البنهاوي في تورونتو يا رجالة

[tarekgomma]

بالمناسبة صحيح يا استاذ طارق

انت مقلتش سكنك دلوقتي في اي منطقة هناك و كمان بكام و ليه نقلت و ازاي حجزت السكن و دورت عليه لما كنت في السعوديه لسه يعني من اي موقع نت؟؟

http://toronto.kijiji.ca/

حجزت من السعودية والسيارة كذلك كله عن طريق النت والهاتف

http://www.canadarentals.net/

[tarekgomma]

إيه ياحاج أبو محمود كيف حالك ؟ :sad:

يارب تكون والأسرة بخير حال :sad:

وشك ولا القمر :unsure:

وحشتنا خالص مالص بالص :lol:

ووحشتنا كتاباتك وفى إنتظار ردودك :blink:

والله انتم أكثر والله يادكتور مراد انا كنت لا اترك الكمبيوتر لعمل تشات مع اولادي الله يبارك فيك يادكتورنا الغالي

[tarekgomma]

الأخ/ طارق جمعة

أين أنت يا أبو محمود ، وأين يومياتك في كندا ، نحن نود الاطمئنان عليكم عما وصلتم اليه حتى الآن، سائلين الله تعالى ان ييسر لكم كل عسير. وما تنسونا من دعائكم الصالح.

مع تحياتي للجميع

الله يبارك فيكم جميعا واشكركم على سؤالكم

انا حاليا على استعداد للرد ع استفساراتكم

[somayasaleh]

حمد لله علي السلامة استاذ طارق

وكل سنة وحضرتك بخير بمناسبة عيد الفطر المبارك

وتحياتي وسلامي للاسرة الكريمة...وان شاء الله يكونوا استقروا بسلام في ارض الاحلام

اخبار المدارس الهاي سكول ايه في كندا؟؟؟ انا ابني في جريد 10 ....ياتري ايه النظام بالنسبة للمرحلة ده؟

وهل الاولاد تأقلموا في الدراسة ولا لسه؟

ربنا يوفقكم لما فيه الخير

[tarekgomma]

حمد لله علي السلامة استاذ طارق

وكل سنة وحضرتك بخير بمناسبة عيد الفطر المبارك

وتحياتي وسلامي للاسرة الكريمة...وان شاء الله يكونوا استقروا بسلام في ارض الاحلام

اخبار المدارس الهاي سكول ايه في كندا؟؟؟ انا ابني في جريد 10 ....ياتري ايه النظام بالنسبة للمرحلة ده؟

وهل الاولاد تأقلموا في الدراسة ولا لسه؟

ربنا يوفقكم لما فيه الخير

الله يبارك في حضرتك ياباشمهندسة

ربنا يتقبل منا ومنكم جميعا صالح الأعمال . الاولاد بخير والحمد لله الدراسة في الهاي سكول الشغل الجد يبدأ من جريد 11 اما قبل ذلك الامور بسيطة الأولاد الحمد لله تأقلموا ومحمود بفضل الله مبسوط بس مضغوط لدرجة انه لايخرج نهائيا من البيت في ايام الدراسة اما كابتن احمد فخلوه يشتغل مع الاي اس ال مترجم للطلاب الجدد (ال يعني هو اديم اوي)

مرام بفضل الله ماشي حالها والانسه بسملة المدرسة مبسوطة منها لانها بتقول ان بسملة دايما تضحك ومبتسمة على طول

ماتعرفش هي بتضحك لية ( لانها مش فاهمة حاجة) لكن اجمالا الاولاد مشدودين للمدرسة بشكل غير عادي

تم تعديل 26 سبتمبر 2009 بواسطة tarekgomma

[safar]

الحمدلله على السلامة يا أخ أبو محمود ، قلقتنا عليك يا راجل ، أيه الغيبة الطويلة دية ، ده احنا قلقنا عليك ليكونوا مخلوكاش تطلع من كندا عشان خدمة الجيش ولا حاجة.

عموماً ولو أنها متأخرة شوية لكن:

تقبل الله طاعتكم برمضان،

وكل سنة وانتم طيبيين لعيد الفطر ،

ونسأل الله أن يكمل لكم ست من شوال ،

وسلامنا لكم وللعائلة جميعاً .

مع تحياتي للجميع

[tarekgomma]

الحمدلله على السلامة يا أخ أبو محمود ، قلقتنا عليك يا راجل ، أيه الغيبة الطويلة دية ، ده احنا قلقنا عليك ليكونوا مخلوكاش تطلع من كندا عشان خدمة الجيش ولا حاجة.

عموماً ولو أنها متأخرة شوية لكن:

تقبل الله طاعتكم برمضان،

وكل سنة وانتم طيبيين لعيد الفطر ،

ونسأل الله أن يكمل لكم ست من شوال ،

وسلامنا لكم وللعائلة جميعاً .

مع تحياتي للجميع

لن تصدق هذا المدام المسئولة عن فحص الجواز والتذكرة رفضت تخليني اصعد للطائرة لان مش معايا البي ار لولا اني قلت لها ده عادي وخرجت تسأل واحد تاني قال لها سيبيه هو مش هايعرف يدخل تاني

[ELSHAMY]

أخى طارق

حمدا لله على سلامة العودة

جمع الله شملكم

تم تعديل 27 سبتمبر 2009 بواسطة ELSHAMY

[مراد أنور]

أيييييييييييييييييييييوه أخيراً ظهرت يا راجل يا طيب :lol:

أنا فرحت خالص لما لقيتك رجعت ونورت التوبيك بتاعك

وأخيراً الجمعة المنتظرة جت " هاهاها "

المهم حمداً لله على سلامتك :P

بس إحنا مش عايزين كروتة ولامؤاّخذة لازم تحكى كل حاجة بالتفصيل

وترجع تسلسل الحلقات من تانى من أول ما سبت الشقة الأولى

ورحت سكنت مع الجار المصرى الذى أشدت به

وعلى فكرة أنا محاسب قانونى ولست دكتور مع إحترامى للإخوة الدكاترة ولمهنتهم المحترمة

وفى إنتظارك

[Lembic]

اجر شقه بقى حاجه رخيصة بالف او اقل - ومتشترى عربية - و كده ممكن تحوش من غير ما تشتغل يا عم

عمار ياكندا عمار

wst::

كده برضه؟ هى دى النصيحة؟

[مراد أنور]

أيييييييييييييييييييييوه أخيراً ظهرت يا راجل يا طيب :blush2:

أنا فرحت خالص لما لقيتك رجعت ونورت التوبيك بتاعك

وأخيراً الجمعة المنتظرة جت " هاهاها " :blink:

المهم حمداً لله على سلامتك :lol:

بس إحنا مش عايزين كروتة ولامؤاّخذة لازم تحكى كل حاجة بالتفصيل

وترجع تسلسل الحلقات من تانى من أول ما سبت الشقة الأولى

ورحت سكنت مع الجار المصرى الذى أشدت به

وعلى فكرة أنا محاسب قانونى ولست دكتور مع إحترامى للإخوة الدكاترة ولمهنتهم المحترمة

وفى إنتظارك wst::

إيه يا حجيجة "حاج بالإسكندرانى "

فينك؟؟؟؟

يارب تكون بخير وفى إنتظار ردك :lol:

[Nassarlink]

حمد الله علي السلامه

ورحله موفقه ان شاء الله

سلامي للمحمود

نصّار

[tarekgomma]

بسم الله والحمد لله والصلاة والسلام على رسول الله

اخواني د. الشامي أ. مراد( ياعزيزي كلنا دكاترة) أ. نصار باشا . جميع الاخوة في المنتدي

بارك الله فيكم جميعا واسأل الله العلي العظيم ان ييسر لكم أمركم ويصلح ذات بينكم

طبعا انا سمعت خبر ان ماليش بي ار ولا انا أولادي ماعدا الصغيرين عبده وبسملة. انا مت في جلدي وخاصة اني حاولت محاولة كدة لا داعي لذكرها وهي ان احتك بالحكومة فلخبط الدنيا وقلت يبقى روحنا في داهية.

المدام قالت لي انت عندك مشاكل في الصور ( ياحلاوة هو الي بيخاف من العفريت يطلعلوه ولا ايه هو كلام صديقة زوجتي صح ولا ياجدعان) بعدين قلت لها طب والحل قالت سنرسل لك خطاب تذهب به لمركز الهجرة في تورونتو داون تاون وتتصور تاني ياسيدي. قلت لها ياحاجة لو حبيت اتصور على حسابي دلوقتي في مشكلة قالت مفيش مشكلة وبالفعل ذهبت انا والاسرة واخذنا الصور من زييلرز 96 دولار بس صورتين لكل واحد!!!!!!!

هذا هو الاربعاء قبل السفر بيوم واحد ( المقرر الخميس الخامسة عصرا) بعدين في مشكلة تانية كبيرة وهي ان أولادي عندهم معادلة يوم الخميس الساعة العاشرة صباحا وطبعا كان لازم أروح مركز الهجرة قبل السفر(لازم أكون انا موجود في المركز وكذلك في مقر الاختبارات) ده ايه الحوسة الي انا فيها دي

المهم صليت صلاة الاستخارة وركعتين قضاء الحاجة. واتصلت بالعميد بتاعي في السعودية وعرفته ان ممكن اتاخر وتفوتني الطيارة والراجل جزاه الله خير تفهم الموقف وخاصة اني اتصلت عليه الواحدة بعد منتصف الليل.

الاولاد مش عاوزين يعبوا الشنطة كلهم زعلانين ولازم يستعدوا للاختبار( بعدين على مشكلة الاختبارات والمعادلة)

شعرت ان الدنيا قد ضاقت ولم يخرجني من همي الا الصلاة وتلاوة القرأن

اتصلت على شركة سيارات اجرة واتفقت معهم على ان ياتي ليأخذنا من البيت الى مركز الهجرة في تورونتو ونخلص الورق في 5 دقائق ونروح جري ع مركز الاختبارات وبعد الاختبار اتفقت مع سائق تاني لتوصيلي للمطار.

وصل التاكسي في الموعد المقرر وصلنا 8.5 الى مركز الهجرة ظنا مني انني أول واحد يصحي في كندا وبالتالي هامسك الحكم. لقيت زحمة رهيبة يكاد يكون طابور جمعية المهم انتظرت لغاية لما جه دوري بعد ساعتين( راح ميعاد الاختبار)الله يخلف علينا. قدري مع واحد هندي او باكستاني مكنشي بيحب الشغل قال سيادته انت كام واحد

يادي الشغلانة السودة انا عارف ان النهار ده مش هايعدي

كذا ياسيدي ارتحت؟؟

قال طيب انت عبي النماذج دي وبراحتك واوعى تغلط والصق الصور في مكانها

وانا هاروح اعمل ..... احم احم على ماتخلص

قلت في ذات نفسيتي ده النماذج دي عاوزة ساعة لوحدها انت هاتروح تنام ولا اية ياعم انت.

المهم خلصت وانتظرته لحد ماوصل. اوم ايه يلاحظ ان عبدالرحمن ابني مش مكتوب له طول في الورق الي معايا قال لازم نقيسه قلت له ياسيدي اكتب تسعين سم

قال والله لاشوف طوله ع أرض الواقع. ايه ياعم انت احنا في محل ترزي. خدعبدالرحمن ودخله معاه غرفة وانا معاه وقاس طوله. عبدالرحمن انفعل عليه وكان هايقطعه لولا انا واقف وعامل حساب لي.

شويه فين بسملة قلت له اههه وتطوعت وشلتها له بحكم ان الكاونت عالي جدا. قالي لا لازم اتاكد من طولها يادي الشغلانة.

ياخرابييييييييي نسيت أقولكم مش البيه السواق الي شبه اميتاب بشناب كاني مستنيني والحسابة بتحسب.

خرجنا من المركز ولقينا الكابتن اميتاب مستنينا ودينا ياعم ع البيت االاختبار راح. رجعت تاني وقلت له كمل خط سيرك على مركز الاختبارات بس بسرعة ابوس ايديك .

وصلنا مركز الاختبارات الحادية عش والنصف وطبعا الاختبار في مدرسة ولها ييجي تسعين باب المهم قسمت الفريق وطوقنا المدرسة كويس وسيطرنا ع الموقف ووصلن بحمد الله الى مقر الاختبار 12.10 وطبعا كنا بنجري وبننهج

انتم عارفين عندنا مثل في الفلاحين بحكم ان انا فلاح قديم خدوهم بالصوت لايغلبوكم. دخلنا عليهم معلش احنا بقلنا كتير عمالين نبحث عنكم وانت الي غلطانين وانا معايا اطفال ده اسلوب وانهج وانا بكلمهم والمدام اظهرت استيائها المهم. خليناهم هم الي يعتذروا لنا ع الخطأ الفادح الي ارتكبوه!!!!!!

وبدأنا في تعبئة الاستمارات الي كانت طويله ايضا

لكن الحمد لله كان كل واحد بيعبي عن نفسه وهم كانوا مستغربين ان الأولاد شغالين لوحدهم قولوا ماشاء الله

استلموا محمود وقالوا له ودع اسرتك مش هاتشوفهم الا بعد 3 ساعات

انا ذهبت مع احمد ومرام اما بسملة وعبدة فكان المكان مجهز بالعاب وبيبي سيتر لشغل الاولاد

طبعا الشنط بتاعتي سيبتها امام المبني لان هم لو عرفوا اني مسافر هاتعمل مشكله

خرجت بره لمحاسبة السائق كام ياعم الحاج حسابك قال 350 !!! قلت ريال ولا جنية

قال احنا هانستهبل!!! ادفع بالدولار ياه والا أغزك( اسف ع اللفظ)

ان: لا وعلى ايه قلبك ابيض خد ياعم الفلوس اهه قال انا هاكرمك واخليهم 320 قلت الحمد لله ده عنده فصال

قلت له يا اخي كتير متاخد 150 بس الله يخليك!!!

انت بتهزر انا انتظرتك كتير قلت خلاص ياعم ماتزأش انت مش معاك الفلوس روح الله يسهلك

دخلت مع أحمد ومرام وانا مش مركز حاسس اني دايخ وهاقع من طولي دول 320 دولار يارجاله ( الحقيقة انا نسيت اتعشى في اليوم السابق وكذلك فطور الخميس من الخمة الي انا فيها)

المهم المدرسة انبسطت جدا من الاولاد وطلبت من الخروج وتركهم لاداء الاختبار التحريري

مرام طبعا مش عارفة حاجة خالص(لم تدرس انجليزي نهائيا) لكن الحمد لله الاتنين نجحوا ودخلوا نفس المرحلة بتاعتهم.

الحاج محمود بقي كان في غرفة لوحدة وانا شايفة من الشباك يتصبب عرقا ويقرقض أظافره الى ان خرج بعد ساعتين وزعلان ومستحي مني انه ترك سؤال مش عارفة. خففت عنه وقلت له انت عملت الي عليك والامر كله بيد الله.

ثم استلمته مدرسة أخري لاختبار الرياضيات وقالت لو انتم عاوزين تروحوا مكان اتفضلوا لان الموضوع هايطول.

الساعة اقتربت من الثالثة. وبدأت الدموع تظهر في العيون

خرجت انا وزوجتي لاودعها ولم يكن معنا اي احد من الاولاد حتى لا نلفت انتباه من في الادارة وكان هذا أصعب على من الفراق نفسه انني لم أودع أولادي أو أرى ابني واخي وصديقي محمود( الذي لا يزال متأثرا بها .سافرت دون ان أودعه قائلا كان الي يحصل يحصل بس اسلم على بابا)

وصلت اليارة وذهبت للمطار وانا شارد الذهن لا أفكر سوى في كيف ساعيش يوما واحدا بدون أولادي. خاصة انني لم أطمأن على محمود في الاختبار. انتظرت الطائرة ولم أصعد الا بعد الاطمئنان عليه وعرفت ان الله وفقه .

بعض الوصايا

1- لا تتبرع بمعلومة لم تسأل عنها (الاجابه على اد السؤال) انت شغال ايه ؟ دكتور وبس مش لكلكلك

2- في المطار لو معاك 10000 قول معايا 10000 فقط مش معايا دلوقتي وانا حاطط في البنك كذا وعندي كذا. مسئول الهجرة بيسألك معاك كام قول كذا وبس وبس كل كلمة تقولها تسجل وتحسب عليك

3- اذا اتصلت بالتليفون بجهة رسمية اي معلومة تقدمها ولو استفسار يكتب عليك في الملف وتكتب ملاحظة عند اسمك. مثلا لا تسأل انا لو سافرت بدون البي ار ايه الي ممكن يحصل؟ المرة القادمة لو اتصلت تاني هتلاقي الموظف يقولك انت اتصلت واستفسرت عن كذا!!!!!!!!!!!!!!

4-الاب والام لازم يحضروا مع أولادهم في تحديد المستوى والا ستقع في مشاكل انت مش قدها. اثبت ان انتم مش منفصلين؟؟؟!!! ولا مطلقين؟! وخطاب موافقة منن الطرف التاني شغلانة؟؟

5- لا تعطي أذنك لكل الناس وينصح لا تسأل الا المختص. انا سألت ناس عن وضع محمود واحد يقولي هاينزل سنة والتاني يقول سنتين لحد ماخلوا الولد هايدخل روضة!!!!!! اسأل المعنيين فقط

6-احجز تذاكر طيران ريفندابل لو انت مش متأكد من عودتك بعد اللاندنج.

7-لا تتعجل في الاسجار ابحث عن مكان قريب من المدارس.

8- لاتحتك نهائيا بالحكومة حتى لا تتورط لغاية لما تخلص ال3 سنين بتوعك وهذا ليس كلامي فقط بل ناس كنديين الاصل وانا شفت بعيني محدش قالي

تم تعديل 30 سبتمبر 2009 بواسطة tarekgomma

[مراد أنور]

أولاً حمد لله على السلامة مرة أخرى

ثانياً فداك 320 دولار رغم إنهم طالعين من عينى أنا عشان خاطرك :blink:

ثالثاً ربنا يارب يحرسلك أولادك ويباركلك فيهم أمين يا رب العالمين :lol:

رابعاً إنت شكلك كنت متأثر من إللى حاصلك هناك ولسة فاكر نفسك بتجرى ولا إيه؟؟؟؟

أنا حسيت إنك بتنهج وإنت بتكتب "روستخ يا ذكى روستخ " :lol:

أخيراً وليس أخراً شكراً على النصايح الغالية جداً وإللى تتقدر بالدهب

لأشخاص مثلى يجيبون دائماً على الأسئلة بإستفاضة

الله ينور

وحمد لله على السلامة

[Nassarlink]

انت فين يا ابو محمود

wst::

[dr abo samra]

يا عم طارق يابو محمود يا عسل انا جيتلك اهه ومحدش هيطلعك غيرى.....واحشنى والله العظيم يا برنس عاوزك كده امال تطلع وتتحدث لمريدينك يا عم الشيخ(حلوه عم الشيخ دى عليا النعمه انت واحشنى)انا طلعت بيوباشا وخالدالمسلم ومش هسيبك يا عم الحاج الا لما اطلعك انت كمان من العلبه.......رضينا بالهم والهم ماسك فينا ومش هيسبنا يا عم طارق طبعا فاهم قصدى....ربنا يخرجنا من الهم يا رب انا وانت وكل اللى موجودين فيه.....اطلع يا عم الحاج اطلع وسلم عالناس كده وبعدين ابقى انصرف يا عسل........ابو سمره يحييك من قبر الباطن clp:: gt: :sad:

[ehabtaher]

زناتي..هو انت عايش في حفر الباطن..

مش تقول يا راجل...ده ساعتين بالعربية من عندنا

باطن مين يا عم ) انا كان زماني رجعت مصر من زمان اخوك طارق دة فدائي

انا في الاحساء بيني وبين الدمام ساعة

بلد كبيرة وفيها كل حاجة وكانت عاصمة الشرقية قبل الدمام

بينك وبين الحفر ساعتين ؟؟؟ دة فين دة ؟؟عرعر والا في الكويت :)

انا جنبك فى الاحساء برضه يا زناتى باشا الظاهر الاحساء هى اللى بتفتح عينين الناس على الهجره ربنا يجعلنا جنب بعض فى الدنيا بكندا وفى الاخره فى الجنه انشاء الله

[ehabtaher]

انا نسيت اني اكتب انك تخرجت من جامعة بنها!!!!!!!!!!!!!!!!!!!

أنا الصراحة متابع موضوعك ومواضيع الأخوة اللى هنا لكن أفضل القراءة فقط ..

بس حبيت أسلم عليك لأنك طلعت بلدياتى wst:: كنت فاكرك بنهاوى أسما طلعت بنهاوى أصيل ..

ربنا يوفقك فى حياتك الجديدة

اولا لا اخفيك اعجابى يا استاذ طارق بالمجهود اللى حضرتك بتبذله لتقديم صورة واقعية للحياة فى كندا بكل تفاصيلها الدقيقة رغم ان حضرتك مشغول بطبيعة الحال لانك فى بداية الطريق

واعتذر عن ان ابدائى لاعجابى هذا جاء متأخرا بعض الشئ

وبالمناسبة انا منتظر الميديكال على اول الشهر ان شاء الله .....بس العبدلله "كيبيكاوى"طبعا زمانك بتقول فى سرك ..ربنا يشفى :)

وبالمناسبة برضه بما ان حضرتك طلعت بنهاوى الاصل وليس اسما فقط....فاحنا نعتبر بلديات بحكم الجوار ، انا من كفر شكر

تمنياتى لك بالتوفيق دائما

هو صحيح انا اعتبر نفسى اسكندرانى بحكم المعيشه ومسقط راس امى بس برضه انا اصولى من كفرشكر (حرزالله)

يعنى طلع كل اللى فى تورونتو من يا اما الاسكندريه يا اما القليوبيه وواحد من المنصوره وواحد من الصعيد

اقليه يعنى wst::

[ehabtaher]

انا نسيت اني اكتب انك تخرجت من جامعة بنها!!!!!!!!!!!!!!!!!!!

أنا الصراحة متابع موضوعك ومواضيع الأخوة اللى هنا لكن أفضل القراءة فقط ..

بس حبيت أسلم عليك لأنك طلعت بلدياتى wst:: كنت فاكرك بنهاوى أسما طلعت بنهاوى أصيل ..

ربنا يوفقك فى حياتك الجديدة :)

اولا لا اخفيك اعجابى يا استاذ طارق بالمجهود اللى حضرتك بتبذله لتقديم صورة واقعية للحياة فى كندا بكل تفاصيلها الدقيقة رغم ان حضرتك مشغول بطبيعة الحال لانك فى بداية الطريق

واعتذر عن ان ابدائى لاعجابى هذا جاء متأخرا بعض الشئ

وبالمناسبة انا منتظر الميديكال على اول الشهر ان شاء الله .....بس العبدلله "كيبيكاوى"طبعا زمانك بتقول فى سرك ..ربنا يشفى wst::

وبالمناسبة برضه بما ان حضرتك طلعت بنهاوى الاصل وليس اسما فقط....فاحنا نعتبر بلديات بحكم الجوار ، انا من كفر شكر

تمنياتى لك بالتوفيق دائما

ياهلا وتصفا وياكفر تصفا انا اخي الحبيب من كفر منصور كفر شكر

بصررررررررة

منين حضرتك من كفر شكر؟؟؟؟

في النهاية معاك جواز كنداوي مش كيبيكاوي

يا خبر اااااااااااااااااااااااااااااااااااااااااااااااااااااااابيض

ده احنا بلديات بجد........ده انت كنت فاكر نفسى الوحيد فى البلد اللى مقدم هجرة لكندا اخيرا بقى فيه قهوة لكفر شكر ع المنتدى يا جدعان

بس استنانى هنا ...........انت ليه ما قولتش من الاول انك من كفر شكر وقلت انك من بنها ؟.........دى تطير فيها رقاب لامؤاخذة wst::

انا يا سيدى من كفر شكر نفسها .....وبيتنا فى نص البلد يعنى زى ما بيقولوا ال Down Town عند البنك الاهلى اللى هو فى وسط البلد

انا سعيد جدا ان احنا طلعنا بلديات .....

وبالمناسبة انا صيدلى وشغال فى السعودية فى الاحساء ......واعتقد ان حضرتك كنت شغال فى المنطقة الشرقية برضه ......يعنى كنا بلديات حتى فى السعودية ......ومين عارف يمكن الهوا يرمينا على تورنتو ونطلق كيبيك بالتلاتة ........مين عارف؟

ربنا يوفقك فى كل خطواتك اللى جاية

يعنى من كفر شكر و شغال فى الاحساء و رايح كندا دى تبقى بصره مركبه ابقوا قولولى حنعمل مجلس كفر شكر المحلى فين فى تورونتو علشان نجهز التصاريح والتصميمات bv:-

[أكسيلانس]

السلام عليكم يا دكتور

فينك يا أبو محمود ,, نسأل الله ان يكون المانع خيرا ,, و ندعوا لك بالتوفيق , و انشاء الله يؤتيك الله خير ما في هذه السفره و يكفيك شر ما فيها بأذن الله

و مازلنا في أنتظار المزيد

و بالله التوفيق