مين وايه اللى عملك دماغك؟

[حسام يوسف]

السلام عليكم ورحمة الله وبركاته

كل واحد فينا بقت ليه دماغه وشخصيته وتفكيره

اللى يحب يشارك فى الموضوع يحكيلنا مين (يعنى مين من البنى آدمين اللى أثر فيه وازاى فى تكوين آراؤه)وايه (لغير العاقل يعنى الظروف والأحداث والملابسات أو مصادر ساهمت فى تكوين تفكيره وشخصيته)

على مدار حياته

يعنى من الصغر لحد دلوقتى بسم الله ماشاء الله

حد جاى؟ :blush2:

[sherifhfm]

موضوعك صعب اوى يا اخى

انا قعت اعصر دماغى وادور على حد كان ليه تأثير قوى اوى فى حياتى او فى تشكيل دماغى لم اجد شخص معين

وانما مجموعة احداث واشخاص مختلفه

منهم مدرس مادة التاريخ لى فى الصف الاول الثانوى

غزو العراق للكويت

ابى وامى (مثال للتفانى فى افناء الذات من اجل مصلحة الاولاد)

مجموعة قصص ملف المستقبل

و حسنى مبارك

[سهل جدا]

بصراحة أكثر حاجة عملت دماغي وكوّنت شخصيتي هي الكتب

الكتب لها تأثير قوي جداً على الإنسان عموماً, وعلي أنا تحديداً

ولذلك شعار القراءة من أجل القراءة, واقرأ كل ما يقع تحت يديك .. شعار باطل ومن أخطر ما يكون..

شكرا يا أستاذ حسام على الموضوع الجميل ده,

بس انت ما قولتلناش مين اللي عمل دماغك

وبصراحة كما يظهر في صورتك الشخصية.. دماغك مش أي دماغ, دي دماغ متكلّفة أوي :)

[حسام يوسف]

الله يكرمك يا عم سهل جدا

انا زيك برضة من عشاق القراءة

وبخصوص الصورة فدي صورة الفنان العبقري المجنون سلفادور دالى

وأما عنى فدي أول واحدة ربت لي دماغى بعد ابويا وأمى طبعا

ربنا يديها الصحة وطولة العمر

فضيلة توفيق أو أبلة فضيلة

تم تعديل 16 يوليو 2009 بواسطة حسام يوسف

[حسام يوسف]

ثم كاتب الأطفال الرائع الأستاذ عبد التواب يوسف

[حسام يوسف]

ورائد الكتابة للأطفال كامل الكيلانى

فى المنيل قبل ادارة الصيدلة من سنة دخلت مكتبة اشترى قلم

ولقيت صورة الراجل ده

واسم المكتبة مكتبة الكيلانى

فقلت للسيدة اللى واقفة انتوا مسمين المكتبة وحاطين صورة الكيلانى حبا فيه؟

دي حاجة محترمة جدا

قالتلى لا

احنا احفاده

وكويس ان حضرتك عارف ده مين محدش بقي بيهتم

رحم الله كامل الكيلانى

[mandoo]

موضوعك صعب اوى يا اخى

انا قعت اعصر دماغى وادور على حد كان ليه تأثير قوى اوى فى حياتى او فى تشكيل دماغى لم اجد شخص معين

و حسنى مبارك

أستاذ / شريف

إسمحللى أقولك إنت من الأحرار

ياعم إيه الدماغ العالية دى قوى فعلا ونعم الإختيار :)

[mandoo]

أنا بقى بطبق المثل ( لاخاب من إستشار ) ولكن فى النهاية كل واحد فينا لازم يكون ليه شخصيته ورأيه وأفكاره

د/ حسام

انا كمان بحب ماما عبلة كامل وبحس فعلا إنها أم المصريين

خالص تحياتى

[حسام يوسف]

ثم محمود سالم ومغامرينه الخمسة

نوسة لوزة تختخ عاطف محب

والكلب زنجر

والشاويش فرقع

تم تعديل 16 يوليو 2009 بواسطة حسام يوسف

[لولا]

مين عملك دماغك ؟؟

قد ايه السؤال ده اجابته متداخله ومتشابكه ومش سهلة حقيقى ..

عديت كذا مره من هنا ولقتنى كل ما اقرا السؤال اسرح فى حاجات كتير ..

اكيد ناس كتير كان ليها دور

عوامل

مواقف

احداث

كتب

وبيئة

ودراسة

الأهل ليهم دور كبير جدا فى التوجيه والتأثير وفتح مدارك الطفل واكتشاف مواهبه ومميزاته والعمل على صقلها ..

ووسط ذلك الكتب ثم الكتب ..

بداية من كتب المدرسه ثم كل القصص التى ذكرت يا حسام التى تطورت مع الوقت لروايات وادب ثم كتب فى علوم مختلفه ومجالات متنوعه..

فى مشوار الحياة نقابل شخصيات مميزه تعكس بريقها علينا خصوصا عندما تجمعنا بها علاقه مباشره بشكل ما

وحوارت تفتح افاق العقل .. وذلك تكرر معى منذ المدرسه حتى الدراسه الجامعيه مرات قليله ولكن مع شخصيات

جميلة كان لها اثر جميل لا استطيع نسيانه .

من الرائع ان افكارنا تتطور بشكل مستمر حسب المراحل التى نمر بها .. تتأثر بعوامل كثيره محيطه وهذا شيء صحى يدفع العقل دوما لتوسيع

مداركه والإستفاده من خبرات الآخرين التى يظل يحتك بها ويواجهها حتى آخر حياته..

فى البدايات تبدو النظرة محدوده بشكل ما فى امور كثيره ثم مع ازدياد الخبرات الحياتيه وتراكم المعرفه وتوسع الثقافه وزيادة الإحتكاك

يبدأ اطار الصورة فى التوسع وتصبح النظرة اعمق واصدار الأحكام كذلك لأنه يرى فى الأمور عمقها وليس فقط قشرتها .

حاليا وفى هذا الجيل ووسط ما اره كان دوما يشغلنى سؤال ما ..

لماذا كم السطحية الفكرية اصبح مرئى جدا بهذا الشكل ؟؟

لماذا عدد العقول الفارغة حولنا اصبح ملحوظ جدا بهذا الشكل ؟؟

ولماذا رغم اتساع دائرة كل ما يمكن ان يوسع المدارك ويزيد الثقافه ويصنع عقول لها وزن تتصاعد فقاقيع الصابون فى ادمغه تثير الشفقه ؟؟

لماذا يبدو العصر الذهبى جدا للفكر والثقافه والعلم والشخصيات المؤثره جدا والشباب الذى تشعر بنضجه التام سمه غالبا للأجيال السابقه

ولا تبدو بذات البريق والسمه على اجيال الثمانيات وما فوق بذات الكثافه لمن سبقهم ؟؟

"مين عملك دماغك "؟؟

سؤال واسع جدا ياحسام ..

نسيت اقول اننا طبعا لينا الدور الأساسي فى صناعة هذه الدماغ وصقلها وفتح نوافذها لتستقبل وتفهم وتعيد الغربلة لكل ما يدخلها

فينعكس ذلك على شخصياتنا التى نقدم بها انفسنا للآخرين ..

من صندوق العقل وافكاره نحن نتحدث .. ومن حديثنا يعرفنا الآخرون ويملكون نافذه مفتوحه على مصراعيها لرؤية من نحن .

تحياتى لك .

لولا

[حسام يوسف]

بصراحة أكثر حاجة عملت دماغي وكوّنت شخصيتي هي الكتب

الكتب لها تأثير قوي جداً على الإنسان عموماً, وعلي أنا تحديداً

ولذلك شعار القراءة من أجل القراءة, واقرأ كل ما يقع تحت يديك .. شعار باطل ومن أخطر ما يكون..

شكرا يا أستاذ حسام على الموضوع الجميل ده,

بس انت ما قولتلناش مين اللي عمل دماغك

وبصراحة كما يظهر في صورتك الشخصية.. دماغك مش أي دماغ, دي دماغ متكلّفة أوي :)

طيب ماتقولنا ايه الكتب اللى أثرت فيك يا عمل سهل جدا

نورت الموضوع والله :rolleyes:

[حسام يوسف]

مين عملك دماغك ؟؟

قد ايه السؤال ده اجابته متداخله ومتشابكه ومش سهلة حقيقى ..

عديت كذا مره من هنا ولقتنى كل ما اقرا السؤال اسرح فى حاجات كتير ..

اكيد ناس كتير كان ليها دور

عوامل

مواقف

احداث

كتب

وبيئة

ودراسة

الأهل ليهم دور كبير جدا فى التوجيه والتأثير وفتح مدارك الطفل واكتشاف مواهبه ومميزاته والعمل على صقلها ..

ووسط ذلك الكتب ثم الكتب ..

بداية من كتب المدرسه ثم كل القصص التى ذكرت يا حسام التى تطورت مع الوقت لروايات وادب ثم كتب فى علوم مختلفه ومجالات متنوعه..

فى مشوار الحياة نقابل شخصيات مميزه تعكس بريقها علينا خصوصا عندما تجمعنا بها علاقه مباشره بشكل ما

وحوارت تفتح افاق العقل .. وذلك تكرر معى منذ المدرسه حتى الدراسه الجامعيه مرات قليله ولكن مع شخصيات

جميلة كان لها اثر جميل لا استطيع نسيانه .

من الرائع ان افكارنا تتطور بشكل مستمر حسب المراحل التى نمر بها .. تتأثر بعوامل كثيره محيطه وهذا شيء صحى يدفع العقل دوما لتوسيع

مداركه والإستفاده من خبرات الآخرين التى يظل يحتك بها ويواجهها حتى آخر حياته..

فى البدايات تبدو النظرة محدوده بشكل ما فى امور كثيره ثم مع ازدياد الخبرات الحياتيه وتراكم المعرفه وتوسع الثقافه وزيادة الإحتكاك

يبدأ اطار الصورة فى التوسع وتصبح النظرة اعمق واصدار الأحكام كذلك لأنه يرى فى الأمور عمقها وليس فقط قشرتها .

حاليا وفى هذا الجيل ووسط ما اره كان دوما يشغلنى سؤال ما ..

لماذا كم السطحية الفكرية اصبح مرئى جدا بهذا الشكل ؟؟

لماذا عدد العقول الفارغة حولنا اصبح ملحوظ جدا بهذا الشكل ؟؟

ولماذا رغم اتساع دائرة كل ما يمكن ان يوسع المدارك ويزيد الثقافه ويصنع عقول لها وزن تتصاعد فقاقيع الصابون فى ادمغه تثير الشفقه ؟؟

لماذا يبدو العصر الذهبى جدا للفكر والثقافه والعلم والشخصيات المؤثره جدا والشباب الذى تشعر بنضجه التام سمه غالبا للأجيال السابقه

ولا تبدو بذات البريق والسمه على اجيال الثمانيات وما فوق بذات الكثافه لمن سبقهم ؟؟

"مين عملك دماغك "؟؟

سؤال واسع جدا ياحسام ..

نسيت اقول اننا طبعا لينا الدور الأساسي فى صناعة هذه الدماغ وصقلها وفتح نوافذها لتستقبل وتفهم وتعيد الغربلة لكل ما يدخلها

فينعكس ذلك على شخصياتنا التى نقدم بها انفسنا للآخرين ..

من صندوق العقل وافكاره نحن نتحدث .. ومن حديثنا يعرفنا الآخرون ويملكون نافذه مفتوحه على مصراعيها لرؤية من نحن .

تحياتى لك .

لولا

نورتى الموضوع ومستنيين تفتكرى على مهلك

نورتى الموضوع :rolleyes:

[حسام يوسف]

طبعا بييجي بعد كدة مذيعين برامج الأطفال

ومش عارف ليه ماكنتش بحبهم

من عفاف الهلاوى لمعالى حسين لبابا ماجد

وبكتاب هنا

لمدرس هناك

من الناس اللى حببتنى فى اللغة العربية مدرسة طيبة جدا فى الابتدائى

لسة فاكرها

استاذة نعيمة

بجد كانت ماشاء الله فى اللغة العربية

وعلى اخر الابتدائية كنت قريت فى السيرة النبوية

وقريت ترضة كتير فى معركة المنصورة بين المصريين والصليبيين عشان العيال كانوا بيعايرونى انى م المنصورة وجذورنا فرنساوي والكلام الخايب ده

ولما قريت اكتشتف ان المنصورة لم تكن كمدينة موجودة قبل الحرب وقبل المعركة

كانت معسكرا للمصريين وفيها دارت الحرب

وهزموا الفرنسيين وأسروا لويس التاسع

يعنى الفرنساويين كانوا محتلين دمياط مش المنصورة

ونشأت مدينة المنصورة بعد جلاء الحملة وانتهاء الحرب وتحول معسكر الجيش المصري الى سكن للمدنيين

وهو ما يدحض المقولات السخيفة عن الجذور الفرنسية لأبناء المنصورة

يمكن بس حقد عشان الجمال بتاعهم

وقريت لجمال الدين ابن مطروح الذي أنشد فى الاحتفال بالنصر على الفرنسيين وأسر لويس التاسع

قل للفرنسيس إذا جئته ========= مقال صدق من قئول فصيح

آجرك الله على ما جرى ========== من قتل عباد يسوع المسيح

أتيت مصر تبتغى ملكها ========= تحسب أن الزمر يا طبل ريح

فساقك الحين إلى أدهم ======== ضاق به عن ناظريك الفسيح

و كل أصحابك أودعتهم ==========بحسن تدبيرك بطن الضريح

خمسون ألفا لا يرى منهم ======== إلا قتيل أو أسير أو جريح

وفقك الله لأمثالها ========= لعل عيسى منكم يستريح

إن كان باباكم بذا راضيا ======== فرب غش قد أتى من نصيح

و قل لهم إن أضمروا عودة ========لأخذ ثأر أو لقصد صحيح

دار ابن لقمان على حالها ========والقيد باق والطواشى صبيح

يعنى من ضمن حبى لقراية التاريخ انى كنت عايز أتأكد من الأكذوبة التاريخية على أبناء المنصورة

تم تعديل 16 يوليو 2009 بواسطة حسام يوسف

[sherifhfm]

موضوعك صعب اوى يا اخى

انا قعت اعصر دماغى وادور على حد كان ليه تأثير قوى اوى فى حياتى او فى تشكيل دماغى لم اجد شخص معين

و حسنى مبارك

أستاذ / شريف

إسمحللى أقولك :) إنت من الأحرار

ياعم إيه الدماغ العالية دى قوى فعلا ونعم الإختيار :rolleyes:

والله يا اخى انا لكنت بحب اتكلم فى السياسة ومعتقد ان البلاد فى ايدى امينه تمام ده قائد الضربة الجوية وسبب رئيسى من اسباب النصر يعنى ده شخص وطنى جدا مش معقول يبيع البلد

لكن وبسبب تجلياته العبقرية فى قيادة مصر التطور والنهضة العظيمة بدأت الهتم بالسياسة وبالاوضاع فى مصر وفى احوال المصريين واصبحت لاول مره اتابع برامج الاخبار والصحف

وكانت النتيجه قررت ان اترك مصر نهائيا حتى تتحرر من الاحتلال المباركى

فعلا مبارك كان مثال رهيب بالنسبة لى فى كيف يمكن ان يتغير الانسان من بطل الى كارثة

وطبعا نظرا لانى قررت ترك مصر فبالتالى مبارك هى اكثر من اثر فى حياتى

تم تعديل 17 يوليو 2009 بواسطة sherifhfm

[Falcon Crest]

و الله يا د:حسام حاجات كتير

1-مدرس التاريخ بتاعي في المرحله الابتدائيه كان راجل محترم و اتعلمت منه كتبر و كمان الشيخ الي كان بيحفظني قرأن ( رينا يكرمه)

2-روايات ملف المستقبل خلتني مدمن تنكولوجيا و للان بتابعها رغم ان عندي 32 سنه

3- لما كبرت شويه في الاعدادي رويات يوسف السباعي و احسان عبد القدوس و بعد شويه رويات شكسبير - والتير سكوت - الاخوان برونتي-شارلز ديكنز-الكسندر توماس

4- في الثانوي حكايات أعمامي- الله يرحمهم- عن حرب اكتوبر ( لان 2 منهم شاركو فعليا في العمليات) غيرت مني كتير

5- دكتور fluid mechanics أستاد دكتور سعيد عبد اللطيف اثر في جدا كمثال لاستاذ الجامعه المحترم و المتمكن من علمه

6- فتره الجيش كمدرسه هايله للتعامل مع افراد المجتمع بمختلف فئاته

7- شغلي و سفرياتي الكتير و تعاملي مع جنسات مختلفه

8- كتاب ابن كثير الرائع البدايه و النهايه

و اشياء اساسيه زي تفاني الاب و الام لينا و مواقف الحياه المختلفه

[doudy]

موضوع جميل يا دكتور حسام

انا بصراحة والدي ووالدتي اثروا كتير في شخصيتي او في دماغي زي حضرتك ما بتقول و كمان الراهبات في مدرستي يرجعلهم كتير من العادات والتصرفات وكل ما يتعلق بالنظام واداب السلوك والكلام وحاجات كتير حلوة ومفيدة

اما الكتب بقي كتير نبدا بميكي وماجدوالمغامرون الخمسة و رجل المستحيل وزهور و عبير و روايات نجيب محفوظ و احسان عبد القدوس

اما برامج الاطفال كنت بحب ماما سامية و ماما نجوي وماما عفاف وكمان بابا ماجد و مننساش ابلة فضيلة

بشكرك يا دكتور رجعتني لذكريات جميلة

[حسام يوسف]

وبعدها عرفت بيرم التونسي وصلاح جاهين وأحمد فؤاد نجم وفؤاد حداد والأبنودي

ثم بداية ظهور جريدة العربي الناصري فى مطلع التسعينيات

وعرفت عبدالحليم قنديل ومحمد عودة وعبدالله السناوي

ومن روزاليوسف أيام ماكانت روز اليوسف عادل حمودة ووائل الابراشي وابراهيم عيسي وبلال فضل

واستمريت على قراءتى لهم حتى الان

وطبعا بعدها عرفت الراحل دكتور المسيري والعبقري جمال حمدان

وقريت مختارات من أعمال آدم سميث وكارل ماركس وأنجلز

وبعدها قريت مختارات برضة لفرويد ويونج

وأتابع باهتمام منذ سنوات كل ما يكتبه أو يقوله الأستاذ ربنا يديله الصحة يارب

محمد حسنين هيكل

وكل فترة أقرأ بعضا مما كتب طه حسين

واعيد قراءة ما كتبه فى الفتنة الكبري

وعرفت من كام سنة رائد التفكير الابداعى أو الجانبى

ادوارد دي بونو

وأما عما أثر فيه من الأحداث فى حياتى ردا على ايه اللى عملك دماغك

فاولهم وفاة زميل وصديق عزيز لي فى فترة الثانوية العامة

كانت دي أول مرة أمر بتجربة الموت لشخص قريب وأعرفه يوميا

صحيح توفي ناس من الاسرة قبله

لكن لم يكن هناك علاقة قوية بحكم البعد

انما يوم الأربعاء 9أكتوبر1991لن أنساه

يوم توفى صديقي ايهاب عادل رحمه الله

كانت تجربة صعبة

ازاى واحد صاحبك وبتشوفه كل يوم ولحد الساعة 3العصر فى اليوم ده كنا بنلعب فى المدرسة

ويجيلك خبر وفاته الساعة6

رحت لقبره تانى يوم

ومش قادر أصدق ان ايهاب جوة

ايهاب مات؟

معقول؟

كانت صدمة صعبة فى وقت كان العود أخضر

لم يكن ايهاب صديقي الله يرحمه شخصيا عاديا

كان موهوبا في كل شيئ

نعم في كل شيئ

مش عشان مات بمجد فيه زي عادتنا كمصريين

فعلا الولد كان موهوب

الله يرحمه

كان من الأوائل دائنا وبأقل مجهود أو مذاكرة

كان رياضيا وموهوبا فى الوينسيرف والكرة الطائرة وكرة القدم

كان عازفا غير عادي بالمرة

يسمع أى أغنية من أول مرة

يقدر يعزفهالك وبشكل جميل

كان وسيما جميل الطلة تحلم به كل بنات جيلنا فى هذة الفترة من عمرنا

كانت أخلاقه عظيمة

كل ده مات؟

وفجأة؟

من يومها وانا عارف ان الدنيا مش مستاهلة

وان الانسان نفس داخل ونفس خارج كما نقول بالعامية البليغة

معلش لو كنت أثقلت بالحديث عن الموت

وفي عام ألفين

تعرفت بشيئ من أجمل ما أنجزته البشرية

الانترنت

يانهااااااااااااااااااااااااااااااااااار

أول مرة كنت قاعد فيها على جهاز فى سيبر انى انا فى مصر وأكلم واحدة شاتينج فى أمريكا

دي كانت بالنسبة ليه صدمة حضارية

وبعدها بدون أة مجاملة فى 2007تعرفت على مكان جميل اسمه محاورات المصريين

لا أزعم انى لا أجد فيه عيبا

فالكمال لله وحده

لكن محاورات المصريين غيرت عندي فكرة متأصلة اننا كمصريين مش بنحب بعض

وان مفيش مصري بيحب المصري

المحاورات فى هذة النقطة غيرت تفكيري تماما

مش بقول ان كل المصريين بيحبوا بعض

لا طبعا

لكن عرفت ان لسة فيه ناس كويسة

وناس بتساعد لوجه الله

وناس بتتعامل بشكل حضارى

عرفت لأول مرة من خلال المحاورات ان لسه فيه فايدة

وفيه امل

وعرفت أعضاء أفاضل كثير

بعضهم تطورت معرفتنا من عضوية فى المحاورات

الى ايميلات

فتليفونات

فمقابلات شخصية

ومش هذكر حد بالاسم لأنى خايف أنسي حد

خقيقي المحاورات نقلة فى حياتى عرفت منها كتير

وعرفت منها أفاضل كتير

الا أنى أحب أذكر اتنين بعتز بيهم جدا

دون كاميللو الشهير بسكوربيون

حقيقي جنتلمان بتاع الصورة القديمة للرجل المصري الشيك الشهم

والصديق العزيز محمد عبد العزيز اللى علمنى مجالات كتير فى النت تصلح كعمل ولو انى لسة مفرحتوش بنجاح ما هنا أو هناك

أرجو الا أكون قد أثقلت عليكم

وفيه ناس أتمنى أعرف ايه ومين اللى عمل دماغهم وأتمنى يشرفوا الموضوع

بس مش عايز أقول منعا لأى ضغط

الا أنى أتمنى أن أعرف كيف تكون تفكيرهم وبالتالى شخصياتهم

تم تعديل 17 يوليو 2009 بواسطة حسام يوسف

[toota]

اكتر من مرة امر على الموضوع واكتب رد وارجع اتراجع.....مين عملي دماغي....؟؟؟

بحكم تربيتي في وسط متداخل لمذاهب معينة.. ووسط حرب اهلية اودت بحياة الكثير من المعارف .....اتعملت دماغي...

الكلام في السياسة كانت امر شبه يومي....نتعامل معه كانه خبزنا وزادنا....عدم الاحساس بالامان....وايضا اهتمامنا بما لدينا ويومنا فقط...فقد لا يأتي غدا ابدا....

عشت طفولة بسيطة..كانت القصص هي زادي....قرأت معظم روائع القصص العالمية المترجمة....تفتحت مدارك الانثى لدي على قصص احسان عبدالقدوس...وتخيلت نفسي بطلة لقصصه القصيرة...كان يتحدث عن الانثى بصيغه مقربة من القلب والعقل....

وبعدها قرأت لنجيب محفوظ....ولكن لغته كانت اصعب على عقلي لانها كانت لغة مصريه محلية اكثر....لواقع لم اعشه ....ولكنه اثر في ورسخ في ذاكرتي الى ان يشاء المولى ان اتعايش معه بشكل مختلف بعدها بعشرات السنين.....

جدتي لامي رحمة الله عليها...ذات الاصل التركي....كانت كل التناقضات التي ممكن ان تجتمع بإمرأة....... حكيمة....قوية الشخصية...حنونة...سخية اليد غالبا.....متحفظة دائما....والاقوى والاهم في نظري...انها كانت شديدة التدين....وهي من زرعت في داخلي الحب مع الرهبة من الخالق عز وجل.....

دماغي اتعملت لكم من المنتاقضات التي يصعب علي احيانا فهمها.......

[elfakhrany]

اللى عملى دماغى ... تحليل شخصيات الأخرين ومواقفهم و سلبياتهم وايجابياتهم ... :)

[عنبو]

اولاً السلام عليكم ورحمة الله وبركاته

انا اللى عملى دماغى حاجات كتير اقوى

1- مرحلة الطفوله ابويا وامى

2- المواقف اللى حصلت ليا فى الدنيا دى الواحد بيتعلم منها كتير اقوى

3 - القرأه بتخلى الواحد يكون عنده حكمه وتريس فى الحكم على الامور

4-الاصحاب

5- المشايخ اللى واحد بيسمع ليهم

6- المجتمع اللى الواحد اتربى فيه من عادات وتقاليد