حماااااااااتى العزيزة ... و ذكريااااااااااات سعيدة

[الباشمهندس ياسر]

السلام عليكم

نقول ازيكم... وحشتونى ووحشنى الكلام معاكم اوى

الصيف دخل و الطيور المهاجرة ابتدت ترجع .. و جبتلى ايه معاك .. طبت و جبت ايه لحماتك

ياااااااااااه ... حماتى

احساس تانى لسه معشتوش بالمعنى الحرفى

انما مش هقدر انكر انى دائما كانت حمواتى فى مشاريع الارتباط دائما بتحبنى و بتعاملنى كويس جدا

يلا ...أيام بقى

عايزين نحكى على اهم ذكريات انت فاكرها مع حماك او حماتك او انتى فاكراها فعلا 

بانتظاركم

[سهل جدا]

بتفكر في الحمى قبل العروسة يا هندسة :blink:

في مثل بيقول: الجار قبل الدار

وقياساً عليه ممكن نقول: الحماة قبل العروسة

شوف يا سيدي

موضوع الحماوات ده هاتلاقيه بيختلف من واحد للتاني

بالنسبة لي , كانت حماتي تعباني جداً في فترة الخطوبة وكتب الكتاب

طلبات واشتراطات و....

لكن بعد الجواز بقت كويّسة جدا معايا, وبقت بمثابة أمي الثانية

[الباشمهندس ياسر]

بتفكر في الحماة قبل العروسة يا هندسة :lol:

في مثل بيقول: الجار قبل الدار

وقياساً عليه ممكن نقول: الحماة قبل العروسة

شوف يا سيدي

موضوع الحماوات ده هاتلاقيه بيختلف من واحد للتاني

بالنسبة لي , كانت حماتي تعباني جداً في فترة الخطوبة وكتب الكتاب

طلبات واشتراطات و....

لكن بعد الجواز بقت كويّسة جدا معايا, وبقت بمثابة أمي الثانية

يا عم سهل ...الله يهديك

طب لما تانت wst:: كانت تعباك ..

مفيش اى موقف

الموضوع عن الذكريات ...... ولا انت خايف لا الحكومة تاخدك مخالفة :blink:

[عنبو]

اولا السلام عليكم ورحمة الله وبركاته

ازيك ياهندزه ايه ياعم المواضيع اللى ماشيه مع الصيف دى بس المشكله ان الواحد هنا مش فارقه معاه صيف ولا شتا كله صيف هنا

نيجى بقى للجد

انا مش خاطب وطبعا اكيد يبقى مش متجوز لكن انا جايلى احساس كده والله اعلم ان حماتى هتحبنى معرفش ليه ؟

ليه بقى الاحساس ده جالى علشان انا ان شاء الله ناوى اكرم حماتى اخر كرم ليه بقى علشان لما تكرم حماتك تقوم مهما زعلت خطيبتك هتلاقى حماتك دائماً فى صفك حتى لو كنت غلطان هتلاقيها بتقول هم الرجاله كلهم كده عصبين عندك ابوكى بيعمل ويعمل ويعمل يعنى شىء من هذا القبيل

فعلشان كده ناوى والنيه لله ان لو جبت هديه لخطيبتى اجيب واحده زيها لامها طبعا ده لحد الجواز بعد كده يبقى لا مراتى ولا حماتى ؟؟

طبعاً بهزر ؟؟؟

سلام بقى علشان مروح دلوقتى عاوز اناااااااااااااااااااااااااااااااااااااااااااااام

[الباشمهندس ياسر]

اهلا بالشرير الصغير

ازيك يا عنبى ... منور الدنيا و الله

ايه يا عمنا ... مفيش شوية عنب و انت داخل كده

بقولك ايه يا صاحبى

مزهقتش بقى م الوحدة اللى انت فيها ... مجاش على بالك تشوف حد تطلع فيه زهقك بالليل

كل ما تضايق ف الشارع مثلا او و انت سايق او مديرك زعلك

ترجع تقوم ماسك ف خناقها و قايلها ... انتى السبب .. انتى السبب

لولاك مكنتش اتبهدلت البهدلة دى ولا مشيت اكلم نفسى

عارفة لو اتكلمتى نص كلمة هعمل فيكى ايه و لو فكرتى اصلا انك تفكرى اساسا انك تتكلمى ربع كلمة

:roseop: :lol: :wub: :lol: :lol: :lol: :lol: :lol:

و الله يا عنبى ما قادر امسك نفسى م الضحك و انا شايف الكليب ده بيحصل قدامى

المهم

حماتك يا صاحبى لازم تعاملك كويس و كويس جدا كمان

أقل واجب عشان تبقى حنين ع السنيورة ... المثل بيقول ايه ... جوز البنيه اغلى من نور عنيا..

ايوه ... اومال ..اصحى معايا ________ ولا انت نسيت قواعد الاشرار

انما لما حماتك تعاملك وحش او تضغط عليك ...

يبقى انت لا مؤاخذه مش نازلها من زور و اهو عريس و خلاص و نلم البنت و نخلص منها

فانت يا صاحبى متقلقش خالص م الحوار ده

اطلاقا

ابسلوتلى :lol:

ومتجبش هدية لحماتك الا ف المناسبات بس ... سامع ادينى بقولك اهو

انما البنبوناية ( اللهم اجمعنى و بونبونايتى يارب.... قولوا امين) لازم تجيبلها هدية كل ما تشوفها

و اوعى تكرر ... المرادى عطر اللى بعدها ورد بلدى مثلا و اللى بعدها دعوة ع العشا و اللى بعدها ايميل ملوش حل و مرة عصفورين حلوين و مرة رواية

و مرة تانية زهر بانسيه مثلا و مرة تدخل على البروفايل بتاعها و تحطلها اغنية هى بتحبها اوى مثلا .....

خليها دائما متبقاش متوقعة هتجيب ايه المرة الجاية

و اوعى تبخل ... ده الكرم فى الرجال زينة.... فاقت زينة الادب

بص انا مش عاوز اغير الموضوع انما طلبت معايا اكتب الكلمتين دول و خلاص

ها يا جماعه

محدش ناوى يقولنا مواكف مع حماته

[سهل جدا]

يا عم سهل ...الله يهديك

طب لما تانت :lol: كانت تعباك ..

مفيش اى موقف

الموضوع عن الذكريات ...... ولا انت خايف لا الحكومة تاخدك مخالفة

أيوة أصلي المُدام عارفة المنتدى ده

لكن نادراً لما بتدخله

شوف يا سيدي أنا هاحكيلك موقف حصل مع حماتي لا يمكن أنساه..

الموقف ده لسه مضايقني لحد دلوقتي

آه والله مضايقني جدا, وكل لما أفتكره أتغاظ

لمّا كنت كاتب كتابي, اتفقت مع مراتي إن احنا هانتساهل شويّة في موضوع فرش الشقة, وإني هاجيب عفش متواضع على أدّ الفلوس اللي معايا عشان نتجوّز بسرعة, ونلحق نخلّف دستة عيال... :lol:

وأي حاجة ناقصة في الشقة بعد ما نتجوّز نحوّش وبعدين نجيبها..

وكان من ضمن الحاجات اللي قررنا نتنازل عنها أوضة السفرة

اتفقنا إني مش هاجيب أوضة سفرة كاملة, همّا أربع كراسي وترابيزة متواضعة وخلاص لغاية لمّا ربنا يفرجها علينا

راحت حماتي تدخّلت , وبقوة.. :lol:

وقالت ازاي الكلام ده.. لازم تجيب أوضة سفرة كاملة, ولازم يكون فيها نيش حلو وكبير

عشان نحطّ فيه الصيني , انتو عاوزين الناس تاكل وشّنا ولّا إيه!!

قولتلها يا حماتي العزيزة .. الصيني مش لازم يتحطّ في نيش يعني..

نشيله في أي حتّة ونمشّي نفسينا بأي حاجة , وبعد كده نجيب أحلى نيش

يعني يرضيكي نأجل جوازنا كم شهر عشان خاطر حتة نيش بألف جنيه (الألف جنيه من 9 سنين كانت ليها شنّة ورنّة)

راحت رافضة بشدّة

وانت عارف يا هندسة بقى إني راجل صعيدي ومخي جزمة قديمة

فكبرت في دماغي وأصريت على رأيي, وقولت: لا يمكن كلمتي تنزل الأرض أبداً :lol:

وبعيدن الموضوع تطوّر وحصل مشاكل كثيرة بسبب أمّ النيش ده, لدرجة إن الجوازة كلّها كانت هاتتفركش

وطبعا وسط إلحاح الأقارب ودموع البنيّة مراتي المسكينة اضطريت إني أرضخ

وقولت لمراتي زي ما قال عبد الفتاح القصري: خلاص تنزل المرة دي, إنما اعملي حسابك إن المرّة الجاية لا يمكن كلمتي تنزل الأرض أبداً... :wub:

اللي غايظني لغاية دلوقتي إيه بقى يا باشمهندس ياسر

إن الصيني اللي جوة النيش ما استعملناهوش لغاية دلوقتي

لأن احنا ناس عاديين مش كلاس يعني, بناكل في أطباق عادية, وبنخاف ناكل في الصيني عشان ما يتكسّرش

ولغاية دلوقتي لي 9 سنين متجوز أهو, ما افتكرش مرّة إننا استخدمنا الصيني ده

فكانت الجوازة كلها هاتتفركش بسبب النيش اللي مالوش لازمة, واللي بيتحطّ جوّاه بردو حاجة مالهاش لازمة..

لدرجة إني كرهت دولة الصين كلها بسبب الصيني ده

إلّا هو الصيني ده ليه علاقة بالصين :lol:

[elfakhrany]

يا عم سهل ...الله يهديك

طب لما تانت :P كانت تعباك ..

مفيش اى موقف

الموضوع عن الذكريات ...... ولا انت خايف لا الحكومة تاخدك مخالفة :blink:

أيوة أصلي المُدام عارفة المنتدى ده

لكن نادراً لما بتدخله

شوف يا سيدي أنا هاحكيلك موقف حصل مع حماتي لا يمكن أنساه..

الموقف ده لسه مضايقني لحد دلوقتي

آه والله مضايقني جدا, وكل لما أفتكره أتغاظ

لمّا كنت كاتب كتابي, اتفقت مع مراتي إن احنا هانتساهل شويّة في موضوع فرش الشقة, وإني هاجيب عفش متواضع على أدّ الفلوس اللي معايا عشان نتجوّز بسرعة, ونلحق نخلّف دستة عيال... wst::

وأي حاجة ناقصة في الشقة بعد ما نتجوّز نحوّش وبعدين نجيبها..

وكان من ضمن الحاجات اللي قررنا نتنازل عنها أوضة السفرة

اتفقنا إني مش هاجيب أوضة سفرة كاملة, همّا أربع كراسي وترابيزة متواضعة وخلاص لغاية لمّا ربنا يفرجها علينا

راحت حماتي تدخّلت , وبقوة.. :sad:

وقالت ازاي الكلام ده.. لازم تجيب أوضة سفرة كاملة, ولازم يكون فيها نيش حلو وكبير

عشان نحطّ فيه الصيني , انتو عاوزين الناس تاكل وشّنا ولّا إيه!! :blink:

قولتلها يا حماتي العزيزة .. الصيني مش لازم يتحطّ في نيش يعني..

نشيله في أي حتّة ونمشّي نفسينا بأي حاجة , وبعد كده نجيب أحلى نيش

يعني يرضيكي نأجل جوازنا كم شهر عشان خاطر حتة نيش بألف جنيه (الألف جنيه من 9 سنين كانت ليها شنّة ورنّة)

راحت رافضة بشدّة

وانت عارف يا هندسة بقى إني راجل صعيدي ومخي جزمة قديمة

فكبرت في دماغي وأصريت على رأيي, وقولت: لا يمكن كلمتي تنزل الأرض أبداً md2:

وبعيدن الموضوع تطوّر وحصل مشاكل كثيرة بسبب أمّ النيش ده, لدرجة إن الجوازة كلّها كانت هاتتفركش

وطبعا وسط إلحاح الأقارب ودموع البنيّة مراتي المسكينة اضطريت إني أرضخ

وقولت لمراتي زي ما قال عبد الفتاح القصري: خلاص تنزل المرة دي, إنما اعملي حسابك إن المرّة الجاية لا يمكن كلمتي تنزل الأرض أبداً... :wub:

اللي غايظني لغاية دلوقتي إيه بقى يا باشمهندس ياسر

إن الصيني اللي جوة النيش ما استعملناهوش لغاية دلوقتي

لأن احنا ناس عاديين مش كلاس يعني, بناكل في أطباق عادية, وبنخاف ناكل في الصيني عشان ما يتكسّرش

ولغاية دلوقتي لي 9 سنين متجوز أهو, ما افتكرش مرّة إننا استخدمنا الصيني ده

فكانت الجوازة كلها هاتتفركش بسبب النيش اللي مالوش لازمة, واللي بيتحطّ جوّاه بردو حاجة مالهاش لازمة..

لدرجة إني كرهت دولة الصين كلها بسبب الصيني ده

إلّا هو الصيني ده ليه علاقة بالصين mfb:

:lol: هههههههههههههههههه أنت هتموتنى من الضحك يا أستاذ سهل

الباشمهندس ياسر حبيب قلبى أنا لما أتجوز هتعامل فى البداية مع حماتى بخشونة وحدة عشان تعرف إنى مش سهل أما لو لقيتها من الحموات إياهم اللى بيهدوا النفوس وبتنصح مراتى بالنصايح ( نفضى جوزك عشان ميتجوزش عليكى) والكلام ده هعلن الحرب بالدبدبات

تم تعديل 21 يوليو 2009 بواسطة elfakhrany

[SoSo R]

صباح الخير...

هو مش حاجة غريبة إن كل اللى كاتبين فى الموضوع عزاب واللى فاتح الموضوع برضه عازب..ماعدا طبعا أستاذ سهل

يعنى بجد مستغربة!!!!

بتتوقعوا البلى قبل وقوعه؟!!!

تحياتى

سوسورانى

[elfakhrany]

صباح الخير...

هو مش حاجة غريبة إن كل اللى كاتبين فى الموضوع عزاب واللى فاتح الموضوع برضه عازب..ماعدا طبعا أستاذ سهل

يعنى بجد مستغربة!!!!

بتتوقعوا البلى قبل وقوعه؟!!!

تحياتى

سوسورانى

منورة يا دكتورة ... احنا بناخد الاحتياطات الازمه ونتعلم من خبرات المتجوزين قصدى المتدبسين :blink:

[الباشمهندس ياسر]

أيوة أصلي المُدام عارفة المنتدى ده

لكن نادراً لما بتدخله

شوف يا سيدي أنا هاحكيلك موقف حصل مع حماتي لا يمكن أنساه..

الموقف ده لسه مضايقني لحد دلوقتي

آه والله مضايقني جدا, وكل لما أفتكره أتغاظ

لمّا كنت كاتب كتابي, اتفقت مع مراتي إن احنا هانتساهل شويّة في موضوع فرش الشقة, وإني هاجيب عفش متواضع على أدّ الفلوس اللي معايا عشان نتجوّز بسرعة, ونلحق نخلّف دستة عيال... wst::

وأي حاجة ناقصة في الشقة بعد ما نتجوّز نحوّش وبعدين نجيبها..

وكان من ضمن الحاجات اللي قررنا نتنازل عنها أوضة السفرة

اتفقنا إني مش هاجيب أوضة سفرة كاملة, همّا أربع كراسي وترابيزة متواضعة وخلاص لغاية لمّا ربنا يفرجها علينا

راحت حماتي تدخّلت , وبقوة.. :wub:

وقالت ازاي الكلام ده.. لازم تجيب أوضة سفرة كاملة, ولازم يكون فيها نيش حلو وكبير

عشان نحطّ فيه الصيني , انتو عاوزين الناس تاكل وشّنا ولّا إيه!! :lol:

قولتلها يا حماتي العزيزة .. الصيني مش لازم يتحطّ في نيش يعني..

نشيله في أي حتّة ونمشّي نفسينا بأي حاجة , وبعد كده نجيب أحلى نيش

يعني يرضيكي نأجل جوازنا كم شهر عشان خاطر حتة نيش بألف جنيه (الألف جنيه من 9 سنين كانت ليها شنّة ورنّة)

راحت رافضة بشدّة

وانت عارف يا هندسة بقى إني راجل صعيدي ومخي جزمة قديمة

فكبرت في دماغي وأصريت على رأيي, وقولت: لا يمكن كلمتي تنزل الأرض أبداً md2:

وبعيدن الموضوع تطوّر وحصل مشاكل كثيرة بسبب أمّ النيش ده, لدرجة إن الجوازة كلّها كانت هاتتفركش

وطبعا وسط إلحاح الأقارب ودموع البنيّة مراتي المسكينة اضطريت إني أرضخ

وقولت لمراتي زي ما قال عبد الفتاح القصري: خلاص تنزل المرة دي, إنما اعملي حسابك إن المرّة الجاية لا يمكن كلمتي تنزل الأرض أبداً... :wub:

اللي غايظني لغاية دلوقتي إيه بقى يا باشمهندس ياسر

إن الصيني اللي جوة النيش ما استعملناهوش لغاية دلوقتي

لأن احنا ناس عاديين مش كلاس يعني, بناكل في أطباق عادية, وبنخاف ناكل في الصيني عشان ما يتكسّرش

ولغاية دلوقتي لي 9 سنين متجوز أهو, ما افتكرش مرّة إننا استخدمنا الصيني ده

فكانت الجوازة كلها هاتتفركش بسبب النيش اللي مالوش لازمة, واللي بيتحطّ جوّاه بردو حاجة مالهاش لازمة..

لدرجة إني كرهت دولة الصين كلها بسبب الصيني ده

إلّا هو الصيني ده ليه علاقة بالصين mfb:

تصدق يا سهل يا اخويا

انت حطيت ايدك على جزء كبير من المشكلة فى بلدنا

الازمة هى فعلا ... الناس هتاكل وشنا... نفسى افهم انهى ناس اللى هتاكل وش بعضها ... اذا كان الكل فى الهم سوا

و فعلا جوازات بتبوظ على حاجات بسيطة زى كده و ملهاش تاثير ف سير الحياة اصلا

و علاقات اجتماعية بتدمر .... قسما بالله بتدمر ... عشان الكلام الفاضى ده

بس سيبك انت م اللى فات كله

انا لو منك كنت فضلت ارخم على طقم الصينى ده كل شوية

و اقولها مش هناكل غير فيه و كل شوية تغسله و ترجعه النيش ... :lol:

عموما

ربنا يسعدك و يتم عليك

بس بلاش حتة انا صعيدى و دماغى مش عارف مالها ... احسن الصعايدة بقوا اليفين جدا خالص دلوقتى

ولا انت مبقاش عندك خبر :wub:

[الباشمهندس ياسر]

:lol: هههههههههههههههههه أنت هتموتنى من الضحك يا أستاذ سهل

الباشمهندس ياسر حبيب قلبى أنا لما أتجوز هتعامل فى البداية مع حماتى بخشونة وحدة عشان تعرف إنى مش سهل أما لو لقيتها من الحموات إياهم اللى بيهدوا النفوس وبتنصح مراتى بالنصايح ( نفضى جوزك عشان ميتجوزش عليكى) والكلام ده هعلن الحرب بالدبدبات :lol:

ليه بس يا فخرانى كده

متخليك بعقلك يا اخويا

طب بالعقلل كده ... لما تيجى ع ست البيت و نوارة حياة نصك الحلو و تعاملها وحش ... متخيل انها هتخاف منك و تعملك حساب

فاهم غلط يا صاحبى

ده اقل واجب ... الباب اللى يجيلك منه الريح سده و استريح

,و اكملك بعدين يا صاحبى

[pink rose]

خاليك فاكر يا فخراني يا خويا القوي في الاقوى منه :lol:

و بعد الكلام اللي انت قلته دا انسى موضوع جوازك من مريم خلاص :lol:

[الباشمهندس ياسر]

صباح الخير...

هو مش حاجة غريبة إن كل اللى كاتبين فى الموضوع عزاب واللى فاتح الموضوع برضه عازب..ماعدا طبعا أستاذ سهل

يعنى بجد مستغربة!!!!

بتتوقعوا البلى قبل وقوعه؟!!!

تحياتى

سوسورانى

مساء الورد

ازيك يا دوك ... منورانا

ايه بقى .. مالهم العزاب ... قلتى ايه مش سامع ... اه احسن ناس

ده من كرمك و الله يا دوك :wub:

طب و مين جاب سيرة البلا خالص

العنوان بيقول ذكريات سعيدة و حماتى العزيزة

يعنى مفيش الفاظ أخف وطأة ( حلوة وطأة دى ) من كده

طب و فين

احنا متفقين من كام شهر اننا هنقول قوالة ف موضوع الحماوات

مشفناش حاجة لسه :lol:

خاليك فاكر يا فخراني يا خويا القوي في الاقوى منه :lol:

و بعد الكلام اللي انت قلته دا انسى موضوع جوازك من مريم خلاص :wub:

اهلا ريمو

طب لما ناوية تجوزى مريومة لحد صغير ف السن

مش كنتى تدينى خبر ... يلا النصيب غلاب

مبروك عليك يا عم فخرانى... تتربى ف عزك يا سيدى

فيييييييييييييين

فين الزكريات الجامده يا ام مريم؟؟

[الباشمهندس ياسر]

عرفت مرة و انا ف القاهرة ان من مميزات العريس ان يبقى يتيم

عشان العروسة متلاقيش حد كده يعنى

يا ترى الكلام ده كان نكتة ولا بجد؟؟؟؟؟؟؟

[ذهبية]

ازيك يا باش مهندس ياسر

يارب يرزقك بالحما ة الى تكون كل ذكرياتها معاك سعيدة و تفضل فاكرها العمر كلة

و ياريت بجد يرزقك بواحدة زى امى الله يرحمها وتعمل معاك زى ما عملت مع جوزى لان امى بجد كانت حماتى انا

مش هو و كانت مطلعة عينى انا و كل شوية اقول لها ارحمينى انا برضة بنتك دة انتى امى انا مش امة هو

بالرغم انى جوازى كان تقليدى لكن امى احبت جوزى اكتر منى بجد وكانت واقفة جنبة من الالف الى الياء

و كانت دايما بتكرر كلمة ان دة راجل هو الىل عمل نفسة بنفسة لا ابوة ساعدة و اخواتة و امة يعنى عارف معنى القرش لانة تعب فية

يبقى لازم يحافظ على بيتة و مراتة و مش ممكن هيتنازل عنهم بسهولة

انا فاكرة يوم ما جة علشان يتفق على الجهاز جة لوحدة من غير اى حد معاة و قال كلمتين انا معايا كذا و كذا

ردت علية امى و قالت الناقص عندك انا هاكملة

ووقفت امى معاة مواقف رجالة بجد و الى وقتنا هذا يدعو يترحم على امى و يبكى بكاء حارا كل ما يفتكرها

و عمل لها عمرة و يخرج الصدقات على وروحها

وفى اوقات كتيرة اضايقة او نتخانق يرد عليا برد واحد انى هاكرمك علشان والدتك وعمرى ما هازعل منك لانك بنتها

ولنا بقية للحوار

ذهبية

[pocy]

هلا وغلا بالاخ ياسر

انا بقي كنت مرعوبه من حماتى وفكره انى يكون لي حمه زى ماري منيب وسبحان الله لما اتخطبت جت حماتى قالتلى تعالى عايزه اكلمك لوحدنا انا قلت فى عقلي هتكشف عن سر عميق ولا هتعمل في ايه ولا هتقلي انا مش موافقه على الجوازه دى وابنى غصبنى انى اجي ولا هتقول ايه ولا ايه

دخلت الاوضه انا وحماتى وقفلت الباب انا قلت يمكن هتضربنى ولا حاجه ههههههههههههههه المهم راحت الست قالتلى ارتاحى ماحنا فى بيتكم بيتكم يعنى ايه مش هتعرف تضربنى علشانا انا فى بيتنا ولا ايه وسكت صابره انها تقعد وترتاح علشان تقول اللى فى جعبتها وراح ظنى وشيطان يوسوس لي في اشياء فظيعه عما ستقوله لى وانا عايزه اجوزه لبنت اختى والكلام ده ههههههههههههههههههه

المهم

سبحان الله طلعت الست طيبه جدا وبتوصينى عليه وبتقولى انه اخر العنقود وانها بتحبه جدا وانه ابوه متوفي وانا ربيته لوحدى وخدى بالك منه والكلام ده وانا والله بحبك فى الله و قعدت تدعيلي وعيطت فى الاخر والله صعبت على وحسيت انها امى وكانت بتكلم بنتها سبحان الله

والحمد لله كانت فعلا حماتى ملاك دا طبعا موقف من المواقف

اما باقي المواقف سأحكيها ومعظمها بعد كتب الكتاب او بمعنى اصح حصل موقف لا يمكن التراجه فيه بعد كتب الكتاب بساعه هههههههههههههههههههههههههههههههههههههههههههه

شويه وارجع احكيهولكم

[pocy]

احكيلكم بقي الموقف اللى حصل يوم كتب الكتاب انتوا عارفين طقوسه طبعا

المهم بعد كتب الكتاب لقيت مرات اخوى جوزى ماسكه ودان اختى الكبيره بقالها ساعه تقريبا وبعدها لما اخيرا قررت تسيب ودانها نديت ختى وبقولها بترغوا في ايه ده كله راحت قالتلى الله يعينك دى حماتك مش هتكون امه وبس لا واخته كمان طلعت ميه من تحت تبن وانا طبعا قلت ليه قالتلى لما يمشوا مااحنا ادبسنا خلاص

المهم وبعد ما الناس مشيوا اختى استلمت ودان العائله الكريمه وقالت عن كل ما قالته مرات اخوى جوزى وكيف انهم يشغلونها بالسخره وبيزعقوا فيها ودواليك وان اخواته البنات بيحطوا رجل على رجل وهى اللى بتمسح البيت وتعمل كل حاجه وعلى طول مظلومه والله انا بقي مكنتش عارفه اعمل ايه الناس شكلهم محترم ومبيعملوش كده بس يردوا على ويقولوا الناس مظاهر طب انا مهندسه يعنى استحاله يعملونى بالطريقه دى لكن للاسف الشديد كان كل من فى البيت قد عرف انى هتعذب عذاب وخصوصا انى طيبه ومش بحب ااخر طلب لحد ومش بعرف اقول لا المهم بعد ان تزوجت بسنه ادركت ان مرات اخوى جوزى تحب ان تختلق الاشياء من خيالها الخصب وان حماتى ماهى الا ام تحب ابنائها وترعاهم وترعى احفادها وتحب زوجات ابنائها لابنائها ولا تعذبهم فتخيلوا بقي انتوا الموقف بعد كتب الكتاب تعرف انك هتشتغل سيده او زليخه او فتكات هههههههههههههههههههههه

وكفاه كده لحسن طولت عليكم

[elfakhrany]

خاليك فاكر يا فخراني يا خويا القوي في الاقوى منه :closedeyes:

و بعد الكلام اللي انت قلته دا انسى موضوع جوازك من مريم خلاص

خلاص خلاص مش هعلن الحرب :wub:

نتكلم جد شوية

أخى الفاضل الباشمهندس ياسر أنا عارف كويس إن حماتى ( فى المستقبل ) هى أولاُ وأخيراُ أم وخايفه على بنتها ومحتاجة الإنسان اللى يحافظ عليها وجميع المشادات اللى قبل الزواج ( واللى بسببها بيبوظ كتير من الجوازات) ماهى الإ نتيجة ثقافات وعادات متوارثة ... أسمع أن بيكون فيه بعض الأشياء على العريس والبعض الأخر على العروس حسب المنطقة بس أهم حاجة محدش يضحك عليك الستاير والسجاد و المطبخ والأجهزة على العروسة :happy:

[عنبو]

خاليك فاكر يا فخراني يا خويا القوي في الاقوى منه :closedeyes:

و بعد الكلام اللي انت قلته دا انسى موضوع جوازك من مريم خلاص

خلاص خلاص مش هعلن الحرب :wub:

نتكلم جد شوية

أخى الفاضل الباشمهندس ياسر أنا عارف كويس إن حماتى ( فى المستقبل ) هى أولاُ وأخيراُ أم وخايفه على بنتها ومحتاجة الإنسان اللى يحافظ عليها وجميع المشادات اللى قبل الزواج ( واللى بسببها بيبوظ كتير من الجوازات) ماهى الإ نتيجة ثقافات وعادات متوارثة ... أسمع أن بيكون فيه بعض الأشياء على العريس والبعض الأخر على العروس حسب المنطقة بس أهم حاجة محدش يضحك عليك الستاير والسجاد و المطبخ والأجهزة على العروسة :happy:

ايه ده ياعم الفخرانى انت كده متساهل اقوى دانا سمعت ان

العروسه والسجاد والمطبخ والاجهزه والنجف والستاير ولو انت بقى واد تمام يبقى بيجيبوا الصالون وانت طبعا تجيب انتريه او ممكن تدبسهم فى ركنيه بس كفايه

تعالى بقى للجد انا اكتر كلمه بتخنق منها بجد لما واحد يروح يتقدم لواحده تلاقى اهلها بيقولوا له احنا بنشترى راجل ؟؟؟

وتلاقى بعد الكلمه دى احنا عاوزين

شبكه ب ........ زى بنت خالتها

فرش ................................... من دمياط زى بنت خالتها برضه

وشقه ................................ زى بنت خالتها

انا بقى ليا واحد صاحبى كان واد صايع "" يعنى لافف وفاهم الدنيا يعنى "" اقولهم ايه مهو بنتكم مش حلوه زى بنت خالتها وسابهم ومشى

يعنى من الاخر كلمة احنا بنشترى راجل كأنه بيقولك لو انت راجل طيب هاتلى بقى

[الباشمهندس ياسر]

ازيك يا باش مهندس ياسر

يارب يرزقك بالحما ة الى تكون كل ذكرياتها معاك سعيدة و تفضل فاكرها العمر كلة

و ياريت بجد يرزقك بواحدة زى امى الله يرحمها وتعمل معاك زى ما عملت مع جوزى لان امى بجد كانت حماتى انا

مش هو و كانت مطلعة عينى انا و كل شوية اقول لها ارحمينى انا برضة بنتك دة انتى امى انا مش امة هو

بالرغم انى جوازى كان تقليدى لكن امى احبت جوزى اكتر منى بجد وكانت واقفة جنبة من الالف الى الياء

و كانت دايما بتكرر كلمة ان دة راجل هو الىل عمل نفسة بنفسة لا ابوة ساعدة و اخواتة و امة يعنى عارف معنى القرش لانة تعب فية

يبقى لازم يحافظ على بيتة و مراتة و مش ممكن هيتنازل عنهم بسهولة

انا فاكرة يوم ما جة علشان يتفق على الجهاز جة لوحدة من غير اى حد معاة و قال كلمتين انا معايا كذا و كذا

ردت علية امى و قالت الناقص عندك انا هاكملة

ووقفت امى معاة مواقف رجالة بجد و الى وقتنا هذا يدعو يترحم على امى و يبكى بكاء حارا كل ما يفتكرها

و عمل لها عمرة و يخرج الصدقات على وروحها

وفى اوقات كتيرة اضايقة او نتخانق يرد عليا برد واحد انى هاكرمك علشان والدتك وعمرى ما هازعل منك لانك بنتها

ولنا بقية للحوار

ذهبية

انا مش قادر اقول غير ان ماشاء الله على حظ زوجك الكريم

و اما عن حماته الكريمة ربنا يرحمها و يحسن اليها و يجعله فى ميزان حسناتها

و يتم نعمته عليكى يا ذهبية و تبطلى تزعلى الراجل

احسن الرجالة دول طيبين اوى و ف حالهم و بيمشوا جوه الحيطة :wub:

بس محدش واخد باله

مش احنا طيبين يا فخرانى

انما الجماعه الشريرين دول فاحنا ملناش دعوه بيهم خالص ولا انت ايه رايك يا عنبى ف الموضوع ده

بس انا عايزك تحكيلنا مواقف بتفكرك بحماتك انتى :closedeyes:

بعد اذنك طبعا