سؤال للأستفسار ... ممكن ؟؟؟

[DARWEEN]

أعتذر عن الأزعاج .. بس أستفسار صغير

كثيرا أجد موضوعات في شريط المداخلات وعند الذهاب لقراءتها تأتينا رساله بأن ليس لي الحق في الدخول ؟؟؟

أيه الحكايه ؟؟؟؟؟؟

[فــيــروز]

مفيش ازعاج ولا حاجه

دى حضرتك الموضوعات التى تطرح فى باب الاداره و مسموح فقفط للمشرفين برؤيتها :angry:

[DARWEEN]

شكرا ياست البنات على الأيضاح

وتحياتي لك وللأداره وكل سنه وأنتم جميعا بخير

[فــيــروز]

العفو يا فندم :angry: احنا بس نحب نخدم mf-:

[ragab2]

كتبت فيروز

مفيش ازعاج ولا حاجه

دى حضرتك الموضوعات التى تطرح فى باب الاداره و مسموح فقفط للمشرفين برؤيتها 

صح

[Lighthouse]

مفيش ازعاج ولا حاجه

دى حضرتك الموضوعات التى تطرح فى باب الاداره و مسموح فقفط للمشرفين برؤيتها :angry:

انا كمان كنت عايزة اقول نفس الكلام

اي خدمة :)

mf-: flx: :)

[DARWEEN]

الله .....

هو أنتم كلكم عارفين إلا أنا ولا أيه ؟؟؟؟؟

طيب مش كنتم تقولولي بدال ماأسأل وأفتح توبيك

على رأي المثل ... دارون أخر من يعلم

cbyb: cbyb: cbyb: cbyb: cbyb:

[afiona]

أصل فى عناوين بتلفت الإنتباه ويبقى الواحد عايز يرمى ودن علي الحوارات بين أكابر المنتدى...

بس أنا كنت فاكر إن أنا الوحيد اللى مش عارف أدخل الtopics دي، ولكن واضح إن الكل كده على الرغم من إنهم ماشاءالله ماشاءالله يعنى advanced members , super members ، اللهم لا حسد.. مش new member زيي كده... إلا ليه الفروقات الطبقية بين قوي المنتدي العاملة يا باشوات...؟ ( موسيقي فيلم رد قلبي)

[فــيــروز]

لا حضرتك كلنا مش بنعرف نشوف المواضيع دى بصرف النظر عن الرتب flx:

يعنى السوبر زى العاده :angry: موسيقى فيلم الايدى الناعمه mf-:

[Lighthouse]

الله .....

هو أنتم كلكم عارفين إلا أنا ولا أيه ؟؟؟؟؟

طيب مش كنتم تقولولي بدال ماأسأل وأفتح توبيك

على رأي المثل ... دارون أخر من يعلم

cbyb:  cbyb:  cbyb:  cbyb:  cbyb:

لا لا لا

العفو

داروين مش آخر من يعلم ولا حاجة

اصلنا خبرة من منتديات تانية وسألنا الاسئلة دي برضه وعرفنا السبب :D :D

[فــيــروز]

شفت يا سيد افيونه :P

بتوع الاداره خدوا بالهم اننا مطرطقين وداننا للمواضيع ومتابعين شريط الاخبار :D وبقوا يسموا المواضيع بدون عنوان :D يا خساره :D

[DARWEEN]

طيب لعلمكم بقى أنا عارف من الأول بس كنت باعمل شوية لغوشه عالفاضي

ha) ha) ha) ha) bk: bk:

أصل بأحب أناغش الجماعه الأدارجيه

:D :D :P :D

طيب تدفعوا كام وأقولكم أيه اللي هما بيقولوه هناك ؟؟؟؟؟؟؟؟

bk: bk: mf( mf(

[afiona]

أبو الدراويين...عندك أخبار عن قائمة الترقيات والمكافأت والتعيينات... حقك محفوظ يا باشا.... (صوت درج بيتفتح)

فيروز..واضح إن كل التحركات مترقبة.. آسف..بس أنا سلكت لنفسى لقمة طرية برضه وبعد مداخلتى تمت ترقيتى إلى junior member..

[DARWEEN]

ياعم أفيونا الدرج مفتوح بقاله ساعه وماشفناش لا أبيض ولا بامبه حتى

:D :D :P :D

مبروك الترقيه ياعم فين الحلاوه ؟؟

أنشالله ha) ولا tea))(:

بس برضه مش حاقولك بيقولوا أيه هناك أحسن أنا شايف الأنذارات أشتغلت

ha) ha) ha)

[فــيــروز]

يا سيدى مبروك عليك الجنيره "بققيت جونيور ما شاء الله" :P سمعونا بقى غنوة والله فرحنالك يا وله "قصدى يا باشا بس هى الغنوه اللى بتقول كده" :D مش عارفه ليه كل مداخلاتى ردا على العضو افيونه بتحدف شمال :D

[هشام عبد الوهاب]

بتوع الاداره خدوا بالهم اننا مطرطقين وداننا للمواضيع ومتابعين شريط الاخبار  وبقوا يسموا المواضيع بدون عنوان  يا خساره 

يا سلام :) .... لأ طبعا vmp: .. يعنى كل مانفتح موضوع فى الادارة نسميه بدون عنوان وبدون عنوان2 وبدون عنوان 3 ....الخ :)

اللى عاوز يعرف اخبار الترقيات الجديدة يدفع المعلوم الاول :) ...ولا فاكرينها سايبة card)) .

اروح ادورلكم على صور تعبيرية جديدة .. نفسى الاقى وش واحد مرتشى او بيدى رشوة لحد.

[afiona]

داروين كتب:

ياعم أفيونا الدرج مفتوح بقاله ساعه وماشفناش لا أبيض ولا بامبه حتى

يا برنس...المشكلة مع جنابك ان الواحد مش عارف يجيب حاجة تليق بمقامك العالي... لوكنت من عامة الشعب كانت بريزة كبيرة لمت الليلة..

داروين كتب:

بس برضه مش حاقولك بيقولوا أيه هناك أحسن أنا شايف الأنذارات أشتغلت

موضوع الأنذارات ده قلق قوى... فين حشيش.. كان بيشيل الأنذارات دى كلها على عاتقه

فيروز كتبت:

يا سيدى مبروك عليك الجنيره "بققيت جونيور ما شاء الله

مستشكر... عقبال لما تاخدى لقب السوبر وتكتبى المداخلات باللون اللي يعجبك..

فيروز كتبت:

سمعونا بقى غنوة والله فرحنالك يا وله "قصدى يا باشا بس هى الغنوه اللى بتقول كده"  مش عارفه ليه كل مداخلاتى ردا على العضو افيونه بتحدف شمال

لا ولايهمك يافندم .. بس ده محمد قنديل برضه?

الملك كتب:

اللى عاوز يعرف اخبار الترقيات الجديدة يدفع المعلوم الاول

يا خبر.. مولانا موجود معانا.. اتارى شاشة الكومبيوتر عمالة تنور والسماعات بتضرب السلام الملكى لوحدها...(وش محفوظ عجب).

عايزين نستشير معاليك فى مشروع لخدمة المنتدى.. كلها افكار سيادتك واحنا بس فرغناها علي الورق..المشروع في الملف اللي جوه الظرف ده يا كبيرنا.. ومنتظرين نظرة من سيادتكم ولو تكرمتم علينا بلقب super member يبقى تعطف كبير من فخامتكم..

[se_ Elsyed]

أصل فى عناوين بتلفت الإنتباه ويبقى الواحد عايز يرمى ودن علي الحوارات بين أكابر المنتدى...

بس أنا كنت فاكر إن أنا الوحيد اللى مش عارف أدخل الtopics دي، ولكن واضح إن الكل كده على الرغم من إنهم ماشاءالله ماشاءالله يعنى advanced members , super members ، اللهم لا حسد.. مش new member زيي كده... إلا ليه الفروقات الطبقية بين قوي المنتدي العاملة يا باشوات...؟ ( موسيقي فيلم رد قلبي)

يا أفيونه يابني دي سنة الحياه ( سُنه بضم السين ، انا عارف بحكم طبعة أسمك هاتقرأها سِنه بكسر السين ) بكره تكبر وتبقى سوبر ممبار قد الدنيا وساعتها مش هانعرف نكلمك .

تم تعديل 15 نوفمبر 2003 بواسطة se_ Elsyed

[هشام عبد الوهاب]

استاذ افيونه .

اولا شكرا على كلامك اللى زى السكر . ntw:

ثانيا : شوف ياسيدى حكاية الطبقات دى موجودة فى اى سوفتويير فى اى منتدى ومش احنا اللى بنحددها . عدد المداخلات فقط .. ولا يوجد اى مميزات اضافية لأى عضو جديد عن عضو سوبر .. وتقدر تستعمل كل خواص الكتابه زى اى عضو .. بس انت مكسل .

[afiona]

ودارت الأيام.....