اتحاد الطلبة

[impossible]

اتحاد الطلبة

هو اية اتحاد الطلبة دة

بيعمل اية

بسمع علية كتير

فى المسلسلات العربى

النهاردة وانا مروحة دوشة جامدة ولما قربت لقيت خناقات

اسلحة بيضاء عصيان وشوم دة اللى شفتة من بعيد ax: :D me0: s-:

صراحة قلبى :D :D مطاوعنيش ااقرب

بس سالت هو فية اية

قالولى دة عشان الانتخابات

بتاعة اتحاد الطلبة

حد كان فى اتحاد الطلبة دة قبل كدة

لازمتة اية؟؟؟؟؟؟؟؟

[Proud Muslim]

اتحاد الطلبة ..

وظيفته .. وظيفته .. بصراحة لا أعرف !!

أو بمعنى أدق .. الوظيفة الحالية هي التي لا أعرف ..

بينما من المفترض به ان يكون صوت الطلبة و هو المجلس الذي يحمل حمومهم الى العميد أو رئيس الجامعة و العمل على تحسين أوضاعهم و تنظيم رحلات ...الخ

و هذا لا يحدث الآن تماما .

بل انه اتحاد المصالح و الوسايط !!

ما أعلمه أن هناك صراعات ضخمة على اتحاد الطلبة ..

كان في السابق يساريين ضد اسلاميين

الآن ..

حبايب الحكومة ضد الاسلاميين ..

و دائما يشطبون الاسلاميين من الانتخابات .. و هذا أكبر دليل على عدم نزاهتها هي الآخرى !!

بصراحة ..

منذ 5 سنوات في الكلية

قلت انتخب و أمارس حقي الانتخابي مرة واحدة في حياتي

رحت و اعطيت صوتي لناس اصحابي ..

طبعا لا كنت اعرف اسلاميين و لا شيوعيين و لا الكلام ده خالص ..

مجرد اصدقاء و عايز أخدمهم مش اكثر !!

طبعا .. الأصدقاء سقطوا في الانتخابات .. لأنا بصراحة كانت أسرة في قمة الفشل و التفاهة ..

يكفي اسمها

كان اسمها safety family !!

مش عارف safety من ايه !! :)

أيام ! :)

[فــيــروز]

انا اول ما دخلت الكليه كان التيار الاسلامى فيها قوى جدا

وكان بيفوز بالاتحاد لسنوات طويييييييييله .. وحتى فى السنين الاولى فى الكليه كان بيفوز

الحق يقال الاتحاد كان له انشطه مميزه

يعنى مثلا ملازم الامتحانات للسنين اللى فاتت او مثلا عمل دروس مجانيه لطلبة اعدادى فى المواد الصعبه "اصلى كنت فاشله جدا فى الرسم الهندسى" :)

المهم ان بعد عدة سنوات الاسره اللى كانت تمثل التيار الاسلامى لم تعد تكسب الانتخابات !! انا شخصيا فقدت حماسى للموضوع .. بكل صراحه لانى حسيت انى مش مرتاحه .. مش مرتاحه ليه؟ لان كان فيه نوع من التحكم من بعض الافراد او ملاحظات يبدوها على سلوك الغير بطريقه لم تكن تريحنى ..

يعنى مثلا "انا هاقر و اعترف بالحقيقه كاملة" يبققى فيه مسيره وفى وقتها محاضره مهمه

انا اقول لزميلاتى الحقيقه المحاضره دى ماقدرش افوتها .. ومش هاحضر المسيره

الاول يبقبى فيه انتقاد من البعض !! وانا اصمم على موقفى الاقى ناس كتير من اللى كانوا بينتقدوا الموقف ده سكوا على المسيره وجم حضروا المحاضره !! :)

كمان كان بيبقى فيه حفل افطار فى رمضان مثلا !! حضرته مره بس كان يوم مرهق جدا بعد الكليه و فى الاعوام التاليه لم احضره .. بصراحه انا مش باحب افطر غير مع اسرتى مثلا او اقاربى القريبين او اصحابى القريبين ..

المهم اعتذرت عن عدم حضور الافطار و لقيت ان هذا الموقف غير مستحسن !! كل واحد حر .. صح ولا لا؟

ما علينا .. بكل صراحه فى سنه من السنين ناس كتير لم يكونوا متحمسين لانتخاب اى حد .. الاسر الاسلاميه البعض فقد حماسهم ليها ومفيش اسر تانيين يستحقوا الانتخاب .. فقررت انى لن انتخب و حتى لما جم لغاية عندنا فى المدرج عشان ننتخب افسدت صوتى ..

انا عارفه ان مواقفى ده ممكن تكون مش صح ميه فى الميه .. لكن هو ده اللى حصل .. حتى لو الاسر تستحق الانتخاب فهى تحتاج للتجديد .. لانه اما اسره من التيار الاسلامى تكسب الانتخابات لمدة 11 سنه متتاليه -هما كانوا بيقولوا كده- تبقى محتاجه تعمل تجديد عشان الناس تفضل منجذبه ليها .. دى خلاصة التجربه فى رايى

[Lancelot]

إتحاد الطلبة ده الواحد ما يحسش بيه إلا ساعة الإنتخابات و بس ...

أنا ليا تجربتين مع الإنتخابات ديه ...

في أول سنة ليا في الكلية رحت إنتخبت و و كنت متحمس أوي ... و عملت زي براود كده .. أصحابي كلهم هم اللي إنتخبتهم ... و الله ما أعرف إذا كانوا نجحوا و لا سقطوا لأني لم أسمع عن إتحاد الطلبة بعد كده ....

التجربة التانية ..

مرة كنت ماشي في الكلية لا ليا و لا عليا ... لاقيت واحد من التيار الإسلامي في الكلية جاي عليا جري .. و ده كان قبل الإنتخابات ... أنا الواد كنت أعرفه طشاش .. لأني كنت بأرد عليه لما يجي يتكلم قبل المحاضرة ... إنتوا عارفيين إن بتوع التيار الإسلامي يجيوا قبل المحاضرات و تلاقي واحد يبدأ يقرأ قرآن شوية و بعدين التاني اللي واقع معاه يبدأ يتكلم عن موضوع من ثلاثة موضوعات ... الدين (و ديه أفضل الأحاديث علي الإطلاق .. الواحد فعلا بيستفيد) .. يإما عن فلسطين و العراق و اللي بيحصل فيهم .... يإما عن الكلية و إدراتها بتعمل إيه في طلاب التيار الإسلامي ... فأنا كنت ساعات أرد علي الواد ده لما يتكلم في السياسة لأن العك بيبقي علي ودنه ... المهم نرجع لموضوعنا ... الواد سألني كده مباشرة "إنت دفعت المصاريف" ... قلت له "نعم؟؟؟؟؟؟" و كان ردي في منتهي الإستغراب لأني إفتكرت إنه بيلم المصاريف مثلا و لا حاجة :) :) ... قالي لي "دفعت المصاريف؟؟؟" قلت له "لأ .. ليه" .. قالي لي "طيب خلاص .. أنا متشكر أوي .. سلامو عليكوا" ... و سابني و مشي ...

عرفت بعد كده .. إن الطلبة بتوع التيار الإسلامي اللي مرشحين نفسهم إترفض ترشيحهم ... و إنهم بيدورا علي أي حد يشرح نفسه بدلهم .. بس يكون "نضيف" علشان ما يترفضش ...

علي أي حال .... سواء كانوا في إتحاد الطلبة أم لا ... التيار الإسلامي هو الأكثر نشاطا في كليتنا و أعتقد كمان في كل الكليات ... كل سنة ملازم إمتحانات .. و خدمات إيه و منشورات إيه بتتوزع و تتعلق علي الحيطان بتاعة الكلية كلها .... مجتهدين و فلوسهم أد كده ....

[Mohammad Abouzied]

بما اني كنت احد اعضاء اتحاد الطلبة في جامعة حلوان ها ديلكم فكرة عنه

عند دخول أي طالب الكلية في الدراسة الجامعية بدفع المصاريف وجزء منها للنشاط الطلابي

يتم إيداعه في حساب خاص باسم اتحاد الطلاب لكل كليه ويأخذ من ميزانية اتحاد الكلية جزء من رصيده تقريبا 25% تقريبا لاتحاد الطلبة على مستوى الجامعة وهذه المبالغ تصرف على أنشطة الاتحاد المختلفة تحت أشراف رعاية الشباب في الجامعة أو الكلية

وللأشراف والمراقبة على صرف هذه المبالغ في الأنشطة المختلفة لاتحاد الطلبة يتم انتخاب لجان من كلية لنوع النشاط ويضم النشاط الطلابي عادتا لجنة النشاط الرياضي ولجنة الرياض النشاط الفني ولجنة النشاط الثقافي ولجنة النشاط الاجتماعي ولجنة نشاط الرحلات ولجنة النشاط الجوالة وتقريبا تنقسم الميزانية تقريبا حسب توجهات اتحاد الطلبة بنسب مختلفة بين الأنشطة المختلفة فعند سيطرة الجماعات الدينية ركزت الأنشطة فقط على اللجنة الثقافية والاجتماعية لمساعدة المحتاجين من الطلبة وعندما سيطرت القوى اليسارية على اتحاد الطلبة ركزت على الرحلات والحفلات والمسرحيات وعادتا لا تتدخل رعاية الشباب في توجيه النشاط بل تفضل الابتعاد عن أنشطة الطلبة نظرا للمشاكل التي قد تحدث بين الموظفين والطلاب في مجالات الصرف

ودا طبعا ما يؤدي ألي سوء سمعة اتحاد الطلبة في سرقة أموال الاتحاد

وطبعا جميع التيارات الفكرية تحاول السيطرة على اتحاد الطلبة لاستغلال أمواله في جمع أنصار لها من الطلبة

أما كيف يتم الانتخاب للطلاب فهذا يتغير طبقا للائحة والتي يوافق عليه من المجلس الأعلى لرعاية الشباب وإنشاء الله سوف أعطى فكرة عن العملية الانتخابية

[impossible]

القوى اليسارية

السابق يساريين

؟؟؟دول اللى بياكلو باديهم الشمال

هو فى اتحاد طلبة لكل كلية

ولا اتحاد واحد للجامعة كلهااا

اصل السنة اللى فاتت كنت فى كلية كدة مع نفسهاا من غير جامعة

مسمعتش فيها عن اتحاد طلبة

حولت السنة دى جامعة اول مرة اسمع عن انتخابات واتحااد طلبة

كانو لازقين ورق على الحيطة

صوتك امانة

وبلاش سلبية

وانا معاكو خدتنى الحماسة

وعايزة انتخب

بس انتخب اية ؟ وانتخب مين وانا معرفهمش اصلا؟طب هما بيعملو اية؟

ولما يتخانقو والاسلحة البيضاء تدخل

مش دة سلوك همجى

طب هنتخبهم على اية بالذمة

ملازم الامتحانات للسنين اللى فاتت

دى تخصص الجماعات الاسلامية فى كل الجامعات

عمل دروس مجانيه لطلبة اعدادى فى المواد الصعبه

لو على الشرح مش بيتاخروو

احنا كنا زى البراشوتات

ندور عليهم عشان يشرحولنا بس مكانوش اتحاد كانت حاجة كدة شبة اسرة

حتى لو مشغولين كانو يحددو مواعيد الصبح بدرى الساعة 7

الأنشطة المختلفة لاتحاد الطلبة يتم انتخاب لجان من كلية لنوع النشاط ويضم النشاط الطلابي عادتا لجنة النشاط** الرياضي ولجنة الرياض النشاط الفني ولجنة النشاط الثقافي ولجنة النشاط الاجتماعي ولجنة نشاط الرحلات ولجنة النشاط الجوالة

كدة بقى احنا المقهورون فى الارض

فى كل نشاط من الانشطة

تحس انة عصابة

يقولك اشترك فى الانشطة

تيجى تقرب تلاقى مجموعة معينة مسيطرة علية

يعنى فى الدراسة متقدرش تمارس انشطة اوى

غير لو فى المدرسة او الكلية

فى المدرسة كنت انا وزمايلى زعماء العصابة بالاتفاق مع المشرفين

بس كان هدفنا خيرر

اننا نشوف اللة ينفع يكمل من اللى مينفعش

زعماء عصابة الكلية بقى واخدين المسألة مصالح وخطط ومؤامرات

حاجه تطفش

بلا انشطة بلا بتاع احنا وش ذلك

انا اقول لزميلاتى الحقيقه المحاضره دى ماقدرش افوتها

* ..

قفشتك متلبسة

مش هقبل اى اعذار

اسغفر اللة

اعوز باللة من غضب اللة

وكمان بتحضرى محاضرات

اسكتى اسكتى متتكلميش هنا تانى

يتم إيداعه في حساب خاص باسم اتحاد الطلاب لكل كليه ويأخذ من ميزانية اتحاد الكلية جزء من رصيده تقريبا 25%* تقريبا لاتحاد الطلبة

السنة اللى فاتت من غير اتحاد

كانت المصاريف 11جنية و65قرش

السنة دى بالاتحاد83جنية وشلن

خدنا اية من الاتحاد يعنى

[فــيــروز]

قفشتك متلبسة

مش هقبل اى اعذار

اسغفر اللة

اعوز باللة من غضب اللة

وكمان بتحضرى محاضرات

اسكتى اسكتى متتكلميش هنا تانى

الحقيقه حضور المحاضرات ده اساسى .. زى ما احمد حلمى بيقول عن طبق الفول فى رمضان :) لان الكليه صعبه ومفيش دروس ولازم الواحد يفهم فى المحاضره او بالكتير فى السكشن flx:

وانا كنت باحس بتانيب ضمير فظيع لو زوغت من محاضره حتى لو مش هافهم منها حاجه ولازم اقول لامى انى ماحضرتش رغم ان ده كان شئ نادر شويه :angry: اصل الحقيقه "عفوا للخروج عن الموضوع" امى طالع عينها فى تعليمنا والهدف الاساسى من مرواح الجامعه بالنسبه لى كان انى اتعلم كويس عشان الاقى شغل .. وحرام بقى اعمل زعيمه و اسيب المحاضره و آخر السنه ماجيبش تقدير كويس .. ده كان رايى على بلاطه ومن غير ذواق .. بس يا ستى .. بس فيه حاجه تانى عاوزه اقولها فى المحضر :) انا بعد كده حسيت ان الحياه مش لازم تتاخد بالجديه دى mf-:

[Mohammad Abouzied]

نتكلم شوية عن اتحاد الطلبة

تقوم رعاية باصدار قرار حل اتحاد الطلبة في بداية العام الدراسي وبناء على توصيات من مستشار رئاسة الجمهورية والمقيم بصفة دائمة في جميع مقرات الاتحادات الخاصة بالجامعة ويجوز مد فترة الاتحاد سنتين مع تصعيد الامناء المساعدين في حالة تخرج الامناء او اعادة انتخاب امين الجنة من اعضاء الاتحاد

ولكن في حالة الانتخاب العام يجب الانتخاب الاعضاء من مستوى القاعدة اي من القاعدة الطلابية ويصح للطلاب المصريين فقط حق الترشيخ والانتخاب وعن كل لجنة وفي كل صف اثنين يعنى على مستوى الصف 12 عضو مفرقين على كل لجنة اثنين وبعض الكليات خمس سنوات فتضرب في خمس صفوف يبقى اعضاء الاتحاد ستين واحيانا 6 سنوات مثل الطب يبقى 72 عضو ومن داخل الاعضاء يتم ترشيح رئيس الاتحاد اما نائبه فيصعد من مجلس الاتحاد المكون من الامين والامين المساعد لكل لجنة بعد اجراء الترشيح داخل كل لجنة من الصفوف الاربعة

وبالتالي يتكون مجلس الاتحاد من الامناء والامناء المساعدين لكل لجنة وهم ايضا اعضاء الاتحاد على مستوى الجامعة ويتم تجميعهم في معسكر لكل جامعة حوالي ثلاثة ايام يتم فيه التربيط على اتحاد الجامعة المكون من اللجان العليا لكل لجنة

مثلا اللجنة الرياضية يجتمع فيها كل امناء اللجان الرياضية في جميع كليات الجامعة ويتم ترشيح واحد منهم امين اللجنة وغالبا امين مساعد في حالة وجود كلية متطرفة عن الجامعة يكون الامين المساعد منها

وبعدها يقومون بأتخاب امين الجامعة لاتحاد الطلبة او يطلقون عليه رئيس اتحاد الطلبة من جميع اعضاء الاتحاد الممثلين لكلياتهم

وغالبا اعضاء الاتحاد معفيين من نسب الغياب والحضور في الكلية ولهم مكانة قوية لان اي شكوى من الطلاب لمدرس او معيد يجب ان تكون عن طريق اتحاد الطلبة وخلاف ذلك لا يعتد به غالبا ولا يعمل له حساب

واتذكر اني كنت السبب في نقل رئيسة رعاية الشباب لتعويقها شراء مهمات رياضية في جامعة حلوان وانتهى امرها لمجرد محاولة تحدي اتحاد الطلبة وقتها وتشوية سمعته بانه بيفرقو الترنجات على المعيدين لكي يساعدوهم في السكاشن

والمرة القادمة سوف اشرح لكم نظام الاسر وبعدها المشاهير من اتحاد الطلاب

[impossible]

شكراا جداا للتوضيح

انا صراحة مكنش عندى اى فكرة عن الاتحااد

دلوقتى الصورة وضحت شوية وفى انتظار باقى الاجزااااء

[Mohammad Abouzied]

الاسر

الاسر هي شكل تعويضي لاتحاد الطلبة او هي نوع من النشاط لتجهيز بعض الطلاب للأنتخبات

والاسر نظام عتمد على تمويله اشتركات الاعضاء في الاسرة واشراف رعاية الشباب عليه ضعيف جدا نظرا لعدم تمويله من الاموال العامة وهي مصاريف الطلبة

وغالبا يصدر تصريح من عميد الكلية بها ويكون احد مدرسي الكلية هو راعي لها وتتسم هذه الاسر بنوعية نشاطها

منها من يركز على نشاط الرحلات ومنها من يركز في الدعوة ومنها من يركز في نشر العلمانية ومنها من يركز في المجال الفني

وسبق ان ماجد موافي من كبار منتجى السينما حاليا (ماجد فيلم) سقط على مستوى القاعدة في تجارة خارجية هو وامل مدبولي بنت عبد المنعم مدبولي ونجح في الاتحاد ماجد عبد الرحمن الممثل المعروف في التلفزيون حاليا

فقام واسس اسرة الاصدقاء والتي كان يحي حفلاتها فرقة الاصدقاء وقتها وكان عبد المنعم مدبولي دائما ضيف الشرف فيها واحيانا فاتن الحمامة نظرا لان والده كان منتج سينمائي ايضا واشتهرت اسرة الاصدقاء بالناحية الفنية وتجمع حولها فنانين من باقي المعاهد العليا الى هم حاليا جامعة حلوان مثل الحجار ومحمد ثروت وتوفيق فريد وكانو وقتها مغنيين مغمورين امام ام كلثوم وعبد الحليم حافظ ومحد عبد الوهاب

ومجلس ادارة الاسرة يشبه الاتحاد تقريبا الا ان رئيس الاسرة بيكون اسمه الاخ الاكبر وبعدها باقي ممثلين عن النشاط الرياضي والثقافي والاجتماعي والفني واحيانا يختارون الاخت الكبرى خاصة لما يكون اعضاء الاسرة من البنات اكثر من الرجال او يوازيهم تقريبا

ومن حق الاسرة اقامة اي نشاط بعد موافقة عميد الكلية علية

وعندما سيطر على اتحاد الطلبة الجماعات الدينية وتوجه نشاطه فقط الى النشاط الرياضي والاجتماعي اخذ مستشارين الاتحاد في التوسع في الاسر ذات الطابع العلماني خاصة بعد رفض اتحاد الطلبة بالجمهورية رفضه لاتفاقية السلام وكان وقتها رئيس الاتحاد محمود طلعت جلال الشهير بالدكش وهو كان بطل افريقيا في الجودو وحاليا هو رئيس قسم الرعاية المركزة بمستشفى الدمام المركزي بالسعودية ولكنه حاليا غير رئيه في الاتفاقية ويؤيدها خاصة بعد دراسته للدكتورها في المانيا

ومن اشهر الاسر هي اسرة حورس حاليا في جامعة القاهرة وان كان يعيب عليها برامجها المتبرجه في الانشطة الطلابية والاستعانة بالمغنيين من السوق لايحاء حفلاتها ولم يتخرج اي فنان او موهوب منها او اي شخص مميز مثل ماكن يحدث من قبل ولا تهتم بتنمية المواهب ودورها اصبح للتسلية وتضييع الوقت فقط

اعتقد اتضح تقريبا ماهي الاسرة والاتحاد وانشاء الله سوف نتكلم عن المشاهير من رؤساء الاتحاد واعضاء الاسر في الكليات المختلفة ولهم دور مميز سواء في العلم او السياسة او الفن