الحرس ضرب الجرس

[حسام يوسف]

فاز نادي حرس الحدود ببطولة السوبر المصرية 2009 بعد فوزه على الأهلى بهدفين للاشيئ

مبروك للحرس

وهاردلك للأهلى

تم تعديل 21 يوليو 2009 بواسطة حسام يوسف

[الحازم حسن]

بداية العد التنازلي لسيطرة وبطولات بعد مشوار طويل

شكله كده مع حسام البدري حياخد 4 5 سنين عشان يقدر ياخد كأس مصر زي الزمالك كده

[محمد عبدالعزيز]

مبروك للحرس وهارد لك للأهلى فعلاً

بس أنا شايف إن الأهلى فى طريقة 4 4 2 حيبقى أفضل إن شاء الله بس محتاج شوية صبر... يعنى مفيهاش حاجة لو قضينا سنة من غير بطولات بس نلاقى فريق محترم بعد كده.

الطريقة دى بتخلى فى سرعة فى اللعب والوصول للمرمى فى وقت أقل من الطرق الأخرى وبالتالى المباراة بتكون ممتعة جداً.

باختصار

الأهلى فى الطريق إلى مستواه المعهود بس شوية صبر يا أهلاوية.

[mamdowh]

للأسف الماتش كان ماسخ وزاد من مساخته اللاعب اللى انطرد وعلى فكره دى مش أول مره يضرب بالطريقه دى برضه عملها قبل كده وانطرد وانا لا احمل الحكم السبب بل اللاعب هو السبب لانه طالما انك مش حريف فى الضرب بلاش لانك كده تسببت فى أذيه فريق ومدرب لسه جديد كان المفروض انه يكسب علشان ياخد دفعة لكن وفى النهايه هاردلك ومبروك للحرس

[حسام يوسف]

شفتوا في لقطة الهدف الأول لما أحمد عيد لم حسام عاشور وخلاه قعد ع الأرض بالجلابية وبوظ النجيلة بتاعة الكورنر

فى اللقطة دي ضحكت ضحك :lol:

مش ممكن

عاشور وكذلك أحمد فتحى بقوا متهورين جدا وسهل يا يترقصوا يا يعملوا فاول صريح

الحرس بطلا لسوبر2009

[المهندس ماهر]

يا جماعة خلاص الاهلى اشهــــــــــــــــــــر افلاســـــــــــــــــــــــــــة وبيضحك علينا وعلى نفسة وخلينا صابرين ست سنوات وبعدين نحصد البطولات اصبح الفريق ليس لة طعم ولا لون حرام وطريقة 4-4-2 دى متاعة الخواجات مش متاعتنا احنا يا مصرين وبلاش نضحك على انفسنا وبعدين اول القصيدة .0.....ومافيش داعى للعب بالعواجيز دة كان زمن وراح :lol:

[الطيار المصرى]

مع احترامي الشديد لرأي اخي المهندس ماهر....

لكن طريقة 4 4 2 هي الطريقة الافضل الان من حيث فاعلية الهجوم علي المرمي و تطبيق دفاع المنطقة...

يعني حسام البدري تاني مدرب مصري يفوق للحكاية دي بعد الرائع طارق العشري اللي بدأ تطبيق الطريقة دي من موسمين..

و ديلوقتي احنا شايفين حرس الحدود بلاعبين يؤدون و يلعبون بتناغم يثير الاعجاب..

فمش مشكلة اننا نصبر علي فريقنا شويتين تلاتة....و الاهلي بخبرات و مهارات لاعبيه مش هيقعد الفترة الطويلة دي في استيعاب طريقة اللعب دي...

فمش مشكلة....و خصوصا اننا جالنا تخمة من البطولات :lol:

و الف مبروك للحرس...استحق البطولة عن جدارة...و عقبال الكونفدرالية ان شاء الله

[Egypt]

مع خالص احترامى

بمأن جاء ذكر فريق حرس الحدود

ارجو جهابزة المنتدى ان يجيبونا

ماالفائده الواقعه على البترول حتى يتم الصرف على ثلاث فرق

ارجو من احد الخبراء ان يحسب لى كم من المال يكلفه فريق مثل انبى

الجيش له ثلاثة فرق

الداخليه لها فرقه وبعد ثلاث سنوات ستكون ثلاثه

ولكن ايه الفايده التى تعود على هذه القطاعات من هذه الفرق؟

لا احد يقول لى تشجيع للرياضه فى قطاع البترول؟ غلط لان معظم اللاعبين لا ينتمون للبترول

لا احديقول هذا فى صالح الكره المصريه وكله فى صالح المنتخب؟