يا مدام .. يا آنسة.. يا....

[سهل جدا]

احترت بصراحة مع حواء .. إزاي أناديها مش عارف

لمّا الواحد يكون في العمل أو في مصلحة حكومية أو في مكان عام يضطر أحياناً إنه يتكلّم مع واحدة، سواء كانت الواحدة دي موظفة أو زبونة أو غير ذلك..

فأول ما آجي أناديها أقول:

يا ......

ويقف لساني

يا ترى أقولها إيه

لو قولتلها يا مدام وهي كانت آنسة هاتزعل

ولو قلتلها يا آنسة وهي مدام بردوا هاتزعل

ولو قلتلها يا حاجّة، وهي من الطبقات الراقية في الغالب بتزعل لأنها بتعتبر اللقب ده بلدي

ولو قلتلها يا أستاذة وهي من الطبقاة العادية هاتفتكرني بتّريق عليها ..

(طبعا في ألقاب نسائية تانية بنسمعها كثير في الشوارع بس عمري ما قولتها, زيّ: الوِليّة - المَرَة - الموزّة -....

مع إن الألقاب دي لها أصل في اللغة إلا إنها ارتبطت في أذهان الناس بشيء مش كويّس)

المشكلة ديه بتقابلني كمان في المنتديات..

ساعات بتحرج أنادي للعضوة المشتركة باسمها المجرّد

فباضطر أقول قبلها أي حاجة

لكن اكتشفت إن الحاجة اللي بقولها قبل اسمها بردو ممكن تزعّل البعض

مرّة قلت لواحدة في منتدى: يا أختي ...

راحت قايلة: إيه أختك ديه شايفني من الإخوان المسلمين !!!

والمشكة إني لو ندهت لها باسمها المستعار بدون مقدّمات بأشعر إن فيها نوع من رفع التكليف

ودا مش كويس بين الجنسين المختلفين

تفتكروا إيه الحلّ؟ :rolleyes:

*

*

[Falcon Crest]

عادي يا مان الموضوع بسيط مش تقول خالص الالقاب دي

كفايه تقول يا أفندم - حضرتك

و تحتصر الليله

[pink rose]

الحل انك ما تتكلمش مع الستات خالص يا استاذ سهل جدا :lol:

لا بجد بقى

انا مش عارفه ليه في بنات بتزعل من كلمة مدام لو مش متجوزة (زي زينات صدقي كده في اغلب الافلام)

يا ستي بٌشرة خير و اهو خدوا فالكوا من جيرانكوا wst::

بس بصراحة عمري ما سمعت ان في واحدة متجوزة و اتقالها يا انسة و زعلت ابدااااااااااااا :rolleyes:

دي جديدة عليا بصراحة

انا شايفة ان الموضوع عادي جدا و ما فيهوش حاجه تزعل سواء كده او كده بالنسبة لمدام او انسة

و ان اللي بتحط في دماغها حاجات كده تبقى فاضية بصراحة هي يعني الكلمة هاتلزق

انما كلمة حاجه دي بصراحة مش لطيفة باحس اني الست ام مريم بقى اللي سنانها وقعت

عم محمد البواب عندنا في اسكندرية بيقولي كده من يوم ما اتجوزت :lol:

بس عم محمد تفكيره على اده يعني و راجل كبير في السن فا ما بدقش معاه

و كلمة يا اختي ما فيهاش اي حاجه خالص اخنا فعلا اخوات بنص القرآن (انما المؤمنون اخوة)

و مالهم الاخوان المسلمين ان شاء الله

ناس تفكيرها عجيب بجد

لا حول و لا قوة الا بالله

اما في المنتديات بقى

انا عن نفسي في ناس ما ينفعش اقولها غير استاذ

و ناس ممكن اقولها بالاسم الافتراضي مش تقليل منهم ابدا

بس باحس انهم سنا متقاربين معايا و باحس انهم فعلا اخواتي

زي مثلا فخراني و محمد العنبي مش عارفه اقولهم استاذ باحس انهم اخواتي

و واحد زي سين سين اللي هايموتني قريب من الضحك

باحس انه اخويا الكبير ممكن اقوله يا ابيه ايوة

لكن مش عارفه اقوله يا استاذ سي السيد

فا حضرتك يا استاذ سهل جدا ما تشغلش دماغك بالموضوع دا

و قول اللي يجي على بالك

و ريح نفسك

[سهل جدا]

عادي يا مان

وجدتها !! ممكن أقولهم يا وومان

فا حضرتك يا استاذ سهل جدا ما تشغلش دماغك بالموضوع دا

و قول اللي يجي على بالك

و ريح نفسك

ماشي يا حاجّة ريمو

اللي تشوفيه حضرتك :rolleyes:

[عنبو]

اولا السلام عليكم ورحمة الله وبركاته

بص يا ابو معاذ الموضوع بسيط ومش تشغل بالك باللى يزعل مهو انت مش تعرفها ؟؟

يعنى الموظفه اللى فى المضلحه هتعرف منين اذا كانت انسه ولا مدام ولا حاجه ولا مش حاجه ولا استاذه ولا مش استاذه فطبعا ريح نفسك من الموضوع ده واعمل زى اخونا فالكون وخليها افندم انا شخصيا افندم دى عندى مع كله رجاله حريم حاجه ومش حاجه شغال بيها على الكل ومريح نفسى

الا اذا طبعا كنت عارف ان الراجل ده بحب لقب معين فطبعا مش بسيبه بفضل انادى عليه بيه لما اخليه يكره اللقب ده ؟؟

نيجى بقى للقب حاجه يعنى فيه ناس تمشى معها حاجه وفيه ناس متمشيش معها حاجه يعنى اللى فوق الخمسين تمام لكن تحت الخمسين بتزعل وبتبقى دمها مش خفيف ده بالنسبه للحريم لكن الرجاله الوضع يختلف اذا كان دكتور ولا مهندس يعنى مش ينفع طبعا تقوله ياحاج حتى لو كان راح السعوديه ؟؟ مش ينفع

الاخت ريمو اخبار مريم دلوقتى عامله ايه يارب تكون بخير

ده شرف ليا ان يكون ليا اخت زيك وبعدين اساسا انا مبحبش القاب خالص لكن طبعا اذا كان ولا بد ومن الضرورى فممكن الحاج محمد الروش ؟؟؟

هقولك على حاجه انا الشركه اللى انا فيها كلها فلسطنيه واردنيه ومافيش بينهم القاب خالص يعنى تلاقى مهندس صغير داخل على مدير المشاريع عندنا وبيقوله باسمه عادى لدرجة انا استغربت خالص وحاولت اعمل زيهم بس معرفتش معرفش ليه ؟؟

والغربيه بقى ان المدير مبيزعلش ولا فى دماغه انا مره كنا فى اجتماع والكل اقاعد يقول للكل باسمه فقولت اهو اجرب كده فى الزحمه دى واعمل زيهم بس لقيت ان الكلمه دمها مش خفيف فقولت لا خلينى زى مانا

[rewsha]

انا كمان راْيي من نفس راْي الاخت الحاجه المدام ريمو mfb: الورده دي علشان لو زعلتي من كلمه الحاجه :D

انا فعلا عمري ماشوفت مدام بتزعل لما حد يقول لها يا انسه .بالعكس (ههههههه)

انا اعرف ان جوزها هوه اللي بيزعل

لكن انسه حد يقول لها يا مدام فعلا لاقيت بنات كتير بتزعل

ولذالك انا كل الستات عندي( اْنسات )اهي لو انسه هايبقى عادي ماغلطناش .ولو مداموقلت لها يا انسه هاتفرح وابقى عملت معاها جميل وقلت لها يا انسه .وفكرتها بايام العزوبيه

[MZohairy]

احترت بصراحة مع حواء .. إزاي أناديها مش عارف

لمّا الواحد يكون في العمل أو في مصلحة حكومية أو في مكان عام يضطر أحياناً إنه يتكلّم مع واحدة، سواء كانت الواحدة دي موظفة أو زبونة أو غير ذلك..

فأول ما آجي أناديها أقول:

يا ......

ويقف لساني

يا ترى أقولها إيه

لو قولتلها يا مدام وهي كانت آنسة هاتزعل

ولو قلتلها يا آنسة وهي مدام بردوا هاتزعل

ولو قلتلها يا حاجّة، وهي من الطبقات الراقية في الغالب بتزعل لأنها بتعتبر اللقب ده بلدي

ولو قلتلها يا أستاذة وهي من الطبقاة العادية هاتفتكرني بتّريق عليها ..

(طبعا في ألقاب نسائية تانية بنسمعها كثير في الشوارع بس عمري ما قولتها, زيّ: الوِليّة - المَرَة - الموزّة -.... :lol:

مع إن الألقاب دي لها أصل في اللغة إلا إنها ارتبطت في أذهان الناس بشيء مش كويّس)

المشكلة ديه بتقابلني كمان في المنتديات..

ساعات بتحرج أنادي للعضوة المشتركة باسمها المجرّد

فباضطر أقول قبلها أي حاجة

لكن اكتشفت إن الحاجة اللي بقولها قبل اسمها بردو ممكن تزعّل البعض

مرّة قلت لواحدة في منتدى: يا أختي ...

راحت قايلة: إيه أختك ديه شايفني من الإخوان المسلمين !!!

والمشكة إني لو ندهت لها باسمها المستعار بدون مقدّمات بأشعر إن فيها نوع من رفع التكليف

ودا مش كويس بين الجنسين المختلفين

تفتكروا إيه الحلّ؟ mfb:

*

*

شوف ياسهل جدا

عشان انت صاحبي من ايام الجيزه حقولك

اتيكيتيا (يعني تبع اصول الاتيكيت) لو شفت واحده كبيره يعني شكلها مش عيله مراهقه لازم تقولها يا مادام

و بشكل عام تقدر تناديها ب يا هانم او يا فندم او حضرتك لو عايز تبعد عن موضوع الانسه و المتزوجه

و اتيكيتيا لو بتسلم على واحده كلاس في مكان عام لازم تبوس ايدها مع انحناءه بسيطه

اي خدمه :D

[عنبو]

شوف ياسهل جدا

عشان انت صاحبي من ايام الجيزه حقولك

و اتيكيتيا لو بتسلم على واحده كلاس في مكان عام لازم تبوس ايدها مع انحناءه بسيطه

اي خدمه

شديده لما نشوف الاستاذ سهل هيعمل ايه مهو كله اتيكيت mfb: :D

[سهل جدا]

اولا السلام عليكم ورحمة الله وبركاته

بص يا ابو معاذ الموضوع بسيط ومش تشغل بالك باللى يزعل مهو انت مش تعرفها ؟؟

وعليكم السلام ورحمة الله وبركاته

ازيكا يا عنبي.. بالنسبة للرجّالة ما تفرقش كثير

لكن الستّات حسّاسين شوية

وبعدين انت بتقولي أبو معاذ ليه

أنا عندي ربع دستة أولاد ولله الحمد اشمعنى اخترت معاذ بقى وكنّيتني بيه

انا كمان راْيي من نفس راْي الاخت الحاجه المدام ريمو mfb: الورده دي علشان لو زعلتي من كلمه الحاجه :lol:

انا فعلا عمري ماشوفت مدام بتزعل لما حد يقول لها يا انسه .بالعكس (ههههههه)

انا اعرف ان جوزها هوه اللي بيزعل

لكن انسه حد يقول لها يا مدام فعلا لاقيت بنات كتير بتزعل

ولذالك انا كل الستات عندي( اْنسات )اهي لو انسه هايبقى عادي ماغلطناش .ولو مداموقلت لها يا انسه هاتفرح وابقى عملت معاها جميل وقلت لها يا انسه .وفكرتها بايام العزوبيه

وجهة نظر بردو..

متشكرين على مرورك يا مازمازين :lol:

شوف ياسهل جدا

عشان انت صاحبي من ايام الجيزه حقولك

اتيكيتيا (يعني تبع اصول الاتيكيت) لو شفت واحده كبيره يعني شكلها مش عيله مراهقه لازم تقولها يا مادام

و بشكل عام تقدر تناديها ب يا هانم او يا فندم او حضرتك لو عايز تبعد عن موضوع الانسه و المتزوجه

و اتيكيتيا لو بتسلم على واحده كلاس في مكان عام لازم تبوس ايدها مع انحناءه بسيطه

اي خدمه :D

لا يا شيخ

طيب متشكّرين على النصايح الغالية ديه

بس أحب أوضح لك إن معلوماتك محتاجة "آب ديت" لأن دلوقتي بوس الإيد مش كفاية في كثير من الطبقات الهاي لايف

دول بيبوسوا الخدود كمان.. زي بلاد برّة

أنا شوفت بعيني ما حدّش قالي

عموماً أنا الحمد لله من ساعة لما اتجوّزت ما لمستش واحدة غير مراتي

وبسلّم على الستّات بالبؤ بس

(قصدي بالكلام يعني ما تفهمش غلط) :P

[الباشمهندس ياسر]

شوف ياسهل جدا

عشان انت صاحبي من ايام الجيزه حقولك

اتيكيتيا (يعني تبع اصول الاتيكيت) لو شفت واحده كبيره يعني شكلها مش عيله مراهقه لازم تقولها يا مادام

و بشكل عام تقدر تناديها ب يا هانم او يا فندم او حضرتك لو عايز تبعد عن موضوع الانسه و المتزوجه

و اتيكيتيا لو بتسلم على واحده كلاس في مكان عام لازم تبوس ايدها مع انحناءه بسيطه

اي خدمه mfb:

بس الموضوع ده خلاص يا عم زهيرى

مبقاش يحصل الا لما تبقى مدام كبيرة ف السن و تقولها تشرفنا يا هانم ... زى يوسف وهبى كده

و بعدين تقوم معرفاك ع الكتكوته الصغيرة بتاعتها

تسلم عليها بايدك بس و بعد ما تتكلموا شوية و تبقوا معرفة خلاص

و انت ماشى تسلم عليها و تبوسها بوسة واحدة بس على خدها اليمين ... كده يفهموا ان القبول حصل

و اى خدمة

الاب ديت كاملا متكاملا لمستوى فهم الطالب المتوسط :D

[حوريا]

[color="#0000FF"]

واللة يا استاذ سهل جدا....ومن واقع تجربتى الشخصية مع نفسى

اقدر اقولك ان حواء احتارت مع نفسها

بصراحة قبل ما اتجوز لما كان حد يقوللى يا مدام كنت ازعل اوى

اقعد اقول لنفسى هوة انا :lol: شكلى كبر اوى كدة ....يمكن طخنت شوية :lol: .....اوووووف

ههههههههههه

بعد ما اشتغلت بقى لقبى البشمهندسة

ياسلااااام المهندسة رايحة ....المهندسة جاية :D

اتجوزت زميلى فى الشغل

وبقدرة قادر اختفى لقب البشمهندسة واتحول ;)

المدام رايحة ....المدام جاية

ابقى مع زميلاتى فى الشغل

الراجل يدخل يقولها يا باشمهندسة وانا يا مدام :sad:

بصراحة الكلمة ما كنتش متعودة عليها خالص وطبعا ما اقدرش ارد

اصل جوزى فى المكتب الى فى وشى :D

لانى مرة كنت معاة بنشترى حاجات قام الراجل صاحب المحل قاللى يا آنسة

وشة احمر وشوية كان هيلطشة فى وشة

وانا ما اقدرتش اخبى ابتسامتى العريضة mfb:

ياااااااة آنسة اصلة فكرنى بايام زمان

بعدين كلمة مدام بقت حلوة اوى على قلبى بعد ما جبت ابنى كوكى

بس ما حدش يقوللى يا ام كوكى

:P

[الباشمهندس ياسر]

نورتى المنتدى يا باشمهندسة مدام ام كوكى mfb:

اهلا بيك معانا ف المحاورات

[زعلان]

بص يا ام كوكي و الاخ الي فتح الموضوع و الاخ بتاع البوس

لو حاد عايز يكلم واحدة او واحد في هيئة حكومية او شكرة او اي محطة قطر وحيقطع تذاكر مش لازم يقول غير كلمة واحدة لو سمحت لو سمحتي

ومش محتاج يلت ويعجن ويقول الي هو عايزة لو سمحتي عايز تذكرة لكذ

لو سمحتي عايز ادفع الفاتورة

لو سمحتي عايز اطلع بطاقه

لو سمحتي عايز اطلع عينك

موضوع البوس نتكلم فيه بعدين mfb:

[سهل جدا]

[color="#0000FF"]

واللة يا استاذ سهل جدا....ومن واقع تجربتى الشخصية مع نفسى

اقدر اقولك ان حواء احتارت مع نفسها

بصراحة قبل ما اتجوز لما كان حد يقوللى يا مدام كنت ازعل اوى

اقعد اقول لنفسى هوة انا :unsure: شكلى كبر اوى كدة ....يمكن طخنت شوية :unsure: .....اوووووف

ههههههههههه

بعد ما اشتغلت بقى لقبى البشمهندسة

ياسلااااام المهندسة رايحة ....المهندسة جاية :D

اتجوزت زميلى فى الشغل

وبقدرة قادر اختفى لقب البشمهندسة واتحول ;)

المدام رايحة ....المدام جاية

ابقى مع زميلاتى فى الشغل

الراجل يدخل يقولها يا باشمهندسة وانا يا مدام :sad:

بصراحة الكلمة ما كنتش متعودة عليها خالص وطبعا ما اقدرش ارد

اصل جوزى فى المكتب الى فى وشى :blush2:

لانى مرة كنت معاة بنشترى حاجات قام الراجل صاحب المحل قاللى يا آنسة

وشة احمر وشوية كان هيلطشة فى وشة

وانا ما اقدرتش اخبى ابتسامتى العريضة

ياااااااة آنسة اصلة فكرنى بايام زمان

بعدين كلمة مدام بقت حلوة اوى على قلبى بعد ما جبت ابنى كوكى

بس ما حدش يقوللى يا ام كوكى

:lol:

أهلا بكي يا مدام حوريا

يسعدني جدا إن أول مشاركة لحضرتك في المنتدى تكون في موضوع لي

وربنا يحفظلك كوكي

نوّرت الموضوع يا باشمهندس ياسر , ولو إني كنت عاوز أعرف وجهة نظرك في الموضوع

الأستاذ الفاضل زعلان (يخرب بيتك شيطان اللي يزعّلك) :happy:

شكرا لمرورك الكريم

[الباشمهندس ياسر]

نوّرت الموضوع يا باشمهندس ياسر , ولو إني كنت عاوز أعرف وجهة نظرك في الموضوع

بنور مضوينه ... هلا و غلا بالطيب

اخوك الضغير حلاوة العنتبلى ..... بيعمل ايه بقى

انا مؤمن تماما ان الكلمة الحلوة تمشى المراكب الواقفة

يعنى لو فى مصلحة ما او شركة ما يبقى كالتالى

لو بنوته و شكلها لسه مدخلتش القفص ... اقوم عادل النضارة و مبين ايدي اليمين (مفيهاش دبلة لسه ) و اسهملها ...

هههههههههههههههههههه ..... (الله يسامح يا سهل ... خلتنى اضحك )

بص يا سهل يا اخويا

انا راجل عملى اوى ... بحب احط الحاجة ف مكانها

يعنى انا رايح البنك مثلا و عندى شغل هناك او رايح مصلحة و بخلص ورق حاجة معينة

يبقى الطبيعى انى معنديش وقت اقلها و تقولى و الليلة دى كلها

كلمة حضرتك و من فضلك و لو سمحتى .... هتنجز الليلة كلها

انما لو عايزين نعمل شغل بقى...فده حوار تانى و ليلة تانية ... مأتخيلش انك ليك فيها يا عم ..........الشيخ

ولأ انا فاهم غلط :blush2:

[قلب ابيض]

الله يبارك لك يا استاذ سهل000000انا مش قادره امسك نفسى من الضحك

موضوعك السهل الممتنع يا استاذ سهل

انا بقى اتعودت على المواقف الطريفه اللى زى دى ولكل مقام مقال

يعنى لما اكون فى الدوام باكون استاذه فلانه مثلا 00 وفى السوق يا حاجه 00والعادى يا آنسه :yahoo: :yahoo:

الموضوع انى مكبره دماغى اوى من الناحيه دى ومابزعلش ابدا

بس بينى وبينكم لما حد يقولى يا أنسه بعرف انه منافق او بيتمحلس بس بعمل نفسى آآآل ايه مصدقاه 00وروره يا نااااس اعمل ايه ؟؟

اقولك يا استاذ سهل مشيها حضرتك وسيادتك

اما موضوع الاتيكيت ده حكايته حكايه 000ولنا عوده

[عنبو]

الله يبارك لك يا استاذ سهل000000انا مش قادره امسك نفسى من الضحك

موضوعك السهل الممتنع يا استاذ سهل

انا بقى اتعودت على المواقف الطريفه اللى زى دى ولكل مقام مقال

يعنى لما اكون فى الدوام باكون استاذه فلانه مثلا 00 وفى السوق يا حاجه 00والعادى يا آنسه :yahoo: :yahoo:

الموضوع انى مكبره دماغى اوى من الناحيه دى ومابزعلش ابدا

بس بينى وبينكم لما حد يقولى يا أنسه بعرف انه منافق او بيتمحلس بس بعمل نفسى آآآل ايه مصدقاه 00وروره يا نااااس اعمل ايه ؟؟

اقولك يا استاذ سهل مشيها حضرتك وسيادتك

اما موضوع الاتيكيت ده حكايته حكايه 000ولنا عوده

ازيك ياحاجه قلب ابيض فينك من زمان شكلك مشغوله فى جواز ابن حضرتك

[elfakhrany]

الفاضل سهل جدا

أنا عن نفسى بستخدم كلمة ( يافندم ) مع الجنسين وأحس انها تعبر عن الإحترام للشخص اللى بكلمه أما لو حد اعرفه أكيد هكون عارف دى مدام أو أنسه

و فى اعتقادى أى واحدة مش هتزعل أبدا لو قلتلها يا أنسة ... :)

الفاضلة الحاجة المدام ريمو أم مريم :D مش عارف أقولك ايه :) أنا فعلا بحب الناس تنادينى بأسمى وبس وفعلاً انا فى المنتدى من 5 شهور بس وحسيت انكم كلكم اخواتى :)

[elfakhrany]

[color="#0000FF"]

واللة يا استاذ سهل جدا....ومن واقع تجربتى الشخصية مع نفسى

اقدر اقولك ان حواء احتارت مع نفسها

بصراحة قبل ما اتجوز لما كان حد يقوللى يا مدام كنت ازعل اوى

اقعد اقول لنفسى هوة انا :) شكلى كبر اوى كدة ....يمكن طخنت شوية :D .....اوووووف

ههههههههههه

بعد ما اشتغلت بقى لقبى البشمهندسة

ياسلااااام المهندسة رايحة ....المهندسة جاية :D

اتجوزت زميلى فى الشغل

وبقدرة قادر اختفى لقب البشمهندسة واتحول ;)

المدام رايحة ....المدام جاية

ابقى مع زميلاتى فى الشغل

الراجل يدخل يقولها يا باشمهندسة وانا يا مدام :sad:

بصراحة الكلمة ما كنتش متعودة عليها خالص وطبعا ما اقدرش ارد

اصل جوزى فى المكتب الى فى وشى :)

لانى مرة كنت معاة بنشترى حاجات قام الراجل صاحب المحل قاللى يا آنسة

وشة احمر وشوية كان هيلطشة فى وشة

وانا ما اقدرتش اخبى ابتسامتى العريضة :)

ياااااااة آنسة اصلة فكرنى بايام زمان

بعدين كلمة مدام بقت حلوة اوى على قلبى بعد ما جبت ابنى كوكى

بس ما حدش يقوللى يا ام كوكى

:lol:

أهلاً وسهلاً بحضرتك وسط أعضاء المحاورات يا باشمهندسة

[mastro]

السلام عليكم

اخي الكريم سهل فكرتني بالمثل القديم "عايز تحيرة خيرة"

شوف يا سيدي مشكلتك ليس لها حل لانه متأصلة في المجتمعات العربية فمثلا هنا في اوربا اول ما بتسلم على واحد او تقابل واحدة بيعرفك باسمة وبيقولك هو يحبك تنادية وتقوله اية. وانا فاكر اول مرة قابلت الدكتور الي بيدرسني في الجامعه قالي انا اسمي ٌمايكل ومن فضلك ناديني مايك.

لكن من تجاربي السابقة مفيش غير تشغيل الدماغ يا سهل جدا.... هههههههههههههه :) انت وظروفك وربنا يعينك اهم حاجة عايز اسأل اخونا المتزوجين بالمناسبة انت بتنادي مراتك ازاي قدام الناس وهل يختلف لو نادينها قدام حد من العيله مثلا او قدام الاولاد.

وانا هبدء : انا بناديها ياسمها قدام الاولاد وقدام العيله وفي الغالب برة برضة عادي بدون القاب لكن لما احب ارخم شوية بقولها يا ام احمد خصوصا لو كنا في محل وبياع قالها يا أنسة. بتجنن بصراحة :) يعني ما هوش شايفني ولا شايف العيلين هههههههههههههههههه

كل الشكر والتقدير

تم تعديل 16 يوليو 2009 بواسطة mastro