الفلاح المصرى يموت .. فى مقال حبوشة

[achnaton]

محمد حبوشة .. فلاح هجر القرية ضمن أجيال الشباب .. ليحترف الصحافه .. واتابع مقالاته على النت فى مجلة الأهرام العربى .. احد مجلات دار النفاق القومى .. ومن تلك المقالات التى أتابعها عن بعد .. ذكرنى اول أمس بلقاءاتى مع جدى الشيخ حسن " رحمة الله عليه " فى مقاله عن زيارته لقريته ولقائة بأحد شيوخها الفلاحين .. ليستعيد معه ذكريات أيام ما كان الخير موجود فى ارض المحروسة .. وكنا بنزرع القمح ونتصدق بزكاة المحصول .. وأيام ما كان كيلو الأرز بثلاثة قروش .. وحلت علينا بركات الكاكى .. واصحاب شهادات الدكتو طوراه التى ابتلى الله ارض المحروسة بهم ..

واذا كان صحفى فى اول سلم النجومية او نصفه تمكن من نقل نبض فلاحين قريته بلا نفاق للقراء .. الا يستطيع هو او غيره من الإعلاميين من نقل هذه الصورة مباشرة الى " يوسف البطريق " بتاع الكنتالوب .. او الى غراب الخراب بتاع المنجة السوده ؟؟ وكفاية بقى يا شلة الخراب .. احنا لو دفعنا نصف ما ندفعه فى إستيراد القمح والأرز والفول للفلاح المصرى كدعم ثمن السماد مثلا .. لم احتجنا الى إستيراد .. ويا عالم يافقر.. جبتم الفقر للمحروسة !! .. فيه حد يتصور أن البطاطس الجديدة بلغ سعر الكيلو منها ثلاثة جنيهات ؟؟ ولسه ..

وياريت نقرأ ما سجله حبوشه .. تحت عنوان " الفلاح المصرى يموت " .. ماهو مات من بدرى يا محمد !!!

http://arabi.ahram.org.eg/arabi/ahram/2003.../11/1/MKAL6.HTM

وبالمرة نقرأ ما كتبه الدكتور عمارة عن ما لاقاه لأقامة مدرسة بقريته .. وهو تحذير لكل المغتربين .. وياريت الناس اللى فوق يسمعوه

http://arabi.ahram.org.eg/arabi/ahram/2003.../11/1/akhe0.htm

اخناتون المنيا

taz:: taz:: taz:: :blink:

[Salwa]

سيدي الفاضل ....

لو فيه ضمير ...

لو فيه دين ومبدا...

بس بصراحه ..انا مش عارفه ...هل حقيقي الناس دي اللي عايشه في بروجها العاجيه مصدقه

الكذب اللي بتكذبه ..ان كله تمام ...وكله حلو ...وهندسها يا ...وحاندعيلك ؟؟؟

مثلا يعني مثلا ..............

لما حتي البطاطس ..// اكل الغلابه // ...فقراء مصر مش طايلينها..

الناس تعمل ايه ؟؟؟

ويقولك الجريمه زادت ليه ؟؟؟

ولما اقول كله غلط ...

كله غلط ...

الناس تزعل ...

مش فاهمه ؟؟؟؟؟ هي كل العالم دي ساكته ليه ؟؟؟؟؟

والا عاوزين اللي يقول .............مستنيين اميركا تاخد موقف ؟؟؟؟؟

عملوا زي زمان لما قالوا اللي معاه بكالوريوس زراعه ياخد الارض اللي عاوزه استصلاح بمبلغ

رمزي .....ويقوم هو بالاستصلاح ويدفع فيما زاد عن 5 فدادين مبلغ رمزي ...

والمهازل اللي حصلت بعدها ....

لو حصلت في بلد // ديمقراطي // كانت اتعملت محاكمه واتحاسبوا الناس دي ...

اللي حتي قبضوا حق توصيل المياه اللي بتيجي ساعتين في اليوم .

وغيره وغيره وغيره ....

واحنا برضه بنحب البلد دي ....

بس خلاص ما بنحبش الناس اللي في البلد دي ......

لعن الله قوما ضاع الحق بينهم ..

ظلم ظلم ظلم .

سلامي.

[الأفوكاتو]

عزيزتى السيدة سلوى,

صرختك هى صدى لصرخاتنا أيضا, فكلنا نسأل نفس الأسئلة, و رغم أننا جميعا نعرف الإجابة, إلا أننا لا نعرف كيف أن نجعلها مسموعة.

فى رسالتك أمرين جديرين بالتعليق:

هل القوم فى أبراجهم العاجية يصدقون........؟

و الرد هو:

بعم, يعرفون أن ما يقال عن الرفاهية, و أن كل شيئ تمام , هو كذب, و لكن ما الضرر فى التصديق ماداموا هم المستفيدين؟

هل تعتقدين أن الناس اللى فوق , و التى تنام ببطون مملوءة بقوت الشعب, سوف تشعر بآلام المواطن الذى ينام جائعا ؟

هل أصحاب الحظوة الذين ينامون فى قصور مكيفة الهواء سيشعرون بالبرد الذى يقاسى منه الفقير العارى؟

يالطبع لن يحسوا, فقد مات عندهم الإحساس منذ أن تولوا السلطة.

و المقطع الثانى من رسالتك يا سيدتى قد وضع الأصبع على لب المشكلة:

غياب القيادة الرشيدة المسئولة, فالقيادة الحالية وضعت نفسها فوق المساءلة, و هذا من شيمة النظم الشمولية الديكتاتورية.

غياب الديمقراطية, أو صوت الشعب الشرعى, أو أى تسمية أخرى تفى بهذا المعنى.هو أساس المشكلة.