فيلم الفرح...

[toota]

ابطال الفيلم :

خالد الصاوى - دنيا سمير غانم- جومانا مراد - ياسر جلال - ماجد الكدوانى- باسم سمرة - روجينا - مي كساب - حسن حسنى - محمود الجندى - صلاح عبدالله- كريمة مختار - سوسن بدر - علاء مرسى - سليمان عيد - رانيا يوسف - أنجى شرف - شمس- سعيد طرابيك

اخراج: سامح عبدالعزيز

قصة: احمد عبدالله

انتاج: احمد السبكي

امبارح شفت فيلم الفرح....ومش عارفه اصنفه....الفيلم باختصار دوشة....الي يحب يشوف افراح شعبية بدوشتها يشوفه....ومش لاقياله كلام كتير يتقال فيه....فيما عدا بعض الشخصيات التي اجاد تمثيلها بعض الممثلين والممثلات....غير كدة الفيلم اقل من المستوى المتوقع خصوصا ان الابطال هم نفسهم ابطال فيلم كباريه ونفس المؤلف......ياريت الي شافه يشارك .....

اكتر شخصيه مؤثرة في الفيلم هي شخصية التي ادتها دنيا سمير غانم....بجد عامله دور قوي ومؤثر وغريب....بنت مسترجلة بتشتغل في توريد البيرة في الافراح الشعبية وكان لازم تخبي انوثتها عشان محدش يطمع فيها من السكرانين الي بيوردوا على الافراح دي...الي بييبقى اساسي فيها الخمرة والحشيش...وبتتعرض لكتير من المواقف والي بتعرف تتصرف فيها اجدع من اي راجل خصوصا بالمطوة الي شايلاها دايما في هدومها....اجادت دنيا واتوقع لها انها تبقى مهمة في السنين الجايه لو عرفت تختار ادوراها وتبعد عن كونها بنت سمير غانم ودلال ....

خالد الصاوي....ممثل من زمن فات ......برغم ان دوره مكانش كبير ......بس هو من الشخصيات القويه ...ملوش حل امتداد للراحل عادل ادهم...الشر في حلته الجديدة...خصوصا في مشهد الخناقه مع والدته.....شرير شرير...

باقي الممثلين تراوحت شخصياتهم مابين الخير والشر.....بس في المجمل مش مؤثرين....

هو الفيلم بس فيه حاجة جديدة....انهم عملوا نهايتين...نهاية شريرة وترتبت عليها احداث نهاية الفيلم...ونهاية غير شريرة وترتبت عليها احداث جديدة في نهاية الفيلم.....

[se_ Elsyed]

مرحباً بالناقدة الجديدة توتا

حيث أني قاعد فاضي اليومين دول ... فعمال أتفرج على افلام منتقاه براحتي ...

بين وبينك أول مره أشوف فيلم من أنتاج السبكي ويعجبني ...

فيلم لافرح بيفكرني بفيلم بين السما والأرض مع أختلاف العصر طبعاً ..

كل شخصية وراها حكاية انسانية ...

بس وقعت في نفس المحظور ..

إني شاهدت البرومو الأول وقلت هايبقى فيلم مسخره .... هههه

لكن الفيلم مختلف تماماً عن البرومو ...

وبجد ... عجبني جداً بغض النظر عن الدوشة .. أصله كان فرح شعبي مش حفله عائلية عالضيق

-----------

خارج الموضوع

أمبارح سمعت رأي نقدي لطارق الشناوي في فيلم بوبوس ... ومسك الفليم شرحه .... فقلت له ما كانش يومك يا شناوي ... أستلم بقى وأستحمل اللي هايجرى لك عشان غلطت في مولانا عادل امام المتصابي اللي احتفل من اسبوعين بعيد ميلاده السبعين مع ذلك عادي ممكن يطلع في فيلم في دور شاب في ثانوي ولسه هايخطب ....

بوبوس فيلم لا يستحق إنك تضيع 5 دقايق من وقتك وتتفرج عليه ...

[toota]

مرحباً بالناقدة الجديدة توتا

حيث أني قاعد فاضي اليومين دول ... فعمال أتفرج على افلام منتقاه براحتي ...

بين وبينك أول مره أشوف فيلم من أنتاج السبكي ويعجبني ...

فيلم لافرح بيفكرني بفيلم بين السما والأرض مع أختلاف العصر طبعاً ..

كل شخصية وراها حكاية انسانية ...

بس وقعت في نفس المحظور ..

إني شاهدت البرومو الأول وقلت هايبقى فيلم مسخره .... هههه

لكن الفيلم مختلف تماماً عن البرومو ...

وبجد ... عجبني جداً بغض النظر عن الدوشة .. أصله كان فرح شعبي مش حفله عائلية عالضيق

-----------

خارج الموضوع

أمبارح سمعت رأي نقدي لطارق الشناوي في فيلم بوبوس ... ومسك الفليم شرحه .... فقلت له ما كانش يومك يا شناوي ... أستلم بقى وأستحمل اللي هايجرى لك عشان غلطت في مولانا عادل امام المتصابي اللي احتفل من اسبوعين بعيد ميلاده السبعين مع ذلك عادي ممكن يطلع في فيلم في دور شاب في ثانوي ولسه هايخطب ....

بوبوس فيلم لا يستحق إنك تضيع 5 دقايق من وقتك وتتفرج عليه ...

ميرسي يا فندم النور نورك.... :lol:

فيلم الفرح فعلا كانك في فيلم شعبي....بس انا عندي حساسيه من الصوت العالي....

عموما انا شفت فيلم بوبوس ونقدته وحنقل الموضوع هنا كمان شويه.....تابعونا....

[dongol]

انا شفت الفيلم من يومين و بصراحة ما كنتش متوقع انه هيشدني كده

نادرا ما بقعد قدام اي فيلم لغايه لما اخلصه بس المرة دي حصلت لان الاحداث متسارعه و متواليه بطريقه جميلة تشدك

اجمل الادوار اللي عجبتني كان دور كريمة مختار و خالد الصاوي

احساسي انهم ادوا الدورين بتلقائيه شديده غير مفتعلة

[toota]

انا شفت الفيلم من يومين و بصراحة ما كنتش متوقع انه هيشدني كده

نادرا ما بقعد قدام اي فيلم لغايه لما اخلصه بس المرة دي حصلت لان الاحداث متسارعه و متواليه بطريقه جميلة تشدك

اجمل الادوار اللي عجبتني كان دور كريمة مختار و خالد الصاوي

احساسي انهم ادوا الدورين بتلقائيه شديده غير مفتعلة

لو كنت شفت فيلم كباريه...كانت توقعاتك عن الفيلم ده حتبقى اعلى من كدة....لان فيلم كباريه كان متقن اكتر من ده بكتير

[sohagy]

فيلم الفرح نقلة رائعة فى السينما المصرية البعد عن البطل الأوحد اللى خلاص زهقنا منه ومشاركة البطولة مع جميع الشخصيات التى بالفيلم كما اعجبنى الأداء السرائع والعبقرى للقديرة كريمة مختار فعندما تراها تشعر بانك امام امك فعلا واعجبتنى ايضا دنيا سمير غانم على خروجها من اداء الأدوار التقليدية وتمثيلها شخصية ذات بعد نفسى رائع وهى شخصية سميرة بيرة

[toota]

فيلم الفرح نقلة رائعة فى السينما المصرية البعد عن البطل الأوحد اللى خلاص زهقنا منه ومشاركة البطولة مع جميع الشخصيات التى بالفيلم كما اعجبنى الأداء السرائع والعبقرى للقديرة كريمة مختار فعندما تراها تشعر بانك امام امك فعلا واعجبتنى ايضا دنيا سمير غانم على خروجها من اداء الأدوار التقليدية وتمثيلها شخصية ذات بعد نفسى رائع وهى شخصية سميرة بيرة

فعلا دنيا ملفتة اوي بأدوارها واختياراتها مؤخرا....غيرت كتير من نفسها وابتدت تاخد الموضوع بجدية اكتر...

[mffaswan]

رأي خاص

الفيلم لم يعجبني مطلقاً .. للأسف لم أتوقع هذا السخف غير المفهوم !

بعد رؤيتي للفيلم .. لم أستطع أن أخرج برسالة محددة منه ..

ماذا يريد صانعو الفيلم من المشاهد؟؟ وخاصة النهاية المعكوسة للفيلم؟؟

هل رسالة الفيلم هي لا تستمر في الخطأ حتى لا يحدث خطأ أكبر؟؟ رسالة ساذجة و سطحية لأبعد حد !

ممكن حد يفهمني دور حسن حسني و مي كساب في الفيلم أضاف في الفيلم ده أيه؟؟ أحس إن فيه بعض الشخصيات (المحشورة) في الفيلم بدون أي داعي!

أما من ناحية حرفية الفيلم ..

فالتصوير لم يكن عال المستوى، خصوصاً الإنتقال بالكاميرا في أثناء الفرح

الديكور جاء مناسباً لأجواء الفيلم .. على الرغم من بساطته و نمطيته إلا إنه جاء مناسباً و ملائماً لجو الفيلم

الملابس كانت مناسبة و طبيعية، و أعجبتني ملابس صلاح عبدالله و دنيا سمير غانم بالأخص .. لتناسبها تماماً مع نمط الشخصية ..

الإضاءة .. كانت جيدة في معظم الفيلم، و إن كانت هناك بعض اللقطات تميزت فيها الإضاءة بشكل رائع .. خاصة في لقطات اكتشاف وفاة الأم (كريمة مختار)

المونتاج كان جيداً، مترابطاً متماشياً مع أحداث الفيلم المتناثرة هنا و هناك، مع ربط جيد لأحداث الفيلم

الموسيقى، رغم صخبها و تدني نوعها، إلا إنها كانت متماشية تماماً مع جو الفيلم و اسمه! فلا نسمع في هذا الفيلم سوى إزعاج شعبي أصيل

الاخراج كان متوسط، لم يزد المخرج في شكل فيلمه عن الشكل التقليدي النموذجي .. رغم كون السيناريو جامح و يمكن أن يحتوي على إبداعيات أكثر إلا إن القصة أصلاً لم تكن على المستوى العال من الحرفية، وبذلك لم يستطع المخرج أن يتحرك من خلالها ..

في النهاية .. الفيلم لم يترك أي انطباع لدي سوى دوري صلاح عبدالله و دنيا سمير غانم .. من حيث أدائهما و من حيث قصتهما في الفيلم..