الحكومة تقرر نقل حديقة حيوان الجيزة إلى 6 أكتوبر وبيع ارضها للمستثمرين بالمتر

[sayed_ossman]

اعزائى لقد قررت حكومه ساكسونية قديمة للبيع ، بيع وحرمان المصريين حتى من الذكره - انهم يريدون ان يمحو من وجداننا كل شىء جميل الاشجار العملاقه والنباتات الجميله التى لا يخلو من مناظرها جميع الاعمال الفنيه المصرية القديمه

كفاية بقى بيع فى مصر - هتبيعو ايه تانى - حديقة ايه اللى عايزين تبيعوها بالمتر ولا بالشبر - ايه ده حكومه ايه دى

الى عامله ذى بياعين الساكسونيه - وروبابكيه للبيع - المره دى مصر للبيع - الاونا - الادوا-الاترا

مين اللى وقع عليه اليناصيب المره دى - سيبو اى ملكيه للشعب وللاولاد اللى جايين فى البلد - المصانع اللى بناها ابائنا بدمائهم بيعتوها - وخصصتوها

والمياه بيعتوها - باقى ايه تانى - كل شىء بقى محتمل فى البلد فى الوقت ده - مش بعيد تتامم فلوس وودايع الشقيانين اللى بره ومحدش يقولى مش ممكن - لق ممكن قوى وجدا - ويعنى مين اللى هيقف قدام العصابة دى

هو حضرتك يا مصرى افندى معاك جنسية تانيه علشان يحترموك البهوات ذوى الاصول العريقه - لا ادرى عريقه فى اى مجال " ساكسونيه "

لقد وجدنا انا المصريين عددهم كبير - وبعد ان قمنا ببيع جميع ممتلكات البلد لاطعام المصريين " خبز المسامير" واشاربهم " مياه ملوثه بالتيفود" قررررررررررررررررنا

وحيث اننا غير قادرين كحكومه على سد الديون التى على مصر حتى بعد بيع كل ما هو مملكو للشعب قرر الدائن ادارة ممتلكاته

بنفسه واعلن وكيل الدائنين ان على المصريين ان يخلعو الاحذية - ويلبسوه البلغه - ويخلعو عنهم البدل والجرافات - ويرجعو للزراعه فى اراض الباشششششششششششه - يا واد يا ابو اسماعين الباشا بينادى- انتا ولد خرسيس ملعون - جيب الكورباج يا عثمان

حاضر يابه الحاج انا جااااااااى اهوووووووه

مصر بعد فتره ليس ببعيده

التى متى نقف ونقول دعونا نرى ما سوف يحدث

تم تعديل 21 يوليو 2009 بواسطة sayed_ossman

[Egypt]

طيب قبل ما اعترض

هى فلوس الحديقه هيعملوا بيها ايه؟

[sayed_ossman]

يعنى المليارات حصيلة بيع القطاع العام واراضيه والناس اللى شغاله فيه - وديتها فين الحكومه

جابو بيها ايس كريم فى شرم الشيخ ونعمه باى

[Egypt]

سؤال تانى

هىالبلد ديه ما لهاش كبير؟

[doudy]

سؤال تانى

هىالبلد ديه ما لهاش كبير؟

ربنا كبير

و يتصرف بقى مع اللى شوية شوية

هيبيعه الشعب نسمة نسمة :Icecream:

[herohero]

والله انا نفسي اليوم اللي يبيعونا فيه ، بيني وبينكماحسن يمكن يشترينا مستثمرعدل يعمل لنا قيمة

[sayed_ossman]

والله انا نفسي اليوم اللي يبيعونا فيه ، بيني وبينكماحسن يمكن يشترينا مستثمرعدل يعمل لنا قيمة

وكده ميت لون - وكده ميت لون

يمكن يكون من الاسباب اللى دعت ايضا الحكومه لبيع ونقل الحديقه - ان الفيل الكبير الوحش (بكسر الواو - والحاء)

بيعمل كاكا - كان السفير الاسرائيلى اشتكى منها منذ فترة - وانتو عرفين ابن تنت استر مش ممكن يزعل كوهين ابدا

ولا ايه يا حبيبىىىىى

تم تعديل 21 يوليو 2009 بواسطة sayed_ossman

[أحمد سيف]

معليش من غير محاكمة مسبقة للنوايا... انتوا شايفين إن ده مكان طبيعي لحديقة حيوانات ... بمعنى آخر هل وجود حديقة حيوانات بمساحة 80 فدان في أكبر ميادين البلد هو أفضل استخدام للموقع ؟؟ مش أحسن تبقى 400 فدان بعيدة عن نص البلد وفرق التكلفة يتعمل بيه حاجه مفيده للبلد؟

[سهل جدا]

أنا بصراحة مش شايف مشكلة في نقل حديقة الحيوان

وكنت متوقعه من زمان

وزي ما قال الأستاذ أحمد سيف , ال 80 فدان دول ممكن يُستغلوا استغلال أفضل بكثير من الناحية الاستثمارية

والخير هايعود على كل مصر.. إن شاء الله

أهم حاجة بس إنه ما يحصلش نصب وفلوس تدفع من تحت الترابيزة والكلام ده ..

[الأقصرى]

نقلا عن اليوم السابع الأربعاء بتاريخ 22-7-2009

أباظة: نقل حديقة الحيوان فكرة تم إلغاؤها

الثلاثاء، 21 يوليو 2009 - 20:33

أمين أباظة ينفى نقل حديقة الحيوان

كتب شوقى عبد القادر

أكد أمين أباظة وزير الزراعة، أن نقل حديقة الحيوان بالجيزة إلى مدينة أكتوبر، كان مجرد فكرة لنقل الحيوانات المركزية إلى أحد المواقع فى مدينة السادس من أكتوبر وتحويل الحديقة الأم إلى حديقة نباتية، وتم إلغاء هذه الفكرة على حد قوله.

وقال أباظة إن أى أفكار لإقامة حديقة حيوان يخضع لدراسات وزارة الزراعة باعتبارها الجهة المسؤلة عن إقامة حدائق الحيوان فى مصر، وهى صاحبة القرار الأصيل فى هذا الشأن.

من جانبه، أكد الدكتور حامد سماحة رئيس الهيئة العامة للخدمات البيطرية، أنه لم يتم عرض أى دراسات على الهيئة لإقامة حديقة حيوانات جديدة بدلا من حديقة حيوانات الجيزة.

وأضاف أنه لا توجد أى نوايا لدى الدولة لخصخصة حدائق الحيوان، وذلك مراعاة للبعد الاجتماعى لدورها كمتنفس طبيعى للمدن.

وأكد سماحة أنه يجرى حاليا تنفيذ خطة جديدة للنهوض بالحديقة لإعادتها إلى مكانتها الدولية، تمهيدا للانضمام إلى الاتحاد الدولى لحدائق الحيوان، مشيرا إلى الاستعانة ببعض الخبرات الأجنبية للقيام بأعمال التطوير اللازمة مع الحفاظ على القيمة التاريخية للحديقة

[وطني حر]

نقل الحديقه مفروض يحصل من زمان

الان موقعها الحالي غير ملائم اطلاقا

وبالامكان نقلها الي مكان تاني لتطويرها بشكل افضل . ونقطه جذب للسكان في المدن الجديده .

كما يجب ان ينقل مجمع التحرير ومجلس الشعب والشورى والجامعه الامريكيه والمتحف

ليه البقاء في المنطقه المقفله دي.؟؟؟؟ ليه ؟؟

كما نطالب بتوسيع الرقعه الزراعيـه نطالب ايضا بتوزيع المصالح علي المدن الجديده بحيث تشكل نقاط الجذب الي المدن الجديده لتوسيع

الرقعه السكانيـه , لحل مشكله المرور والعشوائيات

القاهره بحاجه الى اعاده تنظيم بدل ما حنا في مكانك سر

[pocy]

والله انا مش عارفه ارد على مين ولا مين طبعا دى كلها وجهه نظر واراء فرديه المهم تعالوا معاى شوي نفكر

حديقه الحيوانات دى حديقه أثريه بمعنى انها من أوائل الحدائق اللى اتعملت فى العالم اجمع وكمان الحديقه دى فيها نباتات نادره جدا

انتوا تعرفوا لو انا اثق في الحكومه وانها هتحافظ على التراث اللى فيها وانمش هيكون زى اللى حصل فى ارض مدينتى يتباع المتر بجنيه كنت قلت ماشي بس يا جماعه الحكومه مليانه فساد وفساد كتير وكل اللى اتباع قبل كده فين راحت فلوسه وفين الضرايب اللى بتتاخد من الناس كفايه بقي وحرام عليكم الشعب المصري تعب وليكم يوم والله الواحد بيخاف لحد من العصابه يتوب ومش يتحاسب على اللى عملهفى الشعب وناهب فلوسه

بصراحه انا تعبت من كتر الكلام في موضوع بتكرر

وسلام يا صحبي

[سكر]

انا مع النقل الى مكان جديد يقوم بعمل تعمير لما حوليه

ولكنى ليس مع البيع باى طريقة او استثمر الارض فى اى شى غير انها تكون حديقة كبيرة

لتكون رئة للتنفس بهذه البقعة الجديدة

وياريت كمان يقوموا بنقل جامعة القاهرة

سوال

هو لية جامعة القاهرة فى ميدان الجيزة ؟؟؟؟؟؟؟؟؟؟؟ :closedeyes:

[حسام يوسف]

المتر فى الحتة دي أغلى متر فى جمهورية مصر العربية

يا عيني ع الفتة واليغمة

[Rocky]

انا مع النقل الى مكان جديد يقوم بعمل تعمير لما حوليه

ولكنى ليس مع البيع باى طريقة او استثمر الارض فى اى شى غير انها تكون حديقة كبيرة

لتكون رئة للتنفس بهذه البقعة الجديدة

وياريت كمان يقوموا بنقل جامعة القاهرة

سوال

هو لية جامعة القاهرة فى ميدان الجيزة ؟؟؟؟؟؟؟؟؟؟؟ :lol:

جواب ... هي جامعة القاهرة اصلاً بتتنقل بس رويداً رويداً إلي مقرها الجديد في الشيخ زايد !!

[وطني حر]

تمساح يتنقل على مقاعد طائرة مصرية .. والركاب "يصرخون"

الجمعة, 31 يوليو 2009 21:46

أثار تمساح صغير الذعر اليوم بين ركاب طائرة متجهة من أبو ظبي إلى القاهرة وتابعة لشركة مصر للطيران، عندما راح يتنقل بين المقاعد، حسبما أفاد مصدر ملاحي.

وراح العديد من الركاب يصرخون لدى رؤيتهم التمساح وطوله 30 سنتم، ونادوا أفراد الطاقم الذين حاولوا الإمساك به.

وسلم التمساح إلى الهيئات البيطرية فور هبوط الطائرة في مطار القاهرة، ومن المفترض أن يتم نقله إلى حديقة الحيوانات في الجيزة.

ولم يعرف بعد كيفية وصول التمساح إلى الطائرة حيث نفى جميع الركاب أي علاقة لهم بالموضوع

اول حديقه حيوان الطائره وعمار يامصر

[ام بودى]

الحمد للة ان الزرافة ماتت قبل ما تشوف اليوم دة