عايزة اوضح حاجة

[doudy]

عايزة اوضح حاجة مهمة بخصوص التوثيق:

لو فيه ورق المفروض يوثق من السفارة السعودية فى مصر

و ما حصلش دة و سافرت من غير ما توثقه

بيتوثق عادى جدا من السفارة المصرية فى السعوديةو تكاليف التوثيق 85 ريال لكل ورقة

ثم من الخارجية السعودية فى السعودية و تكاليف ذلك 30 ريال لكل ورقة

و دة عن تجربة شخصية

حيث ان زوجى سافر الرياض و لم يوثق شهادات ميلاد الاولاد ولا قسيمة زواجنا من السفارة السعودية

بمصر و طبع مطلوبين فى الاستقدام فقام بالخطوات السابقة و الحمد لله

[عاشق النيل]

مشكورةالاخت للتوضيح لانى ما وثقت الاوراق من القنصلية السعودية وكنت شايل همها

ولكن لو وضحتى الخطوات للاستقدام والاوراق يبقى بارك الله فيكى لان انا سمعت ان ممكن تقديم من وزارة الخارجية او من مكتب الاستقدام بالداخلية القديمة

وناس كتير اختلفت على الاوراق المطلوبة

والله المستعان

[doudy]

لا حضرتك هوة زوجى قدم الورق فى مكتب الاستقدام بس مش عارفة فين بالضبط

و الاوراق المطلوبةهى:

1) خطاب من الكفيل بالمرتب و دة عليه توقيع الكفيل و ختم الشركة و يوثق من الغرفة التجارية هوة و طلب الاستقدام

2) قسيمة الزواج موثقة من المحكمة فى مصر و الخارجية و السفارة السعودية بمصر+ الصورة

و لو ما وثقتهاش تقدر حضرتك توثقها زى ما شرحت فى السابق

3) شهادات ميلاد الاولاد و موثقة برضه من الخارجية بمصر و السفارة السعودية بمصر+ الصورة

و برضه لو ما وثقتهاش فى مصر نفس الحكاية

4)اصل جواز السفر + صوره

5)اصل الاقامه + صوره

6)2000 ريال قيمة الاستقدام بتدفعهم فى بنك الرياض او الراجحىو بتاخد الايصال مع ورق الاستقدام

و ربنا يوفق حضرتك

[عاشق النيل]

مشكورة الاخت الفاضلة للتوضيح ارتاح بالى من هم التوثيق والرسوم معقولة وهوفر تعب المدام فى التوثيق من مصر

لكنى ارجوان استطعتى الافادة باخر"اسهل طريقة لتقديم طلب الاستقدام وانهاء الاجراءات"

والله يوفقنا واياكم للم شمل الاسرة

[alex man]

صراحة انا عملت الاستقدام مرتين

وفى المرتين لم يطلبوا منى اى توثيق لشهادات الزواج وكذلك شهادات ميلاد اطفال

[عاشق النيل]

سلام خاص لكل اهل اسكندرية الجدعان

انت اول واحد يوضح كدة فى المنتدى

وانا بعت جبت الاوراق بتوثيق الخارجية المصرية بس وعلى العموم حنحاول وهى المشكلة فى تخليص الورق من الكفيل او صاحب العمل

وهل التقديم على النت للاستقدام والا لازم النموذج والاوراق من الداخلية القديمة

وبارك الله فيكم

[alex man]

شكر ا يا باشا

الاستقدام لابد ان يكون عن طريق مكتب الاستقدام وليس على النت

[عاشق النيل]

من عاشق النيل الى محب الاسكندرية

جارى البحث والتنفيذ

لكن مادمت حضرتك خلصت الاستقدام مطلوب وصف تفصيلى

عشان اخوك صعيدى

وللاسف محدش فادنى بمعلومات

خاصة الحد الادنى للراتب/وخطاب التعريف/والمعاملة مع االغرفةالتجارية/ومكتب الاستقدام

يعنى لما تكون فاضى

وايوةة احنا بنشكرووك قوىىى