تحياتي من الاراضي الكلجارية

[mrs gehad ahmed]

يارب يكون المانع لانقطاعك عن التوبك 3 ايام خير

ياريت تطمنينا علي حضرتك وعلي اخبارك

في رعاية الله

[dcfarouk]

السلام عليكم ورحمه الله

والله مش عارف اقول ايه ليكي يا مدام meyo

جزاكي الله خير ويارب نسمع عنك اخبار حلوه

حضرتك قلتي عشان اخد كورسات مع اعانه شهريه لازم حاجتين

اقامه 3 شهور و اثبات عدم الحصول علي عمل رغم المحاوله او بارت تايم

السؤال هنا ازاي اثبت اقامه خاصه اني بفكر اعيش في home stay يعني انا مش هظهر علي الورق علي ما اعتقد ولا ممكن عن طريق اوراق الشراء باسمي من المحلات ياريت مشوره حضرتك في النقطه ديه

اثبات عدم الحصول علي عمل هل المقصود عمل في تخصصي انا كطبيب مثلا اجيبله ورق اني لسه مش ينفع اشتغل ولا يقول لا انت مقدمتش علي عامل كاشير مثلا و لما تقدم عليها وتترفض تعالي مع العلم ان اكيد في وظايف كتير ولو دورت ولقيت شغل ايه الحل هل الاعانه بتاعه الدراسه راحت لاني لو سيبت الشغل يقولوا ده بيتلكك

وهل لو اشتغلت بارت تايم ممكن انا اللي يكون طالب من صاحب الشغل كده عشان ادخل في الاعانه ولا لازم يكون ده المتاح عنده بمعني ان مفيش عنده فول تايم

ياريت الافاده

جزاكي الله خير

[myusername]

السلام عليكم ورحمه الله

السؤال هنا ازاي اثبت اقامه خاصه اني بفكر اعيش في home stay يعني انا مش هظهر علي الورق علي ما اعتقد ولا ممكن عن طريق اوراق الشراء باسمي من المحلات ياريت مشوره حضرتك في النقطه ديه

السلام عليكم,

اسمح لى اجاوبك على النقطة دى.

هو بالمنطق كده.. مجرد ختم الدخول على باسبورك, و استمارة اللاندنج... هى اقوى اثبات ان بقالك 3 شهور فى كندا.

و عموما ممكن تحتفظ باى انفويس.. او فاتورة تثبت انتا قاعد فى المكان من امتى.

عموما, اللى انا اعرفه.. انك تقدر تقدم على طلب الاعانة بعد 3 شهور بالنسبة لكيبيك... و بعد 6 شهور بالنسبة لباقى كندا.

بالتوفيق باذن الله.

[dcfarouk]

السلام عليكم ورحمه الله

السؤال هنا ازاي اثبت اقامه خاصه اني بفكر اعيش في home stay يعني انا مش هظهر علي الورق علي ما اعتقد ولا ممكن عن طريق اوراق الشراء باسمي من المحلات ياريت مشوره حضرتك في النقطه ديه

السلام عليكم,

اسمح لى اجاوبك على النقطة دى.

هو بالمنطق كده.. مجرد ختم الدخول على باسبورك, و استمارة اللاندنج... هى اقوى اثبات ان بقالك 3 شهور فى كندا.

و عموما ممكن تحتفظ باى انفويس.. او فاتورة تثبت انتا قاعد فى المكان من امتى.

عموما, اللى انا اعرفه.. انك تقدر تقدم على طلب الاعانة بعد 3 شهور بالنسبة لكيبيك... و بعد 6 شهور بالنسبة لباقى كندا.

بالتوفيق باذن الله.

حضرتك ما انا ممكن اسافر من كالجاري بالعربيه لاي حته في كندا وارجع بعد كام شهر واقول اني مقيم في كالجاري كل الفتره اللي فاتت

وكمان meyo بتقول الاعانه ا(للي اقصدها بتاعه الدراسه مش الاعانه العاديه ) اعانه الدراسه بعد 3 شهور

وياريت التصحيح

[dcfarouk]

كنت عاوز اعرف اسعار السلع البسيطه في كالجاري

زي الرز والمكرونه والجبنه والبيض والزيت واللحمه

وديه مقتبسه من منتدي تاني عن الاسعار في كيبيك

نخش علي الكل

كلنا بننزل نشتري اكل و ده طبيعي, يعني لما نحتاج ناكل ننزل نشتري صح. لا مش صح, عشان تعيش طالب الاكل مش بييجي لما تحتاجه, الاكل ييجي لما هو يحتاجك

اقول لكم ازاي

انت تتابع الفليرز و دي بتنزل كل خميس في محلات الاكل , و اياك ثم اياك تكون محتاج اي حاجة و تنزل علي طول تجبها, لا يا باشا انت تجيب كل فليرز المحلات في اول الاسبوع و تقراها كويس و بالخبرة حتعرف ان في حاجة عاملة زي دوريات التخفيضات

نبدأ بالفطار: محتاجين بيض و جبنة, البيض الكرتونة ب 2.6 دولار, اوعي تجبها و لو اتزنقت مش حنموت من غير بيض, طيب تعمل ايه, تستني لحد ما ينزل عرض علي البيض في اي محل و غالبا بيكون ماكسي او سوبر سي, و طبعا عشان كل الطلبة نفس النظام و كحيانة, اول ما البيض ينزل التليفونات او النت يشتغل و كله يبلغ كله, لو عندك عربية زي حالاتي بتروح المحل و تجيبه ده الطبيعي, بس الواقعي اكتر انك تجيب بيض لطالب تاني معاك او هو يجيبلك عشان البنزين و خصوصاان المحلات دي بعيدة شوية. البيض بيبقي ب 1.6 في التخفيض, تروح يا باشا تجيب 10 او 20 كرتونة زي ما انا بعمل و تحطهم في التلاجة و تاكل منهم لحد التخفيض القادم. كدة بتوفر في بند واحد بس 20 دولار شهريا, طبعا ممكن بالنسبة لناس تانية ال20 دولار دي مش حاجة , بس احنا الميزانية لو خسعت 20 دولار حنجبهم منين, يبقي نستلف او حد من مصر يبعتهم يعني

الجبنة: يا ريت و انت جاي من مصر تشحن جبنة تكفيك شهرين تلاتة او لو حد نازل زيارة يظبطك, الجبنة من الكماليات غالبا, بس بارده في جبنة تمنها 8 دولار النص كيلو و بتنزل ب 4 في التخفيض اسمها كيبون, تروح يا باشا رازع 10 علب منها و تحط في التلاجة

اللبن: للاسف ملهوش حل لازم تجيبو, بس تجيب العبوة العائلية بيبقها فيها تخفيض

الفاكهة: انسي يا عمرو ما عدا لو في عرض جامد اوي زي الموز اللي بينزل 40 سنت الكيلو و بقيت الفاكهة متكلهاش الا لما تلاقي نوع نزل عليه تخفيض جامد. و بالنسبة للطلبة عشان معندهمش مواعيد عمل تروح محلات الخضار و الفاكهة الصبح بدري اول ما تفتح حتلاقي الفاكهة و الخضار بتوع اليوم اللي قبله بسعر تقريبا ببلاش, يلا كل و هيص, و طبعا عرفنا الخطة تروح جماعة عشان البنزين, او حد يجيب لك

الرز و المكرونة: تستني عرض شوال الرز اللي 8 كيلو و بينزل ب 9 دولار و تجيب شوالين كدة يكفوا معاك 4 شهور و تنسي الموضوع ده. المكرونة كماليات و متجيش الا في الشديد الاوي, يعني لما تتخنق من الرز اوي او لما تنزل بسعر مغري جدا

الفراخ: الوجبة الرئيسية في كيبك عشان الفراخ حلال في كيبك و مش عارف باقي كندا ايه, بينزل عرض مش ممكن للوراك, بيكون الكيلو ب 1.4 دولار, تيجي رايح علي طول و رازع 10 كيلو لحد العرض اللي بعده, و غالبا حسب تتبع دورة الفراخ بقينا عارفين بتنزل امتي و تلف ازاي علي المحلات, يعني عاملين دراسات جدوي

الديك الرومي: لو تتبعت العروض ممكن تلاقي ديك الكيلو ب 2.4 تيجي رازع ديكين ينفعوا في العزومات عشان تبيض وشك و تبان انك غني و بتاكله علي طول

اه بالنسبة للفراخ لازم مراتك تكون شاطرة و تنوع فيها عشان متزهقش من اكلها

الدقيق: من اساسيات المهاجر المكافح الدقيق, منهم لله كان السنة اللي فاتت كان بينزل ال 10 كيلو ب 6 دولار و كنت بجيبه. الدقيق تعمل به البتزا و الكيكة و البرونيز و الاكلير و كل الحلويات عشان تسد بق العيال و ميفكروش في الشوكولاتة, و كدة مش حتضطر تاكل برة حتي لو كنت برة البيت تاخد الحاجات دي معاك.

السكر: بارده لما ينزل العرض اللي هو ال 2 كيلو ب 1.5 تروح محمل و معبي في البيت, و ده ضروري للحلويات عشان تسكت العيال

السمك: مقرف جدا هنا, طبعا الانواع الرخيصة, عشان الغالي مش بنجيبو

اللحمة: بلاش منها خالص الا لو عندك واحد حبيبك زي واحد صاحبي ربنا يبارك له بينزل موريال و يحمل لحمة للطلبة كلها في عربيته الملاكي, الكيلو ب 7.5 و المفروم ب 5.5 و طبعا تجيب 10 كيلو للشهر كله

اه في محل دولاراما ينفع لبسكويت العيال لو الدنيا زنقت اوي و في لعب كمان و حاجات تانية لتمشية الحال

البيبسي و العصير تسني لحد لما تكون البيبسي ال 2 لتر ب 77 سنت و تجيب و مش لازم طبعا كل شوية تشربها, ما هي مضرة

الايس كريم و ده مقدرش اعيش من غيره, ال 2 لتر في العرض ب 4 دولار و ده مش بهتم ساعتها بالميزانية و البنات شبهي فيه, اهو ده الحاجة اللي مش ممكن حد يقاومها في كيبك, عندهم حبة انواع و اشكال و لو زنقت اجيب فلوس من مصر عشانه او انزل اشتغل طول الليل اعملها, بجد لا يقاوم

طيب لو انت تتبعت الحاجات دي و غالبا مراتك هي اللي عليها الدور ده, حتلاقي ان الميزانية للاكل من 250 الي 300 لاسرة 4 افراد, و خد بالك احنا كده اكلين زي مصر و يمكن احسن, انا كان مستواي في مصر عالي يعني عايش مرتاح جدا و مش حاسس بفرق, هو الموضوع عايز حبة نظام و مجهود و متنسقش ورا كل حاجة تلاقيها, و خد بالك انك ممكن تلاقي حاجة ب 10 و تاني يوم في التخفيض ب 3 , يعني متستعجلش علي اي حاجة نفسك فيها, مش حتتحرم منها بس ممكن تتاخر شوية لحد متنولها

الاكل برة: انساه خاااالص, اهو ده اللي خارب ميزانية الناس كلها و بيشتكوا, و بعدين عايز تاكل برة روح اي بارك و كلهم ببلاش و خد معاك الشواية و اديها يا باشت و عيش حياتك, و ده مسموح به في باركات كتير. او خد البتزا اللي عملها في البيت و في البارك بارده و تبقي اكلت برة

البطاطس و البصل و التوم: اول اتنين لو صبرت حتلاقي عروض فظيعة, تروح محمل كمية للعرض اللي بعده و طبعا انت بقيت خبرة في مواعيد العروض و تعرف تتوقع الكمية, التوم من دولاراما اللي مقشر او المسحوق في البرطمان

الطماطم غالية اوي و الاحسن الصلصة بتاعة نو نيم, البرطمان الكبير في العرض ب 77 سنت

الخضار الطازة بلاش منه كله حيخرم الميزانية, لو رحت ماكس حتلاقي خضار مجمد رخيص جيب منه و له اشكال و الوان بارده, او في الصيف اجر حتة ارض ب 20 دولار و ازرعها انت, الارض تقريبا 4 في 4

ياريت معلومات عن اسعار كالجاري

[dcfarouk]

كمان ليه كام استفسار

انا خاطب هل تنصحوني اني اعمل كتب كتاب قبل ما اسافر وايه اللي ممكن اعمله عشان اجيبها معايا لكندا لاني سمعت اني لو بعتلها يبقي كده هكون سبونسر ليها وبالتالي مش هيكون ليها كورسات ببلاش مثلا او دراسه مجانا ياريت المشوره

هل في تورنتو بيكون زي البرتا في دراسه لغه وتاخد عليها مرتب شهري

في كزا واحد قال ان من مميزات مدارس تورنتو منهج المنتسوري يعني ايه؟

انا كنت عاوز ادرس اخر كام سنه طب هناك تاني هل ده ممكن وايه المطلوب ؟

ياريت يا مدام meyo تفيديني

وجزاكي الله خير

ولعل المانع خير لغياب حضرتك

[adamdec]

كمان ليه كام استفسار

انا خاطب هل تنصحوني اني اعمل كتب كتاب قبل ما اسافر وايه اللي ممكن اعمله عشان اجيبها معايا لكندا لاني سمعت اني لو بعتلها يبقي كده هكون سبونسر ليها وبالتالي مش هيكون ليها كورسات ببلاش مثلا او دراسه مجانا ياريت المشوره

هل في تورنتو بيكون زي البرتا في دراسه لغه وتاخد عليها مرتب شهري

في كزا واحد قال ان من مميزات مدارس تورنتو منهج المنتسوري يعني ايه؟

انا كنت عاوز ادرس اخر كام سنه طب هناك تاني هل ده ممكن وايه المطلوب ؟

ياريت يا مدام meyo تفيديني

وجزاكي الله خير

ولعل المانع خير لغياب حضرتك

انا اقدر افيدك فى موضوع المونتسورى ده. الطريقة دى ابتكرتها واحدة اسمها ماريا مونتسورى سنة 1940 و رشحت مرتين لجائزة نوبل!

دى طريقة تعليم فى بعض المدارس بدرس بيها و هى عبارة عن child led environment بمعنى انهم مش بيجبروا الطفل على حاجة.

مثلا لو عليزين يعلموه الارقام مش بيحفظوه الارقام زى المدارس العادية , هما بهيئوا الفصل بطريقة تخلى الطفل curious و عايز يعرف و كمان التدريس بيبقى hands on أوى بمعنى ان المدرسين بيقعدوا مع الطفل على الارض (floor time) و معاهم ادوات الى حيستخدموها (blocks, flash cards, play dough) و بيعملوا باديهم كل حاجة و يخلوا الطفل يقلدهم و يسأل الاسئلة الى هو عايزها. طبعا شرحى انا بيدى احساس ان الفصل فوضوى شوية بس هى مش كده هو الطفل بيبقى فى حاجة اسمها controlled environment.

و فى فى مصر مدرسة واحدة بس فى المعادى هى المعتمدة من المنتسورى هنترناشيونال اورجانايزايشن .

تم تعديل 17 ديسمبر 2009 بواسطة adamdec

[memma]

كمان ليه كام استفسار

انا خاطب هل تنصحوني اني اعمل كتب كتاب قبل ما اسافر وايه اللي ممكن اعمله عشان اجيبها معايا لكندا لاني سمعت اني لو بعتلها يبقي كده هكون سبونسر ليها وبالتالي مش هيكون ليها كورسات ببلاش مثلا او دراسه مجانا ياريت المشوره

هل في تورنتو بيكون زي البرتا في دراسه لغه وتاخد عليها مرتب شهري

في كزا واحد قال ان من مميزات مدارس تورنتو منهج المنتسوري يعني ايه؟

انا كنت عاوز ادرس اخر كام سنه طب هناك تاني هل ده ممكن وايه المطلوب ؟

ياريت يا مدام meyo تفيديني

وجزاكي الله خير

ولعل المانع خير لغياب حضرتك

انا اقدر افيدك فى موضوع المونتسورى ده. الطريقة دى ابتكرتها واحدة اسمها ماريا مونتسورى سنة 1940 و رشحت مرتين لجائزة نوبل!

دى طريقة تعليم فى بعض المدارس بدرس بيها و هى عبارة عن child led environment بمعنى انهم مش بيجبروا الطفل على حاجة.

مثلا لو عليزين يعلموه الارقام مش بيحفظوه الارقام زى المدارس العادية , هما بهيئوا الفصل بطريقة تخلى الطفل curious و عايز يعرف و كمان التدريس بيبقى hands on أوى بمعنى ان المدرسين بيقعدوا مع الطفل على الارض (floor time) و معاهم ادوات الى حيستخدموها (blocks, flash cards, play dough) و بيعملوا باديهم كل حاجة و يخلوا الطفل يقلدهم و يسأل الاسئلة الى هو عايزها. طبعا شرحى انا بيدى احساس ان الفصل فوضوى شوية بس هى مش كده هو الطفل بيبقى فى حاجة اسمها controlled environment.

و فى فى مصر مدرسة واحدة بس فى المعادى هى المعتمدة من المنتسورى هنترناشيونال اورجانايزايشن .

واسمها ايه المرسة اللى فى المعادى دى وفين بالضبط يافندم

[adamdec]

انا اقدر افيدك فى موضوع المونتسورى ده. الطريقة دى ابتكرتها واحدة اسمها ماريا مونتسورى سنة 1940 و رشحت مرتين لجائزة نوبل!

دى طريقة تعليم فى بعض المدارس بدرس بيها و هى عبارة عن child led environment بمعنى انهم مش بيجبروا الطفل على حاجة.

مثلا لو عليزين يعلموه الارقام مش بيحفظوه الارقام زى المدارس العادية , هما بهيئوا الفصل بطريقة تخلى الطفل curious و عايز يعرف و كمان التدريس بيبقى hands on أوى بمعنى ان المدرسين بيقعدوا مع الطفل على الارض (floor time) و معاهم ادوات الى حيستخدموها (blocks, flash cards, play dough) و بيعملوا باديهم كل حاجة و يخلوا الطفل يقلدهم و يسأل الاسئلة الى هو عايزها. طبعا شرحى انا بيدى احساس ان الفصل فوضوى شوية بس هى مش كده هو الطفل بيبقى فى حاجة اسمها controlled environment.

و فى فى مصر مدرسة واحدة بس فى المعادى هى المعتمدة من المنتسورى هنترناشيونال اورجانايزايشن .

واسمها ايه المرسة اللى فى المعادى دى وفين بالضبط يافندم

montessori international centre

18شارع 210, دجلة, المعادى

تليفون 0225166407

[meyo]

السلام عليكم جميعا

اسفة عن انقطاعي حتى عن القراءة ومتابعة المداخلات بسبب مرضي بالبرد انا واولادي وزوجي لكن الحمد لله في تحسن

بالنسبة للكلام عن الاسعار كيبيك مختلفة جدا عن كلجاري واسعار كيبيك ارخص من هنا شوية

لكن اسعار الدقيق والحليب متقاربة

كيلو اللحم بحوالي 11 دولار

الدجاجة ب 8 دولار

كيلو صدور الدجاج ب 10 دولار

كيلو الهمبورجر ب10 دولار

اصغر علبة جبنة بيضاء ب 2 ونصف

1/8 الجبنة الرومي ب 4ونصف

الخبز الكيس خمس ارغفة ب 2 وربع او نصف حسب المحل

البيض كرتونة 12 حبة ب 2 وربع

الارز 10 كيلو بسمتي 18 دولار والمصري 2 كيلو بخمس دولار

طبعا كلامي على اللحوم الحلال

وهذه بعض الاسعار واللي يفتكر حاجة يسأل عنها

[myusername]

السلام عليكم,

جزاكى الله خير يا سيدتى الفاضلة... و الف سلامة عليكى و عالاسرة الكريمة.

بس ممكن اعرف... هل الشغل الكاجوال... و الاعمال العادية اللتى لا تتطلب خبرة.. هل هذه الاعمال سهل العثور عليها؟ ولا صعب ان الواحد يلاقيها؟ و هل اصحاب الاعمال بيلتزموا بالحد الادنى للاجور؟

شكرا جزيلا مقدما...

[medopharm]

السلام عليكم جميعا

اسفة عن انقطاعي حتى عن القراءة ومتابعة المداخلات بسبب مرضي بالبرد انا واولادي وزوجي لكن الحمد لله في تحسن

بالنسبة للكلام عن الاسعار كيبيك مختلفة جدا عن كلجاري واسعار كيبيك ارخص من هنا شوية

لكن اسعار الدقيق والحليب متقاربة

كيلو اللحم بحوالي 11 دولار

الدجاجة ب 8 دولار

كيلو صدور الدجاج ب 10 دولار

كيلو الهمبورجر ب10 دولار

اصغر علبة جبنة بيضاء ب 2 ونصف

1/8 الجبنة الرومي ب 4ونصف

الخبز الكيس خمس ارغفة ب 2 وربع او نصف حسب المحل

البيض كرتونة 12 حبة ب 2 وربع

الارز 10 كيلو بسمتي 18 دولار والمصري 2 كيلو بخمس دولار

طبعا كلامي على اللحوم الحلال

وهذه بعض الاسعار واللي يفتكر حاجة يسأل عنها

الف حمد الله على سلامتكم

ويارب تكونو بأفضل حال الان

[norbakrahmed]

السلام عليكم - ازيك عامله ايه؟؟؟؟؟ واحشاني بجد و الف سلامه عليكم انا نور مرات احمد ابراهيم - ايه اخر اخبارك يا ريت تطمنيني ؟؟؟ ابتديتو كورسات و لا لسه؟؟؟؟و سلامي للاطفال

[dcfarouk]

كيلو صدور الدجاج ب 10 دولار

في البرتا

بيكون الكيلو ب 1.4 دولار,

في كيبيك

طيب كل ده فرق ازاي يا جماعه

وهل 10 دولار ده من غير عروض ولو في عرض او خصم ممكن توصل كام

لان كده الفرق عشر اضعاف تقريبا

يا ريت تعقيب حضرتك مدام meyo

تم تعديل 23 ديسمبر 2009 بواسطة dcfarouk

[dcfarouk]

1 انا كنت عاوز ادرس اخر كام سنه طب هناك تاني هل ده ممكن وايه المطلوب

و2 كمان هل لو انا معايا مثبت مبلغ كبير علي البسبور بيكون مانع اني اخد قرض زي ما جه في بعض المشاركات

قرض الosap بتاع اونتريو هل له مثيل في البرتا وايه هيه الشروط للحصول عليه وهل اسطيع الحصول عليه لدراسه اخر سنتين في طب

5 هل انا لو عشت في room mate هل ده بيمنع اني اخد الهيلس انشورنس علي اساس ان الايجار مش باسمي ولا ايه الحل وكمان موضوع البي ار هلي ممكن اعمله علي عنواني فيhomestay او room mate ولا لازم اكون صاحب المكان

وكمان بالمسبه لموضوع كورسات اللغه ازاي انا هثبت اقامتي في البرتا في حين انا قاعد مع room mate هل بيكون عن طريق الفواتير بتاعه الشراء مثلا او عن طريق حساب البنك

ياريت تعقيب حضرتك

6 انا خاطب هل تنصحني اني اعمل كتب كتاب قبل ما اسافر وايه اللي ممكن اعمله عشان اجيبها معايا لكندا لاني سمعت اني لو بعتلها يبقي كده هكون سبونسر ليها وبالتالي مش هيكون ليها كورسات ببلاش مثلا او دراسه مجانا ياريت المشوره

7 هل في تورنتو بيكون زي البرتا في دراسه لغه وتاخد عليها مرتب شهري

[meyo]

السلام عليكم جميعا

الف شكر على مداخلاتكم الكريمة

بالنسبة للسؤال على الشغل الكاجوال اليومين دول بسبب الازمة بيشترطوا خبرة ولكن ليس كل الاعمال فالبائع في المحل يشترطوا خبرة لكن شغل المطاعم والمطبخ لا يشترطوا وشغل الليل غير النهار فالنهار يشترط اكثر وهكذا وكلما بحثت اكثر تجد ان شاء الله ولكن دائما تقول ان كان ليك خبرة في المجال اللي بتقدم فيه خارج كندا احسن ما تقول ان ما فيش خبرة وده طبعا الكلام على الشغل البسيط

انا كنت عارفة ان فيه استغراب على فرق الاسعار ما بين كيبيك وهنا لكن هو ده الحال هنا وانا سألت ناس اصدقاء لينا كانوا في مونتريال والان هم في كلجاري على الاسعار وفعلا هم اتصدموا في البداية في فرق الاسعار ولكن مع الوقت يتم التكيف والتنظيم وعلى الاقل هنا فيه شغل بسيط بيسد المصاريف لكن في كيبيك العمل البسيط حتى صعب باقوال كثيرون عاشوا هناك فترة

[myusername]

السلام عليكم,

جزاكى الله خير يا سيدتى الفاضلة... و اتمنى ان البرد يكون راح..:blink:

انا هنزل كالجارى فى الصيف القادم باذن الله...

جايلك يا كالجارى... :happy: ان ماكنتش اخليكى تنامى من المغرب يا كالجارى :happy:

تم تعديل 24 ديسمبر 2009 بواسطة myusername

[صعيدي من مونتريال]

السلام عليكم,

جزاكى الله خير يا سيدتى الفاضلة... و اتمنى ان البرد يكون راح..:blink:

انا هنزل كالجارى فى الصيف القادم باذن الله...

جايلك يا كالجارى... :happy: ان ماكنتش اخليكى تنامى من المغرب يا كالجارى :happy:

مغرب ايه

ياعم دول بينامو من العصر

بس فعلا انا مش عارف الناس مستحمله البرد ازاي

الواحد في طورنطو بيشيل هم الخروج في الجو ده

[goodfaith]

السلام عليكم,

جزاكى الله خير يا سيدتى الفاضلة... و اتمنى ان البرد يكون راح..:blink:

انا هنزل كالجارى فى الصيف القادم باذن الله...

جايلك يا كالجارى... :happy: ان ماكنتش اخليكى تنامى من المغرب يا كالجارى :happy:

مغرب ايه

ياعم دول بينامو من العصر

بس فعلا انا مش عارف الناس مستحمله البرد ازاي

الواحد في طورنطو بيشيل هم الخروج في الجو ده

الحقيقة انا اول ما جيت كندا كنت مخنوقة اوي من حكاية انهم بيقفلوا كل حاجة الساعة 9 والويك اند 6 بس كان جنبي تيم هورتنز 24 ساعة كنا بنروح له نسهر فيه وكمان كان جنبي دومنيون اللي هو دلوقت بقى مترو فاتح برضو 24 ساعة فكنت مرات اروح الف فيه بالليل او لو البيت محتاج حاجة ضرورية

المكان الجميل بقى هو وولمارت سوبر سنتر بيقفل 12 بالليل وفي الايام اللي زي اليومين دول بيفتح 24 ساعة برضو كنت اروح اقعد هناك من 10 ل12 وكمان محلات ماكدونالدز كتير منها بيفضل فاتح للساعة 2 او 24 ساعة

طبعا دي اماكن تناسب العائلات والسيدات هواة اللف والشوبنج لكن اسمع ان الداونتاون فيها اماكن للسهر ومسارح وكده

اه كمان مكان للخروج الليلي السينما يوم الثلاثاء التذكرة نصف السعر وفيه كارت بتعمله اونلاين كل مرة تدخل فيها السينما تاخد 100 نقطة لحد ما تجمع الف نقطة تاخد تذكرة فري اكتر حفلة دخلتها متاخرة كانت حوالي 10.30 وبتخرج منها على 12 ونص كده

بالنسبة للبرد غالبا الناس مش بيتعرضوا له وان شاء الله المشكلة دي تنحل عندك اول ما تجيب عربية ساعتها هتركب عربيتك تروح المكان اللي انت عايزه ويادوب بس من البيت للعربية ومن العربية للمول او للمحل او غيره

ووقت العواصف تقريبا محدش بيخرج خالص

والناس اللي بتستخدم المواصلات بتلبس كويس جدا وبتعرف مواعيد الاوتوبيسات وبتعمل حسابها على الموعد بالظبط عشان متفضلش واقفة في المحطة كتير وغالبا الاوتوبيسات بتتاخر شوية في الشتاء بس وقت الاستورم بتتاخر لفترات اكتر من نص ساعة

[myusername]

الحقيقة انا اول ما جيت كندا كنت مخنوقة اوي من حكاية انهم بيقفلوا كل حاجة الساعة 9 والويك اند 6 بس كان جنبي تيم هورتنز 24 ساعة كنا بنروح له نسهر فيه وكمان كان جنبي دومنيون اللي هو دلوقت بقى مترو فاتح برضو 24 ساعة فكنت مرات اروح الف فيه بالليل او لو البيت محتاج حاجة ضرورية

المكان الجميل بقى هو وولمارت سوبر سنتر بيقفل 12 بالليل وفي الايام اللي زي اليومين دول بيفتح 24 ساعة برضو كنت اروح اقعد هناك من 10 ل12 وكمان محلات ماكدونالدز كتير منها بيفضل فاتح للساعة 2 او 24 ساعة

طبعا دي اماكن تناسب العائلات والسيدات هواة اللف والشوبنج لكن اسمع ان الداونتاون فيها اماكن للسهر ومسارح وكده

اه كمان مكان للخروج الليلي السينما يوم الثلاثاء التذكرة نصف السعر وفيه كارت بتعمله اونلاين كل مرة تدخل فيها السينما تاخد 100 نقطة لحد ما تجمع الف نقطة تاخد تذكرة فري اكتر حفلة دخلتها متاخرة كانت حوالي 10.30 وبتخرج منها على 12 ونص كده

بالنسبة للبرد غالبا الناس مش بيتعرضوا له وان شاء الله المشكلة دي تنحل عندك اول ما تجيب عربية ساعتها هتركب عربيتك تروح المكان اللي انت عايزه ويادوب بس من البيت للعربية ومن العربية للمول او للمحل او غيره

ووقت العواصف تقريبا محدش بيخرج خالص

والناس اللي بتستخدم المواصلات بتلبس كويس جدا وبتعرف مواعيد الاوتوبيسات وبتعمل حسابها على الموعد بالظبط عشان متفضلش واقفة في المحطة كتير وغالبا الاوتوبيسات بتتاخر شوية في الشتاء بس وقت الاستورم بتتاخر لفترات اكتر من نص ساعة

السلام عليكم,

تسلمى عالمعلومات الجميلة دى... و ربنا انتى ست زى العسل.

لما كنت فى بلاد الفرنجة, اتصدمت برضه من حكاية انهم بيقفلوا يوم الحد.. و كمان مفيش محلات بتفتح بعد الساعة 10 تقريبا... يعنى زى النظام اللى فى كندا.

اما عن البرد... انا كنت بنزل الف فى باريس بنص كم فى البرد القارص :happy: