فاكر الثانويه العامه واول يوم فى الكليه ؟؟

[عنبو]

بما ان نتيجة الثانويه العامه تقريباً ظهرت الاسبوع اللى فات وبما انى من مدمنى متابعة نتيجة الثانويه العامه وطبعا بفرح بجد جداً لما بلاقى واحد دخل الكليه اللى هو عاوزها واروح له وابارك له حتى لو معرفوش يعنى دى كانت عاده كنت بعملها وانا فى مصر بس انا حاليا فى السعوديه فحبيت افتح معاكم الموضوع ده

ياترى ياهل ترى لسه فاكر مجموعك فى الثانويه العامه ؟؟؟ وفاكر اول يوم فى الكليه كان ايه احساسك ؟؟

طيب ايه الاغانى اللى مرتبطه بذاكرتك من ايام الثانويه والكليه ؟؟؟

[سهل جدا]

ليه يا عنبي الإحراج ده بس :lol:

على فكرة

نتيجة الثانوية العامة على أيامنا من 15 سنة كدة غير أيامكم خالص

كانت الثمانين في المائة ليها شنّة ورنّة , وتدخل بيها أحلى الكلّيات

دلوقتي نسمع الطالب جايب 97 و 98 في المائة ومش عارف يدخل الكلية اللي هو عاوزها

بينما زمان كانت بعض كليات القمة بتاخد من حاجة وثمانين في المائة

الله يرحم أيام زمان, كانت المجاميع فيها بركة.. :lol:

[Rocky]

بما ان نتيجة الثانويه العامه تقريباً ظهرت الاسبوع اللى فات وبما انى من مدمنى متابعة نتيجة الثانويه العامه وطبعا بفرح بجد جداً لما بلاقى واحد دخل الكليه اللى هو عاوزها واروح له وابارك له حتى لو معرفوش يعنى دى كانت عاده كنت بعملها وانا فى مصر بس انا حاليا فى السعوديه فحبيت افتح معاكم الموضوع ده

ياترى ياهل ترى لسه فاكر مجموعك فى الثانويه العامه ؟؟؟ وفاكر اول يوم فى الكليه كان ايه احساسك ؟؟

طيب ايه الاغانى اللى مرتبطه بذاكرتك من ايام الثانويه والكليه ؟؟؟

موضوع في الجووووووول يابو حميد .. بس كان المفروض تبدأ بنفسك وتحكي عن ذكرياتك ومجموعك وايامك .. عشان الكل يتفاعل معاك .. بس هاخد انا شارة البداية منك .. انا خريج 2006 بس فاكر ايام الثانوية دي زي امبارح بالظبط .. وفاكر الضغط العصبي اللي كان الواحد محطوط فيه هو وزملايه وعنق الزجاجة والكلام ده كله .. وهي مرحلة زي اي مرحلة لكن الاهل والمجتمع عندنا عملوها من اصعب مراحل الدراسة .. والاباء والامهات نفسهم الولاد كلهم يطلعوا يا دكاترة يا مهندسين ولو غير كده يبقوا ضباط شرطة أو جيش .. الخ

انا كنت داخل بهدف وطلعت بهدف تاني .. بمعني ان قليل متلاقي كتير من الطلبة عنده طموح شخصي خاص به ... الا كله زي مقلتك بتأثير من البيت أو زمايلك حتي

انا فاكر المجموع وبدرجات المواد كمان كان 88 % ودخلت كلية الآثار ( مع العلم ان بشتغل في مجال تاني خالص بس هنعمل ايه ) وفاكر يوم النتيجة والاذاعة في المدرسة مشغلة اغنية عبد الحليم حافظ (الناجح يرفع ايده) واغنية من الثانوية للكلية ... والاغاني اللي انتا عارفها دي

بس اللي فاكره ومش قادر انساه .. هو تناقض المشاعر في لحظة النتيجة .. ناس فرحانة وبالاحضان وزغاريط .. وناس تانية بتتشتم وتتوبخ من اهليها علي النتيجة (شوية دراما)

بس الموضوع بيعدي يعني وبتبقي ذكريات هكلمك ايام الكلية بس في مداخلة تاانية ان شاء الله ...

[الباشمهندس ياسر]

ايوه يا عم عنبى

انا فاكر

و كان يوم فى منتهى الفرحة

فرحة بالنجاح لوحده و فرحة علشان الفرحة اللى كانت فى عين بابا و ماما

اول يوم ف الجامعه ده حكاية تانية و حوار تانى خاااااااااااااالص

ياااااااااااااه يا عنبى ... فكرتنا بالذى مضى يا جدع

كانت ايام

ربنا يمتع كل الناس و يفرح قلوبهم و يرزقهم الرضا...امين

الا انت محكتش يعنى؟!!

[metwallly]

السلام عليكم ورحمة الله وبركاته

أيه ياعم محمد الموضوعات الجامدة دى :lol:

تصدق يا Rocky إن انا خريج 2006 زى حالاتك :wub:

ندخل على الذكريات بقى يامعلم

أنا من الناس اللى كانت مكبرة دماغها وعايش حياتى فى الثانوية العامة

ومقضيها مسابقات وتزويغ ولما كنت بأكون فى المدرسة كنت بكون فى المكتبة

ولما ظهرت نتيجة المرحلة الآولى كان المجموع زى الزفت وهربت على أسكندرية

المهم فى المرحلة الثانية ربنا كرم والمجموع زاد حبتين ولحقت تجارة وتجارة فين بقى

يامعلم تجارة إسماعيلية جامعة القناة وكان أول يوم فى الجامعة يوم حكاية خمس ساعات

مواصلات واوصلك الساعة عشرة بالرغم من انى طالع من الفجرية المهم أدخل من بوابة

الجامعة وامشى مشوار طويل علشان اوصل كلية التجارة وخلصت اليوم الدراسى والكشف الطبى

والذى منه واطلع ألف على سكن ما فيش المهم قضينا الليلة فى الشارع لحد ما ربنا كرم

تانى يوم واتعرفنا على الناس ولقينا سكن :lol:

[الحازم حسن]

كانت ذكريات منيلة بنيلة بعيد عنك وعن السامعين كنت طالب متفوق في ابتدائي واعدادي والكل كان بيتوقع لي مستقبل واعد وجيت في الثانوي حصلي Drop رهييييييب كنت شخصية متمردة جداً ومكنتش بفتح كتاب عنداً في الناس اللي بتقولي ذاكر .. اللي يقولي آه أقوله عليك غضب الله :wub:

واللي زاد الطينة بلة هو جروب الفشل اللي اتعرفت عليه وكان بيعمل أي حاجة غلط لمجرد انها غلط .. كمان كنا عيال صغيرة فاكر ان سني كان 16 سنة تخيل لما تسلم واحد كامل مستقبله ومسار حياته وهوه في سن زي ده صعبة برده.

كانت عندي ميول تعشق الكمبيوتر من صغري وكنت ناوي أدخل هندسة قسم حاسب آلي لكن أنا بعتبر نفسي من الناس اللي نظام التعليم المتخلف ظلمها كان لازم تتعمق قوي في الرياضة والتفاضل والتكامل طب دي مالها ومال الكمبيوتر و مكنش عندي مانع لكن الصدفة العجيبة ان كل اللي كانوا بيدرسوا لي رياضة كانوا من آكلي لحوم البشر كان عندي في ابتدائي مدرسة اسمها فوزية تتغذى على الحشائش ولحوم الثدييات موطنها الأصلي جنوب شرق أفريقيا كانت بتضرب باي حاجة تقابلها بصندوق الاسعافات الاولية تقلع الجزمة وتنشن ومن بعدها واحد اسمه شعبان كان بيتعلم فينا دروس كاراتيه تخيلوا أطفال في عمر الزهور تتعامل المعاملة دي (خراب يا مصر) من غير تفكير قررت إني أحول أدبي ومن غير ما أفتح أي كتاب جبت 63% ودخلت حقوق رغم انها كانت الرغبة الـ 14 أو الـ 15 في ترتيب رغباتي :lol:

لدرجة اني اول سنة قضيتها في حقوق القاهرة فرع بني سويف لاني مكنتش واخد بالي ان مجموعي يجيب حقوق طنطا مستريح وحاطط رجل على رجل

بالنسبة لاول يوم في الجامعة فانا معرفهوش لاني مروحتش الجامعة الا بعد سنتين لاني كنت بحتقر كلية الحقوق دي اوي

لكن خدني الحنين تاني للمجال اللي انا بحبه ودرست فيه كورسات كتير في أول اختبار لمايكروسوفت جبت 922 من 100 وأنا رافع ايدي كده :lol:

ايه رأيكم ارجع ادرس من أول وجديد المادة اللي انا عايزها ؟

[عنبو]

ليه يا عنبي الإحراج ده بس

على فكرة

نتيجة الثانوية العامة على أيامنا من 15 سنة كدة غير أيامكم خالص

كانت الثمانين في المائة ليها شنّة ورنّة , وتدخل بيها أحلى الكلّيات

دلوقتي نسمع الطالب جايب 97 و 98 في المائة ومش عارف يدخل الكلية اللي هو عاوزها

بينما زمان كانت بعض كليات القمة بتاخد من حاجة وثمانين في المائة

الله يرحم أيام زمان, كانت المجاميع فيها بركة..

ماشى يا استاذ سهل متقول على مجموعك على شوية ذكرايات من جيلكم كده

موضوع في الجووووووول يابو حميد .. بس كان المفروض تبدأ بنفسك وتحكي عن ذكرياتك ومجموعك وايامك .. عشان الكل يتفاعل معاك .. بس هاخد انا شارة البداية منك .. انا خريج 2006 بس فاكر ايام الثانوية دي زي امبارح بالظبط .. وفاكر الضغط العصبي اللي كان الواحد محطوط فيه هو وزملايه وعنق الزجاجة والكلام ده كله .. وهي مرحلة زي اي مرحلة لكن الاهل والمجتمع عندنا عملوها من اصعب مراحل الدراسة .. والاباء والامهات نفسهم الولاد كلهم يطلعوا يا دكاترة يا مهندسين ولو غير كده يبقوا ضباط شرطة أو جيش .. الخ

انا كنت داخل بهدف وطلعت بهدف تاني .. بمعني ان قليل متلاقي كتير من الطلبة عنده طموح شخصي خاص به ... الا كله زي مقلتك بتأثير من البيت أو زمايلك حتي

انا فاكر المجموع وبدرجات المواد كمان كان 88 % ودخلت كلية الآثار ( مع العلم ان بشتغل في مجال تاني خالص بس هنعمل ايه ) وفاكر يوم النتيجة والاذاعة في المدرسة مشغلة اغنية عبد الحليم حافظ (الناجح يرفع ايده) واغنية من الثانوية للكلية ... والاغاني اللي انتا عارفها دي

بس اللي فاكره ومش قادر انساه .. هو تناقض المشاعر في لحظة النتيجة .. ناس فرحانة وبالاحضان وزغاريط .. وناس تانية بتتشتم وتتوبخ من اهليها علي النتيجة (شوية دراما)

بس الموضوع بيعدي يعني وبتبقي ذكريات هكلمك ايام الكلية بس في مداخلة تاانية ان شاء الله ...

ازيك ياعم Rocky مهو المشكله فى مصر ان الكل عاوز يبقى اما مهندس او دكتور معرفش ليه مافيش حد عاوز يبقى كيميائى ؟؟؟؟ :closedeyes:

مستنيك بقى علشان تحكى على ايام الكليه ؟؟

ايوه يا عم عنبى

انا فاكر

و كان يوم فى منتهى الفرحة

فرحة بالنجاح لوحده و فرحة علشان الفرحة اللى كانت فى عين بابا و ماما

اول يوم ف الجامعه ده حكاية تانية و حوار تانى خاااااااااااااالص

ياااااااااااااه يا عنبى ... فكرتنا بالذى مضى يا جدع

كانت ايام

ربنا يمتع كل الناس و يفرح قلوبهم و يرزقهم الرضا...امين

الا انت محكتش يعنى؟!!

حبيبى نقب شباب العزابيه فى المحاورات مش ناوى تتأهل بقى علشان انا نفسى اخد اللقب ده شويه ؟؟

انت عارف اجمل حاجه انت اقولتها ايه

الفرحة اللى كانت فى عين بابا و ماما

بجد دى احسن حاجه فى النجاح انك بتفرح ابوك وامك وانك تشوف فى عنيهم انا تعبهم مش راح على الفاضى بس كنا عاوزين لمحه عن اول يوم فى الكليه ؟؟

السلام عليكم ورحمة الله وبركاته

أيه ياعم محمد الموضوعات الجامدة دى

تصدق يا Rocky إن انا خريج 2006 زى حالاتك

ندخل على الذكريات بقى يامعلم

أنا من الناس اللى كانت مكبرة دماغها وعايش حياتى فى الثانوية العامة

ومقضيها مسابقات وتزويغ ولما كنت بأكون فى المدرسة كنت بكون فى المكتبة

ولما ظهرت نتيجة المرحلة الآولى كان المجموع زى الزفت وهربت على أسكندرية

المهم فى المرحلة الثانية ربنا كرم والمجموع زاد حبتين ولحقت تجارة وتجارة فين بقى

يامعلم تجارة إسماعيلية جامعة القناة وكان أول يوم فى الجامعة يوم حكاية خمس ساعات

مواصلات واوصلك الساعة عشرة بالرغم من انى طالع من الفجرية المهم أدخل من بوابة

الجامعة وامشى مشوار طويل علشان اوصل كلية التجارة وخلصت اليوم الدراسى والكشف الطبى

والذى منه واطلع ألف على سكن ما فيش المهم قضينا الليلة فى الشارع لحد ما ربنا كرم

تانى يوم واتعرفنا على الناس ولقينا سكن

ازيك ياعم متولى خمس ساعات مواصلات ليه ؟؟ هى كفر ابو متولى بتبعد كتير اقوى عن الاسماعليه ؟؟

على فكر انا بحب اقوى جامعة قناة السويس انا اخدت فيها الدبلومه بتعتى

كانت ذكريات منيلة بنيلة بعيد عنك وعن السامعين كنت طالب متفوق في ابتدائي واعدادي والكل كان بيتوقع لي مستقبل واعد وجيت في الثانوي حصلي Drop رهييييييب كنت شخصية متمردة جداً ومكنتش بفتح كتاب عنداً في الناس اللي بتقولي ذاكر .. اللي يقولي آه أقوله عليك غضب الله

واللي زاد الطينة بلة هو جروب الفشل اللي اتعرفت عليه وكان بيعمل أي حاجة غلط لمجرد انها غلط .. كمان كنا عيال صغيرة فاكر ان سني كان 16 سنة تخيل لما تسلم واحد كامل مستقبله ومسار حياته وهوه في سن زي ده صعبة برده.

كانت عندي ميول تعشق الكمبيوتر من صغري وكنت ناوي أدخل هندسة قسم حاسب آلي لكن أنا بعتبر نفسي من الناس اللي نظام التعليم المتخلف ظلمها كان لازم تتعمق قوي في الرياضة والتفاضل والتكامل طب دي مالها ومال الكمبيوتر و مكنش عندي مانع لكن الصدفة العجيبة ان كل اللي كانوا بيدرسوا لي رياضة كانوا من آكلي لحوم البشر كان عندي في ابتدائي مدرسة اسمها فوزية تتغذى على الحشائش ولحوم الثدييات موطنها الأصلي جنوب شرق أفريقيا كانت بتضرب باي حاجة تقابلها بصندوق الاسعافات الاولية تقلع الجزمة وتنشن ومن بعدها واحد اسمه شعبان كان بيتعلم فينا دروس كاراتيه تخيلوا أطفال في عمر الزهور تتعامل المعاملة دي (خراب يا مصر) من غير تفكير قررت إني أحول أدبي ومن غير ما أفتح أي كتاب جبت 63% ودخلت حقوق رغم انها كانت الرغبة الـ 14 أو الـ 15 في ترتيب رغباتي

لدرجة اني اول سنة قضيتها في حقوق القاهرة فرع بني سويف لاني مكنتش واخد بالي ان مجموعي يجيب حقوق طنطا مستريح وحاطط رجل على رجل

بالنسبة لاول يوم في الجامعة فانا معرفهوش لاني مروحتش الجامعة الا بعد سنتين لاني كنت بحتقر كلية الحقوق دي اوي

لكن خدني الحنين تاني للمجال اللي انا بحبه ودرست فيه كورسات كتير في أول اختبار لمايكروسوفت جبت 922 من 100 وأنا رافع ايدي كده

ايه رأيكم ارجع ادرس من أول وجديد المادة اللي انا عايزها ؟

ازيك ياعم الحازم حسن بس ياخى تقعد سنتين مترحش الكليه ليه ؟؟؟ حتى لو بتحتقر حقوق مع انى بحب كلية حقوق معرفش ليه او ممكن اعرف بس مش عاوز اقول على العموم انت ممكن تدرس اللى انت عاوزه تانى

[حوريا]

موضوع جميل واللة :closedeyes:

فكرتنا بايام زمان

انا دخلت كلية الهندسة لانى كنت اتمنى اكون مهندسة زى بابا وماما

اول يوم فى الكلية كانت اول محاضرة تفاضل وتكامل خرجت منها اعيط ورجعت البيت متعقدة من عيشتى كلها

وقررت احول لكلية الفنون الجميلة لانى بحب الفن والجمال بس بابا وماما رفضوا تماما الفكرة دى

تصوروا شكل الدكتور دة انا عمرى ما نسيتة :wub:

كملت الحمد للة فيها وطلعت كمان بتقدير

بس تلف الايام وارجع اقول ان دراسة الهندسة لا تليق بالفتيات على الاطلاق

[MZohairy]

99% سنة 1984

:closedeyes:

[بندق أفندى]

99% سنة 1984

:closedeyes:

وأيامها التجارة كانت بتاخد اكتر من الطب النووى .. انا فاكر السنة المنيلة دى ..

[MZohairy]

99% سنة 1984

:wub:

وأيامها التجارة كانت بتاخد اكتر من الطب النووى .. انا فاكر السنة المنيلة دى ..

لا يا بندق

انا دخلت التجاره هوايه و محبه و عشق

مش بسبب المجموع :closedeyes:

[elfakhrany]

انت بتقلب علينا المواجع ياعنبى أنا كنت محدد أهدافى وقلت يا واد يامحمد إن شاء الله تدخل هندسة أو تجارة وبما إنى كنت طالب دحيح مقضيها فى الشارع طبعاُ ربنا كرمنى ودخلت تجارة مع مرتبة الشرف بمجموع وقدره 73 % :closedeyes: كفاية فضايح كده

[زعلان]

حاجة تزعل ناس ملهاش في الهندسة وبتتجرأ و تغلط على التكامل و التفاضل

وعايز يبقى مهندس كمبيوتر وهو لا يفقه شيء في التفاضل و التكامل

في ناس كتير لا تعرف الفرق بين تقنية المعلومات - و البرمجة - و هندسة الكمبيوتر

وكله عن الي ما يعرفش تفاضل و تكامل صابون

ما الحياة الا تفاضل و تكامل و ما الحياة الا ريضيات تحديدا

هو عالم الفيزياء يقدر يشتغل من غير ريضيات

و لا عالم الكيمياء يقدر يشتغل من غير رياضيات

ولا الطبيب يقدر يشتغل من غير رياضيات

و لا رائد الفضاء يقدر يشتغل من غير رياضيات

ولا بائع الفول يقدر يعيش من غير رياضيات

[الحازم حسن]

حاجة تزعل ناس ملهاش في الهندسة وبتتجرأ و تغلط على التكامل و التفاضل

وعايز يبقى مهندس كمبيوتر وهو لا يفقه شيء في التفاضل و التكامل

في ناس كتير لا تعرف الفرق بين تقنية المعلومات - و البرمجة - و هندسة الكمبيوتر

لا يا عم عبقرينو

مغلطناش في حد بالعكس انت اللي غلطت وتطاولت أنا غلطت في نظام التعليم المصري المتخلف.

كان في دكتور مصري أعرفه في مركز البحوث كان معاه ماجستير في الزراعة وسافر اليابان وعمل دكتوراه في علم الأجنة لا حد قاله لازم تعملها في الزراعة ولا في غيرها وإوعي تقوللي اليابان مبتفهمش حاجة زيك !!!!! .. مكنتش عايز أبقى مهندس عشان أترسم على الناس ولا عشان أقول إني مهندس كنت عايز أكون متخصص في المجال اللي بحبه بس وهو (((تقنية المعلومات))) اللقب في حد ذاته ملوش أي اهتمام عندي.

من خلال خبرة 5 سنين في (((تقنية المعلومات))) العلاقة بينها وبين الرياضة بسيطة جداً اللهم الا من خلال الـ Decimal, Hexadecimal and Binary Conversion Chart - bytes 1/0

على الأقل في مجال الشبكات

انا فهمت دلوقتي انت ليه اسمك زعلان المفروض يكون اسمك طفحان كمان

تم تعديل 22 يوليو 2009 بواسطة الحازم حسن

[Rocky]

حاجة تزعل ناس ملهاش في الهندسة وبتتجرأ و تغلط على التكامل و التفاضل

وعايز يبقى مهندس كمبيوتر وهو لا يفقه شيء في التفاضل و التكامل

معلش اسمحلي لو تدخلت .. مش شايف الراجل غلط في حاجة .. هو بيتكلم عن سلبيات نظام التعليم في مصر .. اللي هي آفة دول العالم العربي عموماً .. وهو حصر الاتجاهات من خلال الثلاث تخصصات سواء أدبي أو علمي رياضة - علوم

واكيد حضرتك مُطلع علي نظم الثانوية العامة في الدول الاوربية والولايات المتحدة .. ففمكن تفهم ايه هو اللي يقصده الاخ الحازم حسن

وده مقال فيه مقارنة ما بين نظم التعليم في العالم العربي والغرب

نهاية مرحلة تعليمية أم نهاية العالم الثانوية العامة بين الشرق والغرب

ومتزعلش نفسك الموضوع كله ذكريات بايام فاتت .. خد دي :closedeyes: :wub:

[مغتربة]

يامعلم تجارة إسماعيلية جامعة القناة وكان أول يوم فى الجامعة يوم حكاية خمس ساعات

اهلا استاذ متولى

على كده بقى احنا زومل بس انا يعنى اسبقك بكام دفعه كده

و تبقى تجاره اسماعيله خرجت اتنين من احم احم عباقره المجتمع

بس انت ليه مشيت كتير اول يوم فى الجامعه

اكيد كنت عايز تروح تحضر فى مقر طلاب تجاره الرسمى داخل الحرم الجامعى ( الكافيتريا )

[مغتربة]

حاجة تزعل ناس ملهاش في الهندسة وبتتجرأ و تغلط على التكامل و التفاضل

وعايز يبقى مهندس كمبيوتر وهو لا يفقه شيء في التفاضل و التكامل

في ناس كتير لا تعرف الفرق بين تقنية المعلومات - و البرمجة - و هندسة الكمبيوتر

وكله عن الي ما يعرفش تفاضل و تكامل صابون

ما الحياة الا تفاضل و تكامل و ما الحياة الا ريضيات تحديدا

هو عالم الفيزياء يقدر يشتغل من غير ريضيات

و لا عالم الكيمياء يقدر يشتغل من غير رياضيات

ولا الطبيب يقدر يشتغل من غير رياضيات

و لا رائد الفضاء يقدر يشتغل من غير رياضيات

ولا بائع الفول يقدر يعيش من غير رياضيات

اوافقك استاذ زعلان على رايك فى اهميه الرياضه

و اعترف انها تدخل و بشده فى كل مناحى الحياه

و لكن بالرغم من كده برضه

طول عمرنا انا و هيا مفيش بناتوافق عاطفى ابدا

و للاسف هيا كانت السبب الرئيسى فى نزول مجموعى فى الثانويه العامه

حاولت كذا مره اتصالح عليها

لكن ثبت بالتجربه استحاله ذلك نظريا و عمليا

[pocy]

والله انا من كتر الضحك مش عارفه اكتب

فكرتونى بالذي مضي وعدى خلاص وانقضي

انا الثانويه عندى فى البيت كانت رهبه وخوف وتصوراوا بابا لو ماما مش موجوده هو اللى يجبلي العصير والشاي واللذي منه اهم شئ مقوقومش من على الكتاب ولانى كنت حابه هندسه لان البيت كله مهندسين عملت حسابي على كده والحمد لله دخلت هندسه وكانت فرحه الاهل لا توصف بس اخواتى كلهم غين شمس بس للاسف انا كانت بورسعيد مع ان مجموعى يجيب كان اسكندريه بس بورسعيد كانت اقرب وندمت بعدها انى دخلت بورسعيد قال ايه مش معترف بيها بس لما دخلت الكليه والمدينه الجامعيه وسبعه فى الاوضه اجاراكم الله والحمد لله انى جبت مقبول بجداره ههههههههههههههههههه أول سنه هبقى اخيلكم بقي عن مواقف وطرائف المدينه الجامعيه اول يوم كليه دا كان يوم كنت بخلص فيه اجرات الكشف الطبي والمدينه الجامعيه ودفع المصاريف قصه كده كبيره وسبحان الله كان فى محاضرات فى اليوم ده طبعا محضرتش منها حاجه بس برضه ارجع واقول ااايم تركت اثر كبير ويا سلام الناجح يرفع ايده و برنامج امانى واغانى بيقابل الناس ليه بس عملتوا في كده وفكرتونى بزمان قول الزمان ارجع يا زمان

[أحمد سيف]

ياااااااااه ... كانت أحلى أيام

أخوكم خذ الثانوية العامة من البحرين ... وسنتها كنت طالع الأول على الثانوية شعبة رياضيات ... وللي أنا أساسا كنت داخلها بالعند في أهلي اللي كانوا عايزيني أدخل طب وأنا كنت مصمم على هندسه

وخلصت امتحاناتي من هنا وسافرت مصر علشان أقدم امتحان مستوى رفيع حسب العرف اللى كان متبع ايامها ... وطبعا فاتني إعلان النتيجه والهيصة اللي كانوا بعملوها للأوائل ... حتى نسيت أسيب صوره للجرنال

طبعا الموضوع في مصر كان عادي جدا أو اقل من عادي بشويه كمان ... الكل - وأنا منهم - كان معتبر إن الثانوية العامة من دولة عربية دي لعب عيال وكلها شويه ومستوايا يتكشف في الجامعة لما اتحط في منافسه مع خريجي الثانوية العامة المصرية الأسطورية

يوم أعلان نتيجة المستوى الرفيع طلعت من البيت الصبح وفي جيبي 10 جنيه رحت الإدارة التعليمية في المحلة أستلم النتيجه قالوا لي لأ لازم تروح طنطا تستلمها ... وأنا مروح البيت لقيت ميكروباص يبنادي على طنطا قمت واخذه ... رحت هناك قالوا لأ لازم تروح اسكندرية ... قلت ما علينا أرجع النهارده وأروح بكره أجيبها .... لقيت في محطة السكة الحديد قطر طالع على اسكندرية قمت واخذه من غير ما أسأل ... نزلت اسكندرية وكانت أول مره في حياتي أروحها ... فضلت أسأل لحد ما عرفت مكان مدرسة الليسية ... على ما رحت هناك كانوا المدرسين روحوا يتغدوا وقالوا لي تعالا العصر استلم الشهاده ... قمت واخذها فسحه في اسكندرية بالترام أبو عشره قروش وعلى الكورنيش ورحت كلية الهندسة ... بصراحه عجبتني البلد وقررت إني أدخل هندسة اسكندرية

القرار ما كانش عاجب أهلي لإنهم كانوا عايزيني أدخل هندسة المنصورة اللي هما اتخرجوا منها ... أنا ركبت دماغي وصممت على اسكندرية وكتبتها رغبة أولى ... وفضلت أسافر كل يوم من المحلة لاسكندرية لمدة شهر ونص علشان أحضر المحاضرات هناك قبل ما نتيجة التنسيق تطلع ... والحمد لله جت زي ما أنا عايزها وقضيت في اسكندرية أحلى خمس سنين ... والأهم إني عكس كل التوقعات مشيت في الجامعة وتخرجت بجيد جدا مع مرتبة شرف واتعينت هناك معيد ... رغم إن أول سنه كنت مقضيها مراجيح وصياعة ... بس ربنا ستر

فاكر كويس أول محاضره كانت هندسه وصفيه ... بعد المحاضره ربع الدفعه كانوا عايزين يحولوا ورقهم تجاره :lol:

يا ريت الايام دي ترجع ثاني

[Alrefaey]

يوم نتيجة الثانوية العامة من الايام التى لا تنسى فى حياتى كنت فرحان جدا لرؤية الفرحة فى وجه اهلى وخصوصا بعد ماجبت 98% سنة 98 وبهذا المجموع تكون جميع كليات الطب مفتوحة بالنسبة لى وهى كانت رغبة اهلى الشديدة انى اصبح طبيب

لكنى عاندت وصممت ودخلت صيدلة كانت لى ايامها مبررات لعدم دحول الطب واعتقد انى كنت على صواب خلافا لرأى والدتى التى ظلت تلح على لكى احول طب حتى العام الثالث من الجامعة وانا رافض

حتى بعد التخرج بتقدير ممتاز وهو تقدير صعب جدا واخونا الصيادلة يعرفوا سألت والدتى هل انتى راضية بتفوقى هذا ردت على وقالت ياريت كنت دخلت طب هههه

اسست صيدلية بمصر ورفضت التعين كمعيد بالجامعة وايضا العمل الحكومى ثم بعدها قررت السفر الى الخليج كمرحلة انتقالية للهجرة