الشرطه فى خدمة الشعب !!

[فــيــروز]

فى احد المواقع دار نقاش هادئ حول دور الشرطه فى خدمة الشعب !!

وعرفت ان شعار الشرطه فى خدمة الشعب ده مكتوب فى الدستور "صحيح الكلام ده؟" :o وكيف انه تغير الى شعار جديد "الشرطه و الشعب فى خدمة الوطن" و كيف ان احدهم طالب بالعوده للشعار القديم ومحدش يعرف له طريق دلوقت !! :D

وبصرف النظر عن صحة او عدم صحة هذه الاقوال الا ان النقاش انتهى الى نقطه هامه وهى : ما هى الخدمات التى ينببغى ان تقدمها الشرطه للشعب؟

سبب سؤالى هنا ان المتحدث ساق مثلا كالآتى :

اذا تعطلت سيارة مواطن فانه وقابله ضابط شرطه "امين شرطه" فانه لن يقله الى المكان الذى يتجه اليه وبدلا من هذا سيعطيه مخالفه لتعطيل المرور !! mf-:

وانا كان رايى ان الضابط لو مستقل سيارته الخاصه يبقى ليس واجب عليه يخدم الشعب من جيبه !! :huh: ولو مستقل سيارة البوكس مثلا او الدوريه الراكبه فهذه السيارات لم نشتريها كى توصل المتعطلين الى الاماكن التى كانوا متجهين اليها mfb: وانهم عملوا ونش المرور عشان فى الحالات المشابهه يسحب السيارات المتعطله عن نهر الطريق و ............ بس !! :D

بس يبدو ان كلامى لم يعجب وان الشعب ينتظر من الشرطه خدمات اكبر !! mf( وانا اظن ان دور الشرطه يقتصر فقط على توفير الامن للمواطنين !! وحبيت اسالكم يا ترى انتم كمواطنين تنتظروا خدمات ايه من الشرطه يمكن فيه شئ تايه عنى !! mc:

[maksoof]

"الشرطة فى خدمة الشعب" كان شعار عمله كبير السفاحين فى عهد عبد الناصر و وزير داخليته شعراوى جمعة و كان المقصود بيه إن لو حد من "أعداء الشعب" تجرأ إنه ينقد الصنم المعبود عبد الناصر فالشرطة حتخدم الشعب بإنهم يخلصوا منه.

و كان إتقال إن بعد ما السادات - الله يرحمه- قبض على عصابة عبد الناصر شعراوى جمعة إتسجن و لما طلع من السجن فتح حلوانى و كتب عليه "التورتة فى خدمة الشعب"

[wa7d]

الشرطة فى خدمة الشعب" كان شعار عمله كبير السفاحين فى عهد عبد الناصر و وزير داخليته شعراوى جمعة و كان المقصود بيه إن لو حد من "أعداء الشعب" تجرأ إنه ينقد الصنم المعبود عبد الناصر فالشرطة حتخدم الشعب بإنهم يخلصوا منه.

صح يا أخ maksoof هذا الشعار المقصود منه أن تفهم الشرطة أنها لا تخدم القانون ، ولا تخدم أعداء الشعب . وقد طالب المثقفين فى ذلك الوقت أن يكون الشعار هو " الشرطة فى خدمة القانون " . وطبعا خدم فوق دماغهم .

تم تعديل 11 نوفمبر 2003 بواسطة wa7d

[optimistic]

الشرطة في خدمة السادة

و الباقي يشربوها سادة

[متفائل]

هو لازم الشرطة تبقي في خدمة حد

متبقي حرة نفسها وتشتغل لحسبها أحسن ماهي مدبهدلة كده بين الشعب والقانون :D

على فكرة أول ماكتشفت شعار الشرطة بتاع الشرطة والشعب في خدمة القانون جالي حالة من الغيظ والقهر (حالة طبيعية خالص) كلنا متعودين عليها

العبقري مخترع الشعار خلا القانون الي معمول لتيسير مصالح الناس والفصل بينهم يعني لخدمتهم مخدوم من قبل الشعب وده دليل على ان عندنا ناس ليها مواهب خارقة تستطيع ان تقلب الأشياء 180 درجة دون اي مشكلة

[إبن مصر]

بالامس كنت عائد من العمل والسياره خلصت بنزين( موظف معلش !!) ووقفت بيا العربيه فى طريق اكتوبر عند ميدان اسمه جهينه ....فى الصحرا..

وبصيت لقيت بوكس ونزل منه رائد .. طبعا انا سليم والله .. لكن لاقيته من غير مقدمات بيزقوا العربيه معايا ويسالوا لو معايا حبل يقطرونى للمدينه ولما عرفوا ان الموضوع موضوع بنزين اصروا على انهم يوصلونى للبنزينه واصريت انا على الرفض علشان ما اعطلهمش وكانوا فى غايه الادب وكانت الساعه 4.30 قبل المغرب ....

الحياه مش سوده على طول ..

وبرضه مش بمبى علطول,,,,

ابن مصر

[DARWEEN]

في أي بلد متحضر في العالم لايقتصر دور الشرطه على حفظ الأمن بل تقوم الشرطه بكل مايمكنها القيام به لخدمة المواطن ( دافع الضرائب ) ومن غير أي شعار لا الشرطة في خدمة الشعب ولا الشعب في خدمة حد وماحدث مع أخي أبن مصر هو نموذج بسيط لما يمكن أن تقوم به الشرطه مع المواطنين ....

أحنا عنجنا في مصر الشرطه لها أهداف تانيه خالص

أمداد الشعب بكافة أنواع الكهرباء لأنارة عقله :P :D

تأديب من ترى الشرطه أنه لسه ماأترباش fsh:: me0: :D

تعليم الشعب أن السكوت فضيله :D arg::

[فــيــروز]

الاخ مكسوف :)

انا موافقه جدا على شعار "التورته فى خدمة الشعب" لو كانت بالكريمه :)

الاخ واحد

ليه بس سوء الزن ;)

الاخ optimistic

طيب ماينفعش بدل الساده كوباية شاى نبلع بيها التورته بتاعة مكسوف؟ :)

متفائل :)

دى الآراء الجريئه اللى مجتمعنا محتاجها للنهوض من عثرته الاقتصاديه .. الشرطه تشتغل لحسابها والله فكره ليه لا :)

الاخوين داروين و ان مصر

الحقيقه ان الشرطه تساعد المواطنين حتى فى خارج حدود اختصاصاتها شئ جميل جدا .. لكن فى الحقيقه انا كنت عاوزه اعرف الحقوق الاول قبل اى اعمال زياده قد تقوم بها الشرطه .. لماذا؟ عشان اما نعرف حقوقنا نقدر نطالب بيها انما حتى الآن فى هذا الموضوع لا استطيع ان اتبين اى خطوط فاصله بين واجبات الشرطه نحونا كمواطنين وبين ما هو ليس واجبا عليها ..

[DARWEEN]

الحقيقه ان الشرطه تساعد المواطنين حتى فى خارج حدود اختصاصاتها شئ جميل جدا .. لكن فى الحقيقه انا كنت عاوزه اعرف الحقوق الاول قبل اى اعمال زياده قد تقوم بها الشرطه .. لماذا؟ عشان اما نعرف حقوقنا نقدر نطالب بيها انما حتى الآن فى هذا الموضوع لا استطيع ان اتبين اى خطوط فاصله بين واجبات الشرطه نحونا كمواطنين وبين ما هو ليس واجبا عليها ..

شوفي يا فيروز .... لو حنتكلم عن حقوقنا اللي هي حقوقنا بجد كمواطنين في دوله مفروض أنها محترمه يبقى أي مشكله تقعي فيها ممكن الشرطه تساعدك فيها

من أول القطه اللي أتزنقت تحت السرير ومش عارفه تطلع للجيران اللي معليين صوت الكاسيت لحد حمايتك الشخصيه كشخص واحد في المجتمع

بالنسبه بقى لحقوقنا القائمه حاليا فهي ولاحاجه خالصصصصصصصصص

يعني لو دخلتي القسم تبلغي أنك أتسرقتي ممكن تتبهدلي جوه

لو أبنك اللي عند سنتين تاه يقولولك بلغي بعد 3 أيام علشان نتأكد أنه تايه ومراحش لواحد صاحبه

وبمناسبة العنوان ... أعتقد أن أسمها دلوقتي

الشرطه والشعب في خدمة سيادة القانون

[فــيــروز]

شوفي يا فيروز .... لو حنتكلم عن حقوقنا اللي هي حقوقنا بجد كمواطنين في دوله مفروض أنها محترمه يبقى أي مشكله تقعي فيها ممكن الشرطه تساعدك فيها

من أول القطه اللي أتزنقت تحت السرير ومش عارفه تطلع للجيران اللي معليين صوت الكاسيت لحد حمايتك الشخصيه كشخص واحد في المجتمع

:) :) :) ياه !! كل ده من حقنا !! دى احلامى كانت متواضعه خالص :)

[DARWEEN]

ياه !! كل ده من حقنا !! دى احلامى كانت متواضعه خالص 

ما أنا قلتلك ..... كل ده من حقك لو أحنا في دوله محترمه