ملهاش قيمه و راحت هدر

من حوالي يومين كانوا بيعرضوا علي شاشه روتانا زمان فيلم الرصاصه لا تزال في جيبي و جاء علي لسان الفنان عبد المنعم ابراهيم المقوله التاليه تعقيبا علي حال المصريين عقب النكسه و ما كان يفعله نظام عبد الناصر من قمع و تنكيل بالمصريين حدثت علي أثرها النكسه

الراجل قال ايه بعفويه نادره

قال اللي ينضرب جوه بيته و يسكت هينضرب بره بيته و برضه هيسكت

احنا بننضرب من نظام الحزب الوطني بقالنا كام سنه و ساكتين هنيجي دلوقتي لما واحده تنضرب في ألمانيا هنعمل فيها رجاله و نقول بيضربونا ليه

و النبي خلونا ساكتين

تحياتي

[عنبو]

حسبى الله ونعم الوكيل نعم المولى ونعم النصير

[hgalal]

سيبك سيبك

يارب مصر تكسب بكره رواندا

وانجلترا تتعادل مع الاكوادور عشان نطلع كاس العالم والريس يروح ينتظر منتخبنا في المطار ويمنحهم قلادة النيل من الدرجة الاولى

عليك نووووووووووووووور

هو كده

و احنا كده

بننسى بسرعه و بننسى كتير

و الكبار فهموا الحته دي

و عرفوا يشتغلونا ازاي

اي مصيبه حتلاقي وراها حدث يلهي المصريين البسطاء

اللي اعتقد انهم اصبحوا كييفه ان يتم الضحك عليهم

على فكرة المسئول في وزارة الزراعه مساعد الوزير واللي كان متهم في قضية المبيدات المسرطنه، كان هرب من مصر وسافر وهو علي زمه التحقيق

بعد وقوع حادث مقتل ابنه الفنانه المعروفه وصاحبتها. مش عارف ليه افتكرت الوضوع ده دلوقتي

ربنا يرحمها يارب ويصبر اهلها

[skyed]

تم الصلاة عليها اليوم هنا برلين و كان العدد ضخم , حالة من الغضب و الغليان كانت فينا كلنا

و الشهيدة في طريقها الي مصر ان شاء الله

الله يرحمها

[Abu Reem]

لما تحصل مشكلة تتعرض لسمعة لاعبي الكرة ، تنهد الدنيا ، وأعضاء مجلس الشعب يطلبوا استجواب

لكن لما مصرية مسلمة تنقتل ويجرح زوجها ويتشرد أبنهم ، مش سامعين أي صوت ولا اي موقف من السفارة أو الخارجية أو استدعاء السفير الألماني،،،

وبعدين انتم فاكرين الذي لم يهتم بموت 1200 في العبارة ، وتركوهم في البحر 3 أيام ولا سائلين فيهم هايهتموا بواحدة !!!! ،،

- ياجماعة لا تستغربوا بصراحة مفيش فايدة ، لازم نفهم أن حاجة ممكن تحصل ولازم نتوقع أيي مصائب ممكن تحصل طالما ........

( أنت عارفين الباقي ................وربنا كبير ... ويمهل ولا يهمل )

[esocial]

الكلب ده كان بيضربها وهو قلبه جامد ومسنود وكأنهم سيبينه يخلص الأول وبعد كده يتدخلوا عمليه مخططه ومحسوبة ربنا يرحمها امين ويصبر اهلها وزوجها

انا دايما علشان اوصل للصواب والرد المقنع بحاول أحط نفسى مكان الطرف الثانى أى المانيا والقاتل المجرم الألمانى فلو حدثت نفس القضية لالمانية بمصر داخل المحكمة المصرية ماذا يكون ردة فعلنا كمواطنين وما هى ردة فعلالشرطة المصرية و الحكومة والرئيس بمصر وما كان رد فعل الألمان والسفارة الألمانية والحكومة الألمانية

أكيد أحنا المواطنين هنقول حرام ونتعاطف مع القتيلة الألمانية ونبقى فى نص هدومنا والشرطة مش بعيد تضرب الجانى بالنار والرئيس وكمان الحكومة هتقول ده بنى ادم مجنون و أكتشفنا انه كان يعالج بالمستشفى وهرب يعنى هنتعامل على اساس ان دول عالم اخر غيرنا ولازم يكون لهم كيان ووضع مختلف عننا أحنا المصريين اللى ملناش سعر خالص وطبعا الرئيس هيعتذر ويحاول يغطى ما حدث بأنه يضع لهم المصريين تحت رجليهم وأنه خدلهم حقهم وعمل وسوى انا لله وانا اليه راجعون .

[Sherief AbdelWahab]

مفيش داعي نتكلم عن موقف الدبلوماسية المصرية لإنه معروف .. ليه أضيع وقتي ووقتكم على الكلام على حاجة معروفة ومتوقعة..

ومفيش داعي نتكلم عن موقف الحكومة والإعلام ومنظمات حروق الإنسان في ألمانيا .. ليه أضيع وقتي ووقتكم على الكلام على حاجة معروفة ومتوقعة..

ومفيش داعي نتكلم عن موقف بعض الاعتصاميين وثورجية الشوارع .. ليه أضيع وقتي ووقتكم على الكلام على حاجة معروفة ومتوقعة وكمان أكون قليت أدبي..

خلص الكلام

[محمد يوسف]

<H3>مشاهدة فيديو وصول جثمان مصرية قتلها متطرف الماني الي مصر اونلاين على الانترنت واخر تطورات حادث مقتل مروه الشربيني

http://www.fr3oon.net/video/file.php?f=114

</H3>

[rar]

ربنا يصبر أهلها... و يعوض ابنها و يحميه...

العالم شكله داخل علي مرحلة حرجة قوي... هيختبر فيه مدي تمدنه الحقيقي... و خصوصا بعد الأزمة الاقتصادية، و الناس هتبان علي معادنها... يا تري فعلا اتعلمنا ان كلنا واحد و لينا نفس الحقوق و الواجبات...يا تري اتعلمنا نقبل بعض علي اختلافاتنا... و لا لسه اللون و العرق و الدين و الطبقة بتخلينا نحابي واحد علي حساب التاني... و ندي لواحد حق و نمنعه عن غيره بسبب ميولنا و انتماءتنا الشخصية...

عائلة الشربيني... رفعتوا راسنا في العالم كله... العالم كله أخد باله ان الشهيدة دكتورة، متزوجة من طالب دكتوراه... لما مراته اتعرضت للظلم، لجأ للمحكمة... ياه... العيلة دي، رفعت راسي في السما...

ربنا يرحمهم... و يلطف بينا في اللي جاي...

[dawn walker]

خبر مؤلم

الله يرحمها

وينتقم من هذا الرجل المجرم ..

[أحمد سيف]

أنا كنت في دريسدن قبل أسبوعين والناس فعلا هناك عندها تعصب رهيب ضد كل ما هو أجنبي ... الألمان معروف عنهم العنصرية والتعصب لكن المنطقة دي بصورة أكبر بسبب بقاءهم تحت قهر الحكم الشيوعي لخمسة وأربعين عاما ونسبة البطالة المرتفعة ... سنحت لي الفرصة لحضور أحد الاحتفالات التي أقاموها بمناسبة مرور 20 سنة على إعلان جمهوريتهم المستقلة في نهايات الحكم الشيوعي، وكنت أتوقع أحتفال رسمي محترم ولكني فوجئت بأكبر تجمع من المعتوهين أراه في حياتي، خليط من النازيين الجدد وعبدة الشيطان والتاتووهات والمثقوبين في كل مكان من كل الأعمار والأشكال ... بصراحه كنت مرعوب وأنا ماشي بينهم وأشفقت على العرب والمسلمين الذين تجبرهم الظروف على الإقامة لمدة طويلة في مكان كهذا.

لكن نرجع نقول لو الحكومة المصرية لم تتخذ موقف حازم وتطالب بعقوبة رادعة لهذا المعتوه وأمثاله فإن الخطأ يقع عليها... الدم المصري يجب أن لا يكون رخيصا.

[ام بودى]

ان لم يكن هذا هو الارهاب فماذا يكون عندما تشاجر هذا المعتوة مع الفقيدة نعنها بالفاظ قذرة ووصفها بالارهابية والمتخلفة فكان ردها ان لجأت الى المحكمة لتأخذ حقها فهل هذا تصرف يتسم بالهمجية والتخلف من هو الهمجى الارهابى العنصرى سؤال لكل المتشدقين بالسلام والمساواة واحترام حقوق الانسان وحريتة الى كل المتحاملين فى العالم على العرب والمسلمين حكموا ضمائركم والصورة امامكم فهل من عقلاء ؟ وحسبنا اللة ونعم الوكيل

[se_ Elsyed]

لكن نرجع نقول لو الحكومة المصرية لم تتخذ موقف حازم وتطالب بعقوبة رادعة لهذا المعتوه وأمثاله فإن الخطأ يقع عليها... الدم المصري يجب أن لا يكون رخيصا.

عفواً

في الأفلام بس بيحصل إن عبد الوارث عسر أو عبد الفتاح القصري يبقى طالع بدور الزوج ضعيف الشخصية طول الفيلم ... وبعدين ييجي في الأخر في موقف معين .. عرق الرجولة ينطر في قفاه ويلطش مراته بالقليم تروح مرميه في حضنه وبعدين تسمع كلامه وتبقى مُطيعه ...

في الحقيقة بقى والواقع صعب قوي يحصل ... والموضوع محتاج معجزة من السماء أو نضطر نلجأ لزرع الأعضاء ,..

آه والله

يعني نلم المسئولين دول من أول الرئيس وإنت نازل ... ونزرع لهم نخوه أو رجولة ... مش عارف إزاي بس الطب بيتقدم وممكن علم الهندسة الوراثية وخريطة الجينات يتوصلوا للحتت اللي فيها الحاجات دي وناخدها من متبرعين عندهم الرجولة والنخوه بزيادة .. حاجة زي التورلوب كده .. ونعمل لهم عمليات ونزرعها في قفاهم .. يمكن المعجزة تحصل ويبقى عندهم دم ونخوة ورجولة ..

و على قدر ما أعارض فترة حكم الديكتاتور عبد الناصر إلا أن المصري كان له كرامه وماحدش كان يقدر يقول لنا بِم في العالم كله مع إننا كنا مهزومين ...

وفي عهد السادات أيضاً كنا شعب مُنتصر وكنا مرفوعي الراس

أما الثلاثون عاماً تقريباً بتاعت حكم مبارك .... فلقد محا بأستيكه كلمة رجولة ودم حامي ونخوه و أختار لنفسه ولشعبه سياسة الرز ابو لبن ...

يعني هو رجل السلم والسلام ...

رجل الخضوع والخنوع ...

رجل البتاع والبتوع

الراجل اللي عرف واتأكد إن ما يزال هناك اسرى حرب في السجون الاسرائيليه . ومع ذلك بيدعي على اليهود في صلاة الفجر ويقول : الله يسامحهم ... الظالم منه لله .. وأنا يارب هابات مظلوم عشان تحبني .... ويبكي بالدموع من القهر

والصحف الصهيوينه تطلع تقول : يا ناس يا هو ياللي ما عندكمش دم ..علينا الطلاق بالتلاته إحنا دفننا الجنود المصريين أحياء في سيناء وفلسطين في نكسة 67 وكنا بندوس عليهم بالدبابات وهما صاحيين ونعملهم كفته وكنا بنسرق أعضاءهم البشرية .... ومع ذلك يطلع وزير خارجيتنا يقول : لن ننجر إلى محاولات استفزازية من إسرائيل ..... وبرضوا الله يسامحكم .... وإحنا ولايه مكسوري الجناح ... وخلو بالكو يا اسرائيل اللي بييجي عالولايا لا بيكسب ولا بيربح .. بيتعادل أو بيبقى في الأوفسايد ...

ويطلع الرئيس القائد الطيار يقول لك : حرب أكتوبر هي أخر الحروب التي ستخضوها مصر ....

لوووووووووولي .. بأزغرط من فرحتي ... طب ما تصدر أوامر أيها القائد الاعلى بتسريح الجيش وكل واحد أصرف له صاج قُرص ويقفوا يبيعوا قرص بعجوه في موقف أحمد حلمي وعبد المنعم رياض أو يشتغلوا أفراد أمن في شركات الخصخصة ؟ ....

وجنودنا اللي واقفين بعصيان المقشات على الحدود المصرية الصهيونية بيتقتلوا بشكل منتظم والجنود الصهاينة بيتعلموا فيهم النشان زي بومب العيد .. آه والله شوفتهم في أبراج المراقبة بيضربوا جنودنا بتوع الأرياف اللي واقفين من غير سلاح ناحية الأسلاك الشائكة لحماية إسرائيل من اي ذبابة تهوب ناحيتهم وتأذيهم .. ومع ذلك ولا مره اتحركت ذرة نخوه او دم لدى رئيسنا ورجاله ... آسف على كلمة رجاله دي ما هو اصل المنتدى هنا له تقاليد وما أنفعش اقول كلام تاني .. فأستحملوني ومشوها رجاله .. مجازاً يعني عشان الرقابة لحد ما نشوف لفظ تاني مؤدب ..

إذا كنت متجني فياريت تقولوا لي يا جماعة عشان أقف عند حدي وأقول أنا غلطان يا جماعه وأدي راسكم ابوسها

بإختصار .. مش هايحصل حاجه .. ومش بعيد أبو الغيط يروح يمسك إيد أنجيلا ميركل ويقول في مؤتمر صحفي : الست المصرية هي اللي غلطانه عشان وقفت في طريق السكينة ... ونيابة عن شعب مصر حكومة ومشعباً ... نتقدم بخالص الإعتذار للشعب الألماني اللي إتأذى من منظر دم الشهيدة .. ونحن نعلن بإننا سنتحمل تكاليف شركة النظافة اللي نضفت أرضية المحكمة والبنشات الموجوده ... مع تحياتي أحمد أبو الغيظ وزير خارجية مملكة مبارك وولاده

[se_ Elsyed]

ان لم يكن هذا هو الارهاب فماذا يكون عندما تشاجر هذا المعتوة مع الفقيدة نعنها بالفاظ قذرة ووصفها بالارهابية والمتخلفة فكان ردها ان لجأت الى المحكمة لتأخذ حقها فهل هذا تصرف يتسم بالهمجية والتخلف من هو الهمجى الارهابى العنصرى سؤال لكل المتشدقين بالسلام والمساواة واحترام حقوق الانسان وحريتة الى كل المتحاملين فى العالم على العرب والمسلمين حكموا ضمائركم والصورة امامكم فهل من عقلاء ؟ وحسبنا اللة ونعم الوكيل

يا أم بودي الله يكرمك مش عاوزين كلام كبير وإرهاب وبتاع وكلام من ده

يا دكتورة أتحدى ..

شوفي أتحدى

إن كان حد من الغرب سواء الكلب بوش أو قبله

هو اللي اخترع مصطلح إرهاب إسلامي أو إرهاب بشرطه

يا ست الكل .. الحكام العرب المهزومين هم من اخترعوا هذا اللفظ

فلما ييجي الغرب يستخدمه يبقى ما نلومهمش ...

طبعاً إخواننا المقيمين في ألمانيا شافوا التغطية الألمانية للحادث .. اللي سابوا كل الموضوع وركزوا على إن القتيلة يا حرام سابت بيبي عنده 3 سنوات

1+1= 2

علمونا كده من زمان

يعني نفرط في كرامتنا ورجولتنا ودمنا وعِرضنا .... يبقى إيه المُحصلة ؟

تفتكري الناس التانية هاتلم ورانا عِرضنا وتحافظ على اللي فرطنا فيه ؟ ولا هايدهسونا بأحذيتهم كما يحدث لنا في عصر مبارك اللامبارك اللي مصيره الحتمي في الأخره منتظره بإذن الله

[doudy]

و الله حرام اللى حصل للاسرة دى منتهى الظلم و الاضطهاد

ذنبه ايه ابنهم يتيتم و هوة صغير و مين عارف باباه هيقوم بالسلامة و لا ايه

حسبنا الله و نعم الوكيل

وبدأت أحداث الجريمة قبل عام بمشادة كلامية بين الصيدلانية المصرية مروة الشربيني زوجة المبعوث المصري علوي علي المعيد بمعهد الهندسة الوراثية بجامعة المنوفية والحاصل علي منحة شخصية للدراسة في معهد فاكس بلانك ومواطن ألماني يدعي أليكس '28 عاما' في حديقة للأطفال ، عندما طلبت منه أن يترك الأرجوحة لابنها الطفل، إلا أنه قام بسبها واتهامها بأنها "إرهابية" بسبب ارتدائها الحجاب.

واعتاد الجاني التعرض للزوجة ونزع الحجاب عن رأسها"، مما اضطرها إلي تقديم شكوي ضده، حيث قضت المحكمة أواخر 2008 بتغريم المتهم 750 يورو، أي ما يعادل حوالي 1055 دولارا أمريكيا.

إلا أن المتهم استأنف الحكم، وتربص بمروة داخل محكمة 'لاندس كريتش' في مدينة دريسدن الألمانية حيث أخرج سكينا كان بحوزته وقام بطعنها عدة طعنات فأرداها قتيلة علي الفور، كما وجه بعض الطعنات إلي زوجها وشخص آخر أثناء محاولتهما إنقاذ الزوجة.بالرغم من تدخل أفراد الشرطة الألمانية لفض الاشتباك وإطلاقهم عدة أعيرة نارية - أصابت إحداها الزوج المسلم الذي سقط مغشيا عليه، ويرقد حاليا في غرفة العناية المركزة بأحد المستشفيات في مدينة دريسدن- إلا أنهم لم يستطيعوا إنقاذها .

هى دى القصة من اولها لاخرها فعلا خنزير المانى عنصرى

تم تعديل 6 يوليو 2009 بواسطة doudy