انا خايفة جدا

[enjisultan]

بما انا اتعودت اشاركوا معايا فى تفاصيل السفر للسعودية اهم تفصيلة بقى هى انى

انا خايفة اوى يا جماعة من السفر والغربة بجد انا خايفة انا عمرى ما اعترفت الاعتراف دا ابدا لاى حد

بس واللهى انا تقريبا مش بنام وعلطول فى سترس

انا اصلا كل الناس فاكرنى قوية والموضوع بالنسبة لى كانى رايحة اخر الشارع

حتى جوزى مقتنع جدا انى السوبر ومان

بجد ثقة كل الناس دى ما خليانى حاسة انى عايزة ابقى عيلة وحد غيرى يشيل همى

وبما ان كل الناس واهلى مقتنعين انى راجل فمقدرش اعترف لهم بمشاعرى دى

وقلقانة اوى على بناتى انا عمرى ما سيبتهم لحد غريب

فكرة انى مسافرة اشتغل دى رعبانى عليهم

هما هيبقوا معايا بس اكيد هاغيب عنهم فى الشغل وادور على حد يقعد بيهم فى الاوقات اللى ما فيهاش دراسة ومش عارفة الحد دا هيبقى كويس ولا اية

يا جماعة هو انا عيانة بقلقى على بناتى ولا اية

محتاجة فعلا تطمنونى

فعلا وحش جدا انك تحس ان اللى حوليك بيستمدوا قوتهم منك مع انك ضعيف وخايف

صعب ما تلقيش اللى تقدر تعبرلوا عن قلقك مش عشان مش هيصدقك لا عشان ما يقلقش عليك ويشيل همك

مش عارفة يا جماعة انا اول مرة ابقى كدة

طولت عليكوا

تانى محتاجة تطمنونى

تحياتى

[aboueyad alex]

الاخت الكريمة الخوف على بناتك دى غريزة انسانية وأكيد مهما كانوا قريبين منك برده حتخافى عليهم لكن أنا بنصحك إن كانت جدتهم تتواجد معاكى يكون أفضل ليهم وليكى وربنا يخليهملك ويباركلك فيهم

[aboueyad alex]

معلش حاجة صغيرة وبسيطة لما حضرتك تكتبى واللهى تكون والله ودى الأصح للفظ الجلالة

[enjisultan]

شكرا ابو اياد على التصحيح وشكرا على مداخلة حضرتك

بس هو اوبشن الجدة لبناتى دا مش متوفر

هنا فى مصر مامتى وحماتى اللى كانوا بيقعدوا بيهم عشان كدة كنت بابقى مطمنة عليهم لكن لاسف ما ينفعش فى السعودية...

[MZohairy]

هم بناتك صغيرين قوي؟

يعني اعمارهم كام؟

و بعدين فيه حوالي 5 مليون مصري مغترب

اكيد فيه نص مليون واحد زي ظروفك على الأقل

و اكيد عرفوا يتصرفوا و امورهم مشيت

متخافيش و خليها على الله

[Dr.mmfriend]

فكرتيني حضرتك باول يوم غربه

كنت فى بالى انه هكون وحيد وغريب ومش لاقى حد

اول يوم فى الفندق كنا رمضان ونازل وقت الافطار لقيت واحد بيتكلم مصري

قلت يااااااااه ياما انت كريم يارب مصري معايا فى السعوديه

احمدك يا رب

وبعدين لما نزلت القاعه اكتشفت انه اكتر من نص الى قاعدين مصريين

هههههههههههههههه

والحمد لله بمجرد الواحد مبيكون علاقات وصداقات بتتنسي تماما الغربه

ان شاء الله حضرتك هتلاقى مصريين وناس كويسين قريب منك دايما وحواليكي

ده مهم جدا جدا وهينسيكم الغربه خالص

وبناتك هيلاقوا بنات زيهم فى سنه مصريين برضه وان شاء الله هتنبسطوا كتير

وربنا يكرمكم وتحققوا اهداف السفر

هو اول كام يوم بس بعد كده كل الامور بتبقي سهله

حمد الله على السلامه مقدما

[doha]

عادي خوفك طبيعي جدا ..

اذكر قبل مانتخذ القرار النهائي بالسفر للسعوديه كنت عماله بفكر في الموضوع وحاسه بقلق شديد وتوتر لاننا مقبلين عليه وبالصدفة كنت بسمع شريط لطارق سويدان عن استراتيجية التغيير حاجه زي كده .

المهم لقيته بيقول ان من الطبيعي جدا انك تحس بخوف لما تكون مقبل على شيء مهم والخوف ده مش ناتج عن الشيء ده بيخوف او يدعوا للقلق وانما ناتج عن التغيير نفسه .. يعني انتي معتاده على وضع معين في مصر وحياه معينه ونمط واسلوب معيشه خلاص تأقلمتي معاه فكونك تغيري كل ده فجاه وتروحي تعيشي عيشه جديده تماما عليك بكل تفاصيلها الي مجربتيهاش قبل كده فطبيعي جدا انك تشعري بالخوف ممكن تظني لاول وهله انك خايفه من العيشه نفسها لكن الحقيقة انك خايفه من عدم الاستقرار الي هيحصل نتيجه تغييرك لما تعودتي عليه ..

متخافيش ..

استخيري واستشيري ذوي العقل والحكمه ثم اتخذي قرارك واعزمي عليه وارمي الخوف ورا ظهرك بعدها لان زي ماقلت لك مفيش حاجه تخوف هو خوف من التغيير بس لا اكثر ولااقل .

[مغتربة]

عذرا لانى لم افهم مداخلتك بشكل كامل

فالتبس على الامر

هل انت فقط التى ستسافرين مع بناتك مع بقاء زوجك فى مصر

ام الاسره كلها ستسافر معنا

[enjisultan]

انا بناتى 6 و4 سنواتيا استاذ زوهيرى يعنى مش صغيرين اوى بس معتمدين عليا اوى فى كل حاجة وهو دا اللى مخلينى قلقانة عليهم

يا مغتربة الاسرة كلها هتكون معايا ان شاء اللة انا عارفة ان دا المفروض يطمنى بس الحقيقة انى حاسة بالمسئولية اكتر مع انى جوزى متحمل المسئولية معايا الا انى انا اللى مشجعاة على موضوع السفر فعشان كدة حاسة ان القرار دا مسئوليتى انا الشخصية

ضحا شكرا جدا على كلامك وdr mmfriend

مش عارفة كتبت الاسم كدة صح ولا لا

اللة يثطمنكوا كلكوا

بجد انا وانا باكتب الموضوع دا كنت منهارة وباعيط على غير العادة

وحسيت انى ممكن الغى الفكرة من اساسها لو فضل الاحساس دا مسيطر عليا

بس لما ابتديت افضفض اتحسنت

وكلامكوا حاسسنى انى فعلا مش اول واحدة اتغرب

فحسيت انى اختارت المكان الصح اللى اعبر فية عن قلقى

وبعدين بعد مداخلتكوا فكرت لن ممكن كل اللى اتغرب يحكى عن اول يوم لة فى الغربة ازاى مر علية وكان احساسة فية اية

دا يكمن يطمن كل الناس المقبلين على الخطوة دى

يا ريت تعجبكوا الفكرة

تحياتى

[مروان]

سيدتي

علمنا رسول الله صلى الله عليه وسلم الاستخارة في الامور كلها

حتى في ادق الامور فما بالك بالسفر والغربة

عليك بركعتين استخارة

ورددي الدعء المشهور من كل قلبك

وان شاء الله يختار الله لك الخير

وان تيسرت الامور للسفر فهو كذلك

فليس السفر كله شر

بل فيه خيرا كثيرا

ربنا معاك

[enjisultan]

سيدتي

علمنا رسول الله صلى الله عليه وسلم الاستخارة في الامور كلها

حتى في ادق الامور فما بالك بالسفر والغربة

عليك بركعتين استخارة

ورددي الدعء المشهور من كل قلبك

وان شاء الله يختار الله لك الخير

وان تيسرت الامور للسفر فهو كذلك

فليس السفر كله شر

بل فيه خيرا كثيرا

ربنا معاك

شكرا على النصيحة

ودعاوتكوا لنا

ربنا ييسرالامور

[خالد شحاته]

الاخت الفاضله

اظاهر انك اول مره تسافرو خارج مصر علشان كدا القلق مسيطر عليكي بس تاكدي بعد مسافري وتستقري انتي والاولاد هنا هتقولي ياريت كنت سافرت من زمان بس طبعا خوفك علي الاولاد من مسئوليتهم ولا علشان كان الاهل عندك مثل ماماتك وحماتك كانو حملين عنك المسئوليه شويه باذن الله هينبسطو في السفر وربنا يقدم لكم الخير

[herohero]

الغربة ده لما يكون بلد مش عربي انما اي بلد عربي فمش هتحسي بغربة وبعدين انت معاك زوجك واولادك فين الغربة ، بالعكس الغربة الصعبة ليست غربة الاهل والاوطان الغربة هي شعور الواحد بانه غريب وسط ناسه

وده ناس كتير حست بيه لما تلاقوا احلامكم بتتسرق لما تلاقو حقوقكم بتضيع واللي بياكل حقكم بلدكم وناس مصريين زيكم ، يبقى منتظرين ايه لا خليها تتاكل وانا بعيد هي ده الغربة

انما حتى لو افترضنا ان البلد الغريب كل حقي فاسمه مش بلدي وع فكره معظم المصريين حقوقهم ضاعت ف بلادهم وهنا خادوها ويمكن ف الغرب بياخدها بزياده بعد تعب واجتهاد

للاسف فضلنا نقول ماتقولش ايه ادتنا مصر لحد ما مصر بقت تدي لغيرنا ونسيتنا

[أحمد سيف]

صدقيني بعد ما تيجي هنا وتتعودي على الوضع هتبقي خايفه ترجعي مصر ثاني ... انتي بس عيشي حياتك هنا كإنك في بلدك مش على طريقة ان الغربة مجرد محطة في سكة سفر

[enjisultan]

الاخت الفاضله

اظاهر انك اول مره تسافرو خارج مصر علشان كدا القلق مسيطر عليكي بس تاكدي بعد مسافري وتستقري انتي والاولاد هنا هتقولي ياريت كنت سافرت من زمان بس طبعا خوفك علي الاولاد من مسئوليتهم ولا علشان كان الاهل عندك مثل ماماتك وحماتك كانو حملين عنك المسئوليه شويه باذن الله هينبسطو في السفر وربنا يقدم لكم الخير

فعلا يا استاذ خالد

الفكرة ان بناتى عمرى ما سيبتوهم غير مع حد يكون قريب منهم ودا اللى مخوفينى عليهم

دول حتى مع جدتهم ممكن لو غبت فى نوبتجية 12ساعة يفضلوا مايكلوش غير لما اجى

ودا اللى بيقلقنى عليهم دا دا مثلا مثل بسيط اقيس علية بعد كدة كل اعتمادهم عليا

يعنى عس ان تكرهوا شيئ وهو خير لكم

[enjisultan]

الغربة ده لما يكون بلد مش عربي انما اي بلد عربي فمش هتحسي بغربة وبعدين انت معاك زوجك واولادك فين الغربة ، بالعكس الغربة الصعبة ليست غربة الاهل والاوطان الغربة هي شعور الواحد بانه غريب وسط ناسه

وده ناس كتير حست بيه لما تلاقوا احلامكم بتتسرق لما تلاقو حقوقكم بتضيع واللي بياكل حقكم بلدكم وناس مصريين زيكم ، يبقى منتظرين ايه لا خليها تتاكل وانا بعيد هي ده الغربة

انما حتى لو افترضنا ان البلد الغريب كل حقي فاسمه مش بلدي وع فكره معظم المصريين حقوقهم ضاعت ف بلادهم وهنا خادوها ويمكن ف الغرب بياخدها بزياده بعد تعب واجتهاد

للاسف فضلنا نقول ماتقولش ايه ادتنا مصر لحد ما مصر بقت تدي لغيرنا ونسيتنا

ما هو دا اللى مصبرنى

عندى امل بقى نلاقى ناس تقدر التعب ولو ان برة برضة

بختك يا بو بخيت

انما اتعشم فى اللة ان حظنا يكون كويس

اللة المستعان

صدقيني بعد ما تيجي هنا وتتعودي على الوضع هتبقي خايفه ترجعي مصر ثاني ... انتي بس عيشي حياتك هنا كإنك في بلدك مش على طريقة ان الغربة مجرد محطة في سكة سفر

معظم الناس فعلا بتقولى حسى انك هاتكونى فى بلدك بس مكان شغل تانى

ودا هاحاول اعملوا بس زى ما استاذ خالد قال احنا اول مرة هنسافر

يعنى مخاوف الطلعة الاولى والتغير

مسيطرة عليا ولسة مش قادرة اتغلب عليها

دعاوتكوا

[pink rose]

ربنا معاكي يا انجي

و ان شاء الله ربنا ييسرلكم الحال و يهون عليكم الطلعة الاولى زي ما قولتي

انتي هاتكوني فين في السعودية ؟

[mama nona]

الاخت انجى

توصلى بالسلامة ان شاء الله

متقلقيش هتتعودى عالوضع بسرعة

ومتقلقيش ع الولاد انا كمان عندى اطفال وبشتغل وهتلاقى الف مين يساعدك وهتلاقى الامور بسيطةان شاء الله

وهفكرك بعد كام شهر كده لما تستقرى هتقعدى تضحكى ع نفسك والخوف ال كنتى فيه

والخوف ده ظاهرة كويسه وان شاء الله ربنا هيسرلك امورك

وبالتوفيق

[enjisultan]

ربنا معاكي يا انجي

و ان شاء الله ربنا ييسرلكم الحال و يهون عليكم الطلعة الاولى زي ما قولتي

انتي هاتكوني فين في السعودية ؟

شكرا ريمو على مداخلتك

ويارب الطلعة الاولى تكون سهلة يا رب

ان شاء اللة الرياض

انا لفت كل فروع الاكاديمية اللى هاتشتغل فيها لما الشركة قرفت منى وكانوا بيفكروا يرفدونا من قبل ما يعينونا

بس خلاص استقرينا على الرياض ان شاء اللة

واذا ربنا اراد هانضم لفريق الرياض بتاعك انتى وضحى وباقى الفضليات

وعندى اسألة ليكى بالهبل بس اول ما احجز واحدد ان شاء اللة ميعاد السفر

الاخت انجى

توصلى بالسلامة ان شاء الله

متقلقيش هتتعودى عالوضع بسرعة

ومتقلقيش ع الولاد انا كمان عندى اطفال وبشتغل وهتلاقى الف مين يساعدك وهتلاقى الامور بسيطةان شاء الله

وهفكرك بعد كام شهر كده لما تستقرى هتقعدى تضحكى ع نفسك والخوف ال كنتى فيه

والخوف ده ظاهرة كويسه وان شاء الله ربنا هيسرلك امورك

وبالتوفيق

شكرا اللة يطمنك ويارب فعلا اقدر كدة

واقدر اكون مطمنة على بناتى

لسة برضة الواحد مهزوز كدة ومش على بعضة

اصلا جوزى عمال يقولى فى اية يا انجى هو احنا رايحين دارفور

انا كنت فاكرك مش على بالك

ويارب يهونها علينا