عاوز اكمل دراسة بس محتاج رأيكم

[بحار الغربة]

السلام عليكم

انا صيدلى شغال فى الرياض فى صيدلية .... وصراحة الوقت هنا طويل وممل وكنت عاوز استفيد منه فى حاجة لها قيمة وتفيدنى مستقبلا ..

قلت اعمل معادلة والكلام ده لكن مشاوير الهجرة دى ماليش فيها لانى مرتبط بمصر او على الاقل عاوز اشتغل فى بلد عربية مثلا زى السعودية

المهم انى عاوز استفيد من وقتى واميل للدراسة ولكن عاوز اعمل دراسة ماتعطلنيش عن شغلى فمثلا لو ينفع اسجل فى دبلومة او ماستر

او حاجة مثلا مش محتاجة حضور زى مثلا ادراة اعمال وابقى امتحن وخلاص فى النهاية ....

فياترى لو حد عنده اقتراح بدراسة مفيدة يقولى

وشكرا

[esocial]

والله لو عايز تكمل يبقى متغيرش مجالك الأساسى ممكن تكمل بمجالك أو أى مجال قريب منه أفضل .

[adrianocrespo]

http://www.bpsweb.org/

ده امتحان بتقدمه Board of Pharmaceutical Specialties لتصبح متخصص في مجال صيدلي معين

و البورد ده بتقدمه هيئه امريكيه و هو عباره عن امتحان تحريري تدخله بعد مذاكره اجزاء معينه يتم تحديدها

و من اماكن الامتحان الرياض و جده كما هو مذكور بالموقع

بالتوفيق يا دوك

[biopasha]

شئ جميل ان الواحد يكم ل دراسة طبعا

بالنسبة للموقع انا فتحت مش فهمت معلومات عن ازاي اقدم..التكلفة ..فكرة عامة

وياريت لو يعرف حدجرب الامتحانات دي يفيدنا ...ويدينا خبرتة في المجال دة

تحياتي لصاحب الموضوع...

وتحية جميلة للدكتور ادريانو....

[بحار الغربة]

http://www.bpsweb.org/

ده امتحان بتقدمه Board of Pharmaceutical Specialties لتصبح متخصص في مجال صيدلي معين

و البورد ده بتقدمه هيئه امريكيه و هو عباره عن امتحان تحريري تدخله بعد مذاكره اجزاء معينه يتم تحديدها

و من اماكن الامتحان الرياض و جده كما هو مذكور بالموقع

بالتوفيق يا دوك

شكرا ياباشا على الرد بس هل فعلا الشهادة دى مفيدة ؟؟؟؟؟

وهل معترف بيها ؟؟؟؟

ولو مفيدة ياترى هاتفيدنى فى ايه عمليا ؟؟؟؟؟

[adrianocrespo]

السلام عليكم

معرفتي بالموضوع ليست كبيره

و الحقيقه لا اعرف اي صيدلي اخد الشهاده

و لكن الجديد و الذي لفت انتباهي للشهاده لها

انها شهاده تخصص و هو مانفتقده في الصيدله

و فائده الشهاده انها مفيده للعمل في المستشفيات بصوره كبيره

و اكيد بمرتب اعلي

و رسوم دخوا الامتحان 600 دولار امريكي

و يعقد في شهر اكتوبر من كل عام

و في اماكن في قطر و الامارات و السعوديه

و كل عام بتدفع 100 دولار لتجديد الاشتراك

و جاري البحث عن معلومات اكثر

تحياتي

[وليد أهلاوى مصراوى]

السؤال أنت عايز تدرس حاجه فى الصيدله ؟

ولا تدرس حاجه عموما حتى لو بعيد عن تخصصك ؟؟

لو فى الصيدله فأنا أسف ماعنديش أى فكره :unsure:

لو عايز تستفيد من وقتك عموما ...يبقى قدامك أختيارين

- يا أما تدرس شهاده ليها علاقه بالكمبيوتر وال iT و الملتيميديا .... حتى ممكن تفيدك يعد كده فى مشروع صغير

- أو تدرس حاجه يمكن تنفعك بعد كده فى مجال الأداره .... مثلا PMP- Project Management Professional from www.pmi.org