فاكر الثانويه العامه واول يوم فى الكليه ؟؟

[metwallly]

يامعلم تجارة إسماعيلية جامعة القناة وكان أول يوم فى الجامعة يوم حكاية خمس ساعات

اهلا استاذ متولى

على كده بقى احنا زومل بس انا يعنى اسبقك بكام دفعه كده

و تبقى تجاره اسماعيله خرجت اتنين من احم احم عباقره المجتمع

بس انت ليه مشيت كتير اول يوم فى الجامعه

اكيد كنت عايز تروح تحضر فى مقر طلاب تجاره الرسمى داخل الحرم الجامعى ( الكافيتريا )

أهلا بحضرتك مغتربة هانم وأهلا بكل خريجى تجارة الإسماعيلية اللى بحبها جدا :lol:

الخمس ساعات دول من قريتى اللى هى إحدى قرى محافظة كفرالشيخ لحد ما اوصل إسماعيلية

وانا كنت رايح وناوى أحول بس حبيت الجامعة هناك جدا وبالنسبة للكافتريا ما رحتهاش غير

مرة واحدة علشان أشوف أيه اللى فيها بالمناسبة هو حضرتك دفعة كام :lol:

واتفضلى حضرتك فيديو كنت مصورة لجامعة قناة السويس بالموبايل علشان ترجعى

للذكريات الجميلة إضغط هنا لمشاهدة الفيديو

[الباشمهندس ياسر]

حبيبى نقب شباب العزابيه فى المحاورات مش ناوى تتأهل بقى علشان انا نفسى اخد اللقب ده شويه ؟؟

انت عارف اجمل حاجه انت اقولتها ايه

الفرحة اللى كانت فى عين بابا و ماما

بجد دى احسن حاجه فى النجاح انك بتفرح ابوك وامك وانك تشوف فى عنيهم انا تعبهم مش راح على الفاضى بس كنا عاوزين لمحه عن اول يوم فى الكليه ؟؟

ازيك ياعم الحازم حسن بس ياخى تقعد سنتين مترحش الكليه ليه ؟؟؟ حتى لو بتحتقر حقوق مع انى بحب كلية حقوق معرفش ليه او ممكن اعرف بس مش عاوز اقول على العموم انت ممكن تدرس اللى انت عاوزه تانى

انا ناوى والله يا عنبى يا اخويا

و قربت اعيط خلاص.. :lol: ... بقولك ايه

اسال ع النصيب يا عم

و اول السنة الجديدة نعمل انتخابات ع اللقب و لو حبيت يا صاحبى اديك اللقب يالوراثة .... عادى ما احنا مصريين

بس مش ناوى تقولى ف السر عن سر ارتباطك بحقوق

ولا تحب اقول انا للناس

لو مش عاوزنى اقول مش هقول

و لو سمحتوا يا جماعه .. محدش يحاول انه يعرف منى المعلومات الخطيرة دى

عنبى ... فين العنب اللى قلتلك عليه :lol:

احسن انت فاهم يا معلم

[الباشمهندس ياسر]

موضوع جميل واللة :lol:

فكرتنا بايام زمان

انا دخلت كلية الهندسة لانى كنت اتمنى اكون مهندسة زى بابا وماما

اول يوم فى الكلية كانت اول محاضرة تفاضل وتكامل خرجت منها اعيط ورجعت البيت متعقدة من عيشتى كلها :blink:

وقررت احول لكلية الفنون الجميلة لانى بحب الفن والجمال بس بابا وماما رفضوا تماما الفكرة دى

تصوروا شكل الدكتور دة انا عمرى ما نسيتة :happy:

كملت الحمد للة فيها وطلعت كمان بتقدير

بس تلف الايام وارجع اقول ان دراسة الهندسة لا تليق بالفتيات على الاطلاق

انا شفت المنظر ده كتير و انا ف الكلية

و خصوصا لما البنت تبقى دبلر اعدادى

بصراحة كانوا بيصعبوا عليا و انا اصلا ضعيف لوحدى

و عندى حساسية ناحية الدموع و تلاقينى اتشحتفت و حالتى بقت حالة

يلا الحمد لله اننا خلصنا على خير

99% سنة 1984

B)

وأيامها التجارة كانت بتاخد اكتر من الطب النووى .. انا فاكر السنة المنيلة دى ..

لا يا بندق

انا دخلت التجاره هوايه و محبه و عشق

مش بسبب المجموع

جديد نوع العشق ده يا عم زهيرى

عشق الطالب لزميلتة الطالبه .... ماشى

عشق للاغانى ...... ماشى

عشق الفلوس... برده ماشى

انما عشق كلية التجارة ............جديدة دى

والله انا من كتر الضحك مش عارفه اكتب

فكرتونى بالذي مضي وعدى خلاص وانقضي

انا الثانويه عندى فى البيت كانت رهبه وخوف وتصوراوا بابا لو ماما مش موجوده هو اللى يجبلي العصير والشاي واللذي منه اهم شئ مقوقومش من على الكتاب ولانى كنت حابه هندسه لان البيت كله مهندسين عملت حسابي على كده والحمد لله دخلت هندسه وكانت فرحه الاهل لا توصف بس اخواتى كلهم غين شمس بس للاسف انا كانت بورسعيد مع ان مجموعى يجيب كان اسكندريه بس بورسعيد كانت اقرب وندمت بعدها انى دخلت بورسعيد قال ايه مش معترف بيها بس لما دخلت الكليه والمدينه الجامعيه وسبعه فى الاوضه اجاراكم الله والحمد لله انى جبت مقبول بجداره ههههههههههههههههههه أول سنه هبقى اخيلكم بقي عن مواقف وطرائف المدينه الجامعيه اول يوم كليه دا كان يوم كنت بخلص فيه اجرات الكشف الطبي والمدينه الجامعيه ودفع المصاريف قصه كده كبيره وسبحان الله كان فى محاضرات فى اليوم ده طبعا محضرتش منها حاجه بس برضه ارجع واقول ااايم تركت اثر كبير ويا سلام الناجح يرفع ايده و برنامج امانى واغانى بيقابل الناس ليه بس عملتوا في كده وفكرتونى بزمان قول الزمان ارجع يا زمان

اوعى وشك

المدينة الجامعية و ذكرياتها اللى مش عارف اوصفها

امانة عليكى ما نتى ساكتة

و امانة تانية لتكملى الذكريات اياها و خصوصا جو رمضان ف المدينة

على جنب كده :

عنبى يا اخويا ... انا قلت ارحب بالناس على ما تيجى بالسلامة ان شاء الله

[takiro]

حلو اوي الموضوع الجامد ده رجع الواجد حاجه كده بتاعه 10 سنين ورا

حلوه اوى الجمله الي فاتت دي محسساني انا خلاص كبرت و بقي عندي زكريات من 10 سنين بحالهوم

المهم انا مش فاكر اوى يوم نتيجه الثاناوي الي فاكره اني كنت في العجمي و صاحبي كلمني قالي انت جيبت 92 %

كنت اول دفعه بعد ما لغو التحسين علشان كده ماكونتيش عارف ده حلو ولا وحش و لا ايه

انا كنت في الاول نفسي ادخل صيدله و فاكر و انا بكتب الرغبات كتبت كل صيدليات الجمهوريه بس ما جتش

بس ربنا كرمني و دخلت هندسه اسكندريه يعني مافيش شحططته

اوي محاضره حضرتها كانت في الماده الي اتخصصت فيها بعد كده الكيميا (اقرب حاجه لصيدله الي كنت بحبها)

كانت محاضره لذيذه و اتبسط فيها اوىى

نيجي بقي للحاجه الي عقدتني و قرفتني اليوم ده بس ياريت ماحدش يزعل مني

انتو طبعا عارفين شعور الطلبه اوى مره بعد ثانوي و المراهقه و الحاجات دي و ازاى البنات بيبقو موجودين مع الولاد في نفس المدرج و الحاجات دي

طبعا دخول الكليات بيكون لسه في اخير الصيف و الجو بيكون حر مووت و الطلبه لابسين نص كم

جت قعدتي جنب بنت لذيذه و دردشنا شويه و الذي منه و بعدين الدكتور دخل و بدا يشرح

ابص جنبي يا معلم الاقي البنت في اديها شعر اكتر من الي عندي تقربا ماكنتش اعلانات وان و فاست و الحاجات دي نزلت

بجد جالي اكتئاب

الضهر قبل ما نروح قابلت اصحابي في صيدله و علوم و قعدنا علي القهوه علي البحر

الغريبه ان كلنا اكتئبنا و كل واحد ماسك شيشه و عمال يشرب فيها و مش بنتكلم كان شكلنا غريييب

بس بمرور الوقت اخدنا علي الجو ( جو القهوه طبعا)

بصراحه كانت احلي ايام

ميرسي اوى علشان فكرتوني بيها

[عنبو]

pocy

والله انا من كتر الضحك مش عارفه اكتب

فكرتونى بالذي مضي وعدى خلاص وانقضي

انا الثانويه عندى فى البيت كانت رهبه وخوف وتصوراوا بابا لو ماما مش موجوده هو اللى يجبلي العصير والشاي واللذي منه اهم شئ مقوقومش من على الكتاب ولانى كنت حابه هندسه لان البيت كله مهندسين عملت حسابي على كده والحمد لله دخلت هندسه وكانت فرحه الاهل لا توصف بس اخواتى كلهم غين شمس بس للاسف انا كانت بورسعيد مع ان مجموعى يجيب كان اسكندريه بس بورسعيد كانت اقرب وندمت بعدها انى دخلت بورسعيد قال ايه مش معترف بيها بس لما دخلت الكليه والمدينه الجامعيه وسبعه فى الاوضه اجاراكم الله والحمد لله انى جبت مقبول بجداره ههههههههههههههههههه أول سنه هبقى اخيلكم بقي عن مواقف وطرائف المدينه الجامعيه اول يوم كليه دا كان يوم كنت بخلص فيه اجرات الكشف الطبي والمدينه الجامعيه ودفع المصاريف قصه كده كبيره وسبحان الله كان فى محاضرات فى اليوم ده طبعا محضرتش منها حاجه بس برضه ارجع واقول ااايم تركت اثر كبير ويا سلام الناجح يرفع ايده و برنامج امانى واغانى بيقابل الناس ليه بس عملتوا في كده وفكرتونى بزمان قول الزمان ارجع يا زمان

ازيك ياهندسه الا مقولتليش انتى تخصصتى ايه ؟؟ وبجد انا اللى مرتبط بذاكرتى برنامج امانى واغانى وكان بيجب كل سنه واحده زوجها توفى واقعدت تربى بنتها لحد لما دخلت كلية الصيدله او الطب انا كل سنه كنت بقعد مخصوص علشان اتفرج على الفقره دى

بس عاوزينك ياهندسه تحكى لينا على ذكريات المدينه الجامعيه والمعديه بتعت بورفؤاد

أحمد سيف

ياااااااااه ... كانت أحلى أيام

أخوكم خذ الثانوية العامة من البحرين ... وسنتها كنت طالع الأول على الثانوية شعبة رياضيات ... وللي أنا أساسا كنت داخلها بالعند في أهلي اللي كانوا عايزيني أدخل طب وأنا كنت مصمم على هندسه

وخلصت امتحاناتي من هنا وسافرت مصر علشان أقدم امتحان مستوى رفيع حسب العرف اللى كان متبع ايامها ... وطبعا فاتني إعلان النتيجه والهيصة اللي كانوا بعملوها للأوائل ... حتى نسيت أسيب صوره للجرنال

طبعا الموضوع في مصر كان عادي جدا أو اقل من عادي بشويه كمان ... الكل - وأنا منهم - كان معتبر إن الثانوية العامة من دولة عربية دي لعب عيال وكلها شويه ومستوايا يتكشف في الجامعة لما اتحط في منافسه مع خريجي الثانوية العامة المصرية الأسطورية

يوم أعلان نتيجة المستوى الرفيع طلعت من البيت الصبح وفي جيبي 10 جنيه رحت الإدارة التعليمية في المحلة أستلم النتيجه قالوا لي لأ لازم تروح طنطا تستلمها ... وأنا مروح البيت لقيت ميكروباص يبنادي على طنطا قمت واخذه ... رحت هناك قالوا لأ لازم تروح اسكندرية ... قلت ما علينا أرجع النهارده وأروح بكره أجيبها .... لقيت في محطة السكة الحديد قطر طالع على اسكندرية قمت واخذه من غير ما أسأل ... نزلت اسكندرية وكانت أول مره في حياتي أروحها ... فضلت أسأل لحد ما عرفت مكان مدرسة الليسية ... على ما رحت هناك كانوا المدرسين روحوا يتغدوا وقالوا لي تعالا العصر استلم الشهاده ... قمت واخذها فسحه في اسكندرية بالترام أبو عشره قروش وعلى الكورنيش ورحت كلية الهندسة ... بصراحه عجبتني البلد وقررت إني أدخل هندسة اسكندرية

القرار ما كانش عاجب أهلي لإنهم كانوا عايزيني أدخل هندسة المنصورة اللي هما اتخرجوا منها ... أنا ركبت دماغي وصممت على اسكندرية وكتبتها رغبة أولى ... وفضلت أسافر كل يوم من المحلة لاسكندرية لمدة شهر ونص علشان أحضر المحاضرات هناك قبل ما نتيجة التنسيق تطلع ... والحمد لله جت زي ما أنا عايزها وقضيت في اسكندرية أحلى خمس سنين ... والأهم إني عكس كل التوقعات مشيت في الجامعة وتخرجت بجيد جدا مع مرتبة شرف واتعينت هناك معيد ... رغم إن أول سنه كنت مقضيها مراجيح وصياعة ... بس ربنا ستر

فاكر كويس أول محاضره كانت هندسه وصفيه ... بعد المحاضره ربع الدفعه كانوا عايزين يحولوا ورقهم تجاره

يا ريت الايام دي ترجع ثاني

ازيك ياهندسه على فكره ثانوية البحرين مش سهله زى ما الناس فاكره وبعدين هو كله هندسه عاوزين شوية تغيير بس اللى انا عاوز اعرفه هو فيه حد يتفسح ب 10 ج وفى اسكندريه كمان ؟؟ ايه ياهندسه انت بخيل ولا ايه دانا اعرف ان البحرين فيها فلوس حلوه ؟؟

والف مبروك ياعم على التخرج وتعينك معيد فى الجامعه هى ممكن تكون متأخره شويه وبالنسبه للهندسه الوصفيه انا معرفش ليه هى البعبع بتاع اعدادى ؟؟؟

يوم نتيجة الثانوية العامة من الايام التى لا تنسى فى حياتى كنت فرحان جدا لرؤية الفرحة فى وجه اهلى وخصوصا بعد ماجبت 98% سنة 98 وبهذا المجموع تكون جميع كليات الطب مفتوحة بالنسبة لى وهى كانت رغبة اهلى الشديدة انى اصبح طبيب

لكنى عاندت وصممت ودخلت صيدلة كانت لى ايامها مبررات لعدم دحول الطب واعتقد انى كنت على صواب خلافا لرأى والدتى التى ظلت تلح على لكى احول طب حتى العام الثالث من الجامعة وانا رافض

حتى بعد التخرج بتقدير ممتاز وهو تقدير صعب جدا واخونا الصيادلة يعرفوا سألت والدتى هل انتى راضية بتفوقى هذا ردت على وقالت ياريت كنت دخلت طب هههه

اسست صيدلية بمصر ورفضت التعين كمعيد بالجامعة وايضا العمل الحكومى ثم بعدها قررت السفر الى الخليج كمرحلة انتقالية للهجرة

ازيك يادكتور ايوه كده ياعم مش كله هندسه فيه برضه صيدله هنا وعلى فكره ياريت كنت دخلت طب ؟؟

نقيب سباب العزابيه "" المهندس ياسر "" او ياصر

انا ناوى والله يا عنبى يا اخويا

و قربت اعيط خلاص.. ... بقولك ايه

اسال ع النصيب يا عم

و اول السنة الجديدة نعمل انتخابات ع اللقب و لو حبيت يا صاحبى اديك اللقب يالوراثة .... عادى ما احنا مصريين

بس مش ناوى تقولى ف السر عن سر ارتباطك بحقوق

ولا تحب اقول انا للناس

لو مش عاوزنى اقول مش هقول

و لو سمحتوا يا جماعه .. محدش يحاول انه يعرف منى المعلومات الخطيرة دى

عنبى ... فين العنب اللى قلتلك عليه

احسن انت فاهم يا معلم

انا تحت امرك ياهندسه وبعدين بالنسبه للقب انا حاسس انه هاخده عن قريب ان شاء الله اصل انا حلمانك حلم خير اللهم اجعله خير اقول ايه انت لابس بدله سوده وحواليك ناس كتير والناس كلها مبسوطه وانت مبسوط وانا كمان كنت مبسوط وبعدين اتصل بيا المدير اقلى تعالى دلوقتى حالاً علشان فيه اجتماع طبعا اضطريت اسيبكم وامشى علشان الاجتماع انت عارف اكل العيش ياصاحبى واقولت بقى ابقى اعرف تكملة الحلم منك ؟؟ هو ايه اللى حصل بعد كده يياسر

وبالنسبه لموضوع حقوق ايه اللى حصل يامحمد ايه اللى حصل يامحمد تتتتتتتتتتتتتتتت ....... لقد تم فصل الخدمه مؤقتاً

على جنب كده :

عنبى يا اخويا ... انا قلت ارحب بالناس على ما تيجى بالسلامة ان شاء الله

وكأنك كنت حاسس بجد انا كنت مشغول ولسه مشغول

حلو اوي الموضوع الجامد ده رجع الواجد حاجه كده بتاعه 10 سنين ورا

حلوه اوى الجمله الي فاتت دي محسساني انا خلاص كبرت و بقي عندي زكريات من 10 سنين بحالهوم

المهم انا مش فاكر اوى يوم نتيجه الثاناوي الي فاكره اني كنت في العجمي و صاحبي كلمني قالي انت جيبت 92 %

كنت اول دفعه بعد ما لغو التحسين علشان كده ماكونتيش عارف ده حلو ولا وحش و لا ايه

انا كنت في الاول نفسي ادخل صيدله و فاكر و انا بكتب الرغبات كتبت كل صيدليات الجمهوريه بس ما جتش

بس ربنا كرمني و دخلت هندسه اسكندريه يعني مافيش شحططته

اوي محاضره حضرتها كانت في الماده الي اتخصصت فيها بعد كده الكيميا (اقرب حاجه لصيدله الي كنت بحبها)

كانت محاضره لذيذه و اتبسط فيها اوىى

نيجي بقي للحاجه الي عقدتني و قرفتني اليوم ده بس ياريت ماحدش يزعل مني

انتو طبعا عارفين شعور الطلبه اوى مره بعد ثانوي و المراهقه و الحاجات دي و ازاى البنات بيبقو موجودين مع الولاد في نفس المدرج و الحاجات دي

طبعا دخول الكليات بيكون لسه في اخير الصيف و الجو بيكون حر مووت و الطلبه لابسين نص كم

جت قعدتي جنب بنت لذيذه و دردشنا شويه و الذي منه و بعدين الدكتور دخل و بدا يشرح

ابص جنبي يا معلم الاقي البنت في اديها شعر اكتر من الي عندي تقربا ماكنتش اعلانات وان و فاست و الحاجات دي نزلت

بجد جالي اكتئاب

الضهر قبل ما نروح قابلت اصحابي في صيدله و علوم و قعدنا علي القهوه علي البحر

الغريبه ان كلنا اكتئبنا و كل واحد ماسك شيشه و عمال يشرب فيها و مش بنتكلم كان شكلنا غريييب

بس بمرور الوقت اخدنا علي الجو ( جو القهوه طبعا)

بصراحه كانت احلي ايام

ميرسي اوى علشان فكرتوني بيها

هو انت كنت علمى ايه ياهندسه اصل انت بتقول كنت عاوز تدخل صيدله وبعدين دخلت هندسه ؟؟ ازاى ولا انت كنت ثانويه قديمه اللى كان العلمى كله شعبه واحده والادبى شعبه ؟؟

على العموم ياهندسه اجمل ما فى الموضوع الشيشه دى وبجد تلاقى القهوه مليانه بلاطو ابيض على عدد تشريح على ادوات معامل وكل واحد ماسك شيشه وطبعا نازلين ضمنه يامعلم

منور ياهندسه المحاورات

تحياتى الحاج محمد الروش "" نائب نقيب شباب العزابيه ""

[بندق أفندى]

ما بدهاش ..

لازم أقول اللى فى قلبى وأمرى لله ..

ليلة نتيجة الثانوية العامة كانت ليلة أغرب من الخيال ..

كنت نايم فى أمان الله وصحيت على صرخة .. انا اللى بأصرخ .. فيه ايه يا بنى؟

عينى بتحرقنى بشكل جبار وكأنه حد حاطط فيها شطة من أقوى نوع ..

المهم الوقت كان متأخر قعدو يعملوا عليها كمادات تلج وزبادى لحد ما هديت ونمت ..

تانى يوم طلعت النتيجة .. وعينى زى الكبدة با حبة عينى ..

الكل بيقول شفتو الواد اللى بيحس .. زعلان انه ما جابش المجموع اللى عاوزة ..

كان تركيزى أدخل فنون جميلة عمارة .. كنت بأعمل للعمارة بس مش بأعمل للمجموع .. يعنى نجحت فى القدرات بس ما جيبت مجموع فنون جميلة عمارة ..

المهم كان حوسة وورطة .. هأدل كلية ايه بعد ضياع الحلم الأكبر؟

طبعا لن يصدق أحد انه دخلت الامتحان وفيه فصول وأبواب كاملة من الكتب عمرى ما بصيت فيها .. حتى فى الجامعة نفس الشئ .. المادة اللى كنت احبها اجيب فيها الدرجة النهائية المادى اللى ما أحبهاش يبقى نهارها طين معايا

جت كده بدون ترتيب خلاص كله زى بعضه .. دخلت تجارة .. وكان ليا حظ عاثر مع دكتور هو كان صديقى بس عمرى ما نجت فى مادته .. الا لازم يتغير عشان أنجح .. د. وجدى حسين ربنا يعطيه الصحة لو كان عايش ويرحمه لو كان توفى .. كان طيب ودمث الخلق بس كانت امتحاناته من اغرب ما يكون ..

ناقص أقول انه كنت جايب فى الرياضيات 143 من 160 (لأنه كنت رياضة) والتفاضل والتكامل 13 من 30 ..

وكنت شاطر جدا فى الهندسة الوصفية والرسم الهندسى وكل مواد الهندسة المدنية بحكم انه كنت بأذاكر مع أخى الأكبر .. انا اللى توليت تحبير واخراج مشروع التخرج بتاعه الفنى وكان حديث المدينة وقتها .. وطبعا حصل على امتياز ..

مؤكد انا من أصحاب التقديرات الشعبية لأنه ليست كل مواد التجارة تتناسب معى .. يعنى مثلا المشتروات والمخازن أجيب الدرجة النهائية فى المخازن عشان مسائل وأنجح مع الرأفة فى المشتريات عشان نظرى ..

الغريب انه طوال سنين الدراسة كنت باحط 8 أسئلة ييجى من ال 5 بتوع الامتحان .. الا صاحبنا الدكتور وجدى .. كان بدون مبالغة بيجيب الامتحان من الهوامش

[بندق أفندى]

نسيت أقول انه دخلت مجال الكمبيوتر عشان الجرافيكس .. وقطعت فيها شوط كبير وقتها .. وقدرا بقيت مبرمج

[Heliopolis]

70% 1976 مدرسه الطبري مصر الجديده

[مغتربة]

أهلا بحضرتك مغتربة هانم وأهلا بكل خريجى تجارة الإسماعيلية اللى بحبها جدا

اهلا بيك استاذ متولى

الخمس ساعات دول من قريتى اللى هى إحدى قرى محافظة كفرالشيخ لحد ما اوصل إسماعيلية

كده وضحت الرؤيه

وانا كنت رايح وناوى أحول بس حبيت الجامعة هناك جدا وبالنسبة للكافتريا ما رحتهاش غير

مرة واحدةعلشان أشوف أيه اللى فيها

ليه عملت فى نفسك كده يا بنى طب انا قعدت فى الكليه اربع سنين كل يوم اروح الجامعه ( حتى فى الاجازات ) :blink: :)

و مفوتش و لا يوم و كل يوم كنت بحضر فى الكافيتريا طبعا و كانت على ايامنا الكافيتريا الوحيده هيه البرجوله الى قرب طب بيطرى كنا ندخل من باب الجامعه دوغرى عليها لغايه ما نروح

اما بالنسبه للمحاضرات المحاضرات ففى خلال الاربع سنين بلا فخر لم احضر سوى ثلاث محاضرات فقط لا غير

بالمناسبة هو حضرتك دفعة كام

2009 طبعا :P :lol: :lol:

واتفضلى حضرتك فيديو كنت مصورة لجامعة قناة السويس بالموبايل علشان ترجعى

للذكريات الجميلة إضغط هنا لمشاهدة الفيديو

مريسى قوى على الفيديو