تقديم بلاغ

يا جماعة رجاء المساعدة سريعا ، باسبوري اترفض في السفارة السعودية بعد ما انهيت كل الإجراءات وذلك بسبب اختلاف المهنة في الباسبور. انا مهندس والفيزا مهندس مشروع ولكن الباسبور مهندس ثالث بشركة كزا ، وهي شركة حكومية ولن أستطيع ان احصل علي اخلاء طرف حتي أقوم بتغيير الباسبور ، والمكتب مش لاقي حل . رجااااااااااااء المسااااااااااعدة

السلام عليكم ورحمة الله وبركاته حصلت على عقد عمل وتاشيرة بمهنة اختصاصى تسويق وعلمت انه لازم يكون المؤهل عالى انا حاصل على دبلوم فنى ادارة وخدمات قسم مطبخ العقد بالفعل اتوثق من السفارة السعودية فى مصر والمكتب قالى ماتبعتش التفويض عليا عشان الفيزا هتترفض لان مؤهلك متوسط ياترى فى حد يقدر يساعدنى واخلصها بالفلوس او بأى طريقة لانى محتاج السفر جدااا اذا تكرمتم ارجو المساعده بارك الله فيكم  

السلام عليكم انا مصري عايش في بلجيكا و اتعرفت علي بنت جزائرية عايشة دلوقتي في الجزائر. الاجراءات الروتينية طويلة ومملة. بداية من لما اروح الجزائر اقدم طلب واستني 3 شهور عشان يردو بالموافقة بعد التحري عني و بعد كده نبدأ الجواز الموثق في الحكومة الجزائرية و بعد كده ابتدي انا من بلجيكا اجهز اوراق كتير وابعتلها كل الاوراق دي وهي تقدم علي فيزا لم الشمل في السفارة البلجيكية في الجزائر. الموضوع هيعدي السنة وزيادة وانا بصراحة تعبت من البهدلة في الاوراق والترجمة ووجع الدماغ ده كله بقالي كام سنة من يوم

يا جماعه لو سمحتوا انا جيالى فيزا فنى حاسب الى بس انا مؤهلى بكالريوس نظم معلومات اداريه دخل الباسبور واترفض ودخل تانى معى شهادة خبره واترفض فدورت فى ورقى فانا واخد شهاده دبلوم صنايع قسك الكترونيات وكمبيوتر وقررت اوديها للمكتب هل هاخد بيها التاشيره وله هتترفض .... ولو فى حل اخر ممكن حد يفدنى ارجو الرد

السلام عليكم ورحمه الله وبركاته اولاً شكراً للاستاذ خالد علي المجهود الرائع والرد علي كل الاستفسارات, سؤالي له شقين الاول: انا جالي فيزا عمل في السعودية وخلصت كل الورق والكشف الطبي والمكتب قالي هيدخل الجواز بتاعي اخر الاسبوع ده , كم وقت تقريباً ممكن لاستلم الجواز من السفارة. الشق الثاني: المكتب قالي هاتسافر علي حسابك اول مره وفي الاجازات الثانويه التذاكر عليهم ده صحيح ولا لاء؟ وهل يمكن تغير مهنه السفر من هناك بمبلغ مالي ولا لازم ارجع مصر تاني لتغير مهنه الجواز؟ شكراً جزيلاً