لحم خروف .. روز مارى .. باربيكيو صوص .. مكرونة صوص طماطم جبنة بارميزان

[بندق أفندى]

يوم صعب لما تقعد تفكر تاكل ايه وتحتار ..

طلعت كده .. لحم خروف قطع بالعظم .. متبلة بملح وفلفل وليمون وخل عنب .. من الليلة السابقة ..

توضع فى قدر تتشوح .. ويضاف عليها روز مارى .. ما تسألوش بييجى منين عشان انا جيابه من مصر آخر مرة وشايله فى الفريزر .. المهم معاها حبات بطاطس مغسولة جيدا وبقشرها حتى لا تتهرى .. هنضيف لها حوالى فنجان ماء وعلى ما يتبخر هتكون استوت .. ساعتها هنضيف معلقتين خل بلسمك .. ومعاها معلقتين صوص باربيكيو .. هتطلع مشوية تحفاوية

المكرونة حظى طلع فيها غريب .. قال اشتريتها بر .. حد يشترى مكرونة بر؟ طعمها غريب .. المهم تتسلق 7 دقايق .. ويتعمل لها صوص طماطم ..علب طماطم كاملة تنضرب فى الخلاط او طماطم طازة .. تتبل بملح وفلفل ويضاف عليها جبنة بارميزان بودرة .. ينفع رومى طبعا.. طلعت بالشكل ده .. وهنا وعافية