ادخل ابني كليه ايه؟

[Phizer]

اليومين الي جايين دول هيبقو ايام الحيره كلها يعني ادخل ابني كليه ايه ومستقبلها ايه؟

انا شايف ان الموضوع ده هيبقا مفيد اوي بمشاركتم وخصوصا لو ليكم حد قريب مخلص لسه الثانويه العامه

بما اني اول واحد كاتب هنا هقول تجربتي

انا ايام الثانويه العامه كان حلمي دخول كليه الهندسه وياسلام بقا لو كنت دخلت حاجا ليها علاقه بالكمبيوتر والسوفت وييير المهم ولاني للاسف كنت ولد مؤدب ومبكسرش كلام اهلي دخلت زي مكانو عايزني ادخل قالولي صيدله دي مفيش زييها واديني بندم على اليوم الي دخلتها فيه المهم ياريت تقلولنا ارائكم

صحيح انا ابن خالي لسه مخلص ونصحته بهندسة بترول افتكر مجال الطاقه ده هو الاهم اليومين الجايين ولا ايه رئييكم

[سهل جدا]

أعتقد أي مجال له علاقة بتكنولوجيا الاتصالات هايكون ممتاز جدا

كما يقال: إن القرن الحالي هو عصر الاتصالات

من المجالات الممتازة جدا برده مجال الموارد البشرية

مجال مطلوب والكوادر اللي فيه مش كثيرة ومرتباته عالية في مصر وخارج مصر

[Phizer]

أعتقد أي مجال له علاقة بتكنولوجيا الاتصالات هايكون ممتاز جدا

كما يقال: إن القرن الحالي هو عصر الاتصالات

من المجالات الممتازة جدا برده مجال الموارد البشرية

مجال مطلوب والكوادر اللي فيه مش كثيرة ومرتباته عالية في مصر وخارج مصر

معاك حق المجال ده فعلا كويس جدا وخصوصا بره مصر لان الاعداد فمصر كتيييير جدا والمنافسه صعبه اوي

[adrianocrespo]

ابعد عن المجال الطبي

و خليك في الاتصالات او تكنولوجيا المعلومات او الكمبيوتر

[ايهاب سالم]

انا ايام الثانويه العامه كان حلمي دخول كليه الهندسه وياسلام بقا لو كنت دخلت حاجا ليها علاقه بالكمبيوتر والسوفت وييير المهم ولاني للاسف كنت ولد مؤدب ومبكسرش كلام اهلي دخلت زي مكانو عايزني ادخل قالولي صيدله دي مفيش زييها واديني بندم على اليوم الي دخلتها فيه

انا مستغرب انت ليه عايز تختار لابنك مش هو اللي يختار مع ان ده هو اللي حصل معاك و بتندم عليه

اعتقد ان المفروض الولد يختار بنفسه

تم تعديل 10 يوليو 2009 بواسطة ايهاب سالم

[moheltohamy]

والله يا إيهاب ياخويا كنت داخل اقول نفس البؤين دول... لقيتك لسّه قايلهم!

لسه كنت باقول امبارح عن بنتي لما تيجي تتجوّز.

والغريب على رأيك إنه بيتحسّر على ضغط أهله عليه ، وبرضه مش في دماغه إنه هيعيد نفس المأساه مع إبنه! :closedeyes:

يا عم فايزر... نصيحة لوجه الله... خللي رأيك استشاري ، وسيب الواد يختار حسب اهتماماته. مفيش مجال في الدنيا مش مطلوب. والشاطر في مجاله - أياً كان المجال - هينجح ، وهيتخاطفوا عليه.

ع الأقل ما يجيش الولد بعد 20 سنة ويقول منه لله بابا! الله يرحمه بقى! :closedeyes:

[أحمد سيف]

انا ايام الثانويه العامه كان حلمي دخول كليه الهندسه وياسلام بقا لو كنت دخلت حاجا ليها علاقه بالكمبيوتر والسوفت وييير المهم ولاني للاسف كنت ولد مؤدب ومبكسرش كلام اهلي دخلت زي مكانو عايزني ادخل قالولي صيدله دي مفيش زييها واديني بندم على اليوم الي دخلتها فيه

انا مستغرب انت ليه عايز تختار لابنك مش هو اللي يختار مع ان ده هو اللي حصل معاك و بتندم عليه

اعتقد ان المفروض الولد يختار بنفسه

متفق معاك 100%

[Phizer]

والله يا إيهاب ياخويا كنت داخل اقول نفس البؤين دول... لقيتك لسّه قايلهم!

لسه كنت باقول امبارح عن بنتي لما تيجي تتجوّز.

والغريب على رأيك إنه بيتحسّر على ضغط أهله عليه ، وبرضه مش في دماغه إنه هيعيد نفس المأساه مع إبنه! :closedeyes:

يا عم فايزر... نصيحة لوجه الله... خللي رأيك استشاري ، وسيب الواد يختار حسب اهتماماته. مفيش مجال في الدنيا مش مطلوب. والشاطر في مجاله - أياً كان المجال - هينجح ، وهيتخاطفوا عليه.

ع الأقل ما يجيش الولد بعد 20 سنة ويقول منه لله بابا! الله يرحمه بقى! :closedeyes:

ده ايه النور ده دكتور تهامي والبشمهندس ايهاب هنا؟

الموضوع ده يا جماعه عشان نلم اكبر قدر من الاراء وده يساعد الاهل فتوضيح الرؤيه للولاد مش حاجا خاصه بيا

[minaaa]

دكتور فايزر انا اختلف معاك ان صيدله تخليك تندم على دخولها

اعتقد ان صيدله هي الافضل الان

[أحمد سيف]

شوف يا دكتور Phizer

الموضوع بيدخل فيه 3 اعتبارات:

- ايه الخيارات المتاحه قدامه ... وأقصد هنا المجموع والميزانية المتاحة لاستكمال دراسته

- اهتماماته ورغباته ... عاوز يدرس ايه أو نفسه يشتغل ايه وفين بعد ما يتخرج

- احتياجات السوق (محلي وخارجي) ... ايه المجالات المطلوبة وايه المجالات اللي فيها تكدس ... وطبعا التفكير لازم يكون مستقبلي وليس وفق الأوضاع الحالية

من وجهة نظري المتواضعة فإن المجالات المطلوبة خلال السنوات القادمة هي:

- الخدمات الصحية ... لا سيما الخدمات المساندة زي التمريض والأجهزة الطبية والتحاليل

- الطاقة بكل مجالاتها ... سواء بترول - غاز - طاقة متجدة

- الحاسبات والمعلومات والجرافيكس

- الاقتصاد والتمويل الإسلامي

- التعليم الخاص وتكنولوجيات التعليم

فيه مجالات لسه جديدة زي الهندسة البيولوجية و علوم البيئة والميكاترونيكس بس الحقيقة مش عارف ايه وضعهم في مصر

وطبعا الخيار الأول والأخير بيرجع للشاب لإن ده مستقبله زي ما الإخوان الأفاضل أشاروا

[abdulmuttaleb]

الدكتور فايزر،

مشكلة حضرتك في دخول كلية لا ترغب بها هي للأسف الشديد مشكلة عامة في جمهورية مصر العربية والدول العربية عموما

وهذه المشكلة متجذرة منذ المرحلة الثانوية لدينا، فالطلاب أصلا لا يعرفون الفرق الكامل بين الأدبي والعلمي، وما هي فرص العمل المتاحة لكل منهما على حدة

هذه المشكلة موجودة بشكل أفظع لدى خريجي الجامعات، مش عارفين يشتغلوا فين ولا ازاي، ولا ايه المجال اللي يدوروا فيه على شغل، ناهيك عن أن 90% من الخريجين بيتخرج من الكلية وهو لا هو عارف أماكن الشغل المتاحة ايه ولا المسميات الوظيفية المناسبة له ولا الخبرات والمهارات المطلوبة في تخصصه ولا أي حاجة خالص ولا حتى عامل سيرة ذاتية ولا عارف يدور على شغل ازاي وللا فين، ويمكن ده اللي شجعني أفتح مكتب متخصص في الجزئية دي هنا في الإسكندرية

لدرجة إن فيه شهادات متخصصة لتعريف الشخص بمهاراته وميوله وتوافقها معه نفسيا SII وMBTI

نرجع لخريجي الثانوية،

دلوقتي العالم منذ مثلا 1997 فيه دراسة عن تطور التقنيات الحديثة

Emerging Technologies

في لعالم حتى 2062 يعني مثلا يقوللك إن في سنة2018م نصف البضائع المباعة سيتم بيعها الكترونيا باحتمال حدوث 55% وقيمة طلب 208 مليون دولار، ودي دراسة صادرة عن جامعة جورج واشنطن.

http://lmi.ides.state.il.us/lmr/future.htm#techchart

طبعا العالم الآن يتحدث عن الغذاء أنا متوقع الزراعة والطب البيطري اللي احنا مهملينهم أتوقع ستكون لهم صولات وجولات مع خريجي كلية العلوم في المستقبل القريب، خصوصا مع قضية الغذاء والطاقة وتحويل الذرة لطاقة بديلة..إلخ

طبعا الالكترونيات وما يرتبط بها يعني خريج علوم حاسب أو علوم قسم إحصاء اللي بيعرف قواعد بيانات أوراكل وغيرها أقل راتب له 3500ج ولو ولد أو بنت ملهوش حل في البرمجة ودماغ في التفكير يبقى ولا بيل جيتس في بلد زي مصر

تخصصات الموارد البشرية والأعمال المرتبطة بالتعليم أنا متوقع لها نمو وازدهار مع الوقت لأن لا تنسوا نصف الشعب شباب وخمسه تحت 15سنة أو شيء من هذا القبيل محتاجين وتعليم وشغل ووظائف

طبعا أي تخصص مرتبط بالدماغ والتفكير مستقبله أفضل الآن من أي وقت مضى، استشارات مالية أو إدارية أو توظيف أو تسويق، أو حتى استشارات ما قبل الزواج والمشكلات الزوجية.

خليني يا دكتور فايزر أركز كمان على قضية مهمة جدا بعد دخول الكلية، لأن صدقني ساعات كتير المشكلة مش في الكلية، المشكلة في وقت الطالب أثناء الكلية

يجب الحرص على التدريب والاحتكاك بالحياة العملية والعمل الصيفي أو التدريب الصيفي، وإنه يشتغل حتى ولو بجنيه في اليوم يتعلم ويستفيد ويكتسب خبرات

ولازم يقوي نفسه في الكمبيوتر وتطبيقاته واللغات، والكمبيوتر أصلا ممكن يفتح له باب رزق قبل إنهاء الكلية خصوصا لو حابب برمجة وقواعد بيانات أو تصميم مواقع وجرافكس

أؤكد على ما أشار إليه السادة الذين سبقوني، من ضرورة التعرف على رغبات الابنة أو الابن الشخصية، وميوله، واحتياجاته وطموحاته، وهو حابب يكون زي مين، وليه، وازاي يوصل لمكانته ومستواه العالي، والأهم ح يحتاج لايه عشان ينجح ويتفوق، لأن مش معقول شاب حابب علوم حاسب والآي تي ويدخل الكلية وفاكر إن العملية مذاكرة كتب ومراجع وخلاص، لأ لازم عملي وتدريب صيفي وقراءة خارجية ويجرب يعمل موقع، ويجرب يصمم قاعدة بيانات، ويتعامل مع الناس ويكون لديه لغة إنجليزي وأكثر من لغة برمجة، إنما يدخل الكلية وينام طول الخط والصيف لعب وشورت وكاب ح تواجه صعوبات لا حصر لها، فلازم من الأول يعرف إن كل كلية وعليها التزامات لازم تنفذ لكي يتفوق فيها الشخص.

أتوقع مهم ربط الكلية بالمواد في الثانوية وايه المواد اللي بيحبها وايه اللي بيكرهها، أتصور دي لها دور في تحديد كلية المستقبل.

وفيه نقطة كمان مهمة، أحيانا التنسيق مثلا يؤدي لكلية الآداب قسم تاريخ مثلا، أحيانا الابن يكون عاشق لهذا المجال ولكن الأسرة ترفض وتريد كلية خاصة في إدارة الأعمال مثلا لهذا الابن، في الواقع لا مشكلة من أن ينخرط الابن في كلية الآداب التي يحبها هذه آخذا في الاعتبار أنه من الممكن جدا أن يأخذ دبلومة في الموارد البشرية أو ماجستير في إدارة الأعمال تخصص موارد بشرية وبالمبالغ التي كانت ستنفق على الكلية يمكن صرفها على الماجستير 40ألف جنيه أو الدبلومة 15ألف، ويتدرب في الصيف بشكل كويس دايما في الإجازات مع عمل هنا أو هنالك، ح يتخرج من الجامعة يتخطف في أي مجال إداريّ ممكن، وفي نفس الوقت يدرس الماجستير أو الدبلومة، ودي ح تفتح له مجال شغل كويس جدا.

فيعني فكرة Dual Career دي موجودة ومتاحة وتشكل حلا رائعا لجميع الأسر، وأنا شخصيا لي زميلات خريجات زراعة وآداب فرنساوي كانوا معنا في الماجستير وكانوا يعملون في مجال HR في شركات هنا بالإسكندرية، وبعضهن انتقلن لشركات موارد بشرية متخصصة بعد الماجستير.

ما أقصده ألا يحصر الإنسان نفسه في أنه آداب قسم اجتماع طيب ح أشتغل ايه أو ح أروح فين،لأ فيه مسارات وظيفية عديدة تجعل المستقبل أمام الشخص في عدة تخصصات وأماكن أرحب بكثير من تخصصه الجامعي الأصليّ.

يعني خليني آخد حضرتك كمثال عملي يا دكتور فايزر، حضرتك تحب مجال تقنية المعلومات ودخلت كلية صيدلة، في حال وجود حالة عشق شديدة جدا مع تقنية المعلومات فإنّ حضرتك ممكن لما تتخرج تشتغل كصيدلي أو في شركة أدوية، وفي نفس الوقت تسجل ماجستير إدارة الأعمال قسم إدارة نظم معلومات MIS وهو مجال يوافق هواياتك وميولك، بعد سنتين مدة دراسة الماجستير، حضرتك يمكنك أن تنقل وظيفتك من المجال الدوائي إلى مجالات الإدارة وإدارة المشاريع وقواعد البيانات والإدارة الالكترونية وشركات نظم المعلومات، بالإضافة إلى أن حضرتك ح تكون لك ميزة في خبرتك الطبية للعمل في شركات الأدوية ممكن كمدير إداري أو مدير تسويق أو مشرف مبيعات وبعد كده تنقل على إدارة نظم المعلومات، ويا سلام بقى لو حضرتك لك خبرة في قواعد البيانات ونظم إدارة البيانات والمعلومات، ممكن تشتغل استشاري كده بالمشروع في بعض مشاريع خاصة لشركات مختلفة إلى جانب عملك الأصلي حتى بشركة الأدوية.

أخيرا فيه حاجة ظريفة جدا ناس كتير ما بتعملهاش، هي السؤال، يعني حضرتك كويس سألت هنا في المنتدى، فيه ناس ولايسألوا الهوا، الولد عايز كلية كذا تبقى كلية كذا، ويكتشف الأهل مثلا في سنة ثالثة إن الولد مش حابب الكلية وأنه دخلها عشان صاحبه الأنتيم دخلها فحب يكون معاه، أنا عايز في الواقع أشدد على نقطة السؤال، يعني لو كانت مكاتبنا تتقاضى مبالغ مالية لتقديم استشاراتها، فهنالك أماكن للحصول على استشارات ثرية جدا دون مقابل عبر سؤال أساتذة الجامعات في التخصصات المختلفة أو مراسلتهم حتى بالبريد الالكتروني، أو التعرف من أهل الخبرة والتجربة على آراءهم، يعني بنت عايزة مثلا كلية زراعة ايه المانع تروح الكلية وتسأل كم دكتور هناك وتشوف ايه التخصصات الفرعية، أحيانا كلية بايخة لدى عموم الشعب ويكون فيها تخصصات بالتعبير الشعبي تكسب دهب، ولا حد هنا، زي كلية العلوم اللي الواحد اكتشف أن فيها تخصص كمبيوتر ورياضة ده يساوي علوم حاسب يعني برمجة وآي تيIT يعني على طول للمتميز شغل مضمون وراتب جيد جدا، ولكن للأسف لا الكلية توضح المعلومات عن نفسها، ولا الطلاب يسألون، ولا يوجد وسيط (على الأقل لاستشارات خريجي الثانوية، أما خريجي الجامعة فلا يوجد سوى 4 أو 5 أماكن في جمهورية مصر العربية مكتبي أحدها، تخيلوا لما العبد لله يكون شغال في مجال حيوي ومهم ولا يوجد في مصر منه إلا 4 أماكن فقط، قمة المأساة وللأسف للأسف الخاسر الأكبر هو الطالب، وأسرته والوطن ككل.)

تحياتي وتقديري وآسف للتطفل والإطالة،

تم تعديل 10 يوليو 2009 بواسطة abdulmuttaleb

[أحمد سيف]

أحيي الأخ محمد عبد المطلب على مشاركته القيمة ... وأتفق معه أن لدينا مشكلة في مصر تتمثل في غياب وظيفة هامة في المدارس والجامعات هي وظيفة المرشد الأكاديمي والمهني ... وهي وظيفة موجودة في جميع المؤسسات التعليمية بالدول المقدمة ومهمته تكون إرشاد الطلاب الى الخيارات المتاحة أمامهم ومساعدتهم على رسم خطة واضحة لمستقبلهم بناء على اهتماماتهم وقدراتهم

لكن نقول ايه ... لما يبقى عندنا مدارس الأول بنقى نطالب إنه يكون عندنا مرشدين أكاديميين ومهنيين ... وحتى يتحقق ذلك مطلوب من كل اب ان يقوم بهذه المهمة حسب قدرته.

[Phizer]

الدكتور فايزر،

مشكلة حضرتك في دخول كلية لا ترغب بها هي للأسف الشديد مشكلة عامة في جمهورية مصر العربية والدول العربية عموما

وهذه المشكلة متجذرة منذ المرحلة الثانوية لدينا، فالطلاب أصلا لا يعرفون الفرق الكامل بين الأدبي والعلمي، وما هي فرص العمل المتاحة لكل منهما على حدة

هذه المشكلة موجودة بشكل أفظع لدى خريجي الجامعات، مش عارفين يشتغلوا فين ولا ازاي، ولا ايه المجال اللي يدوروا فيه على شغل، ناهيك عن أن 90% من الخريجين بيتخرج من الكلية وهو لا هو عارف أماكن الشغل المتاحة ايه ولا المسميات الوظيفية المناسبة له ولا الخبرات والمهارات المطلوبة في تخصصه ولا أي حاجة خالص ولا حتى عامل سيرة ذاتية ولا عارف يدور على شغل ازاي وللا فين، ويمكن ده اللي شجعني أفتح مكتب متخصص في الجزئية دي هنا في الإسكندرية

لدرجة إن فيه شهادات متخصصة لتعريف الشخص بمهاراته وميوله وتوافقها معه نفسيا SII وMBTI

نرجع لخريجي الثانوية،

دلوقتي العالم منذ مثلا 1997 فيه دراسة عن تطور التقنيات الحديثة

Emerging Technologies

في لعالم حتى 2062 يعني مثلا يقوللك إن في سنة2018م نصف البضائع المباعة سيتم بيعها الكترونيا باحتمال حدوث 55% وقيمة طلب 208 مليون دولار، ودي دراسة صادرة عن جامعة جورج واشنطن.

http://lmi.ides.state.il.us/lmr/future.htm#techchart

طبعا العالم الآن يتحدث عن الغذاء أنا متوقع الزراعة والطب البيطري اللي احنا مهملينهم أتوقع ستكون لهم صولات وجولات مع خريجي كلية العلوم في المستقبل القريب، خصوصا مع قضية الغذاء والطاقة وتحويل الذرة لطاقة بديلة..إلخ

طبعا الالكترونيات وما يرتبط بها يعني خريج علوم حاسب أو علوم قسم إحصاء اللي بيعرف قواعد بيانات أوراكل وغيرها أقل راتب له 3500ج ولو ولد أو بنت ملهوش حل في البرمجة ودماغ في التفكير يبقى ولا بيل جيتس في بلد زي مصر

تخصصات الموارد البشرية والأعمال المرتبطة بالتعليم أنا متوقع لها نمو وازدهار مع الوقت لأن لا تنسوا نصف الشعب شباب وخمسه تحت 15سنة أو شيء من هذا القبيل محتاجين وتعليم وشغل ووظائف

طبعا أي تخصص مرتبط بالدماغ والتفكير مستقبله أفضل الآن من أي وقت مضى، استشارات مالية أو إدارية أو توظيف أو تسويق، أو حتى استشارات ما قبل الزواج والمشكلات الزوجية.

خليني يا دكتور فايزر أركز كمان على قضية مهمة جدا بعد دخول الكلية، لأن صدقني ساعات كتير المشكلة مش في الكلية، المشكلة في وقت الطالب أثناء الكلية

يجب الحرص على التدريب والاحتكاك بالحياة العملية والعمل الصيفي أو التدريب الصيفي، وإنه يشتغل حتى ولو بجنيه في اليوم يتعلم ويستفيد ويكتسب خبرات

ولازم يقوي نفسه في الكمبيوتر وتطبيقاته واللغات، والكمبيوتر أصلا ممكن يفتح له باب رزق قبل إنهاء الكلية خصوصا لو حابب برمجة وقواعد بيانات أو تصميم مواقع وجرافكس

أؤكد على ما أشار إليه السادة الذين سبقوني، من ضرورة التعرف على رغبات الابنة أو الابن الشخصية، وميوله، واحتياجاته وطموحاته، وهو حابب يكون زي مين، وليه، وازاي يوصل لمكانته ومستواه العالي، والأهم ح يحتاج لايه عشان ينجح ويتفوق، لأن مش معقول شاب حابب علوم حاسب والآي تي ويدخل الكلية وفاكر إن العملية مذاكرة كتب ومراجع وخلاص، لأ لازم عملي وتدريب صيفي وقراءة خارجية ويجرب يعمل موقع، ويجرب يصمم قاعدة بيانات، ويتعامل مع الناس ويكون لديه لغة إنجليزي وأكثر من لغة برمجة، إنما يدخل الكلية وينام طول الخط والصيف لعب وشورت وكاب ح تواجه صعوبات لا حصر لها، فلازم من الأول يعرف إن كل كلية وعليها التزامات لازم تنفذ لكي يتفوق فيها الشخص.

أتوقع مهم ربط الكلية بالمواد في الثانوية وايه المواد اللي بيحبها وايه اللي بيكرهها، أتصور دي لها دور في تحديد كلية المستقبل.

وفيه نقطة كمان مهمة، أحيانا التنسيق مثلا يؤدي لكلية الآداب قسم تاريخ مثلا، أحيانا الابن يكون عاشق لهذا المجال ولكن الأسرة ترفض وتريد كلية خاصة في إدارة الأعمال مثلا لهذا الابن، في الواقع لا مشكلة من أن ينخرط الابن في كلية الآداب التي يحبها هذه آخذا في الاعتبار أنه من الممكن جدا أن يأخذ دبلومة في الموارد البشرية أو ماجستير في إدارة الأعمال تخصص موارد بشرية وبالمبالغ التي كانت ستنفق على الكلية يمكن صرفها على الماجستير 40ألف جنيه أو الدبلومة 15ألف، ويتدرب في الصيف بشكل كويس دايما في الإجازات مع عمل هنا أو هنالك، ح يتخرج من الجامعة يتخطف في أي مجال إداريّ ممكن، وفي نفس الوقت يدرس الماجستير أو الدبلومة، ودي ح تفتح له مجال شغل كويس جدا.

فيعني فكرة Dual Career دي موجودة ومتاحة وتشكل حلا رائعا لجميع الأسر، وأنا شخصيا لي زميلات خريجات زراعة وآداب فرنساوي كانوا معنا في الماجستير وكانوا يعملون في مجال HR في شركات هنا بالإسكندرية، وبعضهن انتقلن لشركات موارد بشرية متخصصة بعد الماجستير.

ما أقصده ألا يحصر الإنسان نفسه في أنه آداب قسم اجتماع طيب ح أشتغل ايه أو ح أروح فين،لأ فيه مسارات وظيفية عديدة تجعل المستقبل أمام الشخص في عدة تخصصات وأماكن أرحب بكثير من تخصصه الجامعي الأصليّ.

يعني خليني آخد حضرتك كمثال عملي يا دكتور فايزر، حضرتك تحب مجال تقنية المعلومات ودخلت كلية صيدلة، في حال وجود حالة عشق شديدة جدا مع تقنية المعلومات فإنّ حضرتك ممكن لما تتخرج تشتغل كصيدلي أو في شركة أدوية، وفي نفس الوقت تسجل ماجستير إدارة الأعمال قسم إدارة نظم معلومات MIS وهو مجال يوافق هواياتك وميولك، بعد سنتين مدة دراسة الماجستير، حضرتك يمكنك أن تنقل وظيفتك من المجال الدوائي إلى مجالات الإدارة وإدارة المشاريع وقواعد البيانات والإدارة الالكترونية وشركات نظم المعلومات، بالإضافة إلى أن حضرتك ح تكون لك ميزة في خبرتك الطبية للعمل في شركات الأدوية ممكن كمدير إداري أو مدير تسويق أو مشرف مبيعات وبعد كده تنقل على إدارة نظم المعلومات، ويا سلام بقى لو حضرتك لك خبرة في قواعد البيانات ونظم إدارة البيانات والمعلومات، ممكن تشتغل استشاري كده بالمشروع في بعض مشاريع خاصة لشركات مختلفة إلى جانب عملك الأصلي حتى بشركة الأدوية.

أخيرا فيه حاجة ظريفة جدا ناس كتير ما بتعملهاش، هي السؤال، يعني حضرتك كويس سألت هنا في المنتدى، فيه ناس ولايسألوا الهوا، الولد عايز كلية كذا تبقى كلية كذا، ويكتشف الأهل مثلا في سنة ثالثة إن الولد مش حابب الكلية وأنه دخلها عشان صاحبه الأنتيم دخلها فحب يكون معاه، أنا عايز في الواقع أشدد على نقطة السؤال، يعني لو كانت مكاتبنا تتقاضى مبالغ مالية لتقديم استشاراتها، فهنالك أماكن للحصول على استشارات ثرية جدا دون مقابل عبر سؤال أساتذة الجامعات في التخصصات المختلفة أو مراسلتهم حتى بالبريد الالكتروني، أو التعرف من أهل الخبرة والتجربة على آراءهم، يعني بنت عايزة مثلا كلية زراعة ايه المانع تروح الكلية وتسأل كم دكتور هناك وتشوف ايه التخصصات الفرعية، أحيانا كلية بايخة لدى عموم الشعب ويكون فيها تخصصات بالتعبير الشعبي تكسب دهب، ولا حد هنا، زي كلية العلوم اللي الواحد اكتشف أن فيها تخصص كمبيوتر ورياضة ده يساوي علوم حاسب يعني برمجة وآي تيIT يعني على طول للمتميز شغل مضمون وراتب جيد جدا، ولكن للأسف لا الكلية توضح المعلومات عن نفسها، ولا الطلاب يسألون، ولا يوجد وسيط (على الأقل لاستشارات خريجي الثانوية، أما خريجي الجامعة فلا يوجد سوى 4 أو 5 أماكن في جمهورية مصر العربية مكتبي أحدها، تخيلوا لما العبد لله يكون شغال في مجال حيوي ومهم ولا يوجد في مصر منه إلا 4 أماكن فقط، قمة المأساة وللأسف للأسف الخاسر الأكبر هو الطالب، وأسرته والوطن ككل.)

تحياتي وتقديري وآسف للتطفل والإطالة،

ربنا يبارك فيك يا استاذ عبدالمطلب والله مشاركتك اكتر من رائعه وفعلا اهم حاجا فموضوع اختيار الكليه انك توضح لابنك مستقبلها والصوره نحاول نوصلها كامله للأهل ووللأبن

وده فكره الموضوع ده يعني ممكن نحاول نرشح تخصصات معينه ونتكلم عنها لو نقدر.

طبعا تعليمنا للاسف بعيييييد كل البعد عن سوق العمل وده تقصير حكومي فظيييع احنا اعداد طلبة الجامعات الحكوميه والخاصه رهيبه وكان لازم التوجيه

[Phizer]

دكتور فايزر انا اختلف معاك ان صيدله تخليك تندم على دخولها

اعتقد ان صيدله هي الافضل الان

انا كبير على الندم دلقوتي تبقا مصيبه لو لسه ندمان لا بس الحقيقه فعلا انا ساعة ما دخلت الكليه دي انا لاكنت عارف الصيدلي ده بيعمل ايه ولا بيكسب كام ولا مجالات شغله ايه؟

وبعدين وبصراحه شديده انا مش مقتنع ابدا ان صيدله هي الافضل الان وهوضح لحضرتك ولكل من تسول له نفسه فالتفكير فالكليه دي

يا سيدي مجالات الصيدلي تنحصر في مكان من اتنين صيدليه ودوره لا يتعدى قرائه الروشته ويجيب الدواء من على الرف ويحاسب المريض وشكرا

المجال الاخر ان الصيدلي يشتغل مندوب مبيعات فشركه ادويه شغلهم كله اللف على الاطباء ويحلفلهم ان دواء شركتنا هوا الافضل وكمان انشاء الله في شهر عسل على حساب الشركه للدكتور ولمراته

طبعا في صيدلي بيشتغل في مصنع الادويه بس دي نادره لدرجه كبيره وكمان صيدلي المستشفيات لايتعدى دوره صيدلي الصيدليه

بخصوص المرتبات:

صيدلي بيشتغل في صيدليه بياخد في حدود ال 120 جنيه للساعه الشهريه (يعني لو اشتغل ساعه لمدة 27 يوم هيقبض ال 120 جنيه)لو خبره وتنزل 90 و80 لو مفيش خبره

مندوب المبيعات بياخد 1400 جنيه ممكن 200 فوق او 200 تحت

دي ارقام دقيقه من سوق العمل فمصر وبالنسبه للخليج

الصيدلي الي بيشتغل فصيدليه 12 ساعه فاليوم 7 ايام فالاسبوع له اجازة يوم فالاسبوعين وساعات والله مفيش اجازة خالص مرتبه بيبقا 3500 ريال ممكن برضه تزيد 500 ريال وممكن تقل

مندوب المبيعات بياخد حدود 4500 ال 5000 الى حد كبير بيطلبو خبره مسبقه.

اتمنى اكون وضحت شئ

[adrianocrespo]

صيدلي بيشتغل في صيدليه بياخد في حدود ال 120 جنيه للساعه الشهريه (يعني لو اشتغل ساعه لمدة 27 يوم هيقبض ال 120 جنيه)لو خبره وتنزل 90 و80 لو مفيش خبره

ده كمان يا دوك لو في القاهره او الاسكندريه

اسعار الاقاليم اقل بكتير

مندوب المبيعات بياخد 1400 جنيه ممكن 200 فوق او 200 تحت

شغل الدعايا ده مقرف جدا و محدش بيحبه حتي اللي بيشتغل فيه

بس نقطه اخيره برده

المرتبات دي ممكن تبقي كبيره لشريحه كبيره من الشعب المصري و خريجين لكليات كتيره يحلمون بها

[elfakhrany]

هندسة الطاقة النووية لها مستقبل جيد فى مصر خصوصا أن مصر مقدمة على بناء أول مفاعل نووي لـ توليد الكهرباء

[Phizer]

صيدلي بيشتغل في صيدليه بياخد في حدود ال 120 جنيه للساعه الشهريه (يعني لو اشتغل ساعه لمدة 27 يوم هيقبض ال 120 جنيه)لو خبره وتنزل 90 و80 لو مفيش خبره

ده كمان يا دوك لو في القاهره او الاسكندريه

اسعار الاقاليم اقل بكتير

مندوب المبيعات بياخد 1400 جنيه ممكن 200 فوق او 200 تحت

شغل الدعايا ده مقرف جدا و محدش بيحبه حتي اللي بيشتغل فيه

بس نقطه اخيره برده

المرتبات دي ممكن تبقي كبيره لشريحه كبيره من الشعب المصري و خريجين لكليات كتيره يحلمون بها

لا في حاجا كمان بخصوص شغل الدعايه الرقم الي انا كاتبه ده على الورق انت متنساش انت شغال وفالشارع طوول اليوم يعني انا كنت شغال فشركه امريكيه والمفروض انها الافضل فسوق العمل المهم انا مكنتش قادر اعيش بالمرتب ولا عارف اشتغل حاجا صعبه والله

وبعدين بخصوص ان المرتب ده كويس لناس معينه انت لو اشتغلت فصيدليه 10 ساعات يعني هتقبض 1200 جنيه ممكن تقولي مين بياخد اقل من كده ل10 ساعات؟

السنه الي فاتت كنت فالكليه وبطلع ورق قابلت ام طالبه جاييه من الامارات وعايزة تقدم لبنتها على التعلم المتميز نظام جديد كده بفلوس

المهم قعدت اكلم الست تقريبا اتسدت نفسها وقالتلي والله انا مكنتش ممكن اتخيل الي انت بتقوله ده والحمدلله اقتنعت

فشوف الغلب يعني البنت جايبه مجموع ومشاء الله والدتها عايزاها تتميز فالتعليم واختارت التعليم ابو فلوس وهي حتى مهنش عليها تسأل

[الحازم حسن]

زي ما تفضل الاخوة هوه عايز يدخل كلية ايه ؟؟

وبعدين هوه مجموعه كام ؟؟ وعلملي ولا أدبي وميوله إيه ؟ وتاريخ حياته ؟ وأهم انجازاته ؟

عموماً الكليات اللي ليها مستقبل واعد جداً

هندسة البترول - حاسبات ومعلومات - بتوع الهندسة المعمارية مطلوبين بشكل شرس في الخليج وتخصص معين في كلية العلوم مش فاكره بصراحة لكن لو سألت عنه حتلاقيه معروف

ولو انت ثري ثراء فاحش يبقى تدخله معهد الطيران المدني بـ 150 الف جنيه

مبنصحش حد يدخل ابنه طب كل زمايلي اللي كان مجموعهم يمكنهم من دخول الطب رفضوا يدخلوه لانهم عشان يبقوا دكاترة بحق ربنا قدامهم 10 سنين

[Phizer]

زي ما تفضل الاخوة هوه عايز يدخل كلية ايه ؟؟

وبعدين هوه مجموعه كام ؟؟ وعلملي ولا أدبي وميوله إيه ؟ وتاريخ حياته ؟ وأهم انجازاته ؟

ايه الكلام الكبير ده تاريخ حياته واهم انجازاته!!!

وبعدين 10 سنين 10 سنين مش مشكله المهم يطلع دكتور شاطر

تم تعديل 11 يوليو 2009 بواسطة Phizer

[الباشمهندس ياسر]

تعجبت كيرا عند قراءتى لعنوان الموضوع

هل لازال احدنا يفكر لغيره فى تحديد المصير و اتجاه الحياة بصورة عامة!!!!!!!!!!

و ان كنت فهمت من المداخلات التالية للفاضل فايزر انه يرغب فى معرفة اخبار السوق بصورة عامة فالاحرى به تغيير العنوان

و استثمر المداخلة فى توجيه الشكر للفاضل المهندس عبد المطلب على مداخلته الثرية

و اخيرا

ارى ان من احب شيئا ابدع فيه و بالتالى تميز و استحق افضل الاوضاع