اتخنقت وعايز ارجع مصر اعمل اية ؟؟؟؟

[شريف حمدي]

بسم الله الرحمن الرحيم

تحية طيبة للأخوة الكرام اعضاء المنتدي

اولا وقبل اي شئ

انا عايز ارجع مصر باي طريقة وارجو ان تساعدوني علي ايجاد الطريقة

انا هنا في السعودية من 8 شهور فقط ولكنها اسود 8 شهور في حياتي

اولا الراتب ضعيف 2000 ريال مع ان المكتوب في العقد 2300

السكن مثل سكن القرون الوسطي مع العلم اني اعمل في مجال الكمبيوتر

معي مدير فلسطيني الله لا يوريك يا مسلم بيكره نفسه

مع العلم اني مدة العقد سنتين وفيها شرط جزائي اني لو لم اريد ان اكمل العقد فلابد من دفع مرتب شهرين

ملحوظة معي نسخة من العقد ومع الكفيل نسخة اخري ولكني لم اوقع علي هذه او ذاك

كيف الخلاص

لا اريد ان اكمل الشغل

فما الحل لكي اعود الي مصر والي اولادي وامي وزوجتي

تحياتي

[waaaf]

السلام عليكم ..

أخي شريف .... إصبر فأنت في بداية الطريق ومعظمنا مر بهذه الظروف وتعدلت بعد ذلك .

[OmarBak]

حاول تمشي امورك

وتعمل مصالح خاصة وهتمشي

النزول امر سهل بس مصر الناس تقول الحالة زفت

[doudy]

بسم الله الرحمن الرحيم

تحية طيبة للأخوة الكرام اعضاء المنتدي

اولا وقبل اي شئ

انا عايز ارجع مصر باي طريقة وارجو ان تساعدوني علي ايجاد الطريقة

انا هنا في السعودية من 8 شهور فقط ولكنها اسود 8 شهور في حياتي

اولا الراتب ضعيف 2000 ريال مع ان المكتوب في العقد 2300

السكن مثل سكن القرون الوسطي مع العلم اني اعمل في مجال الكمبيوتر

معي مدير فلسطيني الله لا يوريك يا مسلم بيكره نفسه

مع العلم اني مدة العقد سنتين وفيها شرط جزائي اني لو لم اريد ان اكمل العقد فلابد من دفع مرتب شهرين

ملحوظة معي نسخة من العقد ومع الكفيل نسخة اخري ولكني لم اوقع علي هذه او ذاك

كيف الخلاص

لا اريد ان اكمل الشغل

فما الحل لكي اعود الي مصر والي اولادي وامي وزوجتي

تحياتي

طيب ليه بتاخد اقل من اللى مكتوب فى العقد

انت كدة لو حبيت تشتكى فى مكتب العمل مش هتعرف

لان مفيش عقد موثق

ع العموم ربنا معاك لحد ما يعدوا السنتين

و مشى امورك مع الفلسطينى مديرك دة

و معاك حق ربنا يعينك عليه

و حسبى الله و نعم الوكيل :blush2:

[yasser6666]

السلام عليكم...ربنا يعينك وياخد بيدك...لو عاوز رأيي تنتظر حتي الاجازة السنوية بتاعتك وتاخد تذكرتك وباسبورك وتتوكل علي الله لمصر بلا عودة....اخويا كان في نفس الموقف تماما بالسعودية وتمم السنة الاولي وخلع....ولا تخاف طالما كفيلك وانت لم توقعا علي اي عقود بصورة رسمية

[elfakhrany]

السنة الأولى بالغربة ليست المعيار لنجاح التجربة أو فشلها .. نصيحتى تحلى بالصبر واكثر من الإستغفار و النوافل بالتوفيق إن شاء الله

[شريف حمدي]

حاول تمشي امورك

وتعمل مصالح خاصة وهتمشي

النزول امر سهل بس مصر الناس تقول الحالة زفت

كيف امرة سهل يا اخ عمر

هل اقدم استقالتي مثلا ؟؟؟؟؟

بفرض اني لا اريد ان اكمل العمل هنا

لاني موظف حكومي والاجازة ستنتهي في شهر 10 اي قبل مرور عام علي وجودي هنا

[شريف حمدي]

السلام عليكم...ربنا يعينك وياخد بيدك...لو عاوز رأيي تنتظر حتي الاجازة السنوية بتاعتك وتاخد تذكرتك وباسبورك وتتوكل علي الله لمصر بلا عودة....اخويا كان في نفس الموقف تماما بالسعودية وتمم السنة الاولي وخلع....ولا تخاف طالما كفيلك وانت لم توقعا علي اي عقود بصورة رسمية

ارجو توضيح هذه النقطة فالكفيل وقع علي العقد وارسلة لي مصر

ولم اوقع عليه هنا ولا هناك

[abdulmuttaleb]

أ.شريف حمدي

أرجوك فكّر بشكل عقلاني وبشكل هاديء فلا يوجد أخطر على حضرتك في هذه المرحلة من التهور أو التصرف اللا عقلاني

نقطة نقطة معايا لو سمحت:

1-الراتب أقل 300ريال من الراتب الموجود في العقد، وحضرتك ذكرت أن حضرتك لم توقع على العقد، وبالتالي لا وجه لاعتراض حضرتك على ذلك لأنك ببساطة لم توقع على العقد.

2-السكن كالقرون الوسطى، لماذا لا تنتقل لسكن آخر، أم يبدو أن الاتفاق يتضمن السكن على حساب الشركة فوفروا سكنا غير لائق، والمفروض حضرتك في العقد توضح بعض العناصر اللازمة في السكن مثل ثلاجة إضاءة، حمام، حد أقصى من الساكنين في الغرفة، لو سكن مشترك لموظفين ...إلخ وطبعا غالبا كل ده فات على حضرتك عن السفر واكتفيت بكلمة سكن على حسابهم لكن شكله ايه الله أعلم، وبالتالي أصبح الطرف الآخر له مطلق الحرية في تحديد مواصفات هذا السكن.

3-المدير الفلسطيني، لست أدري بداية ما علاقة الجنسية، وهنالك أمر في غاية الأهمية: لماذا يكره نفسه، لماذا حضرتك لا تراجع نفسك، وتراجع الأمور التي ضايقتك منه فسبحان الله قد يكون هنالك لوم على حضرتك في أخطاء ترتكبها، راجع نفسك ولاحظ اختلاف الثقافات بيننا في مصر والسعودية، يعني في مصر ممكن تهزر مع مديرك الجو عادة بيكون فرندلي خصوصا لو شركة محترمة لكن غالبا في الخليج الوضع مختلف كل واحد في حاله.

4-العقد (الغير ممضي) فيه شرط جزائي، والله شر البلية ما يضحك، مش عارف أقوللك ادفع الشهرين غرامة واشتري نفسك لو الدنيا ضلمة أوي كده، وللا أقوللك يا خوفي العقد يبقى ملوش لازمة ويطلع الوجه الآخر للتعامل.

عموما الدنيا ليست سوداء، فيه عدة حلول ممكنة:

1-تصبر للسفر في الإجازة بدون رجعة [ولو أن أعتقد في شبهة في هذا الأمر خصوصا وأنك يجب أن تحدد موقفك من هذا العقد الغريب الشكل اللي انت زعلان ان راتبك أقل منه وفي نفس الوقت فرحان أنك لم توقع عليه وممكن على حد تعبيرك تخلع دون أي التزامات]، لأنه خذ الجانب المقابل هل تقبل ألا يسلمك راتبك الشهري باعتبار أن العقد لم توقعا عليه؟

رأيي أن تحسم موضوع هذا العقد بينكما حتى يكون هنالك شيء مادي قانوني، وحتى تكون لك حقوقك الكاملة وعليك الالتزامات الكاملة.

2-تواصل العمل بجد مع البحث عن فرص أخرى، حضرتك لم توضح المؤهل أو عدد خبراتك.

3-حضرتك في حاجة لدراسة بعض القضايا، مثلا حضرتك متزوج ولديك أولاد، المفروض غالبا تسعى لاستقدامهم، هل عملك الحالي يتيح ذلك، هذه نقطة تضعها في الاعتبار إلا إذا كنت ستمكث سنة أو اثنتين ثم تعود نهائيا

تم تعديل 10 يوليو 2009 بواسطة أسد
حذف وصلة لموقع خارجي وإعلان

[سهل جدا]

ربنا يفك كربك أخينا الكريم

حاول على الأقل تكمّل سنة, وبعدين ابحث عن عمل آخر , ولمّا تلاقي عمل جيد ساعتها تطلب نقل كفالة وادفعله فلوس مش مشكلة

احتمال تلاقي عمل في شركات أخرى بمرتب 5 آلاف ريال أو أكثر, طالما إنك كفء وعندك خبرة

بس لما تلاقي العمل الآخر وتطلب الكفالة , لا تبيّن لكفيلك إنك محتاج الشغل الثاني , عشان ما يطمعش

اثبت له إنك مش فارقة معاك, وإن مصر مليانة شغل في حالة لو فكر إنه يدّيك خروج نهائي

لما تتكلم معاه بالرّوح دي, النتائج إن شاء الله هاتكون إيجابية جدا

((اللهم اقدر له الخير حيث كان, ثم رضيه به يا ذا الجلال والإكرام))

[OmarBak]

ان شاء الله ربنا هيفرجها وهو قادر يفرجها بدعاء الوالدين

كلنا مرينا بظروف زيك

حاول تكون بارد شويه او طنش وكبر يعني كبر دماغك شويه

مش عارف اقلك ايه دا كله حسب طبيعة البشر اللى معك

تم تعديل 10 يوليو 2009 بواسطة OmarBak

[محمد يوسف]

من شاف بلاوي الناس هانت عليه بلوته

صدق هذا المثل

أخي العزيز

ربنا يباركلك في شغلك

ومتفكرش كتير

لكن لي سؤال

هل دفعت تمن التأشيرة وإنت في مصر

يعني 15 أو 20 ألف جنيه

؟؟؟؟؟؟؟؟؟؟؟

[شريف حمدي]

من شاف بلاوي الناس هانت عليه بلوته

صدق هذا المثل

أخي العزيز

ربنا يباركلك في شغلك

ومتفكرش كتير

لكن لي سؤال

هل دفعت تمن التأشيرة وإنت في مصر

يعني 15 أو 20 ألف جنيه

؟؟؟؟؟؟؟؟؟؟؟

لا لم ادفع ولا مليم

[عاشق النيل]

الاخ/شريف

عندى هنا 15 محاسب عقدهم/1500ريال +سكن قرون وسطى +وسيلة انتقال من والى العمل

وكلة بيشتكى زيك والمدير /مصرى الجنسية وهو اللى نزل نقاهم بنفسة

المهم احسب حسبتك ولو عندك فرصة فى مصر كويسة فعلا انزل

ويمكن تكون زهقان عشان حاسس انك مش هتعرف /تقدر تستقدم عيلتك واولادك

"وصبر جميل والله المستعان"

حاول تكسب خبرة الشغل هنا والتعامل مع الاخوة من جميع الجنسيات وممكن بعد نهاية عقدك تشوف مكان شغل تانى بسهولة وساعتها حيبقالك ثمن تانى خالص

على العموم استهدى بالله وفكر وانت هادى وفى ناس جات هنا ب 17000الف مصرىو15000الف