أين تذهب في العيد ؟؟؟

[Proud Muslim]

على غرار موضوع أخونا الفاضل الأستاذ optimistic ..

قلت أفتح موضوع لنتعرف على أفكار جديدة لقضاء عطلة العيد ..

حد عنده أماكن حلوة و محترمة و كويسة ممكن نروحها .. يعني من باب تبادل الخبرات .. ؟؟

أنا شخصيا ..أفكر بجدية في الذهاب الى سيوة :)

يعني ..صحراء و برك مياه ساخنة و سفاري .. جميلة جدا ..

و طبعا مفيش مناظر مؤذية .. :)

[فــيــروز]

أنا شخصيا ..أفكر بجدية في الذهاب الى سيوة 

يعني ..صحراء و برك مياه ساخنة و سفاري .. جميلة جدا ..

و طبعا مفيش مناظر مؤذية .. :lol:

ممكن تفاصيل اكتر؟ يعنى فيه هناك فنادق مناسبه؟ المواصلات ازاى؟ التكلفه تقريبا اد ايه ولمدة اد ايه .. الاماكن التى سيتم زيارتها .. كده يعنى :D

[Handicraft]

سيوة كما عرفتها لمدة 8 أشهر

تبعد 305 كيلو من مطروح إلى الجنوب بمحازاة واحة جغبوب فى ليبيا تحيط بها من الشمال والجنوب مساحة هائلة من الملاحات الجو فى الأن فى أجمل اوقاته طوال العام الشتاء جميل ودافئ نهارا الليل شديد البروده لدرحة أن الأرض تخرج مياه منها بالليل لذلك من العادى ان ترى فى الطرق تجمعات من الملح تكونت بعد جفاف المياه.

المواصلات أتوبس غرب الدلتا من أسكندرية أو من مطروح لا يوجد مواصلات مباشرة من القاهرة الأتوبس كان من 3 سنوات من مطروح ب 25 جنيه ومن اسكندرية ب 40 جنيه وأيضا هناك ميكروباصات من مطروح.

المسافة بين مطروح وسيوة لا يوجد بها غير استرحة واحده على بعد 150 كيلو من مطروح والطريق غير مأهول تماما ومن العادى ان تجد بعض الجمال ترعى حول الطريق او وجود جمل صدمته سيارة اثناء عبوره الطريق ( من غير موضع المشاه)

اللغة المتداولة لهجة محلية غير مكتوبة (سيوى) ويتكلمها ابناء الواحة وبعد المغتربين المقيمين لفترة طويله ولمن سوف يذهب سيلاحط ان هناك سيده اجنبيه مسنه تتكلم اللهجة بطلاقة ووتعيش فى الواحة من سنوات بعيه وهى مشهورة هناك.

المواصلات داخل الواحه عبارة عن كارته يجرها حمار أو ممكت تأجير دراجه ليوم كامل

الفنادق هناك فندقين 4و3 نجوم والباقى عباره عن بنسيونات رديئة جدا والأسعار فى الفندقين الراقيين كانت 70 و40 جنيه والبنسيونات الأخرى تتراوح حتى تصل الى 3 جنيهات فى الليله.

أجمل وقت لزيارة سيوة هو الثلاث ليال القمرية فى شهر اكتوبر لأنها العيد القومى للواحة وتتجمع كل البلد فى جبل الدكرون ويأكلون ويحتفلون معا لمدة ثلاث ليالى ويقيمون احتفالا دينيا مهيبا وكل المتعة فى متابعة الأحتفال من فوق قمة جبل الدكرون والأكل معهم عند اشارة الشيخ بالبدء ليأكل مالا يقل عن 15000 فرد معا فى وقت واحد.

أماكن الزيارة : الواحة رائعة الجمال الطبيعى لمن يبحث عن متعة العين والطرق هناك تتشابك الأشجار فى شكل رائع ويوجد أيضا حمام كليوبترا ويمكنك السباحة فيه وهناك جبل الموتى فى بداية سيوة لليسار وتوجد به ممياوات تكتشف كل فترة وهناك مغارة مملؤه آثار ولكنها مغلقه ويوجد أيضا معبد آمون هناك والمكان الرائع سيوة القديمة المشيدة فوق جبل ف شكل دائرى يحتوية الجبال من كل مكان والأعمده من النخيل الذى يصل عمره إلى مئات السنين وهناك معبد بالداخل اغورمى وصورته بأسفل وهناك أيضا عين ماء تنبع فى وسط الملاحات وبها نخله مائله وهى مشهورة جدا ولكن لا أذكر الأسم.

هناك ايضا المركز الحضارى لسيوة ويقع فوق قمية جبل فى وسط سيوه واقامته الحكومة من 4 سنوات للإرتقاء بأهل الواحى وهو على الطراز العربى وبهه مشغل سجاد ومشغل خياطه وعيادات ومعمل كمبيوتر وقاعة ألعاب فيديو ومكتبة سيدات ومكتبة رجال وثلاث فصول لمحو الأمية وتأخذ الفتيات اجر للإنتظام فى الحضور.

العمل الرئيسى لأهل سيوة زراعة نخيل التمر بأنواعه والزيتون بأنواعه واستخراج زيت الزيتون وتعبئة التمور وهناك المشغولات اليدوية أيضا.

النساء ترتدى الزى التقليدى ولا تخرج النساء لشراء مستلزمات السوق ولكن الرجال يفعلون ونادرا ما ترى سيده تتحرك بحرية فى الشارع وغلبا تجد الرجل يجر الكارته وفى الخلف تجلس النساء.

ينقسم أهل سيوة لقسمين شرقيين وغربيين وكانت بينهم خلافات دائمة والغربيين عددهم اكبر بكثير جدا من الشرقيين.

فى الصورة المبنى الأصفر هو الفندق الراقى الثانى (40 جنيه)

يوجد فى سيوة حوالى 2 مليون نخله مثمرة

معبد أغورمى

سيوة القديمة

حمام كليوباترا

المعلومات موثوق فيها لدرجة 100% لأنها عن تجربة شخصية

[فــيــروز]

شوف يا جدع التحنيس :huh:

يعنى الواحد ماينفعش يرتب رحله لسيوه من القاهره لازم يروح اسكندريه و هو و حظه بقى !!

طيب دى قريبه من السلوم لو مالقيتش حته اقعد فيها اروح افاجئ شعنونه فى الزلوم؟ :D

بس حمام كليوباترا ده باين عليه جميل اوى :o

الا صحيح هو مين اللى فى الصوره ده يا هاندى؟ :D

[Handicraft]

اللى فى الصورة ده شخص دخيل على المعبد لأن ده معبد آمون بس مش أنا دى الصورة اللى عرفت اوصلها لمعبد آمون

انا ليا صور هناك بس ما اقدرش احطها هنا لأسباب وجيهة.

وعلى فكرة الأتوبيس ليه مواعيد ثابته ممكن تعرفيها وتضبطى معاها وحتلاقيه كله سياح فى الوقت ده

[فــيــروز]

لا انا ماقصدتش والله تحط صورتك :huh: انا باغلس عليك بس mfb:

الحقيقه من زمان انا نفسى فعلا اروح سيوه بس اى حد اقول له كده يعتبرنى مجنونه !! :o بس المشاركات اللى فى الموضوع تجعل الواحد يتحمس فعلا :D شكرا جزيلا :D

[Proud Muslim]

ماشاء الله ..

أخونا الفاضل Handicraft جاب كل المعلومات .. :D

جزاك الله خيرا ..

ما يشجعني ... أن أحد أصدقائي عنده مشروع سفاري هناك .. و هو سيرتب الرحلة !! :o

هي بصراحة .. هايلة هايلة فعلا ..

هي سيوة محتاجة صحبة كويسة طبعا .. و ناس لا تهوى التقليد ..

:huh:

[فــيــروز]

ممكن طلب يا اخ براود مسلم؟ :)

لو رحت الرحله المزمعه الى سيوه تبقى تحكى لنا تجربتك :)