فاكر حاجه من احلامك؟؟؟

[pink rose]

انا بقى ساعات كتير باتمنى اني ما انامش خالص عشان ما احلمش و اريح دماغي

زي ما قال الاستاذ سهل جدا في انواع من الاحلام و الحمدلله التلات انواع موجودين عندي

في احلام بتتكرر كتير زي حلم اني باقع من فوق السرير و في مكان معين عندنا في اسكندرية على الكورنيش انا فعلا المكان دا بخاف منه و دايما باحلم اني باقع فيه

و كنت بارجع دا لاني عندي فوبيا المرتفعات و دا طبيعي

نوع تاني من الاحلام اللي هو بقى احلم الحلم من هنا يا يتحقق في يومها او بعده بيومين تلاتة و ايه هو بغباوته يعني بالملي فعلا و للاسف بصراحة معظمها مش حاجة تفرح ابدا لدرجة اني في ايام ما كنتش ببقى عاوزة انام من الرعب لحسن اشوف حاجه تانية و تحصل

النوع التالت بقى الكوابيس اللي مالهاش لازمة خالص و دايما باحلم اني بافقد امي بطرق مختلفة ( ربنا يحفظها و يخليها ليا و يا رب انا اموت قبل منها) و اصحى من النوم بقى على حالة هيستيريا و عياط فظيع و جسمي كله بيوجعني بجد باحس بتعب و ما اهداش الا لما اتصل بيها و اطمن عليها اكتر من مرة في اليوم ربنا يخليها ليا يا رب و يطول في عمرها و يبارك فيه

ريمو

انا كمان بيحصلى كدة معظم احلامى بتتحقق

ودا خلانى مش عايزة انام

بغض النظر عن السترس اللى الواحد فية الا ان فى حاجات بتحصل سبحان اللة

يعنى اسوء حاجة حصلتلى يوم حلمت ان بنت عمى بتموت وطول الحلم عمى بيكلمنى فى التليفون

والحقينا عارفين اصول الكوابيس بقى

ولا روحت ولا شوفتها هو كل الموضوع انها بتموت وحد بيكلمنى فى التليفون

تنانى يوم بقى صحيت من النوم كلمتها وحكيتلها وكانت كويسة وقردة الحمد للة

قفلت معاها وكلمت زوجة اخى فى التليفون ردت عليا وكلمتنى حوالى 10 ثوانى وماتت وهى معاى على التليفون

من سا عتها وانا بقيت خايفة من نفسى ومن احلامى

سبحان اللة لة فى ذلك حكم

طبعا انا اتعلم عليا خلاص بعد الموضوع دا

هم يضحك وهم يبكى

انا و الله يا انجي الموضوع دا اتكرر اكتر من مرة و مع كذا حد بجد لما نفسيتي تعبت جدا

يعني كنت في ثانوي حلمت ان في حد بيقص شعري و صحيت من النوم مخنوقة جامد كده و قلت لماما قالتلي ربنا يستر قص الشعر في الحلم مش كويس

و نزلت رحت المدرسة و رجعت لقيت البيت مقلوب

ايه يا جماعه في ايه عمتي الله يرحمها كانت جاية عندنا مع بناتها الاتنين و الباص اللي راكبينه عمل حادثة و واحدة من بنات عمتي ماتت الله يرحمها و يحسن اليها كانت لسا 25 سنة كده و ما اتجوزتش و التانية اتكسرت خالص و الحمدلله عمتي ما جرالهاش حاجه وقتها

طبعا افتكرت الحلم في ثواني و كلمة ماما و بقيت مذهولة بجد و مش عارفه كنت عاملة زي اللي مخبوطة على راسها كده

بعد الموضوع دا بسنتين كده

حلمت ان مرات خالي الله يرحمها بتقصلي شعري و في الحلم انا عمالة اعيط و اقولها بلاش انتي تقصيلي شعري بلاش يا ابلة تقصيلي شعري كده مش كويس و اعيط

صحيت من النوم ما قولتش لحد خوفت يحصلها حاجه و الله بعد 3 ايام جالنا خبر وفاتها مش قادرة اوصفلك بقى حالة الانهيار اللي حصلتلي ساعتها و ما بقيتش عارفه اعمل في نفسي ايه

و خايفة دايما انام و احلم

و احلام كتير تانية بلاش اقول لحسن تخافوا مني كفاية عليكم الاتنين دول

تم تعديل 20 يوليو 2009 بواسطة remo

[فــيــروز]

بالمناسبة دي...والسؤال للمهتمين بالتفسيرات.....مين اكتر حد بتقتنع بتفسيره للاحلام سواء من الناس الجداد او القدام....ولو من القدام اي كتاب كان الكتاب الي اتعلمت منه؟.؟؟

زمان كنت مهتمّه جدّا بالتفسيرات و كنت أمّا أروح معرض الكتاب أشترى كتب فى تفسير الأحلام و أفضل أدوّر فيها على معانى العناصر اللىّ باشوفها فى الحلم .. المشكله إن الكتب دى كانت مش بتدّى تفسير للحلم كلّه على بعض .. و بعد كده بقيت أقول لنفسى أنا ليه باعتبر الحلم ده له معنى ما يمكن مجرّد تنفيس لمشاعر فى العقل الباطن مثلا .. بس ده لا يمنع إنّى باحس بفضول شديد إنّى أعرف تفسيرات أحلامى لو وجدت من يستطيع التفسير :blink:

[سهل جدا]

بس ده لا يمنع إنّى باحس بفضول شديد إنّى أعرف تفسيرات أحلامى لو وجدت من يستطيع التفسير :blink:

ما هي دي مشكلتنا يا أخت فيروز

الإنسان دائماً شغوف بمعرفة المستقبل وما سيحدث له

لكن الاهتمام الزائد بالأحلام والاعتماد عليها قد يدمّر حياة إنسان

قصة طريفة:

من الأخطاء الشائعة إن بعض الناس يظن إنه لما يصلي استخارة في أي موضوع, لازم يشوف حلم يوضح له الخير في الموضوع الذي استخار الله فيه !!

وطبعاً دا ليس له أساس من الصحّة, بل الشيطان قد يستغل ذلك في تدمير إنسان أو إنسانة..

المهم القصة اللي حصلت, إنه حصل مشاكل عادية جداً بين زوجة وزوجها, فرحات الزوجة صلت استخارة لكي تطلب الخلع أو الطلاق..

وبعد ما صلّت الاستخارة شافت حلم إنها بتطلب الطلاق أو هاتطلّق أو شيء من هذا القبيل

فظنّت إن دا معناه إن الطلاق هو الخير اللي ربنا يريده لها !!

وقررت بالفعل إنها تطب الطلاق ولو كلّفها ذلك أي شيء

ولكنها قبل أن تطلب الطلاق, ذهبت لواحد من أهل العلم لتسأله وتتأكد من الحلم اللي حلمت بيه..

فراح قال لها , هذا كلام فارغ, لأن الشيطان له نصيب مما يراه الإنسان في منامه, فما الذي يضمن أن الحلم الذي رأيتيه ليس من الشيطان..

ثم بيّن لها أن المسلم لا يركن إلى الرؤى والأحلام في تحديد مصيره، بل يعيش في الواقع ويزن الأمور، ويستشير أهل الخبرة ويأخذ بجميع الأسباب قبل اتخاذ أي القرار

وأن المقصود من الاستخارة: هو سؤال الله تيسير خير الأمرين، فهي دعاء, لا علاقة له بالمنامات

المهمّ بعد ما قال لها الكلام ده, راحت هديت ورجعت لزوجها وهمّ دلوقتي عايشين مع بعض غاية السعادة..

تم تعديل 20 يوليو 2009 بواسطة سهل جدا

[مغتربة]

اتذكر احلامى فى الغالب

و استطيع بمجرد استيقاظى ان احس هل الحلم به رساله معينه ام مجرد اضغاث احلام

و كذلك هذه الرساله بفرح و فرج ام ضيق

و احيانا استطيع ان افسر لنفسى الحلم و لو بالتقريب

هناك احلام ما زلت اتذكرها من مرحله الطفوله

و هناك حلم تكرر معى كثير جدا منذ الطفوله على فترات متقطعه

و لكنى اعرف معناه تماما

فكثيرا ما حلمت ان اركب سياره و تختلف الظروف من حلم لاخر لكن دائما اضطر لسياقه السياره و انا لا اعرف اسوق ( فى الحلم و ليس فى الحقيقه )

و لكن بعد عده مصاعب فى الطريق ( تختلف من حلم لاخر )

استطيع ان اصل بها بسلام

و انا اعرف ان السياره تشير الى حياتى

بمعنى اننى ساستطيع ان اقود حياتى برغم الصعاب المحيطه حتى اصل الى ما اريد

[الباشمهندس ياسر]

و انا ف الجامعه شفت منام غريب زى ما تقول كده بدون ملامح

شفت السيد الرئيس نازل قدامى على سلم عمارة قديمة من عمارات وسط البلد و كانت ملابس الرئيس لا تليق بيه اطلاقا

كان مرتدى لفانلة داخلية من نوع النص كم رقبة حوض ( مش v-neck حتى ) و نازل قدامى و بقية ملابسه كاملة

و انا نازل وراه و مستغرب جدا ... ايه اللى الريس عامله ف نفسه..و بس

حد يفسرلنا بقى

انا بفكركم بالمنام ده

لان نص تفسيره تحقق بفضل الله كاملا

فاضل النص التاني.. حد يفسره ولا لسه هنستني لما نشوف

[لماضة مصرية جدا]

و انا ف الجامعه شفت منام غريب زى ما تقول كده بدون ملامح

شفت السيد الرئيس نازل قدامى على سلم عمارة قديمة من عمارات وسط البلد و كانت ملابس الرئيس لا تليق بيه اطلاقا

كان مرتدى لفانلة داخلية من نوع النص كم رقبة حوض ( مش v-neck حتى ) و نازل قدامى و بقية ملابسه كاملة

و انا نازل وراه و مستغرب جدا ... ايه اللى الريس عامله ف نفسه..و بس

حد يفسرلنا بقى

انا بفكركم بالمنام ده

لان نص تفسيره تحقق بفضل الله كاملا

فاضل النص التاني.. حد يفسره ولا لسه هنستني لما نشوف

لسلام عليكم و رحمة الله و بركاته

النزول من علي السلم في الحلم...دي مش حاجة حلوة...لانها طبعا كما هو واضح انه بينزل من موقع اعلي لمرتبة اقل

لفت نظري في حلم حضرتك...موضوع "الفانلة الداخلية" :lol: :lol:

طبعا اذا استثنينا الصورة اللطيفة جدا بتاعت اي راجل مصري معاصر لما بيقعد بالفانلة الداخلية و بنطلون البيجامة المخطط في البيت و برضه احيانا يفتح بيهم الباب......عاااااااادي جدا...(ده علي اعتبار انه عامل عرض ازياء 24 ساعة)

يبقي التفسير بتاعها......انه راح ينكشف ستره

يعني اموره الداخلية اللي المفروض تتستر...راح تتعري و تنكشف

و بالنسبة لبقية ملابسه انها كاملة....يعني احتمالية ان جزء بس هو اللي يتكشف من حقيقة و الباقي هيفضل في الصورة الكاملة...(يعني احتمال نعرف انه مثلا مخبي حتة من عكمة الفلوس فين...لكن هيكون قدامنا حاجات كتير منعرفهاشي)

السؤال بقي اللي بيطرح نفسه بعنف

هو حضرتك نت مستغرب في الحلم....ده شيء طبيعي

بس ليه بقي...كنت نازل وراه ع السلم.....(وشي و انا ببص لحضرتك و علي لساني....هل انت حزبونطي.....اعترررررررف)

هذا و الله اعلم

وش الشيخ سيد بتاع برنامج....نام و استغطي

و بالله التوفيق

[لماضة مصرية جدا]

السلام عليكم و رحمة الله و بركاته

انا تااااااااااااني

الحلم عندي....بفتكره بعجيها بفترة زمنية طويلة جدا

لاني الحمد لله بشوف حاجة في الحلم...و بحسها اوي

و اقوم من النوم احاول اربطها بحاجة حصلت مش لاقية ليها اي تفسير

لكن بعد فترة من الوقت...اتحط في موقف...و انا في وسطه احس انه عدي عليا قبل كده

و ساعتها الاقي الحلم اللي مكنتش فاهمة تفسيره خااااااالص

و لله الحمد بكون مبسوطة جدا مهما كان الحلم لانه بيبقي احساسي ان حاجة مكنتش قادر افك معناها و فجأة الاقي ربنا بكرمه كمل الصورة عندي....و كاني قاعدة بتفرج علي فيلم

و علي هامش اللحاف اللي احنا قاعدين عليه دلوقتي

حلمت مرة اني واقفة علي سلمة....و عايزة اخطي علي سلمة بعديها

بس لسه واقفة كاني بفكر

و بعدين و انا واقفة كان فيه اللله يعزكم....جزمة....شكلها حلو اوي و مزركشة و كدهوت بس انا كل ما البسها احسهامش راكبة علي رجلي خالص

و معرفشي ليه فضلت واقفة علي السلمة و اقيس الجزمة...و اقلعها

المهم بعد شوية...الجزمة اختفت...و لقيت نفسي خطيت علي السلمة....و بعد السلمة لقيت جامع كبير و طالع منه نور كبير اوي...عارفين النور اللي بيبقي جاي من جوه...و مضوي علي اللي براه

حسيت قلبي متعلق هناك

و نسيت الجزمة

و نسيت السلم

و لقيت نفسي مرتاحة جدا

و بعدين بقي

قومت من النوم و صحيت....و بقيت انام و انا لابسة شرابي في رجلي....(برضه احتياطي...اهي الجزمة راحت امشي حفيانة انا بقي و لا ايه)

طولت عليكم

بس توبيك حلو.....و الاحلي لما بتلاقي تفسير لحلم في يوم مر عليك....و تشوفه قدام عينيك

صباحكم.....رؤيا خير باذن الله

[الباشمهندس ياسر]

لسلام عليكم و رحمة الله و بركاته

النزول من علي السلم في الحلم...دي مش حاجة حلوة...لانها طبعا كما هو واضح انه بينزل من موقع اعلي لمرتبة اقل

لفت نظري في حلم حضرتك...موضوع "الفانلة الداخلية" :lol: :lol:

طبعا اذا استثنينا الصورة اللطيفة جدا بتاعت اي راجل مصري معاصر لما بيقعد بالفانلة الداخلية و بنطلون البيجامة المخطط في البيت و برضه احيانا يفتح بيهم الباب......عاااااااادي جدا...(ده علي اعتبار انه عامل عرض ازياء 24 ساعة)

يبقي التفسير بتاعها......انه راح ينكشف ستره

يعني اموره الداخلية اللي المفروض تتستر...راح تتعري و تنكشف

و بالنسبة لبقية ملابسه انها كاملة....يعني احتمالية ان جزء بس هو اللي يتكشف من حقيقة و الباقي هيفضل في الصورة الكاملة...(يعني احتمال نعرف انه مثلا مخبي حتة من عكمة الفلوس فين...لكن هيكون قدامنا حاجات كتير منعرفهاشي)

السؤال بقي اللي بيطرح نفسه بعنف

هو حضرتك نت مستغرب في الحلم....ده شيء طبيعي

بس ليه بقي...كنت نازل وراه ع السلم.....(وشي و انا ببص لحضرتك و علي لساني....هل انت حزبونطي.....اعترررررررف)

هذا و الله اعلم

وش الشيخ سيد بتاع برنامج....نام و استغطي

و بالله التوفيق

انا كنت مستغرب منظر الرئيس او السيد الرئيس وقتها

و ليه وسط البلد و ليه عمارة قديمة هناك

و ليه انا لابس بدلة كاملة

و ليه كان فيه رقعتين او تلاتة .. مش فاكر علي ضهره,, حاجات كتير اتجمعت بعد ما افتكرت الرؤية

المهم .. تفسيرها عرفته و نص تفسيرها التاني عرفته

و مش هقولهولك يا ستنا الشيخة لماضة

بمناسبة الحزب الوطني

بفضل الله مكنتش ابدا ف يوم م الايام منتسب لاي حزب من فترة الديكتاتورية

بس سؤال بجد و الله

ليه و احنا في التحرير اتوقف و اتسال عن بطاقتي لاني شكلي ظابط ف امن الدولة

اه و الله

باللفظ كده

[enjisultan]

يااااااااااااااااااة يا باشمهندس ياسر يا واصل

دا اجمد حلم على مستوي مصر وكلة دكيومنتد كدة تقدر بقى تشتغل وانت مطمن عارف فيلم احمد زكي بتاع تفسير الاحلام حاجة كدة على هذة الشاكلة

بس فعلا سبحان الله

تم تعديل 17 أبريل 2011 بواسطة enjisultan

[الباشمهندس ياسر]

يااااااااااااااااااة يا باشمهندس ياسر يا واصل

دا اجمد حلم على مستوي مصر وكلة دكيومنتد كدة تقدر بقى تشتغل وانت مطمن عارف فيلم احمد زكي بتاع تفسير الاحلام حاجة كدة على هذة الشاكلة

بس فعلا سبحان الله

طب تصدقيني لو قلتلك لني بفسر احلام من و انا ف الجامعه

و الحلم اللي افسره ميخيبش ابدا

و بالمناسبة انا شبه احمد زكي

يعني شايفة اني اتوكل ع الله و ابدا

هاتي زباين بقي و ليكي نسبة

[enjisultan]

يااااااااااااااااااة يا باشمهندس ياسر يا واصل

دا اجمد حلم على مستوي مصر وكلة دكيومنتد كدة تقدر بقى تشتغل وانت مطمن عارف فيلم احمد زكي بتاع تفسير الاحلام حاجة كدة على هذة الشاكلة

بس فعلا سبحان الله

طب تصدقيني لو قلتلك لني بفسر احلام من و انا ف الجامعه

و الحلم اللي افسره ميخيبش ابدا

و بالمناسبة انا شبه احمد زكي

يعني شايفة اني اتوكل ع الله و ابدا

هاتي زباين بقي و ليكي نسبة

لا كدا اكتر من هايل والنبي الله يخليك ارقعنا كدة حلم ينزل القذافى او بشار او صالح البدروم احسن دول بوخوا اوي والعملية طولت اوي