البنهاوي في تورونتو يا رجالة

[tarekgomma]

اخواني واخواتي

أحييكم بتحية أهل الجنة

السلام عليكم ورحمة الله وبركاته

في البداية اتوجه بالشكر والعرفان بالجميل الى كل من قدم لي يد العون بالنصح او التوجيه من أصحاب المنتدي

اعرفكم اخواني انني وصلت بحمد الله امس الاربعاء الموافق 8 يوليو الساعة الواحدة بعد الظهر بتوقيت امارة تورونتو وسوف لكم عن التجربة كاملة ان شاء الله

في البداية اعرفكم انني قدمت من السعودية في يناير 2006 وحصلت ع رقم الملف ثم ارسلت التحديث في يناير 2008 ثم بعض الاوراق في يونيو 2008 والكشف الطبي كان في السادس من اكتوبر حيث عبرنا منحفر الباطن اي المنطقة الشرقية وعملت الكشف الطبي في الرياض

انا اذكر هذكر هذا التاريخ جيدا لان له موقف مميز ساحكي لكم عنه بعدين ثم وصلني بالايميل طلب الجوازات للحصول ع التاشيرة تلكأت في ارسالها لمدة شهرين لظروف متعلقة بي. وصلتني الجوازات في يناير 2009

ومن بداية شهر مارس وانا ابحث في النت عن كل شيء يخطر ببالكم وكنت محتار بين الاختيارات وخاصة اتكلم عن نفسي غير معتاد ع الاختيار ثم سألت أحد الاخوان لم يفيدني وذكر انه مش مهم اي مكان كله زي بعضه حيث ان لدي اولاد في جميع المراحل التعليميةثم هداني ربي الى فكرة انصح الجميع بها الا وهي استحضار النية في اي عمل تقوم بهفحاولت انتكون نقطة الانطلاق هي المسجد واعتبرتها الاساس في البحث ومن ثم عرفت عناوين جميع المساجد في تورونتو وبدأت ابحث الى ان وجدت شقق قريبة من المساجد وبالفعل وقع اختياري على شقة وبدا التفاوض واتفقنا على السعر وسألتني الاخت عن عدد أفراد الاسرة قلتلها خمسة وخميسة في وشك احنا اكتر من نص دسته بواحد قولوا ماشاء الله فجأة الاخت..........بعدين اكمل انتظرونا واوعوا تروحوا في اي حته.......

تم تعديل 9 يوليو 2009 بواسطة tarekgomma

[moheltohamy]

حمد الله ع السلامة يا طارق (يابو العيال )...

وصباح الخير عندك... وتمنياتي بالاستمتاع في تورونتو الغالية :lol:

بانتظار مشاريبك ، ومبروك افتتاح القهوة الجديدة...

مش عارف الناس هتجيب بطن منين لكل المشاريب اللي ع القهاوي دي كلها :sad:

[ايهاب سالم]

حمد الله ع السلامة يا ا / طارق

بالتوفيق ان شاء الله

[safaalabana]

حمدا لله على سلامة وصولكم ..... :sad:

[أحمد سيف]

الحمد لله على السلامة يا أخ بنهاوي ... وبالتوفيق بإذن الله

مش عارف الناس هتجيب بطن منين لكل المشاريب اللي ع القهاوي دي كلها

عندك حق يا دوك ... الناس اللي بره بقت أكثر من اللي جوه ... والناس اللي بتحكي أكثر من اللي بتسمع :sad:

[sherifhfm]

الحمد لله على سلامة وصولك وبالتوفيق ان شاء الله فى رحلتك الكندية

وفى انتظار انطباعاتك عن الرحلة

[medopharm]

حمدالله على على سلامتكم الوصول الى كندا

ويارب تكون بدايه موفقه

بس كده تسافر من غير مانسلم عليك

ينفع كده!!

ع العموم مسامحك المره دى

:sad:

[tarekgomma]

الله يبارك فيكم جميعا يا دكتور تهامي وحلوة دي ابو العيال لان الناس كلها كانت تنظر لي في جميع المطارات بشكل غريب جدا اسال الله ان يبارك لنا في اولادنا جميعا ويجعلهم قرة عين لنا

كما ان الشكر موصول للاستاذ ايهاب الذي لم يبخل بالنصيحة وجعله الله في ميزان حسناته

والشكر موصول ايضا الى االاخت safaa,ا. احمد سيف, أ. شريف الله يجزيكم خير جميعا

الله يبارك في جميع الاخوان المشاركين في المنتدي ودي فرصة كويسة علشان ابارك لاخويا وصاحبي الزناتي على الايلتس

تم تعديل 9 يوليو 2009 بواسطة moheltohamy

[tarekgomma]

السلام عليكم نعود للاخت المسئولة عن السكن لما سمعت العدد سكتت قليلا وقالت انها ستسأل المدير عرفت النتيجة مقدما بعد يومين كلمتها قعدت تلف وتدور واعتذرت بشكل لبق ورشحت عنوان او شقق اخرى للايجار وفعلا اتصلت بها وكان كالسابق

طبعا لو حد فى حالتي بطل الشغلانة اصلا. المهم بحثت مرة بجوار مسجد madinnamasjed وبالفعل وجدت شقة رائعة بجوار المسجد تبعد حوالي 1200 متر وطبعا جنب المسجد محلات حلال كتير واتصلت بالاخت المسئول وقالت الشقة موجودة لكن تدفع تأمين قلت مفيش مشاكل وبالفعل ارسلت لها المبلغ المتفق عليه (طبعا انا استخرت الله في السكن وفي دفع الفلوس ) الحمد لله كدة مشكلة السكن اتحلت

ناتي لمشكلة الانتقال من المطار بحثت في الشركات والمواقع كتير الي يقولي خدلك مني باص والي يقول خدلك اتوبيس!!!!! ايه ياجماعة انتم عمركم مشفتةش العدد ده وبعدين السعر 290 وانت طالع

المهم هداني الله الى واحد اسال الله ان يهديه للاسلام حاطط اعلان صغير ومعاه هونا فان اتصلت به ونسقت معاه وقلت له شوقلى واحد تاني فان للشنط وفان للاسرة قال لي مفيش في حل تاني اني اخدكم ع مرتين رفضت في البداية لكن اضطريت اوافق لعدم وجود بديل.

وتم التنسيق مع الجميع

طبعا كنت خلال هذه الفترة ابحث في النت ع ارخص طيران الى ان نصحني د. الشامي بموقع وبالفعل تعامل راقي جدا نأتي للحجز . شركة اكسبيديا لا تقبل لحجز اكتر من 6 أفراد !!!!! طب والجندي السابع ياجماعة يروح ازاي. المهم حجزت على موعد معين لاسرتي عدا وعملت حجز خاص بي . وانتظرت الى ان احدد مع رئيسي لاني كنت ارغب في السفر بدري. المهم حجزت التذاكر على موعد معين ب 17000 ريال بعدها بيومين أصبحت ب 18000 وانا ضغطي يعلى الى ان وصل 20000 سعر التذاكر. اوم ايه الكلية عندي تغير الاجازة وأضطر ان اغير الحجز الى الموعد المحدد من قبل العميد ويتحول السعر بقدرة قادر الى29800 ريال طبعا انا متماسك طبعا انا كنت حاسس اني هتحصلى حاجة بسبب ارتفاع التذاكر الغير مبرر ده( ع فكرة ده ارخص طيران انا كنت متوقع اني انا والاولاد هانوقف طول الر حلة كما لو اننا في مترو الانفاق) اوم ايه حجزت بسرعة قبل ما العملية تدخيل في عملية استنزاف مقصودة لتدمير احلام طارق جمعة وولده ليميتد

ثم جاءت مرحلة الاعداد للشنط والتجهيز وبالفعل وزنت الشنط وجدتها زياده حوالي 35 كيلو ثم ذهبت لمطار الدمام لان الرحلة كانت ع طيران الخليج من الدمام البحرين فرانكفورت تورونتو وطبعا رحت لموظف الشركة يبدو انه كان جديد ومش فاهم حاجة يفتح الجواز ويقفله ويقولى انت معاك كام شنطة

13 يا سيدي

يسكت ويعدهم طبعا الميزان اخره 150 قلي ودي ع ميزان تاني وبقي يروح وييجي بين الميزانين طبع ان كان وراي حوالي6 ركاب وكان في مثل الموظف ده 4 بس خبرة وعندهم اكتر من العدد الي ولقف امام الزبون ده. المهم علشان هو جديد لم ينتبه لان الوزن زيادة وبقى همه يطلع لنا البوردنجوالله يا جماعة عمله اكثر من 6 مراات لغاية لما المدير جاله وساعده. فجأة ببص ةراي لقيتهم راحوا للموظفيين التانيين. والموظفين كلهم خلصوا وبدأ يشيلو لافتة طيران الخليج معنى ذلك ان انا الوحيد الي فاضل. المهم الحمد لله خلصنا وجرينا كلنا ع الطيارة ولكم ان تطلقوا العنان لخيالكم لتتخيلوا منظرنا واحنا بنجري ع الطيارة على فكرة انا انتهزتها فرصة وحطيت جميع الهانباجز ع الميزان.

الحمد لله وصلنا للبحرين ومنها الى فرانكفور الحاجة الغريبة ان انا كنت شايل هم صاحب السمو الملكي الامير عبدالرحمن امير منطقة تورونتو و أصغر عضو في الاسرة المالكة وكنت حاسس ان الاخ ده هايعمل مشاكل ع الطيارة لدرجة انه يجبر الطيار ع الهبوط الاضطراري في اي حته. وكنت جايب له معاي مهدا ينيمه. لكن بحمد الله اول ما يركب الطيارة يلعب ويجري لكن بمجر الاقلاع لا يستيقظ الا في البلد التانية .

كفاية كده علشان جزء المطار فيه حاجات غريبة اوعوا تروحو في اي حته

[جبار سينج]

مبرووووووووووووووووووووك يا استاذ بنهاوى بالتوفيق فى الحياه الجديدة

[أحمد سيف]

سؤال على السريع بما إنك سافرت عن طريق مطار فرانكفورت ... طلعت فيزا ترانزيت لألمانيا؟ أصل الموضوع ده عاملي قلق وبسببه كنت بفكر أسافر البحرين-لندن-تورنتو لإن بريطانيا ما بتطلبش فيزا ترانزيت من اللي رايحين كندا.

[the doors]

و ايوه وياترى الى حصل يابو العيال - انا متشوق اعرف كل حاجة!!!!!!!!!!!!!!!!!!! - كل التفاصيل فكرتى بمداخلات الشامى - اوعى تنسى عاوز تعملك اشى بتاع 1000 ورقة كده

و الف مبروك ياسيدى - حتاخدك بتاع 1800 على الاولاد - ويمكن يوصله 2200 دولار

اجر شقه بقى حاجه رخيصة بالف او اقل - ومتشترى عربية - و كده ممكن تحوش من غير ما تشتغل يا عم

عمار يا كندا - بس لو رحت كيبيك كنت حتعمل بتاع 2500 دولار - والايجار ارخص

عمار ياكندا عمار

:angry:

[precanadian]

حمد لله علي السلامه يا بو عبد الرحمن البدايه من جب المسجد ان شاء الله تكون في حفظ الله وتوفيقه عقبالنا ان شاء الله

لكن الشقه دي للاندينج والا الاقامه الدائمه وفي اي حي.

تحياتي لك يا باشا

[the doors]

ممكن تاجر فى سكاربو - الجوامع حوالك - وناس شكلها تحفة - والريحة مالقش - ومنطقه رخيصة - وتحفة - هى سمعتها وحشه بس مش مشكلة - الجوامع كتير - والمحلات الحلال كتير - اه فى قهوه اسمعها ام كلثوم فى لورانس افينيو عشان تتتسالى

اه المخدرات فى سكاربو كتير - بس طنش - الجوامع كتير هناك

[ايهاب سالم]

أيه الحلاوه دي

إحنا شكلنا هنشوف موضوع ملحمي زي موضوع حبايبنا الشامي و التهامي

قول يا أ بو العيال كمان

وعمار يا تورونتو

تم تعديل 9 يوليو 2009 بواسطة ايهاب سالم

[tarekgomma]

حمد لله علي السلامه يا بو عبد الرحمن البدايه من جب المسجد ان شاء الله تكون في حفظ الله وتوفيقه عقبالنا ان شاء الله

لكن الشقه دي للاندينج والا الاقامه الدائمه وفي اي حي.

تحياتي لك يا باشا

أشكرك جدا ياحبيبي بريكناديان وان شاء الله تكون كاناديان قريبا

لا تسبق الاحداث انتظر للحلقة الجاية

تم تعديل 9 يوليو 2009 بواسطة tarekgomma

[tarekgomma]

أيه الحلاوه دي

إحنا شكلنا هنشوف موضوع ملحمي زي موضوع حبايبنا الشامي و التهامي

قول يا أ بو العيال كمان

وعمار يا تورونتو

ولسة ولسة ولسة

[tarekgomma]

و ايوه وياترى الى حصل يابو العيال - انا متشوق اعرف كل حاجة!!!!!!!!!!!!!!!!!!! - كل التفاصيل فكرتى بمداخلات الشامى - اوعى تنسى عاوز تعملك اشى بتاع 1000 ورقة كده

و الف مبروك ياسيدى - حتاخدك بتاع 1800 على الاولاد - ويمكن يوصله 2200 دولار

اجر شقه بقى حاجه رخيصة بالف او اقل - ومتشترى عربية - و كده ممكن تحوش من غير ما تشتغل يا عم

عمار يا كندا - بس لو رحت كيبيك كنت حتعمل بتاع 2500 دولار - والايجار ارخص

عمار ياكندا عمار

:angry:

الله يبارك فيك ويفتح لك كل the doors

انا بفكر أعمل هجرة تانية بس على كيبك علشان اتمتع بالاتنين!!!!!!!!!!!!!

[tarekgomma]

سؤال على السريع بما إنك سافرت عن طريق مطار فرانكفورت ... طلعت فيزا ترانزيت لألمانيا؟ أصل الموضوع ده عاملي قلق وبسببه كنت بفكر أسافر البحرين-لندن-تورنتو لإن بريطانيا ما بتطلبش فيزا ترانزيت من اللي رايحين كندا.

انصحك ب فرانكفورت ولا تاشيرة ولا اي حاجة طالما مش هاتخرج من المطار لندن غلسه من وجهة نظري

[wagdy demian]

مبروك سلامة الوصول و ربنا معاك و يوفقكز

منتظرين تفاصيل أكتر