كلام ....وبس

[د هشام ابراهيم]

د هشام اهلا بك

يا أفندم الله يخليكي و يا رب تشوفي مادا فارس لا يشق له غبار في المجال اللي يختاره

[لولا]

روتين ..

روتين ..

روتين ..

فى كل حتة

فى كل يوم

تحارب تعافر تخرج منه

تبص جواك

تلقى حتى دقة قلبك

عمالة تدق من ساعة ما تولدت ..

بنفس الروووووووتين !!

اتارى الروتين بيجى من جوه !!

عايز تغيره ؟!

آه .. ممكن .. ليه لأ

قلبك عيان

قلبك مهموم

قلبك غلبان

مش عارف تنام

فى الحالات دى ممكن تخرج بره الروتين

اقولك..

جرب تحب ..

حب اى حاجه .. هواية ,, فن .. مزيكا .. رياضة .. اى حاجه

واهو انت كده..

بقيت بجد .. بره الروتين !!

بس .. قد اية حتعرف تحافظ على حبك الجديد .. قصدى روتينك الجديد !!!!!!

لولا

[bentmasria]

انتظام الايقاع يخنق الاشياء يا لولا

لكن تصاعد صوت الضربات المتناغمة مع لحظة لقاء

يكسبها طعوما اخرى ومساحات من التحليق اللانهائى

دعينا لا نجعل روتينهم يخنق خفقاتنا

[لولا]

فى يوم من الأيام .. الفاضيه !!

الحدث : مجنون !

المكان: ساحة مجانين !!

النتيجة : تحريض مطلق على الجنون !!

الإسم التمويهى للحدث : مسرحية !!

قالولى دى مسرحية هايلة ..

فكرت..

يوم ممل .. روتين قاااتل

اوكى .. خلينا نروح

لما وصلت افتكرت

نسيت أسأل هى المسرحية كانت عن ايه ؟!

اتفتحت الستارة

ظهرو الممثلين

الممثلين عبارة عن شخصين

والديكور على المسرح عبارة عن كراسي فاضية

وبدأت المسرحية

الزوج يتكلم ..يتكلم .. يتكلم

الزوجة لا تفعل شيء

لا تنطق شيء

دورها عبارة عن ترديد المقاطع الأخيره من كلام الزوج وكأنها صداه!

الجمهور يتابع

يكاد يفقد عقلة

واتوه وسط الجنون

جنون الممثلين

جنون النص .. عفوا اقصد اللانص !

جنون الديكور الفراغ

عرفت اننى فى مسرح عبثى !

نوع من انواع الفنون ..

شباب بتهييييييييييييس !!

فكرة اللاعقل

اللامنطق

اممممم .. اللاهدف يمكن !!

فن ..

فن ياجماااااااااااااعة .. الفن يعبر عن رؤية

قد تكون الرؤية عبارة عن رؤية اللارؤية وسط ضباب الواقع المتقوقع فى ظلام لا نور فيه !!

اوووبس

فهمت !!

رؤية فنية معاصرة ........... جدا !!

من الغريب ان هذا الجنون حرض العقل للسباحة لمناطق مثيرة جدا فى علاقاتنا الإنسانية..

محرضات التفكير كثيرة فعلا

نحتاج فقط ان نفتح نافذه عقلية صغيرة .. ونبدأ فى الإبحااااااااااااااار !!

لولا

[bentmasria]

كلنا حاسين بان الارض واسعة

والملامح منا تايهة

كلنا تايهين فى انحاء المتاهة

دنيا غابة

فرحة غابت...

كلنا حاسين

بغربة

كلنا دايمين فى كُربة

تحت نفس الشمس

فوق نفس التراب

كلنا بنجرى ورا نفس السراب

كلنا بنجرى ورا نفس السراب

نفس السراب

[د هشام ابراهيم]

كلنا بنجرى ورا نفس السراب

كلنا بنجرى ورا نفس السراب

نفس السراب

طب و اللي بيوصل للسراب و يمسكه و يعيشه و يسيبه و يدور علي حقيقة واقعة مرها أحلي من ألف سراب ......

كام مرة افتكرنا السراب مية و كام مرة أفتكرنا المية سراب .....يبقى الحل الوحيد إن كل مرة نقطع المشوار للاخر بس ما نزعلش لو طلع ميت مرة سراب

[bentmasria]

يبقى الحل الوحيد إن كل مرة نقطع المشوار للاخر بس ما نزعلش لو طلع ميت مرة سراب

احيانا ما بيكونش سرلب

بتبقى المياه بتلمع فى حضن الارض

بتقول يا عطاشى انا هنا

وبنسيبها ونعدى

فاكرين انها سرااااااااااااب وبس

ده

احيانا

[elfakhrany]

السراب بنشوفه من بعيد .. ولما نقرب بيبعد من جديد .. ياترى هيجى يوم ويقرب .. ويحكيلنا عن الماضى ونجرب !!

[bentmasria]

معا

مجنونة

ومجنون

ولحظة....... جنون

يا ترى

النهاية ايه؟؟؟؟؟؟؟؟؟؟؟

مجرد تساؤل............مجنون ايضا

[لولا]

كنت قد قررت الهدنه .. معك !!

ولكنك خرقت شروط الهدنه ..

ووجدتنى ..منقادة مغمضة العينين لدائرة اعتقالك ..

مستمتعه جدا بالرقص حافية على مدخل شريانك !!

لولا

[لولا]

قال لها : كل الطيور تعود الى الأرض

مهما طارت ومهما ارتفعت

اجابت : محق انت ..

تعود الطيور لترتاح

ثم ....... تطير من جديد !!

لولا

[د هشام ابراهيم]

أفكار متطايرة

الزمن أعظم معلم

مين كان يصدق إن الواحد يشوف بعينه كل اللي اتقاله قبل كده و ما صدقوش

بالمناسبة لما الواحد عنيه تدمع في الأفراح ده دليل إيه .......

حقيقي صدق اللي قال اذا لم تكن أنت نفسك تستتطع فهم دواخلك كيف تتوقع أن يفهمك الاخرون

[لولا]

رحلة الكتابة ..

رحلة للبحث عن لغة جديده نملأ بها دفاتر منسية قد يتراكم عليها الغبار

رحله للبحث عن قطرات ماء نطفىء بها عطش الأيام الظمىء لمشاعر صحية وصادقه

الكتابة ..

رحلة بمحطات .. نقف ..نتأمل.. نعيد الشحن .. نحلم ..نهلوس .. او نكتشف اشياء نعجز عن سماعها بأصواتنا

روح تكتب هى شمعه .. لكنها تقاوم الذوبان وترفض التلاشي وتحارب الضجر والنعاس

تقاوم الغفوة والغرق بالحبر ورأس قلم مدبب تنسكب فيه روح

-----

وفعلا د. هشام ..

لو لم نفهم انفسنا هل يمكن ان نطالب الآخرين بذلك ؟!

الرحلة تبدأ من الداخل..

سقف التوقعات يعتمد عليك انت فى المقام الأول ..

اقترب من نفسك ..

واجه المرآة بشجاعة .

لولا

[لولا]

اعطنى مكان خارج الأرض .. وانا حتما سأغير الأرض !!

لا اتذكر من قال العبارة ..

كانت فقط عالقة فى ذاكرتى التى التقطتها من مكان ما ..

وكان السؤال يتردد ولماذا نحتاج ان نكون خارج الأرض لنغيرها ؟؟

عرفت الإجابة ذات يوم

فى الأرض بحر ويابسة

والبحر اكبر

يبتلع مساحات الأرض الشاسعة..

ببساطة يعيش هناك اناس غرقى ..

التغيير لا يصنعه الغرقى !!

التغيير يحتاج ان تكون خااااااااااااااااارج دائرة الغرق..

تتأمل من بعيد

ترسل طاقات ايجابيه

تكتشف اراضى اليابسة

وتمسك المصباح لتقود وسط الظلام

اذن المشكلة ليست فى الإنسان

هو قادر على تغيير الأرض بجداره

يحول بينه وبين ذلك ......... الغرق !

ستتغير الأرض ..

ستتغير

هناك طريقتان ..

ان تختفى البحار..

او ان يخرج السكان خارج حدود الأرض ..

يأتى السؤال ..

ايهما قد يسبق الآخر ؟؟!!!!!!!!!

--

افكار ام مجرد هرطقات فكرية !!!

وان يكن !!

السنا فى ساحة كلام وبس ..

هى هرطقات .. او اكثر .

لولا

[لولا]

يامن هواه اعزه واذلنى !!

كان عنوان قصيدة

قبل ما اسمعها سرحت فيها ..

العنوان خدنى لبعييييييييد..

ياترى ممكن ؟؟

امال الكلام ده جيه منين طيب ؟!

سمعت القصيدة ..

فهمت !!

لولا

[dr gml]

أجلس أمامها

أتفرس حالى

ولأنها ليس لها ذاكرة

وأنا لست بحاجة لتوثيق أحزانى

خدعت مرآتى

واسقطت دمعتى فى سلة المهملات

ورسمت

على وجهى ابتسامة

ربما تكون حقيقية

:Icecream:

[فنان محتار]

حزن السنين .. على وشوش الناس نحت

عيون حزينة .. دفينة .. وشجن

نجيب منين الفرحة ترسم عليك يا زمن ..

ايام بتضحك .. وضحكة ماليانة امل ..

الوانى دبلت مع زهورى واتهرت

من لحظة عدت عليا ما اتكررت

كان فى ايدك زمان تقول بحبك

جاى دلوقتى تبكى بعد ما افترقت

فنان انا ومحتار ما لقيت لحيرتى سبب

قالوا يمكن تكون الفرقة ولا التعب

ولا الضياع .. ولا الحزن والالم

احترت انا زيادة وبرضه بدون سبب

تحية للرائعتين بنت مصرية ولولا :lol: :lol:

[bentmasria]

حروفكم توقفنى

شجونكم تشعل احزانى

هى ساحة هرقطات يا لولا

وكلام وبس يا دكتور هشام

وشجن جميل يا دكتور جمال

وورقة بترسم شجوننا يا فنان يا محتار

وفى النهاية

بلاقى مكان صافى جميل احط راسى عليه ارمى حروفى وانام

وتبقى مقولتى القديمة لسه هى العنوانا الرئيسى

أحيانا نقطر حروفا ............. لا دما

اتظر قطراتكم وكلامكم وبس دائما بكل الحب

الكلمنجية ....... برضه وبس

[bentmasria]

حفرت بقلمك ملامح قلبى

وبصمتك ملامح روحى

وسرقت لحظة منسية من حوائط عالمك العالية

فهل كانت لى

ام بى

وحى قصيدة جديدة ؟؟؟؟؟؟؟؟؟؟؟

[bentmasria]

قال لها:

أُكتبى عنا

عنى وعنك

عن سر يجمعنا

وحنين يضمنا

ولحظات تسعدنا

ابتسمت قائلة:

انت اجمل من ان تحكى

وأروع من ان ترسمك ريشتى

أخاف ان احكيك يوما......... فتصبح كأحلامى التى لم تتحقق يوما

سامحنى

ولتبقى

سرى الصغير