احذروا ....التلاعب بالالفاظ في عقود السفر

[rewsha]

حصل معانا موقف كده من يومين وحبيت احكي هنا علشان كل اللي بيفكر انه يسافر ياخد باله كويس جدا من مكاتب السفر

اتضح لي ان اغلب او كل المكاتب بتعمل عقدين

واحد بتاع القوى العامله (بيسموه الاسترشادي)والتاني اللي جاي من السعوديه

احنا وقعنا على الاسترشادي ده .وفوجئناان بعد ماوقعنا على العقد واخدوا الجوازات مننا علشان يعملوا لنا رقم النت ان العقد مش موقع من الطرف الاول احنا بس اللي وقعنا ولما ساْلناهم في المكتب ليه مش موقع من الطرف الاول قالوا الحاج صاحب المكتب لما يجي هايوقعه .هوه المفوض بكده

المهم اخدوا الجوازات واحنا مشينا على اساس اننا نروح تاني يوم ناخد رقم النت ونعمل التحاليل ولما روحنا لاقيناهم كاتبين عقد تاني موقع من المفوض انه يوقع بدل الكفيل .لكن متغير فيه حاجات وعايزينا نوقع على العقدين

كمان حاجه مهمه جدا هيه انه كان في تلاعب بالالفاظ

قالوا لنا ان في 4 تذاكر سنويا

ولكن طريقه كتابه البند ده في العقد التاني كان معناها انه 4 تذاكر اول سنه بس وذهاب فقط

المهم

انا عايزه احذر الناس انها تقراْ العقد كويس وتفهم معاني الجمل لانهم بيتلاعبوا بالالفاظ

وفي الاخر بعد ماعملوا لنا رقم النت .قلنا لهم ماينفعش ومش لاعبين

كانوا فاكرينا مش هاناخد بالنا

اخدنا الجوازات والشهادات وقلنا لهم سلام عليكم

تم تعديل 17 يوليو 2009 بواسطة Salwa

[زعلان]

شاطرين يا ريت الناس تاخد بالها خصوصا في عقود السعودية

[عاشق النيل]

الحذر لا يمنع قدر الواحد اهم حاجة يعزز نفسة تمام فى الانتر فيو /المقابلة

والرواتب الحالية ضعيفة لكن لواحد معندوش خبرة بالعمل بالمملكة معقولة واحسن حاجة بعد الخبرة سنة او اتنيين ممكن توصل لمرتب كويس او تعرف تشوف عرض كويس لان الخبرة بالعمل بالمملكة ليها تمن تانى

وعموما فى المقابلة بيذوقوا العقود والمزايا والبدلات وبعد الدخول للعرين بالمملكة خد عندك الوش التانى