ما ضاع حق وراه مطالب

[سكر]

ما ضاع حق وراه مطالب

تحت هذة المقوله يمكن سرد الكثير من القصص التى قد يفتخر بها شخص انه مع الاصرار والعزيمة استطاع

الحصول على حقه

ولكن ايضا الكثير من الحقوق ضاعت بسبب عدم تطبيق هذه المقوله

ارغب من الاخوة الاعضاء ذكر بعض المواقف الشخصية التى جعلتك تستعمل هذه المقوله بقوة فى حياتك

حتى نتعلمها جميعا وتصبح شعار ومبدا غير قابل للتنازل

[سكر]

بالطبع يجب ان ابدا بنفسى

اول موقف حصل لما كنت فى الجامعة من تقريبا اكثر من 10 سنوات

وفجاءة وتحت الاقدام وفى الرمل لاقيت سلسله دهب فى الارض

طبيعى رحت مسلم مواصفاتها للامن ورفضت تسليم السلسه لحد صاحبتها ما تيجى

المهم تم الاعلان فى ميكرفون المحاضرت بعدها بيوم ولما حضرت صحبتها وجدتها تقريبا شبة منهارة

وراحت داخلة فى العبد لله شمال

انت لاقتها فين

انت مش كنت تقول عليها من بدرى

انت كيد كنت بتحاول تاخدها عشان كدة مجبتهاش النهارد

بس بقى انا سمعت الكلمتين الاخرتين دول والدم غلى فى عروقى

فى اليوم دة انا مش عارف حاجة من ربنا

الهمتنى انى ماخدتش السلسة معايا لاحد معرف مين صاحبها لان الامن كان مصر ان ياخدها

بعد الداخله الشمال بتاعت صحبتنا وقدام ضابط الامن ركبت دماغى وقلتلة انا ملقتش حاجة ومعرفش حاجة عن السلسه

الى هى بتقول عليها

الخبر نزل على البنت والضابط ذى جردل الميه وتنحو وجلهم زهول

قلتهم اة معرفش حاجة ورحت سايبهم وماشى

بعديها باكتر من ساعة طلبنى الضابط فى المكتب لوحدنا وقالى فى اية اية الى حصل

قولتله

مفيش اى سلسه ولا اى حاجة هتظهر غير لما تعتذر عن الكلام الى قالته

وفعلا الراجل فهم الموقف وطالب منها انها تعتذر

واعتذرت وانتهى الموضوع

وبقيت لما اشوفها تكسف تبص وتجرى

بس كنت ببقى مضايق لما افتكر الموضوع

المهم دة موضع عادى اوسهل ممكن لا يوثر على حياة حد بس فى

حقوق لما اصحابها بيضيعوها بيحصل منها كوارث

معلش ملقتش غير الموضوع البسيط دة لتوضيح الفكره

بس اتمنى ان الاعضاء ميبخلوش علينا بتجاربهم

بالمناسبة سبب كتابة الموضوع دة هما قصتين

1- شهيدة الحجاب

2- بتشو امريكا

وكلهاما حقوق تحتاج تطبيق مقوله

ما ضاع حق وراه مطالب

[Amr Radwan]

كلامك صحيح .. و مقولة صحيحة .. نعم .. "ما ضاع حق ورائه مطالب"

و لن ينصلح حالنا الا لو طبقنا هذه المقوله .