الاخوات الفضليات في مدينة الرياض

[doha]

بتلبسي بنطلون عادي وبتكشفي وشك عادي بس المهم تكوني لابسه عبايه سودا على كل ده .. طبعا العبايه بتكون زي الروب الطويل كده مغطيه لبسك كله ومقفوله من الامام بكباسين ..

بس مش القضيه تلبسي ايه وانتي خارجه لان اصلا هنا تقريبا مفيش خروج .. يعني الوضع الي في مصر انك تحبي تجيبي حاجه فتنزلي البقال على الناصيه تشتريها او تندهي على بتاعت الخضار وتدلدلي لها السبت من البلكونه الكلام ده مش هنا خالص ..

يعني هنا عشان تخرجي هي مرة في الاسبوع ( لو جوزك فاضي يخرجك المره دي ) وهتروحي سوق تشتري حاجه وترجعي وطبعا في الذهاب والاياب هتكوني في سياره ..

هتضطري تغطي وشك في الاسواق بس الي فيها دكاكين لكن لو في مول غالبا محدش هيسأل ..

بعدين هقولك نصيحه انتي من نفسك حتى لو مش معتاده تغطي وشك وحتى لو محدش اجبرك هتيجي هنا بمزاجك مش غصب وهتغطيه ..

اذكر زمان لما كنت في ثانويه عامه كنت بغطي وشي وانا خارجه عادي لما رجعت مصر ودخلت الجامعه طبعا بكشف وشي عادي برضه .. لما جيت في اجازه الصيف ورجعت الرياض كنت داخله سوبر ماركت اظن بنده او شيء مش فاكره .. المهم لقيت الناس عماله تبص .. وانا مش فاهمه كل ماحد يبص لي الاقيه بيبحلق وكأن في حاجه غلط :lol: .. فجأه اكتشفت اني كاشفه وشي .. وطبعا وشي الي هنا هو وشي الي هناك والناس الي هنا محترمه برضه زي الي هناك طيب ايه الفرق وليه الناس عماله تبحلق كده ..

حللت الموقف بسرعه فلقيت ان اقرب شيء للصواب هو اني بكشفي لوشي هنا كاني بقولهم ياجماعه انا ( وش ذلك ) والي عايز يبص يبص ..بالظبط زي وحده في مصر مثلا لابسه بودي ستومك اكيد نظره الناس لها مش هتكون زي وحده لابسه خمار هيعتبروا الاولانيه لابساه مخصوص عشان يبصوا وانها لو مش عوزاهم يبصوا كانت غطته بالظبط زي لو انتي مش عاوزه حد يبص عليك وانتي ماشيه هنا في الشارع غطي وشك ..

وبس من يومها الى اليوم مستحيل امشي في الشارع هنا كاشفه وشي زي بالظبط مامستحيل انزل في مصر في الشارع لابسه قصير ..

على العموم انا بعمل حركه كويسه ومريحاني جدا في تغطيه الوجه احسن من البرقع وقرفه .. اسمها اللثام .. انتي بتلفي الطرحه على راسك عادي جدا زي مابتلفيها في مصر بس خلي حته اطول من حته .. بعدين الجزء الي يفضل منها حطيه على وشك زي الكمامه كده :unsure: واربطيه من ورا من الطرفين .. وبس اريح حاجه واشيك ونشوفك في الرياض على خير باذن الله ..

[enjisultan]

بتلبسي بنطلون عادي وبتكشفي وشك عادي بس المهم تكوني لابسه عبايه سودا على كل ده .. طبعا العبايه بتكون زي الروب الطويل كده مغطيه لبسك كله ومقفوله من الامام بكباسين ..

بس مش القضيه تلبسي ايه وانتي خارجه لان اصلا هنا تقريبا مفيش خروج .. يعني الوضع الي في مصر انك تحبي تجيبي حاجه فتنزلي البقال على الناصيه تشتريها او تندهي على بتاعت الخضار وتدلدلي لها السبت من البلكونه الكلام ده مش هنا خالص ..

يعني هنا عشان تخرجي هي مرة في الاسبوع ( لو جوزك فاضي يخرجك المره دي ) وهتروحي سوق تشتري حاجه وترجعي وطبعا في الذهاب والاياب هتكوني في سياره ..

هتضطري تغطي وشك في الاسواق بس الي فيها دكاكين لكن لو في مول غالبا محدش هيسأل ..

بعدين هقولك نصيحه انتي من نفسك حتى لو مش معتاده تغطي وشك وحتى لو محدش اجبرك هتيجي هنا بمزاجك مش غصب وهتغطيه ..

اذكر زمان لما كنت في ثانويه عامه كنت بغطي وشي وانا خارجه عادي لما رجعت مصر ودخلت الجامعه طبعا بكشف وشي عادي برضه .. لما جيت في اجازه الصيف ورجعت الرياض كنت داخله سوبر ماركت اظن بنده او شيء مش فاكره .. المهم لقيت الناس عماله تبص .. وانا مش فاهمه كل ماحد يبص لي الاقيه بيبحلق وكأن في حاجه غلط :lol: .. فجأه اكتشفت اني كاشفه وشي .. وطبعا وشي الي هنا هو وشي الي هناك والناس الي هنا محترمه برضه زي الي هناك طيب ايه الفرق وليه الناس عماله تبحلق كده ..

حللت الموقف بسرعه فلقيت ان اقرب شيء للصواب هو اني بكشفي لوشي هنا كاني بقولهم ياجماعه انا ( وش ذلك ) والي عايز يبص يبص ..بالظبط زي وحده في مصر مثلا لابسه بودي ستومك اكيد نظره الناس لها مش هتكون زي وحده لابسه خمار هيعتبروا الاولانيه لابساه مخصوص عشان يبصوا وانها لو مش عوزاهم يبصوا كانت غطته بالظبط زي لو انتي مش عاوزه حد يبص عليك وانتي ماشيه هنا في الشارع غطي وشك ..

وبس من يومها الى اليوم مستحيل امشي في الشارع هنا كاشفه وشي زي بالظبط مامستحيل انزل في مصر في الشارع لابسه قصير ..

على العموم انا بعمل حركه كويسه ومريحاني جدا في تغطيه الوجه احسن من البرقع وقرفه .. اسمها اللثام .. انتي بتلفي الطرحه على راسك عادي جدا زي مابتلفيها في مصر بس خلي حته اطول من حته .. بعدين الجزء الي يفضل منها حطيه على وشك زي الكمامه كده :unsure: واربطيه من ورا من الطرفين .. وبس اريح حاجه واشيك ونشوفك في الرياض على خير باذن الله ..

شكرا يا ضحى

على فكرة بنت اختى اسمها ضحى برضة

ان شاء اللة الامور اشوفكوا بالف خير

[rewsha]

طيب الواحده بقى تجيب عبايه عاديه كده اللي بتبقى على الكتف عادي ومتفصله ولها اكمام (زي اللي بيلبسوا عبايات سمراء في مصر)

وله عبايه شبه الاسدال كده ؟اللي بتتحط على الراْس من فوق ؟

كمان ياترى العبايه دي بتتلبس من سن كام سنه ؟

يعني انا بنتي 12 سنه وتعتبر كبيره فطبعا هاتلبسها .لكن التانيه 9 سنوات يعني بين البينين هل دي كمان هاتلبس عبايه وله لبس عادي زي مصر كده ؟

وهل العبايه دي لازم تكون سوداء ساده وله ممكن يكون فيها تطريز خفيف بخرز اسود برضه مش لافت للنظر قوي (يعني من باب الشياكه شويه)

اصل في عبايات خليجي طالعه هنا جميله قوي بس بيكون فيها شوية تطريز

فانا قلت اساْل ...استشير...هههه

[elfakhrany]

إحم إحم ... باين كده الفساد الإدارى وصل للمحاورات وفيه تظبيط من تحت الترابيزة لمناصب نقابة العزاب :blink: ولا إايه يا عنبى

[pink rose]

يا ضحى الله يرضى عليكي

هاتعقدي البنات و يرجعوا في كلامهم تاني و احنا ما صدقنا اانهم جايين

بصوا يا حبايبي يا حلوين البسوا اللي انتوا عاوزينه تحت العباية بنطلون جيبة اللي يريحكم

المهم بس العباية تكون سودا مطرزة بقى او سادة دا راجع لذوق كل واحدة يعني الناس هنا مش فارضين شكل معين للعباية

يعني باشوف ناس لابسين عبايات من كتر التطريز اللي فيها الست مش قادرة تتحرك من تقل العباية ( بس دا بصراحة باحس انه مش لطيف بهرجة جامدة كده و لازم لازم الناس هاتبص و تتفرج عليها)

في عبايات مطرزة اسود او فضي بتبقى شيك جدا و رقيقة جدا

اما بالنسبة لاستايل العباية في زي ما روشة قالت عباية عادية بكمام زي اللي بتتلبس في مصر و في اللي على الراس عباية سعودي يعني انتي و راحتك عاوزة دي ماشي عاوزة التانية its up to you

ما تقلقوش من حوار العبايات دا احنا في الرياض مش في القصيم

و انا مش باغطي وشي خالص و بالبس طرح ملونة كمان و بندنات عادي جدا و لا حد بيبص و لا بيتكلم

و لو حد بص انا لا كاشفة شعري و لا حاطة ميك اب و العباية واسعة يعني لو حد بص هو الي هاياخد الوزر لوحده ان شاء الله

تصدقوا بالله انا باشوف بنات و ستات راسمين خارطة الطريق في وشهم هنا عادي و لا حد بيقولهم حاجه انما لو كانوا في القصيم دول كان زمان رجال الهيئة بالعصاية و فين يوجعك و كان المحروس جوزها مشرف في مقر الهيئة بيتوضب :sad: :blink: :lol:  

[rewsha]

هيه هيه هيه

ربنا يكرم يا ريمو .طمنتيني

مش علشان حاجه اكتر من ان بنتي اللي عندها 12 سنه دي كانت هاتتاخد من الدار للنار ههههه

من بنطلونات وتي شيرتات لعبايه سمراء وغطاء وجه كمان

يعني لما نبقى كلنا مع بعض(مع بباها يعني) عادي تكشف وشها ولما تكون هيه او انا وهيه مع بعض نغطي وشنا

يعني كله متاح .الحمد لله هوه التغطيه الغرض منها المحافظه على الواحده برضو .بس علشان هيه صغيره .ممكن واحده واحده تتعود

وطبعا كتر خيرك يا ضحى .انك حاولتي توضحي لنا الصوره برضو

بالمختصر الافضل اننا نغطي وجهنا .لكن ده مش معناه ان لازم نغطيه

[الباشمهندس ياسر]

..بالظبط زي وحده في مصر مثلا لابسه بودي ستومك اكيد نظره الناس لها مش هتكون زي وحده لابسه خمار هيعتبروا الاولانيه لابساه مخصوص عشان يبصوا وانها لو مش عوزاهم يبصوا كانت غطته بالظبط زي لو انتي مش عاوزه حد يبص عليك وانتي ماشيه هنا في الشارع غطي وشك ..

مش شرط ان البنوته اللى بتلبس ستوماك .. تبقى وش ذلك

اللى وش ذلك مبتبقاش ليها مواصفات قياسية ف الكتالوج :blink:

[عنبو]

إحم إحم ... باين كده الفساد الإدارى وصل للمحاورات وفيه تظبيط من تحت الترابيزة لمناصب نقابة العزاب :blink: ولا إايه يا عنبى

ولا تظبيط ولا حاجه هات بس انت اربع صور شخصيه مفردات المرتب وورقه ممضيه من خمس موظفين فى المحاورات وتعالى على المقر بتاعنا ؟؟

بص احنا هنطبخها انا وانت وياسر كل واحد هياخد المنصب شويه لحد لما ربنا يتوب علينا ونتجوز ولا حتى نخطب د الواحد خلاص بقى وشى اقد السمسمه

[pink rose]

مين قال الستات هايتقابلوا 2030؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :blink: wst::

امبارح اتقابلت مع اختنا الفاضلة دعاء و كان لقاء بجد جميل حسيت فيه اني مع واحدة صاحبتي من زمااااااااااااااااااااااااااان

احسن حاجة اننا كنا في لقاء عائلي يعني الازواج كمان اتعرفوا ببعض و دا شئ جميل و نتفوق فيه على اخوانا الشباب اللي اتقابلوا لوحدهم wst:: :P

الاطفال بقى ما شاء الله لا قوة الا بالله انسجموا جدا مع بعض لدرجة ان مريم و احنا مروحين قعدت تعيط مش عاوزاهم يمشوا

و قالتلي ياهما يروحوا معانا او احنا نروح معاهم

كان المفروض اختنا ضحى تكون في اللقاء دا بس لظروف عندها ما قدرتش و اتفقنا اننا نعمل لقاءات تانية كتير ان شاء الله

و ان شاء الله اللقاءات الجاية يكون معانا اخواتنا اللي في الاجازات حاليا زي اختنا فتفوتة و ماما و نونا و اللي لسا ما شرفوش الرياض زي اختنا انجي و روشة و كمان اخواتنا اللي لسا ما اتشجعوش و قالوا جايين زي yono و المهندسة و مدى و ديم مش عاوزة انسى حد بس بجد احنا يشرفنا اننا نتعرف على كل اخواتنا في الرياض :lol: :lol:

[enjisultan]

ريمو

بجد انا معاكو بس ان شاء اللة نوصل بالسلامة الاول

[elfakhrany]

إنه فى يوم السابع من أغسطس لعام 2009 عبرت قواتنا النسائية بنجاح خط الرياض عندما بدأت الضربة الأولى ، كانت ريمو على خط الجبهة (طريق خريص ) بموقع على (طريق الملك فهد ) كان يعرف بخط (العليا) المقابل (التحلية) مدام دودى ، كان هناك ثلاث دبابات وسبع بطاريات مدفعية فقط على الجانب النسائى والتى كانت ستواجه ألاف من القوات وقطع المدفعية ودبابات الصواريخ المصرية ( فى أجازات حاليا ) وحدتهالاحتياطية كتيبة 68 مشاة.. وتم العبور بنجاح :blink:

تم تعديل 8 أغسطس 2009 بواسطة elfakhrany

[mandoo]

إيه الفرحة دى كلها ياريمو ... ربنا يسعد أيامك ويفرح أولادك

على فكرة أنا والأخ جيمى والأخ متولى إلتقينا أمس فى صيدلية جيمى ... :P :P :P :P

والحمد لله كان لقاء مثمر ... وسمعنا آذان العشاء وأخونا جيمى أغلق الصيدلية ... وإحنا واقفين نكمل الحديث ونسمع صوت قادم من سيارة الهيئة والتى كانت على الجانب الآخر من الطريق ( سكر الصيدلية ياراعى الصيدلية ) وطبعا كل واحد فينا حط ديله فى سنانة وقال يافكيك ... بس للأمانة كنا رايحين نصلى .

[doudy]

إنه فى يوم السابع من أغسطس لعام 2009 عبرت قواتنا النسائية بنجاح خط الرياض عندما بدأت الضربة الأولى ، كانت ريمو على خط الجبهة (طريق خريص ) بموقع على (طريق الملك فهد ) كان يعرف بخط (العليا) المقابل (التحلية) مدام دودى ، كان هناك ثلاث دبابات وسبع بطاريات مدفعية فقط على الجانب النسائى والتى كانت ستواجه ألاف من القوات وقطع المدفعية ودبابات الصواريخ المصرية ( فى أجازات حاليا ) وحدتهالاحتياطية كتيبة 68 مشاة.. وتم العبور بنجاح :P

ماشى يا فخرانى اتريا علينا :P :P

مش عجبك اننا اتقابلنا انا و ريمو

طيب اتغاظ بقى كمان انا لسة جاية الرياض من يومين بس شفت السرعة دى :P

[doudy]

مين قال الستات هايتقابلوا 2030؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :P :angry:

امبارح اتقابلت مع اختنا الفاضلة دعاء و كان لقاء بجد جميل حسيت فيه اني مع واحدة صاحبتي من زمااااااااااااااااااااااااااان

احسن حاجة اننا كنا في لقاء عائلي يعني الازواج كمان اتعرفوا ببعض و دا شئ جميل و نتفوق فيه على اخوانا الشباب اللي اتقابلوا لوحدهم :P :P

الاطفال بقى ما شاء الله لا قوة الا بالله انسجموا جدا مع بعض لدرجة ان مريم و احنا مروحين قعدت تعيط مش عاوزاهم يمشوا

و قالتلي ياهما يروحوا معانا او احنا نروح معاهم

كان المفروض اختنا ضحى تكون في اللقاء دا بس لظروف عندها ما قدرتش و اتفقنا اننا نعمل لقاءات تانية كتير ان شاء الله

و ان شاء الله اللقاءات الجاية يكون معانا اخواتنا اللي في الاجازات حاليا زي اختنا فتفوتة و ماما و نونا و اللي لسا ما شرفوش الرياض زي اختنا انجي و روشة و كمان اخواتنا اللي لسا ما اتشجعوش و قالوا جايين زي yono و المهندسة و مدى و ديم مش عاوزة انسى حد بس بجد احنا يشرفنا اننا نتعرف على كل اخواتنا في الرياض :P :P :P

متشكرة قوى يا ريمو ايه الكلام الحلو دة كله

انتى الاحسن يا حبيبتى

و فى انتظار باقى اعضاء المحاورات فرع الرياض

بصى يا ريمو قولى لماندو و فخرانى اننا من اسكندرية كمان

[pink rose]

ريمو

بجد انا معاكو بس ان شاء اللة نوصل بالسلامة الاول

ان شاء الله يا انجي :P

و تيجي بالف سلامة و منتظرينك

و مريم كمان شافت صور منة على الفيس بوك و من ساعتها و كل يوم تسألني منة هاتيجي امتى ؟ :P

[pink rose]

إنه فى يوم السابع من أغسطس لعام 2009 عبرت قواتنا النسائية بنجاح خط الرياض عندما بدأت الضربة الأولى ، كانت ريمو على خط الجبهة (طريق خريص ) بموقع على (طريق الملك فهد ) كان يعرف بخط (العليا) المقابل (التحلية) مدام دودى ، كان هناك ثلاث دبابات وسبع بطاريات مدفعية فقط على الجانب النسائى والتى كانت ستواجه ألاف من القوات وقطع المدفعية ودبابات الصواريخ المصرية ( فى أجازات حاليا ) وحدتهالاحتياطية كتيبة 68 مشاة.. وتم العبور بنجاح :D

بقى يا فخراني يا خويا الرسول عليه الصلاة و السلام يقول رفقا بالقوارير (شايف الرقة في التعبير)

و انت تيجي تقولي مدفعية و مشاة و دبابات ليه كده بس دا احنا في ايام مفترجة :P :P

إيه الفرحة دى كلها ياريمو ... ربنا يسعد أيامك ويفرح أولادك

على فكرة أنا والأخ جيمى والأخ متولى إلتقينا أمس فى صيدلية جيمى ... :angry: :P :P :P

والحمد لله كان لقاء مثمر ... وسمعنا آذان العشاء وأخونا جيمى أغلق الصيدلية ... وإحنا واقفين نكمل الحديث ونسمع صوت قادم من سيارة الهيئة والتى كانت على الجانب الآخر من الطريق ( سكر الصيدلية ياراعى الصيدلية ) وطبعا كل واحد فينا حط ديله فى سنانة وقال يافكيك ... بس للأمانة كنا رايحين نصلى .

الله يخليك يا رب و يديم الفرحة على الناس كلها

ما شاء الله طيب كويس يعني اعضاء محاورات المصريين من الجنسين كانوا في لقاءات امبارح :P

بس لقاءانا انا و دودي مختلف احنا ولاد بلد وااسكندرانية يعني كنا حاسيين بعزوة كده :P

[mandoo]

بصى يا ريمو قولى لماندو و فخرانى اننا من اسكندرية كمان :P

بصى ياريمو قولى لدودى أنا من رشدى كمان :P :P

[doudy]

بصى ياريمو قولى لدودى أنا من رشدى كمان :P :P

مرحب بيك ابو زمل :P

طلعت اسكندرانى لا دى حاجة حلوة قوى الاسكندرانية ملوا المحاورات :P

[enjisultan]

يارب كلنا نتقابل على خير ان شاء اللة

بس يا انا ان شاء اللة هاجى عد العيد

لسة شوية علينا

عموما مشجعة الروح دى

[pink rose]

بصى ياريمو قولى لدودى أنا من رشدى كمان :lol: wst::

هلا هلا برشدي و اهل رشدي

عاوزين نعمل رايطة الاسكندراية على موقع المحاورات المصرية :lol: