كلام ....وبس

[bentmasria]

نحتاج احيانا ان نكتب بعض السطور

بعض الحروف

فى المطلق ربما بلا هدف لكنها كيف نشعر فحسب

دعونى اشارككم ولنكتب معا كلام ............ وبس

فارس حزين فى غربته من جديد

رفرف عليه الحنين قاعد يزيد

حط الوجع جوه قلبه وبكى

اصله ياعينى مشواره لسه بعيد

*****

عجبى على دهر زى الشهر ما يتمش

يبلينى بالقهر زى البحر ما يلمش

وان رحت اشكى بضلوعى قالوا ما يهمش

انت الوجع دنيتك والصبر مِتهمش

[لولا]

كلمات من دفاتر مغلقه

ولا يكف عقلى عن الدوران

ادور وادور فى اتجاهات مختلفة

اهرب من نهارى

امشي على ساقين متعبتين من الفشل

ورغم الفشل اتسلل لبداية جديده

ويغوينى حلم النجاح.

حتى عندما يفتقر الى مقوماته تظل احلامى تصنع حوله هالة من الضياء يستحيل معه ظلام الطريق الى نور.

انه الأمل

وطاقة الحياة .

تحياتى يا اغلى مانا.

لولا

[بندق أفندى]

كلمات من دفاتر منسية .. محفوظة بين الجلد واللحمية .. اتقتلت وما اندفع فيها دية .. عمر سرقوه الحرامية .. وما خلوش فيه ولا حتى معلقة ملهبية .. وعجبى...

وحينما يجن الليل أناديكى .. فيأتينى صهيل جوادك الشفقى .. فيجمعنى دما ملتهبا فى اللون والايقاع ..

فقربك موت .. وبعدك موت .. وأنا اشتهاء الموت فى اللقيا فليس هناك فى العشق اختيار

تم تعديل 16 يوليو 2009 بواسطة بندق أفندى

[bentmasria]

كلام وبس

سافرت بين حروفك والنغم لحظات

صارحت فيها قلبى بأنى عاشقة

انتشت روحى ..........وابتسمت

وحين نظرت الى عيون قلبك

وجدت حدودى بين المقلة والجفن

مجرد لحظة

فعدت خانعة الى موطنى

فى ركن الدفتر

[bentmasria]

كم بدوت رائعة فى مرآتى حين لمحتك

وكم بدوت قبيحا حين غادرتك

[لولا]

من على شرفة روميو دقت الساعة الثانية عشر ..

تسللت من بين يديه وعرفت ان وقت الرحيل قد حان .

هذه المرة رفض ان يتركها ترحل ..قرر ان يتحدى قانون الرحيل

تشبث بها بكل قوته ..

حاصرها من كل جانب..

همس لها : لا ترحلى .. نحن معا ربيع

التفتت ونظرت لعينه من وسط غلالة من الدموع

قالت له : ولكن للحياة فصول اربعة وانت معى تريد ان تحيا الربيع

فقط الربيع !!

تراخت يديه المتشبثة بها

غرقت عيناه فى الدموع

وتركها ترحل ..

رحلت !!

لولا

[bentmasria]

عندما يلتقى خريفك وربيعى فى ساحة الاحلام وتصدح موسيقى الحلم الصيفية فى الارجاء وتسكن مياه البحر للحظات ونبدأ فى بناء قلاعنا الرملية نتناسى فحسب ان المد قادم لا محالة

[Salwa]

لانافع جينات..ولا انزيمات ..ولا تشهيلات ....ولا تفويتات.

تجمل ..تقمر...تكحل...تذوق.

وشوش عكرة ..طافية ..ما ليها علاج.

اصلح دولاب ويكسر له باب .

دماغى ده ماشى ..ولسا ماجاشى .

زمن تانى يصلح ..قماش متهراش.

واصرخ واصرخ ..يردوا عليا ...ومين منكواش

وسعد فى زمانه..مافيش فايدة ..قالها.

فى موقف مماثل...كتب بيه نهايته.

تصلح..تنور.وتنسى تدور

تلاقى اللى ماسكك ده جن مصور .

خلاص...كلمة اقولها. واريح دماغى.

ياتخرب ياتعمر ...ماليش غير جنابى .

وحتة اشوفها تريح جنابى .

وانام..انسى انى ...شالولى دماغى.

وعاوزانى اسكت وصك عذابى ..فى جيبى بيصرخ..حللوا لى بابى ..

واضحك وانادى على نفسى لما..

تتوه وسط غابة ....ماليها الضباب .

======================.

ايمان الغالية ...

دة مجرد كلام ...وبس.

مجرد مشاركة مؤقتة فى صفحتك الرائعة..

[لولا]

قالولى لما حتفضفضى حترتاحى ..

صدقتهم !!

فضفضت ..

بس محدش فهم حاجه !!

هو انا كده ابقى فضفضت ؟!!

عشان كده ديما بقول : السكوت احسن بكتير .

لولا

[bentmasria]

قاللى

حخطفك

ضحكت

الراجل ده بيهرج صح

رحت

لقيتنى حتخطف

هربت

ماكانش بيهرج

انا اللى لسه عبيطة

تخيلوا

[لولا]

ياااااااااااه ده قالى حاجات كتير ..

خدنى بكلامه لسااااااااااااااابع سما

وفى اول موقف كان طعمه مر ..

بصيت لقتنى لسه ,,

ع الأرض !!

ادينا بنحلم !!

لولا

[لولا]

مش عايزاك تسمعنى ..

لأ..

اصلى مش حنطق كلام

خلى بس

قلبك مفتوح

وروحك معايا

ولما عنيا تلمع وهى بتتكلم

احضنى ..

طبطب عليا

خلى ايدك على قلبى

قلبى اللى بيدق ودقاته كلام

فاهمها ؟؟

طب افهمها !

شوفت .. مش عايزه منك حاجه تانيه !!

لولا

[لولا]

انتى بتعاندى الزمان ولا بتعاندى نفسك ؟؟!!

اعاند !!

انا بس بلونه !

عندى علبة الوان كبيره كان لازم استغلها

طب ورينى كده ؟؟

من بين كل الألوان اللون الرمادى هو اكتر لون لونتى بيه !!

لأ ..

غلطان ..

مش بلون حاجه بالرمادى

الرمادى ده بخليه اساس كل الألوان !

جرب كده

رمادى عليه اصفر !

رمادى عليه ابيض !

رمادى عليه وردى !

ورمادى عليه رمادى .. لأن ساعات الألوان التانيه مش بترضى تلون !!

على الأقل عندى علبة الوان !!

لولا

[bentmasria]

دعنى احلق للحظات

لا تجذبنى بسرعة الى ارض بلا حياة

دعنى اتنفس فحسب

فكل ما احتاج

نسمة من روح

وجناحان

[لولا]

اراجوز .. اراجوز

انما فنان !!

مرة شوفته..

ياه ..مش معقوول

متخيلتش يسحرنى كده

عروسة بتتكلم بيشدوها بشويه خيوط..

الخيط بيحركها

مش هى اللى بتتحرك

ضحكت كتير

وفى اخر المسرحية سألت نفسي سؤال

ياترى ايه الفرق بينا !!!!!!!!!!!

كلنا بنتشد وبنتحرك

بتحركنا شوية خيوووووووووط !!

اسمها بس خيوط الحياة !!

بس الفرق

الأراجوز ديما.......... فنان

لكن البشر مش ديما بتحافظ على جواها وسط خيوط الحياة

وغنى يا اراجوز .. غنى ..

ارجوز اراجوز انما فنان..

لولا

[لولا]

وكأنك كنت معايا..

وكأن الفرقا ما كانت

وكأن الدنيا بتضحك

وكأن الحلم اتحقق

لولا

[لولا]

بصتلى وقالتلى .. خلاص تعبت حاسة انى عايشة ميتة وسط العايشين !!

ضحكت !!

يابنت احمدى ربنا .. ياما ناس غيرك عايشين صحيح بس وسط ناس ميتين !!

تعرفى حاجه اسمها .. الوحدة !!!

لولا

[د هشام ابراهيم]

فارس حزين فى غربته من جديد

رفرف عليه الحنين قاعد يزيد

حط الوجع جوه قلبه وبكى

اصله ياعينى مشواره لسه بعيد

الكلام ده ينطبق علي واحد أعرفه .....أعرفه قوي كمان ....

لو فكر كل انسان في طول مشواره مع كل خطوة بياخدها لوقف مكانه ..... الاستغراق في اللحظة الزمنية و انقضاء الوقت من رحمة ربنا .... يمكن ما بنقدرش نستغرق في لحظتنا أو نركز دايما في فكرة واحدة انما الحاجة الوحيدة اللي ممكن نعتمد عليه ..... مرور الزمن

تحياتي لافكار حضرتك و رقة حروفك

[لولا]

الحياة..

هى الأشياء التى فعلناها ؟؟

ام الأشياء التى عجزنا عن فعلها ؟؟

ام هى المسافة بينهما ؟

يبدو السؤال احيانا شديد الأهمية..

ومع حيرة الإجابة

مازلت اتطلع نحو المجاهل بشبق الى مالا اعرف لأخوضه ..

لولا

وش ملك

والتانى كتابة

الدنيا ان كانت صادقة

اوقات بتكونلك جنة

واوقات بتكونلك غابة

عيشها ملك..

متكونش كتابة !

[bentmasria]

د هشام اهلا بك

فارس حزين عدى البحور والخيال

وركب حصانه وقال ما فى محال

حلم السنين جوه قلبى هناك

خلونى اسعى يمكن انول المحال