مين يقوللي نعمل إيه

[optimistic]

نعمل ايه قصاد تفشي الالفاظ البذيئة في مجتمعنا

لا اقصد الالفاظ السوقية بل الشتائم و الكلمات الجارحة

حتى الاطفال يشتمون بعضهم الآن بالفاظ مستحيل يفهموها حتى!!!

فكروا ما الذي يمكن فعله (ان كان هناك ما يمكن فعله) للتصدي للوضع ده

مثلا الواحد ممكن يوقف شاب بيشتم صاحبه بالهزار و يقوله عيب

بالتاكيد هياخد نصيبه من الشتايم دي

طيب يروح للقسم مثلا او لاقرب ضابط او امين شرطة

الوضع أسوأ :lol:

نعمل ايه :unsure: mfb: :o

[Lighthouse]

صراحة الحكاية زادت عن حدها بشكل مفجع

وانتشار الالفاظ البذيئة اصبح بين الاطفال حتى ان هناك بعض الاباء والامهات يعلمون اولادهم الشتائم على سبيل التندر بطريقتهم في نطقها وهم صغار mfb:

صراحة انا ممكن لو شباب صغيرين عملوا كده اوقفهم واديهم درس في الاخلاق

في الغالب بيحرجوا من نفسهم وبيتكسفوا

لكن لغاية دلوقتي ماحصلش حد رد على بطريقة وحشة

ربنا يستر :unsure:

[فــيــروز]

الحقيقه الاعلام له دور هو ايضا

اليوم فى مسلسل العمه نور واحد بيقول لواحد جمله بتقول "تقريبا يعنى مش فاكره النص" يا عم ارحمنى من ام التفاصيل دى !!

وانا الحقيقه رغم انى لاحظت شيوع هذه الطريقه فى الكلام للتعبير عن الملل او الضيق من شئ ما الا انى باحس انها فى منتهى الوقاحه واى حد اسمعه يقول الكلمه دى باحس انه قليل الادب ومش متربى كمان :unsure: ومش معقول يبقى الناس مش عارفه تربى ولادها عدل وييجى التليفزيون يعك الدنيا زياده !! mfb:

[بنت شعنونة]

بقى يا فروز انتي زعلانة من كلمة "ام" كذا؟؟؟؟؟

امال الشتااااااااايم الل يالاب و الام يتقال فيها ايييييييييه بسسسسسسس :lol: :unsure:

ولاد عمي الله يسامحهم علموني شتيمة منهم بكلكس العربية

كنت سمع الكلكس دا كتييير وعادي يعني

ولما فهمت معناه بقى اي حد يزمره ليلته سودااااااااااا mfb: :o

وفي مرة لقيت واحد من اصحاب اخواتي بيعمل نفس رنة الكلكس دي على الانتركم

وهيا شتيمة بالمناسبة

رحت رافعة الأنتركم و قلتله

تلاتا بالله العظيم ان عملت الرنة دي هنا لاكون نازلة ومسوية فيك ومسووووية :lol: ups:

الولد انزهللللل لما لاقاني فاهماها

من يومها ما شفتوووووووووش

[فــيــروز]

اصل يا شانا بقية الشتائم المتداوله بين الشباب معروف انها شتائم .. وبالتالى اللى بيقولها بيتحمل نظرة الناس اليه على انه شخص سليط اللسان

بينما كلمة ام دى حتى البنات بقوا يقولوها !! وكل الناس تقريبا بتقولها على اعتبار انها مش شتيمه عشان كده انا متغاظه منها جدا :unsure:

[optimistic]

جدعة يا شانا

بس دا مش حل

[Cleo]

ممكن نضم الموضوع لموضوع "الحياء" فى باب مكارم الأخلاق؟؟

عموما، أنا هاخد الوصلة أضيفها هناك..

[Cleo]

http://www.egyptiantalks.org/invb/index.ph...t=0entry97365