الفيزا الحره

[KAhamid]

السلام عليكم ورحمة الله وبركاته

انا سمعت قبل كده عن الفيزا الحره

ممكن استفسر من حضراتكم عن بعض المعلومات

هل يمكن ان اقوم انا بشراء فيزا حرة بمهنة محاسب مثلا وابحث انا عن عمل بنفسي داخل السعودية

ولو ده متاح

ممكن اعرف ايه اجرائتها وشروطها ومدة الفيزا بتكون ايه

مع خالص الشكر

[خالد شحاته]

الاخ الفاضل

السلام عليكم ورحمة الله وبركاته

مفيش حاجه اسمها فيزا حره هي فيز عاديه جداا وعلي كفيل بس الفرق ان الشخص الا انت جاي عليه بيكون متفق معاك انك مش هتشتغل عنده ودور علي شغل بره اهم شي الاتفاق في الفيزه الا بنوع ده لان بعض الكفلاء بعد ما تجي وتطلع الاقامه ممكن يبلغ عليك هروب وتكون دي المصيبه اهم شي تاكد من الشخص الا هيرسلك التاشيره ونتمنا لك التوفيق

[السيد توفيق]

مش عاوزين مشاكل أنت جاي هنا هتعمل لي مشاكل بفيزا حرة وكلام فارغ ياعمي مفش شي اسمه فيزا حرة بالنظام السعودي دا كلام شوارع

انت تجي هنا بعقد ولا نام في بيتكم وبلاش مشاكل الله يخليك

[KAhamid]

ايه يا جدعان انا حبيت استفسر بس

انا سمعت الموضوع ده كتير فا حبيت اعرف تفاصيل عنه موش اكتر

[KAhamid]

وبعدين انا كنت مقدم في اعلانات علي النت في كذا وظيفة

والناس بتكلمني من الرياض او جده وبيسالوني علي موضوع الفيزا لان هما موش متاح ليهم انهم يطلعوا فيزا في الوقت الحالي

فكنت مستغرب

ازاي اصحاب العمل موش عارفين يستخرجوا فيزا للحصول علي عماله

في حين ان الفرد العادي يمكنه الحصول علي فيزا

[herohero]

زي ماكل ذكر لاتوجد فيزا حرة هي اتفاق ضمني انك مش هتشتغل مع الكفيل ده ومفيش طبعا اي ضمان قانوني لذلك لكن لو فيه ناس عارفها ومجربة الشيئ ده مع ناس يبقى خلاص لان المهم هنا موضوع الثقه تضمنه منين وبتيجي تطلع الاقامة ولما تلاقي شركة ع مزاجك تنقل وفيه ناس مرتاحه مع الكفيل بتاعها وبتدفع له الرسوم السنويه وبتشتغل ع راحتها ف اي مكان ومش بتنقل عليه وبتفضل شغاله ع راحتها ده كله يرجع للكفيل اللي انت عليه

غير كده هي فيزا عادية كل اللي فيها ان الكفيل مش ملزم باي شيئ يدفعه وللاسف لو طلع وحش هيستغلك

[herohero]

وبعدين انا كنت مقدم في اعلانات علي النت في كذا وظيفة

والناس بتكلمني من الرياض او جده وبيسالوني علي موضوع الفيزا لان هما موش متاح ليهم انهم يطلعوا فيزا في الوقت الحالي

فكنت مستغرب

ازاي اصحاب العمل موش عارفين يستخرجوا فيزا للحصول علي عماله

في حين ان الفرد العادي يمكنه الحصول علي فيزا

للاسف ده الواقع مش كل الشركات بتقدر تطلع فيز لان هنا فيه سعودة وتقييد للفيز

[KAhamid]

وبعدين انا كنت مقدم في اعلانات علي النت في كذا وظيفة

والناس بتكلمني من الرياض او جده وبيسالوني علي موضوع الفيزا لان هما موش متاح ليهم انهم يطلعوا فيزا في الوقت الحالي

فكنت مستغرب

ازاي اصحاب العمل موش عارفين يستخرجوا فيزا للحصول علي عماله

في حين ان الفرد العادي يمكنه الحصول علي فيزا

للاسف ده الواقع مش كل الشركات بتقدر تطلع فيز لان هنا فيه سعودة وتقييد للفيز

بالظبط هو ده اللي انا كنت اقصده

ان في شركات كتير بتكلمني او بتبعت ايميل وبيسالوني علي موضوع الفيزا لانهم عاجزين عن استخراج تاشيرات

[عاشق النيل]

شوف يا عم

الفيزا الحرة هى تجارة من الاخوة السعوديين بيبيعها بمبلغ كبيير يعنى المحاسب مثلا اتعرضت عليا ب18الف رياليعنى حوالى 27 الف مصرى وممكن اكتر كمان ولعامل بما يوازى 18 الف مصرى والمهم هى موجودة وبعض الكوافييل بياخدوا اتاوة شهرية من المكفوول او سنوية

واللى حيجيبهالك تكون من كفيل مشهور بالتجارة دى

بس هى مش مضمونة وممكن كفيلك يكون فى بلد تانى بعيد وتتعب فى استخراج الاقامة والخروج والعودة والزييارة ووممنوع تتشتغل عند حد غير كفيلك غرامة وحبس ولو اتقبض عليك لازم كفيلك ييجى يطلعك من الحبس وليها مشاكل كتيير

لكن المزايا انك حر تتدلع فى اختيار الشغل والراتب اللى انت عايزة

واللى عقلة ف راسسة يعرف خلاصة

وبسسس

[doha]

بالظبط كده زي ماقالوا لك واضيف حاجه بسيطه من عندي وهي ان صحيح مش كل الشركات لها تطلع فيز وعشان كده بيدوروا على موظفين معاهم فيزتهم الي حصلوا عليها باي شكل سواء كانوا شغالين عند حد فعلا واستغنى عنهم او شاريينها بفلوسهم .. في سبب تاني لتفضيلهم لمن اتى بطريقته الخاصه وهي عدم تحملهم لمصاريف استقدامه .. يعني في شركات كتير او افراد ظروفهم في العمل ( بتطفش ) الموظفين الي عندهم ومش اي حد يتحمل طبيعه عملهم سواء لان الراتب ضعيف او الشغل كتير او اي سبب تاني ولانهم متوقعين ان الي جاي غالبا مش هيكمل فبيفضلوا ياخذوا شخص موجود اصلا عشان يوفروا مصاريف احضاره فيما لو قرر يسيب الشغل بعد كده ..

على كل حال موضوع الفيزا الحرة دي تناقشنا فيه كتير في المنتدى هنا اعمل سيرش وهتلاقي تفاصيل اكتر باذن الله ..