أغبى مسلسل في العالم

[Sherief AbdelWahab]

في هذا الموضوع نتناول بشكل كوميدي كيفية تأليف المسلسلات...ليتخيل كل منا مسلسلا مصريا كلاسيكيا من وجهة نظره الشخصية..

خلص الكلام

[فــيــروز]

والله موضوع ظريف يا شريف :D

طيب يا ترى هنؤلف المسلسل شركه ولا كل واحد هيعمل مسلسل لوحده ولا ايه بس عشان اعمل حسابى :blink:

[Sherief AbdelWahab]

براحتك يا فيروز...تأليف فردي ولا جماعي...أهو كله محاولة للضحك على اللي بيضحكوا علينا من مؤلفي الأربعينيات و الخمسينيات و المسلسلات الجاهزة و التفصيل ...

خلص الكلام

[Mohammad Abouzied]

يا أستاذ شريف طالما خلص الكلام ازاي طالب منا نألف

وانت سيد العارفين المسلسلات كلام في كلام :D

مش شايف انه فيه تناقض وقتل المواهب :D

يا راجل الف خليك بحبوح :D

[impossible]

مسلسلات وافلمة

وكمان كلاسيك

الكورة فى ملعبك يا بسبوسة(اجرب حظى) afr2: afr2: afr2:

خدو فكرة على الماشى

البطل pmp:: pmp::

حزرو فزروو مين fsh:: fsh:: fsh::

[Sherief AbdelWahab]

ما هو يامحمود قابيل يا محمود قابيل ، و معاه مي عز الدين و تامر عبد المنعم و معاه كام ابن من ولاد الممثلين...و سمعني سلام بودعك! :angry:

خلص الكلام

[Lighthouse]

هييييييييه

استعنا ع التأليف بالله

انا رايي بقى نخللي المسلسل تاريخي ونكتبه من وجهة نظرنا ومن زاوية رؤيتنا الخاصة علشان يبقى فيه فرصة حلوة لتزوير التاريخ واعادة صياغته على مزاجنا واللى مش عاجبه يروح .

ونعمل اجزاء كتيرة على شكل اسر زي الاسر الفرعونية كده

ونديها فن وتاليف

ان شالله ماحد حوش :angry:

[impossible]

الوحى مش راضى يجى :angry: mf-:

مفيش الهاام

كدة بقى هضطر اقتبس الفلم العربى بحازفيرة ;) mfb: mf-: :)

طيب هو عشان مسلسل لازم يبقى حلقات ولا ممكن انزلة كلة مرة واحدة flx: :) :)

[impossible]

الاول التتر

هقتبس بردة تتر مسلسل عجبنى

تتة تربتة ترلا

لا لالااااااا

اة يا وجع البعاد

اة يا وجع البعاد

اة يا وجع البعاد

اة يا وجع البعاد

يا بعيد عن العين يا ضى العين يا ساكن جو ارواحنااااا

ترررالا

وجع البعاد فى ليالى الشوق يطوحنا

تررالا

هو احنا رحنا ولا جينا غير لما الوجع فينا زااد

واة يا وجع البعاد

مفيش فى التتر اسماء الممثلين

انا المؤلف والمخرج والمنتج انا حررر ax: s-: mf-: me0: vm :angry:

[impossible]

:angry: 1 mf-:

اول حاجة الاحداث دى بتدور ايام زمان

ايام البهوية والبشوية

وابن الجناينى

محسن بية صاحب المال والاعمال سافر هو وحرمة المصون والجوهرة المكنونة علية هانم

اى لبنان كعادة كل صيف عشان يمضو الاجازة هناك

فى حين بنتهم سعاد بتسافر كعادة كل سنة تركيااا عشان تمضى اجازتهااا مع جدها لابيهااا

وهما فى الطيارة فى طريقهم للبنان اتعرفو على شاكر بية شاب مودرن وشيك

واختة رباب هانم المراة اللعوب

بعد لما نزلو من الطياااارة

ودعو بعض على امل انهم يتقابلومرة تانية بس فى مصر

بس شاكر بية ورباب هانم كانت مخططاتهم اكبر من كدة

فشاكر ورث عن والدة اراضى وعقارات وعزب واطيان و اموال كتيرة

بس باستهترارة وطيشة ضيعهم فى السهر وعلى بنات الليل

ورباب هانم فتاة ليل صديقتة

الاتنين بينصبو شباكهم على محسن بية و غيرة

عشان يقدرو يعيشو عيشة مرفهه

[impossible]

:angry: 2 mf-:

التتر

بتاع مسلسل واحدة زميلتنا بتحبة

كل الجروح ليها دوا .. يا طير يا حاير فى الهوا

اطوى الجناح على الجراح .. اطوى الجناح على اللى الجراح

واضحك .. وياللا نطير سواا

انا مش هابيع الصدء"الصدق" بالاكاذيب

ولاقولش للحمل الوديع يا ديب

ولاقولش للديب يا اعز حبيب

والصدء "الصدق" مهما عز

فى الازمه مش هاهتز

ساعات يكون كتم الانين .. ساعات يكون كتم الانين .. اصدأ "اصدق"

كل الجروح ليها دوا .. يا طير يا حاير فى الهوا

اطوى الجناح على الجراح .. اطوى الجناح على اللى الجراح

واضحك .. وياللا نطير سواا

بيكدبوك يا صدء "صدق" اما الكذب يتسدأ "يتصدق"

ياليل تطول بكره تلقى الفجر بيشأشأ

انا فى انتظار الصباح

انا احتويت الجراح

وخلاص نسيت الجراح

ومهما اقع راح اقوم .. ودى .. مسالة مبدأ

شاكر ورباب خططو انهم هينزلو فى نفس الاوتيل مع محسن ووعلية

اتقابلو فى اول يوم لهم فى الاوتيل كانو كلهم سهرانين فى النيت كلب بتاع الاوتيل

وعلى طول بدات رباب تلعب على محسن بية

وشوية شغل وحركات من بتوع الافلام العربى

بس علية هانم طبعاا هتموت من الغيظ عايزة تحمى جوزها وحياتها الجوزية

كل مرة ترفض عزوماتهم وخروجاتهم لكل سحس كان بيقبلهااااا

كانت رباب فعلااا هتنجح فى خطف جوز علية

لولااااااااااااااااا

[فــيــروز]

mf-:

التتر

بتاع مسلسل واحدة زميلتنا بتحبة

flx: مين دى هه !! :angry:

[impossible]

النهاردة نشرة الاخبار خلصت متاخرة و فقرة اعلانية مطولة مفيش وقت احط تتر

:D 3 :P

ان علية طلبت من محسن انهم يرجعو مصر بسرعة لان ماماتها كانت عيانة اوى وطلبت تشوفهاا

قطعو الاجازة ونزلو مصر على اول طيارة

اتفشكلت خطة شاكر ومين :D

ورباب

علية اول ما نزلت مصر راحت على طول لوالدتها تطمن عليها وعلى صحتهاا وكان معاها محسن ابو عنين زايغة

كانت مامتها فعلا تعبانة اوى وكانت كمان قلقانة اوى ومضطربة

كانت عايزة توزع جوزها وجوز بنتهاا عشان عايزة تتكلم مع بنتهاا على انفراااد

:D ha) ha)

[impossible]

ha) 4 ha)

سناء هانم الام بدات تقول لبنتهاا انا حااسة ان اجلى قرب

علية:بعد الشر عليكى يا ماما متقوليش كدة ان شاء اللة تبقى كويسة الدكتور طمنا عليكى كلها كام يوم وتبقى كويسةة

سناء : بس اسمعى

مش عايزة اموت وضميرى بيانبنى وانا حاسة انى ظلمت حد

انا هبوحلك بسرى بس اوعدينى ان محدش يعرف بالكلام اللى هقولهولك مهما حصل

علية: :D ha) bk: :D ha)

اوعدك يا ماما

سناء:اللى انا ظلمتة دة يبقى اخوكى

علية: اخوياا :D :P

سناء: وانا شابة صغيرة اتعرفت بشاب اعجبت بية وباخلاقة

حبنى وحبيتة(هو مش حب بس مسالة ان الواحد يلاقى حد يرضى بية)

ولما اتقدملى يطلب ايدى من جدك رفض بشدة لانة كان ابن موظف غلبان بيشتغل فى السكة الحديد

اترجيت جدك يوافق بس رفض بشدة

عشان مكنش من طبقتنا

لسة الغباء جااى

[Sherief AbdelWahab]

اسمحوا لي أن أقدم أولى روائعي الغبائية...مسلسل رهيب عن الثأر قد يستغرق تسعين حلقة فقط..

الحلقات من 1-15

يعود الدشناوي و الشوادفي من حفر قناة السويس سنة 1869 إلى بلدهما في الصعيد..يفاتح الدشناوي صديقه الشوادفي بطلب الزواج من شقيقته...بينما فاتح الشوادفي الدشناوي في الزواج من ابنة عمه...تتم الزيجتان في فرح تمت دعوة عبده الحامولي للغناء فيه...

ينجب الشوادفي تسعة أبناء خمسة من الذكور و أربعة من الإناث ، بينما يكتفي الدشناوي بسبعة فقط أربعة ذكور و ثلاث إناث...

الحلقات من 15 إلى 37

ينشأ الحب بين ابن من أبناء الدشناوي و بنت من بنات الشوادفي..و يوافق الأبناء على الزيجة على مضض...يسافر الابن قبل الفرح للحرب في جيش عرابي ضد الانجليز..و يختفي بعد نهاية الحرب و بدء الاحتلال البريطاني لمصر عام 1882...

على مهلكم...المسلسل لسة مستمر لحد سنة 2003!

خلص الكلام

[Sherief AbdelWahab]

من 37-52:

طبعا تلكك سبع الليل الدشناوي الذي قبل على مضض زواج شقيقته من ابن العائلة الثانية..و ألح عليها في خمس حلقات كاملة و كانت على استعداد لإتمام الزواج لولا أن العريس قد وصل مرة أخرى في يوم الفرح..

و حدد موعد آخر للزواج ..لكنه ألغي بسبب وفاة الزعيم المصري الكبير مصطفى كامل!

بعدها بأربعين يوما تحدد موعد الزواج..و في يوم الفرح..

أطلق شاب من عائلة الدشناوي النار بالخطأ على فرد من آل الشوادفي فأرداه قتيلا..معلنا بداية معركة الثأر الدموية..

52-90

توزع أبناء الشوادفي و الدشناوي على محافظات مصر..هرب ابن الشوادفي إلى القاهرة و تزوج و استقر وفوجئ بأن ابن الدشناوي لحق به و قتله بالفعل ..خوفا من رد فعل العائلة الأخرى أمر شقيقه الأصغر بترك الشرقية إلى الدقهلية بينما هرب هو إلى الأسكندرية..و تزوج و أنجب..تعقبه شاب من عائلة الشوادفي الغاضبين و تاه لمدة خمس حلقات في الأسكندرية إلى أن أقنعه أحدهم بالعمل في تجارة المخدرات و بالفعل ينجح و يتألق و يتزوج و ينجب و يرشح نفسه للبرلمان في أعقاب ثورة 1919..إلى أن يتذكر الثأر الذي عليه و يتصادف أن يكون منافسه في الانتخابات من عائلة الدشناوي فيسلط عليه من يقتله..

في نفس الوقت يأس الشوادفية من الثأرمن القاتل نفسه بعد أن أشاع بعض أولاد الحلال أنه قد أخذ سخرة في الحرب العالمية الأولى فقرروا تركيز جهودهم على قتل الدشناوي اللاجئ إلى المنصورة الذي تزوج من أربع نساء كما فعل فيما بعد بعقود الحاج متولي..استقرت أموره و تذكر الثأر الذي عليه ..فقرر الهرب لبعض الوقت إلى بورسعيد حيث حصل على عمل في كبانية قناة السويس..

تخشى زوجة الدشناوي على أبنائها من الثأر الدموي فتعلمهم ويدخلون الجامعة ..و تقع ابنتهم التي عملت طبيبة في حب شاب ثبت فيما بعد أنه من أبناء الشوادفي...خوفا من حمام دم محتمل تزوجا سرا...و علم بالأمر شقيقها المؤمن تماما بفكرة الثأر و الانتقام و علم أيضا أنها حملت منه..فيطارده عازما على قتله..كانت الحرب العالمية الثانية قد بدأت ..وفي أحد الغارات اختفى الاثنان معا..وفكرت في الذهاب إلى عائلة زوجها لتخبرهم بالموضوع...

في الوقت نفسه فكرابن الدشناوي في الغداء بخصمه قبل العشاء..فأرسل له أيضا من يقتله..و فشلت المحاولة..و يقرر الاثنان الصلح فجأة بعد أن أرهقهما الثأر..و تحدث بينهما مصاهرة..و في يوم الزواج..يقتل ابن ابن الدشناوي بالرصاص على يد مجهول..فيتهم طبعا الشوادفية..و يطالب ابن الدشناوي الغاضب بالثأر لمقتل ولده على هذا النحو..و...

فهمتوا حاجة؟ و لا أنا.. :unsure:

يتبع

خلص الكلام

تم تعديل 13 ديسمبر 2003 بواسطة Sherief AbdelWahab

[Lancelot]

WOW .....

تحفة تليفزيونية أخري من إنتاج إتحاد الإذاعة و التليفون .....

دراما رائعة تخطف الأطفال (عفوا الأنفاس) و تأسر الجنود (يووووه القلوب .. معلهش تاني) ...

90 حلقة من الأحداث المثيرة عبر تاريخ مصر الطوييييييييييييييييل الممتد ......

الكاتب يبوح بأسرار الجزء الثامن من المسلسل ... فلاش باك يرجع بالأبطال للعصر الفرعوني ليبوح بأسرار الصراع بين الدشناوية و الشوادفية ...

الليلة في برنامج "السهرة لازم تحلي" ... إستضافة أبطال المسلسل الـ 120 ....

برنامج "اللي ورا الأحداث" يناقش الأبعاد التاريخية للمسلسل ...

تكريم أبطال المسلسل في نادي كفر أبو تشت .... (بعد كل النوادي التانية طبعا) ...

2.5 مليار جنيه مكاسب الإعلانات من عرض المسلسل ...

المخرج يفكر في تحويله إلي فيلم سينمائي ...

الفضائيات العربية تتصارع من أجل عرض المسلسل ....

و تستمر المناشيتات التي تشيد بروعة هذا المسلسل ....