مين وايه اللى عملك دماغك؟

[Alrefaey]

دوما متألق بمواضيعك يادكتور حسام

اللى عملى دماغى ياسيدى هو القدر

قدر الله ان يموت الوالد وانا فى الثالثة من العمر واقبلت على الحياة وانا معتمدا على نفسى فى كل شىء متحملا فى ذالك السن الصغير مسئولية نفسى من اجتهاد فى التعليم وجميع نواحى الحياة

وبذالك استطيع ان اقول لك ان الذى علمنى هى الظروف ,المواقف ,الاستفادة من خبرات الاخرين ,المسئولية والاعتماد على النفس

[حسام يوسف]

دوما متألق بمواضيعك يادكتور حسام

اللى عملى دماغى ياسيدى هو القدر

قدر الله ان يموت الوالد وانا فى الثالثة من العمر واقبلت على الحياة وانا معتمدا على نفسى فى كل شىء متحملا فى ذالك السن الصغير مسئولية نفسى من اجتهاد فى التعليم وجميع نواحى الحياة

وبذالك استطيع ان اقول لك ان الذى علمنى هى الظروف ,المواقف ,الاستفادة من خبرات الاخرين ,المسئولية والاعتماد على النفس

الله يكرمك يا عم الرفاعي

ده انا اللى دايما بحب اشوف مشاركاتك

نورت الموضوع

[لماضة مصرية جدا]

السلام عليكم و رحمة الله و بركاته

كنا بنتكلم النهاردة عن جملة "الراجل ده عامل دماغ"

و طبعا اتطرق الحوار لو حد قالها علي بنت...يبقي معناها حلو يعني و لا ايه

المهم

تكعبلت في التوبيك دوت و حسيت انه مساحة اقتراب لينا كلنا

ايه اللي عملك دماغك؟؟؟

يعني ايه اللي خلاك تفكر...و تتبني طوبة طوبة..لغاية ما تبقي البني آدم الجميل ده...و لا نزكي علي الله احدا

سيبوا نفسكم علي سجيتكم....و اكتبوا بلا تفكير...الكلام اللي جوه سيبوه يطلع بعفوية

مع انه سؤال مش سهل

مسااااكم برضه اقتراب....للدماغ

[Dreamwithme]

طبعا أول حد أثر في شخصيتي أبي وأمي وجدتي (والدة أمي )

لأن الوالدة كانت بتشتغل فكنت بأقضي وقت كبير مع جدتي الله يرحمها

وأكثر حاجة شكلت شخصيتي ...القراءة ثم القراءة ثم القراءة

من أول ميكي ومجلة ماجد اللي فعلا مجلة رائعة لأنها بتدي جرعات ثقافية مناسبة للطفل

مرورا بالمغامرين الخمسة وتختخ..... ملف المستقبل ورجل المستحيل

د/أحمد خالد توفيق ...كل كتاباته أثرت في جدا ..ماوراء الطبيعة ...سفاري...فانتازيا...

كتب د/يوسف القرضاوي ...كتب الشيخ الغزالي....كتب د/مصطفي محمود

مؤخرا كتب د/ابراهيم الفقي....أنتوني روبنز.....د/الراشد

والانسان اللي باعتبره أبويا الروحي بالرغم من أني لم ألتقيه واحتمال كبير ألا ألتقيه

لأنه مش مصري ...د/محمد راتب النابلسي ...غير أفكار كتير في دماغي وفهمني حاجات كتير

د/البوطي...الحبيب علي الجفري .....علموني روحانيات عالية جدا وكيفية حضور القلب

أنا أهم هواياتي القراءة وتأمل الناس ...موضوع التأمل ده خلا في ناس ممكن أكون قابلتهم مرة واحدة لكن اتعلمت منهم دروس كتير

من الأحداث اللي أثرت جدا في شخصيتي وفاة والدي لأنه توفي بسبب السرطان

بعدماقضي سنتين في معاناة وفي المستشفي.....صدقوني الفترة دي علمتني المعني الحقيقي للصبر

واتعلمت عمليا معني إن الله رحيم بنا .....وفهمت ليه في الغرب فكرة القتل الرحيم موجودة عندهم

لأنهم ببساطة مش فاهمين إن ربنا حكيم وبيحبنا جدا ورحيم بنا جدا جدا

برضه من الأحداث اللي أثرت في شخصيتي مروري بظروف مرضية لم أكن أتخيلها....علمتني معاني كتير جدا

أرجو إني مكونش طولت عليكم

[مغتربة]

يعني ايه اللي خلاك تفكر...و تتبني طوبة طوبة..لغاية ما تبقي البني آدم الجميل ده...و لا نزكي علي الله احدا

تصدقى يا لماضه ان جوزى برضه دايما بيسالنى السؤال دا

بيقولى انا محتاج اعرف هو مين بس علشان (اخنقه) قصدى اشكره ههههه