جريدتي البديل والدستور إلى رحمة الله

[se_ Elsyed]

إنتقلت إلى رحمه الله جريدة البديل وتوقفت عن الأصدار بناء على قرار الجمعية العمومية الأسبوع الماضي نتيجة صعوبات مالية ... وبعد أن كانت تُصدر يومية أصبحت أسبوعية والأن توارت عن الأنظار واصبحت أثر بعد عين ...

وفي الطريق جريدة الدستور لنفس الأسباب وهي الأن في غرفة الإنعاش ويحاولون عمل صدمات كهربائية لقلبها يمكن تقدر تعيش وتم طرحها للبيع لرجال أعمال قادرون على التمويل وبالتالي اللي هايدفع راح يسمع ويقيفها على مزاجه ...

الفاتحه

[سهل جدا]

الصحافة الإنترنتية بلعت الصحافة الورقية

والكلام حصل في أمريكا من سنوات..

وأعلنت كثير من الصحف العريقة هناك إفلاسها وتوقفها عن الإصدار الورقي

[mamdowh]

انا عن نفسى مش فاكر آخر مره قريت جريده ورقية , بس يا ريت يفكروا انها تستمر على النت على الأقل مش ها يفكروا فى سعر الورق والأحبار اللى في زيادة جنونيه كل يوم

[الترجمـان]

بالنسبالي انا من قرّاء و متابعي المصري اليوم وأهرام الجمعة ..

وبشتري الصحيفة الورقية للمصري اليوم كل يوم ليس لصعوبة تصفحها من على الإنترنت ولكن لدعمها ماديا ..

بالنسبه للدستور انا كنت زمان من متابعيها ولكن مع الأيام لم اعد افضل طريقة تناولها للأخبار ومعارضتها وبالتالي اكتفيت بدعم المصري اليوم وجريدة الأهرام ..

[sayed_ossman]

الله يرحمك يا مهنى - لكن ايام الجلاد فى المصرى اليوم مش عرفين الى هؤلاء او الى هؤلاء

[midogemy]

بالنسبة لجريدة الدستور

مفيش أى أخبار عن افلاس او أى شىء من هذا القبيل

مش عارف انت جبت الكلام ده منين ؟ !!

الجريدة بتصرف على نفسها من التوزيع المرتفع لها

و لكن فى مفاوضات لبيعها لمحمد انور السادات اخو طلعت السادات

و لكن مفيش ا مالى متعثر بالعكس فى ارباح

[osasaus]

كل الجرائد الورقيه فقدت شعبيتها وخصوصا اليوميه وعن نفسى انا بطلت اشترى جرايد من 2005 لان الجرايد القوميه نفس الكلام كل يوم ومفيش تشويق و المقالات اللى كنت بستناها لعبد الوهاب مطاوع ( رحمه الله ) و ابراهيم نافع و د زغلول النجار مبقتش موجوده دا غير ان بشوف فيها الحياة بمبى وزى الفل و مصر احسن بلد فى العالم و عشان كدا بطلت اشترى جرايد تماما

[مغتربة]

سنه الحياه

تطور البشريه يحتم اختفاء مهن و اساليب و نشوء غيرها

الجرائد الورقيه اجلا او عاجلا ستختفى مثل اختفاء مهنه السقا و مبيض النحاس

المستقبل الكترونى

[mamdowh]

ده حتى جريدة الوفد اللى الواحد كان فاكرها معارضه بقت اول حاجه بتنقل معظم اخبارها من الصحف القومية تانى حاجة بقت تطلع العدد الجديد بتاع اليوم نفسه على النت الساعه 3 مساءاً يعنى مفيش داعى الواحد يقراها لان نفس الاخبار بنقراها فى الجرايد الاخرى صباحا

[se_ Elsyed]

بالنسبة لجريدة الدستور

مفيش أى أخبار عن افلاس او أى شىء من هذا القبيل

مش عارف انت جبت الكلام ده منين ؟ !!

الجريدة بتصرف على نفسها من التوزيع المرتفع لها

و لكن فى مفاوضات لبيعها لمحمد انور السادات اخو طلعت السادات

و لكن مفيش ا مالى متعثر بالعكس فى ارباح

هذا الكلام يُناقش في برامج التوك شو منذ فترة

وبعدين لما هي بتكسب ... اشك في ذلك .. يبقى هاتتباع ليه لرجال اعمال ؟

[فــيــروز]

وبعدين لما هي بتكسب ... اشك في ذلك .. يبقى هاتتباع ليه لرجال اعمال ؟

بيزنس ..

هذه هى الكلمه التى وصفت بها "منى الشاذلى" مشروع بيع جريدة "الدستور" ..

يعنى البعض وجده مشروع ناجح و رائج فقرّر التقدّم بعرض للشراء .. يشربوها :rolleyes:

[midogemy]

وبعدين لما هي بتكسب ... اشك في ذلك .. يبقى هاتتباع ليه لرجال اعمال ؟

بيزنس ..

هذه هى الكلمه التى وصفت بها "منى الشاذلى" مشروع بيع جريدة "الدستور" ..

يعنى البعض وجده مشروع ناجح و رائج فقرّر التقدّم بعرض للشراء .. يشربوها :angry:

اللى أقدر أؤكده ان الجريدة بتربح يوميا من 7 الى 8 تلاف جنيه من التوزيع فقط ( الجريدة تعمل بأقل ميزانية بين كل الصحف المنافسة )

انا لا يهمنى ان السادات حيشتريها عشان بيزنس و لا غيره

انا اللى يهمنى تفضل على نفس الخط السياسى و نفس القوة

و لكن

بما ان رجل الاعمال حيصرف كويس يبقى عايزين ارتقاء بالخدمة الصحفية لأقصى درجة

[Sherief AbdelWahab]

أحسن..

في ستين سلامة..

عملنا بيهم إيه يعني؟

ولا حاجة..

الاتنين كانوا أداتين في يد رجال أعمال في مواجهة الحزبوطني ورجال أعماله ، مصالح في مصالح يا سادة .. وشربوها سادة .. وكل اللي فالحين فيه يداروا خيبتهم بالفوبيا المنتشرة لدى اليساريين والناشطين وخَرج الجماعات : "الأمن"!.. زي ما الحكومة بتتحجج بالشمس والزلزال وأسود ملك الحبشة نلاقي الناس دي كل شوية بتطلع لنا بحكاية إن فيه "تضييق أمني" عليهم .. الحيلة التعبانة دي طلعت بالضبط زي الحدوتة اللي كانت بتتحكيلنا واحنا صغيرين عن الراجل اللي كان كل يوم بيقول للناس اللي حواليه إن الديب خلص على الخرفان بتاعته ، تيجي الناس تشوف الخرفان تلاقيها زي ما هية ويلاقو الراجل بيقول : هيييييه ، وضحكت عليكم!

لعبوا بورقة الجيل الجديد من الكتاب والناشطين ، مش حباً فيهم ولا في موهبتهم ولا في تكوين جيل جديد من الصحفيين والأدباء المصريين والعياذ بالله ، ولكن لاستغلال حماسهم الزائد في التصعيد مع النظام في بعض المواقف التي تتطلب ذلك..

وستتضاعف سعادتي بأن ينكشح هؤلاء نهائياً ، فلم يعد نفر كثير من الناس يثق بهم ، ولا بالمشاريع التي يروجونها إن وجدت ، ولا بالذين يحركونهم كعرائس الماريونيت..

وكما قال الشاعر المجهول في إعلان شيفروليه الدبابة قولته التاريخية : باي باي يا بنزييييين! :unsure:

خلص الكلام