(استفتاء) هل شعرت بتحسن بعد منتصف رمضان ؟؟

[حمزاوى]

انا بعتبرالانسان ذى البطريه ورمضان هو الشاحن نيجى كل سنة ونشحن ارواحنا بشحنه ايمانيه حتى السنه التى تليها

هل شحنت روحك ؟؟؟؟:) :)

[Cleo]

الحقيقة أنا لا أشعر نهائيا أنه رمضان... ولا جو رمضان.... يعنى زى أى وقت عادى طول السنة..... غير رمضان السنة اللى فاتت خالص...!!!!

[Masrawy Abroad]

يا ترى لماذا؟

[ragab2]

كتب حمزاوى

هل شعرت بتحسن بعد منتصف رمضان ؟؟

يعنى

أحسن شوية

[سقراط المصري]

لأ نهائي ، لم اشعر اني في رمضان بسبب الغربه

[حمزاوى]

السلام عليكم

لأ نهائي ، لم اشعر اني في رمضان بسبب الغربه

الحقيقة أنا لا أشعر نهائيا أنه رمضان... ولا جو رمضان.... يعنى زى أى وقت عادى طول السنة..... غير رمضان السنة اللى فاتت خالص...!!!!

أمممممممم .(وش واحد بيفكر)

أكيد فى حاجه غلط بس نحاول نعرف ايه هية.........

* ممكن مثلاً نعمل مقارنه بين الوقت المستهلك فى عبادة والوقت المستهلك امام التلفزيون (المفسديون) .

* لو كنا بنقرأ جزء واحد من القرأن ممكن نزود شويه .

* ممكن بعض الصدقه (للمحتجها) تكون السبب فى بعض التغير .

* سماع شريط رقائق هيكون مفيد جداً

من الفائز ومن الخاسر في رمضان

شريط جميل بمناسبه رمضان للشيخ محمود المصرى (صاحب اسلوب سهل ومبسط جداً أقرب ما يكون للأستاذ عمرو خالد)

* ممكن السبب فى الاصحاب (لو فكرنا نبعد عنهم اليومين الجيين دول ممكن يجيب نتيجة)

* ممكن السبب ان أحنا مبنصمش اصلاً أقصد ان أحنا بنصوم عن الحلال (الطعام والشراب) ونفطر على الحرام (أغانى الحب والعرى فى التلفزيون.... ألخ......)

على العموم احنا قدامنا فرصه رنا أكرمنا بيها

10 ليالى هم افضل 10 ليالى فى العام (وأحسن كمان من سهر الليالى)

فيهم ليله افضل من 1000 شهر

بس ياترى مين يرضى الله عنه ويجعله من يقوم هذه الله بقرأه القرأن والقيام

لازم نعيد حسبانا لسه ادمنا فرصه بس الوقت ضيق

[MuslimaEgyptian]

بارك الله فيك أخى حمزاوى..نصائح مفيده وعمليه..ربنا يتقبل منك ومنا إن شاء الله..

~*~*~*~*~*~*~*~*

مما ينصحه العلماء تجاه العشر الأواخر:

الإنشغال بالذكر والإستغفار وقراءه القرآن والصلاه والعباده..وأن يحاسب المرء نفسه...وينظر فيما قدم لآخرته...وان يجتنب ما لا يعنيه من حديث الدنيا ويقلل من الخلطه بالخلق (يحبذ الإعتكاف بالمسجد للتفرغ لعباده الله تعالى والتحلى بمناجاته وذكره)...وخاصا، ترك الجدل

[MuslimaEgyptian]

هل شعرت بتحسن ايمانى بعد منتصف رمضان

نعم [ 4 ] [30.77%]

ليس بالصورة المرجوة [ 8 ] [61.54%]

~*~*~*~*

الواحد مش مستغرب من هذه النسبه..لا أقول هذا للحكم على الناس، حاش الله، فقد أكون أنا واحده من هؤلاء العدد ، ولكن عدم الإستغراب هنا بسبب ذهولى من كم المسلسلات التى تعرض..قرأت ان هناك قرب 20 مسلسلا تعرض...والله هذا إفتراء وظلم كبير للناس ولعلهم سببا لعدم

بلوغ الجمع هذا الشهر الكريم بالصوره المرجوه...ولكن الحمدلله هناك أمل :angry:، فها هم العشر الأواخر بين أيدينا...أدعو الله لى ولكم ان نغتنمهم حق إغتنام إن شاء الله..

تم تعديل 13 نوفمبر 2003 بواسطة MuslimaEgyptian

[Salwa]

هي فعلا غربه....والواحد هنا مش حاسس بجو رمضان اللي في بلادنا .

لكن رمضان احنا بنعتبره شيء جوه القلب..

كلنا ..الحمدلله رب العالمين ..بنصوم ...

ورغم ان مواعيد الافطار والسحور لا تتفق مع مواعيد مصر ...لكننا نحرص علي سماع الآذان

وصلاه المغرب في مصر ..مجرد مشاركه وجدانيه ...واحساس روحاني جميل ..

في بيتي ...تجد روح رمضان ..

دايما فيه شرايط للشيخ العجمي والسديس...

واحلي اوقاتي سماعي للشيخ محمد جبريل ...حفظه الله.

وفعلا الواحد بيكون افضل كتير بعد ...اول اسبوع في رمضان ..

بنكون اتعودنا علي ريتم الحياه في هذه الفتره ....والاحساس الكامل بالسكينه ..نظرا لزياده اوقات

التعبد ..

الواحد بيلغي حاجات كتير ...في سبيل ان اظل اطول وقت في منزلي استمع واقرا القرآن الكريم .

امس في الفجر ....كان فيه في التلفزيون برنامج عن الخيمه الرمضانيه ... ...اقتنعنا ....ان مفهوم رمضان للاسف اختلف..كثيرا كثيرا ....في اعلامنا .

كنت قبلا ..انتظر بفارغ الصبر ..العشر الآواخر من رمضان وكانت القناه المصريه يكون ارسالها مباشر من مكه ..وكانت اجمل اللحظات هي دعاء ختم القرآن ..

كله اتلغي ..

حسبي الله ونعم الوكيل ..

انا عندي شرايط فيديو لختم القرآن والدعاء...تفي بالغرض...مش عاوزين منهم حاجه .

وكل سنه وانتم جميعا طيبين ..

علي فكره بدءوا يضعوا الزينات هنا ...لاحتفالات الكريسماس ...

قلت لاولادي ....كل ده علشان رمضان ....البلد علي ليله القدر حاتنور كلها..

نورت السنه دي قبل المعتاد .

سلامي..