الاستثمار فى الدهب

[بحار الغربة]

انا فى الرياض وفكرت اجرب الاستثمار فى الدهب لكن معرفش ايه افضل الاوقات اللى اشترى فيها الدهب ؟؟؟؟

وايه افضل اشكال الدهب اللى اشتريها للاستثمار والادخار ؟؟؟؟

وهل السعر فى مصر وهنا واحد ولا هنا اغلى ( مع العلم انى هاشترى دهب مافهش شغل علشان ما اخسرش فيه ) ؟؟؟

وهل افضل شىء انى اشترى فعلا عملات دهب ؟؟؟ وهل موجودة فى السعودية ؟؟؟

واخيرا هل النوع ده من الاستثمار مربح ومضمون ولا لا ؟؟؟؟؟؟؟؟؟؟؟؟؟

تم تعديل 13 يوليو 2009 بواسطة بحار الغربة

[أحمد سيف]

ما فيش حاجه اسمها استثمار مربح ومضمون ... الاستثمار المربح دائما غير مضمون والاستثمار المضمون غير مربح ... دي القاعدة رقم واحد في الاستثمار

[MZohairy]

فعلا

كلما قلت المخاطره قل الربح

[DUDU]

واضيف انا نقطتين .. 1- لو عايز تشترى ذهب بتشترى سبايك دهب .. هيه دى اللى بتكون مش مشغولة عشان كدة مافيهاش مصنعية. او ممكن تشترى جنيهات ذهب .. الجنيه تقريبا 8 جرام.

2-لا تنسى ان الذهب دا لازم تطلع عليه زكاة مال لانه مش بغرض التزين للنساء.

[أحمد سيف]

طبعا كلام الأخت DUDU صح اشتري سبائك لإن الخسارة فيها بتكون أقل ... ولا تضعي فلوسك كلها في الذهب (أو نوع واحد من الاستثمار بصفة عامة) يعني كفايه 10-20% من مدخراتك ... واعملي حسابك إنه استثمار متوسط الأجل يعني من 3-5 سنين بحد أدنى علشان لو سعر الجرام نزل عشره جنيه بكره ما تخافيش وتتسرعي في البيع . وأهم حاجه خلي بالك من الحرامية لإن الذهب من الأهداف السهلة والمفضلة لللصوص.

[بنت الشاطئ1]

انا اتعامل مع جواهرجى معين غالبا اشترى منه ذهب قديم وايضا جديد ويكرمنى جدا فى المصنعية ومن كم يوم اردت بيع قطع ذهبية مميزة وهذا اول تعامل لى فى البيع ..المهم ان هذا الجواهرجى كان اقل واحد فى سعر الجرام بالنسبة لبقية الصياغ ..هل ينبغى على ذوقيا ان ابيع عنده بهذا السعر..مع العلم انه سيعلم ان بعت عند غيره لان الصائغ الذى يعطى اعلى سعر بجانبه

[بنت الشاطئ1]

نسيت ان اقول ان القطع الذهبية التى اريد بيعها جديدة اى انها ستباع بمصنعية عالية جدا اى انها مكسب لاى صائغ .....سؤال اخر لمن له خبرة فى هذا المجال ..هل بيع هذه القطع فى السعودية افضل ربحا مع العلم انها عيار ١٨

[toota]

من فترة سنة او اقل....اشار عليا صديق مستشار مالي بيعمل في شركة امريكية في السعودية اني اشتري كميات من الذهب واخزنها...لان الذهب سوف يرتفع بشكل غير مسبوق عكس اسواق البورصة والعقارات...وطبعا انا معملتش بالنصيحة.....وفعلا اتحقق الي قاله بالحرف والذهب ضرب فوق بشكل سريع وغير مسبوق...

بس ده ميمنفعش انه ينزل تاني....هي لعبة...لو عرفت اسرارها....ممكن تخاطر فيها بس مخاطرة تكون محسوبة

[ذهبية]

يا بنت الشاطىء مصلحتك اهم لية تبيعى ارخص لما ممكن تبيعى غالى هو بيدور على مصلحتة و عمرة ما هيبيع لك بخسارة و تاكدة انة كل مرة بيبع لك كسبان كسبان

انتى لية تخسرى و علشان اية دة مصلحة مش مجاملة و لا حد قريبك

انا لو مكانك هاناقشة و اقولة لية تشترى منى رخيص مع سعرة فى السوق مش كدة دة الىل جنبك فى المحل عرض عليا بكذا

دة اخر عرض عندك شوفى هيقول اية لو فضل متمسك بكلامة يبقى روحى لغيرة

و بعدين حطى فى دماغك انة كسبان منك كسبان سواء قلل معاك السعر او زادة

و الله انا الجوهرى بتاعى من زمان اشتريت من عندة شبكة اخويا ذهب و بعدين مفيش تلات ايام و محصلش نصيب برجعة لة

خسرنى فيها الف جنيهة و قعد يعمل عليا افلام و رويات مع ان الذهب و الله كان غلى تلاتة جنيهة يعنى كسبان كسبان لما اشترينا شبكتة بقى بتاعة مراتة الان روحت ولواحد تانى خالص

و قولت لة انا عايزة ابقى زبونة عندك انالافة السوق و عارفة سعرة كويس و انا زبونة المحل الفلانى بيبيع ليا بكذا طبعا علشان يكسبك هيقلل من مصنعيتة و يثبت لك انة احسن من التانى

خدى بالك كلهم بيغيروا من بعض جدااااا فانتى اضربيهم ببعض وصدقينى محدش بيكارم حد هو كدة كدة كسبان منك

[عاشق]

الاخت بنت الشاطئ

اؤيد نصيحة الاخت ذهبية بالفعل

موضوع الذهب والبيع والشراء ليس فيهم اي مجاملات

الي يعطي ليكي سعر كويس اتعملي معاه

[أحمد سيف]

نصيحه سريعه ... لو هتشتروا ذهب سبائك اشتروا الذهب السايب مش العملات ( 5ج - 10ج - 20ج ... الخ) المغلفة ببلاستيك اللي بتبقى certified لإن الخساره فيها أكبر عند البيع

الذهب السايب هوا اللي بيتباع عادة بالتوله (10 توله = 116.64 جرام)