فاكر حاجه من احلامك؟؟؟

[السويفي]

السلام عليكم:

الاحلام ...

عباره عن افلام مجبور على رؤيتها حتي لو لم تكن تكن تحب هذه النوعيه من الافلام

تتعلق في ذاكرتك بعض تلك الافلام ......

منها ما هو جميل حتي تتمني ان تظل نائما ما حييت.....في بعض الاحيان تكاد تنفجر من الحزن عندما تكتشف ان ما عشته للحظات

كان حلما ....

منها ما هو قاسي ومخيف تحاول ان تهرب منه وتدعو الله ان يخلصك من هذه الورطه او ينجيك من هذه الكارثه......ثم تفتح عينك

مبتسما تحمد الله انه كان حلما

منها من لاتستطيع ان تستخلص منها شيئا ولكنها تظل عالقه في ذهنك من شده غرابتها

منها من يجعلك تقابل من فارقوك احياء او اموات

منها من يجعلك تغير حياتك لانها رمت بك في المستقبل فرأيت مماذا سيكون مصيرك لو مشيت في هذا الطريق

اخيرا .....

فاكر حاجه من احلامك .........طب ممكن تشاركنا فيه

[toota]

نادرا ما بنسى احلامي....وعندي احلام بفتكرها من ايام طفولتي المبكرة.....حلم منهم قعدت سنين طويلة جدا خايفه من تفسيره....لانه كان حلم مرعب بشكل لا يوصف....واتفسر بحذافيره....

وبما اني بحب تفسير الاحلام....حتى لو نسيت الحلم...بيفضل احساسي الحلم لما بصحى موجود...سواء حلو او وحش.....

[فــيــروز]

ظللت لفتره طويله فى طفولتى و مراهقتى أحلم أنّى أطير .. لا أعرف كيف و حتى خلال الحلم أظل أتساءل كيف تغلّبت على الجاذبيه الأرضيه و استطعت الطيران بس كنت بابقى سعيده جدّا :rolleyes:

حلم آخر كان يزعجنى بشدّه و ظلّ يطارنى لفتره طويله هو حلم وجودى داخل أسانسير ليس لى سيطره عليه .. أحيان يفضل يطلع لحد ما ألاقيه تخطّى حتى الدور الأخير الذى يفترض أن يصل له و أجد نفسى فى مكان غريب كأنّه بين الأدوار و لا أحد يعرف عنه شئ و ليس به أشخاص و أكون فى غاية الرعب .. و أحيان يكون هابط بسرعه كبيره جدّا و أكون فى غاية الرعب من نهاية الرحله التى أستيقظ قبل أن أصل لها ..

فيه حاجه يمكن تكون مرتبطه بموضوع الأسانسير إنّى كنت فى طفولتى باخاف من الأسانسيرات بشكل غير طبيعى .. :blink:

[سهل جدا]

يااااه

الأحلام ديه ليها حكايات معايا

أنا أصلي من النوع اللي بيحلم كثير, وجات علي فترة كنت أول ما أصحى من النوم لازم أفتكر الحلم اللي حلمت بيه وبعدين أحاول أفسّره

ولو ما عرفتش، أرجع لكتب تفسير الأحلام وأحاول أجد له تفسير مناسب

وبصراحة الكتب ديه علّمتني شوية معلومات جيّدة عن تفسير الأحلام

عموماً العلم ده موهبة من ربنا, ولا أعتقد أن له قواعد ثابتة تصدق في كل حالة, وإنما هي إشارات فقط قد تصدق وقد لا تصدق..

وعن نفسي.. لاحظت إنه تفسيري لأحلامي لا يصدق منها أكثر من 30 في المائة فقط !

عموماً أهم قاعدة في تفسير الأحلام, علّمنا إياها رسول الله صلى الله عليه وسلم وهي كما جاء في الحديث الشريف:

(الرؤيا ثلاثة:

1-فرؤيا الصالحة بشرى من الله

2-ورؤيا تحزين من الشيطان

3-ورؤيا مما يحدّث المرء نفسه)

والحديث رواه مسلم

فالنوع الأول: الرؤية الصالحة التي من الله، يراها المؤمن أو يراه له أحد، وهي غالبا ما تقع (وهذا يحدث غالباً عندما يكون الإنسان قريب جداً من ربه, وخصوصا في أيام المحن والابتلاءات)

والنوع الثاني: الرؤية المفزعة, وهي من الشيطان، فيصور للإنسان ما يخيفه كي يحزنه, ويصيبه بالتشاؤم المنهي عنه.

والنوع الثالث: الحلم وهو ما يراه الإنسان في منامه مما يقع في مجريات حياته وما كان يحدّث به نفسه في اليقظة، وهذه لا حكم لها..

وأغلب أحلام الناس هي من النوع الثالث الذي هو حديث النفس..

عموما قواعد تفسير الأحلام كثيرة, ولكن أهمها هي ما سبق ذكره ..

[سهل جدا]

توضيح:

الرؤيا الصادقة تأتي لجميع الناس سواء كان مسلم أو غير مسلم

ومن أمثلة ذلك:

رؤيا الملك التي فسرها سيدنا يوسف عليه السلام وتحقق معناها

ورؤيا الاثنين الذين دخلوا السجن مع سيدنا يوسف وتحقق تفسيرها

ورؤيا كسرى في ظهور النبي صلى الله عليه وسلم وتحققت

[elfakhrany]

حلمت أكثر من مرة بنفس الحلم وهو اننى جالس فى لجنة الإمتحان وحدى ولا أعرف إجابة أى سؤال .... فسر لى يا عم سهل

[سهل جدا]

حلمت أكثر من مرة بنفس الحلم وهو اننى جالس فى لجنة الإمتحان وحدى ولا أعرف إجابة أى سؤال .... فسر لى يا عم سهل

ابقى اشرب اللبن قبل ما تنام , وبعدين اتغطّى كويس :rolleyes:

على فكرة الحلم ده ناس كثير أوي بتحلمه , ودا بيبقى عادةً موقف صعب الواحد تعرض له وهو في أي امتحانات مهمّة زي الثانوية العامة كدة

وبعدين الموقف ده بيتخزّن في العقل الباطن, وكل فترة يراه في نومه, وقد يستمرّ الحلم معاه لسنوات طويلة..

وهذا يندرج تحت النوع الثالث اللي قولنا عليه.. حديث النفس

تم تعديل 19 يوليو 2009 بواسطة سهل جدا

[rewsha]

ههههههه بصره

انا كمان كنت ومازلت باحلم بالحلم بتاع لجنه الامتحان ده واني مش عارفه اجاوب .وكل ما احكيه لحد .يقول لي ايه ده وانا كمان باحلم بكده

كمان كنت دايما باحلم اني باقع من البلكونه بس اصحى بعدها علطول قبل مااوصل للارض . :blink: يعني كنت بالحق نفسي واصحى وانا في السكه قبل وصولي للارض

او باقع من على السرير واصحى مخضوضه

اما بقه حلم الاخت فيروز بتاع الطيران ده .فانا كنت باحلم بيه برضو .

انا عارفه ان ممكن في الاخر نطلع كلنا بنحلم نفس الاحلام .وكل واحد فاكر انه بيحلمها لوحده :sad:

[pink rose]

انا بقى ساعات كتير باتمنى اني ما انامش خالص عشان ما احلمش و اريح دماغي

زي ما قال الاستاذ سهل جدا في انواع من الاحلام و الحمدلله التلات انواع موجودين عندي

في احلام بتتكرر كتير زي حلم اني باقع من فوق السرير و في مكان معين عندنا في اسكندرية على الكورنيش انا فعلا المكان دا بخاف منه و دايما باحلم اني باقع فيه

و كنت بارجع دا لاني عندي فوبيا المرتفعات و دا طبيعي

نوع تاني من الاحلام اللي هو بقى احلم الحلم من هنا يا يتحقق في يومها او بعده بيومين تلاتة و ايه هو بغباوته يعني بالملي فعلا و للاسف بصراحة معظمها مش حاجة تفرح ابدا لدرجة اني في ايام ما كنتش ببقى عاوزة انام من الرعب لحسن اشوف حاجه تانية و تحصل

النوع التالت بقى الكوابيس اللي مالهاش لازمة خالص و دايما باحلم اني بافقد امي بطرق مختلفة ( ربنا يحفظها و يخليها ليا و يا رب انا اموت قبل منها) و اصحى من النوم بقى على حالة هيستيريا و عياط فظيع و جسمي كله بيوجعني بجد باحس بتعب و ما اهداش الا لما اتصل بيها و اطمن عليها اكتر من مرة في اليوم ربنا يخليها ليا يا رب و يطول في عمرها و يبارك فيه

تم تعديل 19 يوليو 2009 بواسطة remo

[toota]

ظللت لفتره طويله فى طفولتى و مراهقتى أحلم أنّى أطير .. لا أعرف كيف و حتى خلال الحلم أظل أتساءل كيف تغلّبت على الجاذبيه الأرضيه و استطعت الطيران بس كنت بابقى سعيده جدّا :blink:

انا كنت دايما بحلم اني بطير واني بمشي طايرة وكان الشعور الي بصحى بيه رائع جدا.....عرفت لاحقا ان حلم الطيران معناه تغرب عن الاهل والبلاد....وقد كان

[toota]

يااااه

الأحلام ديه ليها حكايات معايا

أنا أصلي من النوع اللي بيحلم كثير, وجات علي فترة كنت أول ما أصحى من النوم لازم أفتكر الحلم اللي حلمت بيه وبعدين أحاول أفسّره

ولو ما عرفتش، أرجع لكتب تفسير الأحلام وأحاول أجد له تفسير مناسب

وبصراحة الكتب ديه علّمتني شوية معلومات جيّدة عن تفسير الأحلام

عموماً العلم ده موهبة من ربنا, ولا أعتقد أن له قواعد ثابتة تصدق في كل حالة, وإنما هي إشارات فقط قد تصدق وقد لا تصدق..

وعن نفسي.. لاحظت إنه تفسيري لأحلامي لا يصدق منها أكثر من 30 في المائة فقط !

عموماً أهم قاعدة في تفسير الأحلام, علّمنا إياها رسول الله صلى الله عليه وسلم وهي كما جاء في الحديث الشريف:

(الرؤيا ثلاثة:

1-فرؤيا الصالحة بشرى من الله

2-ورؤيا تحزين من الشيطان

3-ورؤيا مما يحدّث المرء نفسه)

والحديث رواه مسلم

فالنوع الأول: الرؤية الصالحة التي من الله، يراها المؤمن أو يراه له أحد، وهي غالبا ما تقع (وهذا يحدث غالباً عندما يكون الإنسان قريب جداً من ربه, وخصوصا في أيام المحن والابتلاءات)

والنوع الثاني: الرؤية المفزعة, وهي من الشيطان، فيصور للإنسان ما يخيفه كي يحزنه, ويصيبه بالتشاؤم المنهي عنه.

والنوع الثالث: الحلم وهو ما يراه الإنسان في منامه مما يقع في مجريات حياته وما كان يحدّث به نفسه في اليقظة، وهذه لا حكم لها..

وأغلب أحلام الناس هي من النوع الثالث الذي هو حديث النفس..

عموما قواعد تفسير الأحلام كثيرة, ولكن أهمها هي ما سبق ذكره ..

مظبوط....واضح ان عندك دراية في موضوع الاحلام والتفسير.... :blink:

[toota]

بالمناسبة دي...والسؤال للمهتمين بالتفسيرات.....مين اكتر حد بتقتنع بتفسيره للاحلام سواء من الناس الجداد او القدام....ولو من القدام اي كتاب كان الكتاب الي اتعلمت منه؟.؟؟

[الباشمهندس ياسر]

و انا ف الجامعه شفت منام غريب زى ما تقول كده بدون ملامح

شفت السيد الرئيس نازل قدامى على سلم عمارة قديمة من عمارات وسط البلد و كانت ملابس الرئيس لا تليق بيه اطلاقا

كان مرتدى لفانلة داخلية من نوع النص كم رقبة حوض ( مش v-neck حتى ) و نازل قدامى و بقية ملابسه كاملة

و انا نازل وراه و مستغرب جدا ... ايه اللى الريس عامله ف نفسه..و بس

حد يفسرلنا بقى

[سهل جدا]

مظبوط....واضح ان عندك دراية في موضوع الاحلام والتفسير.... :blink:

والله يا مدام توتة أنا قطعت شوط في موضوع تفسير الأحلام ده, وقرأت فيه كثير, وكان نفسي أكون معبّر

لكن بصراحة موضوع تفسير الأحلام ده موهبة, وأنا ما عنديش الموهبة ديه.. ساعات بتيجي صح معايا صح (وده نادر) وساعات كثير بتيجي آوت ..

وبالنسبة لأشهر مفسرين الأحلام في التاريخ بعد الأنبياء فهو ابن سيرين

أما المعاصرين فيغلب عليهم النصب وشغل التلات ورقات.. هذا ما يبدو لي والله أعلم

يوجد واحد قابلته هنا في السعودية اسمه الرومي.. أعتقد إنه أفضل الموجودين حاليا في هذا الشأن..

فسّر أحلام كثيرة وحصل فعلاً ما قال به ..

بالنسبة للكتب فأشهر الكتب في تفسير الأحلام هو الكتاب المشهور جداً "تعطير الأنام" للنابلسي..

طبعا بعض محققي كتب التراث شككه في نسبة الكتاب ده لمؤلفه.. لكن على أي حال الكتاب حوى على كلام كثير جيد عن تفسير الأحلام..

[doudy]

اللى فاكراه من احلامى و انا طفلة

انى دايما كنت بحلم ان بابا ربنا يخليه ليا بيتوفى

و كنت بعيط فى الحلم كتيير لدرجة انى اصحى الاقى نفسى بعيط فعلا

لكن احلامى و انا كبيرة دايما بصحى ناسياها

بس ساعات كتيير بحلم بحاجات مش حلوة و مش تتحقق بالضبط بس يحصل حاجة

تنكد اقوم افتكر الحلم على طول و اقول اهه اتحقق

[السويفي]

و انا ف الجامعه شفت منام غريب زى ما تقول كده بدون ملامح

شفت السيد الرئيس نازل قدامى على سلم عمارة قديمة من عمارات وسط البلد و كانت ملابس الرئيس لا تليق بيه اطلاقا

كان مرتدى لفانلة داخلية من نوع النص كم رقبة حوض ( مش v-neck حتى ) و نازل قدامى و بقية ملابسه كاملة

و انا نازل وراه و مستغرب جدا ... ايه اللى الريس عامله ف نفسه..و بس

حد يفسرلنا بقى

السلام عليكم:

بخصوص الاحلام السياسيه فعائله السويفي لها فيها باع طويل :rolleyes:

اخرها اول امس حلمت اني بسلم على عمرو موسي وبقله انا معجب بك قوي وكان فيه سياسي تاني معاه انا طنشته

بس انا مش فاكر شكله .......هبقي اسأل عمووور عنه يمكن يكون يعرفه bv:-

اشهرها حدث مع اخواي الكبيران منذ سنوات

قام اخي الاكبر فزعا وايقظ اخي الاخر قائلا الحق ....حسني مبارك في الحمام

اخوي التاني سابه وسكت .....اخويا الكبير مسكتش ...راح الحمام وفتش ملقاش حاجه

ولما رجع وجه ينام سأله اخويا التاني :::لقييييييييييته :lol:

[السويفي]

السلام عليكم:

احد الاحلام المزعجه التي ما ازال اتذكرها حتي الان

اني كنت امشي في ممر ضيق اشبه بمقبره ......وكانت ممتلئه بالجثث الجاهزه للدفن

جثث فقط وبعض الاشخاص يمشون بطريقه بطيئه مخيفه

كانت الاكفان مبتله ....وتظهر منها رائحه غريبه ما زالت عالقه في انفي حتي الان

وبسس

[toota]

السلام عليكم:

احد الاحلام المزعجه التي ما ازال اتذكرها حتي الان

اني كنت امشي في ممر ضيق اشبه بمقبره ......وكانت ممتلئه بالجثث الجاهزه للدفن

جثث فقط وبعض الاشخاص يمشون بطريقه بطيئه مخيفه

كانت الاكفان مبتله ....وتظهر منها رائحه غريبه ما زالت عالقه في انفي حتي الان

وبسس

وعرفت تفسيره؟

[enjisultan]

انا بقى ساعات كتير باتمنى اني ما انامش خالص عشان ما احلمش و اريح دماغي

زي ما قال الاستاذ سهل جدا في انواع من الاحلام و الحمدلله التلات انواع موجودين عندي

في احلام بتتكرر كتير زي حلم اني باقع من فوق السرير و في مكان معين عندنا في اسكندرية على الكورنيش انا فعلا المكان دا بخاف منه و دايما باحلم اني باقع فيه

و كنت بارجع دا لاني عندي فوبيا المرتفعات و دا طبيعي

نوع تاني من الاحلام اللي هو بقى احلم الحلم من هنا يا يتحقق في يومها او بعده بيومين تلاتة و ايه هو بغباوته يعني بالملي فعلا و للاسف بصراحة معظمها مش حاجة تفرح ابدا لدرجة اني في ايام ما كنتش ببقى عاوزة انام من الرعب لحسن اشوف حاجه تانية و تحصل

النوع التالت بقى الكوابيس اللي مالهاش لازمة خالص و دايما باحلم اني بافقد امي بطرق مختلفة ( ربنا يحفظها و يخليها ليا و يا رب انا اموت قبل منها) و اصحى من النوم بقى على حالة هيستيريا و عياط فظيع و جسمي كله بيوجعني بجد باحس بتعب و ما اهداش الا لما اتصل بيها و اطمن عليها اكتر من مرة في اليوم ربنا يخليها ليا يا رب و يطول في عمرها و يبارك فيه

ريمو

انا كمان بيحصلى كدة معظم احلامى بتتحقق

ودا خلانى مش عايزة انام

بغض النظر عن السترس اللى الواحد فية الا ان فى حاجات بتحصل سبحان اللة

يعنى اسوء حاجة حصلتلى يوم حلمت ان بنت عمى بتموت وطول الحلم عمى بيكلمنى فى التليفون

والحقينا عارفين اصول الكوابيس بقى

ولا روحت ولا شوفتها هو كل الموضوع انها بتموت وحد بيكلمنى فى التليفون

تنانى يوم بقى صحيت من النوم كلمتها وحكيتلها وكانت كويسة وقردة الحمد للة

قفلت معاها وكلمت زوجة اخى فى التليفون ردت عليا وكلمتنى حوالى 10 ثوانى وماتت وهى معاى على التليفون

من سا عتها وانا بقيت خايفة من نفسى ومن احلامى

سبحان اللة لة فى ذلك حكم

طبعا انا اتعلم عليا خلاص بعد الموضوع دا

هم يضحك وهم يبكى

[حوريا]

انا من النوع الى بيحلم كتير احلام غريبة

والاغرب انى مش بافهم الحلم الا لما بيتحقق

ودة طبعا قبل ما اخلف ابنى كوكى

لانى تقريبا دلوقتى ما بنمش :rolleyes:

تم تعديل 20 يوليو 2009 بواسطة حوريا