ما تركته فتاة فى حياة المتوحد بعد رحيلها

[الباشمهندس ياسر]

من كتابات عمر طاهر

قائمة بالامراض النفسية التى يعانى منها المتوحد و التى اكتشفتها الفتاة و هى تودعه...

1.. انت موسوس

2..انت مجنون (فى بداية العلاقة قالت لك ان اكثر ما تعشقه فيك هو جنون)

3..انت عصبى

4..متردد

5..التعامل معاك صعب

6..ضعيف الشخصية

7..ماشى ورا مامتك

8..متسلط

9..عنيد

10..مغرور

11..ماعندكش طموح

12..مهيبر

13..غيرتك مرضيو

14..بتحب نفسك

15..خايف لاحد فيك ينافسك

[الباشمهندس ياسر]

نصائح وجهتها الفتاة للمتوحد فى المكالمة الاخيرة

1..انت لازم تروح لدكتور نفسانى

2..او تروح لشيخ

3..لازم تحدد هدف لحياتك

4..لازم تعرف انت عايز ايه

5..انت محتاج تتغير من جوه

6..انت لازم تتعلم ازاى تتعامل مع البنات

7..عمرك ما هتلاقى واحدة تحبك زيى

8..حاول تصلى

9..محتاج يبقى عندك ثقة فى نفسك اكتر من كده

10..محتاج وقفة مع نفسك

11..ما استحق ان يولد من عاش لنفسه فقط ...او لا يغير الله ما بقوم حتى يغيروا ما بانفسهم

12..خليك واقعى

13..لازم تفوق من اللى انت فيه

14..ماتطلعش فيها اوى

15..خد بالك من نفسك عشان خاطرى

[الباشمهندس ياسر]

عادات جديدة تسللت الى حياة المتوحد..

1..ادمان الكلام فى الموبايل للشكوى من اللى حصل ( هو انا محكيتلكش ؟ مش دينا طلعت واطية؟..)

2..ادمان الخمر و الحشيش كمحفز لافراز انزيمات النسيان (يفضل فى هذه الحالات الستفات المخلوطة بالبرشام و الماكستون فورت فهى افضل ما يساعدك على النسيان لانها ستفقدك الذاكرة كلها اصلا)

3..الاستماع الى بهاء سلطان (كااااااااااان يا ما كان كان فيه زمان)

4..التعرف الى نوع جديد من الحريم (النوع المسمى بالنسوان و هو نوع من الحريم ينمو فى التجمعات الليلية ويتغذى على الرجال المصدومين عاطفيا)

5..العنف المبالغ فيه مع اى واحدة تحاول ان تقترب منك ..(انتى عايزة منى ايه بالظبط؟)

6..النظر بشك الى اى couple تلتقى به و حساب كم الوقت متبقى حتى تحدث الفركشة (خلتنى كل ما اشوف حبيبين ... اقول حبيب منهم خاين)

7..قراءة عمود مواقف لانيس منصور فى الاهرام (من يفتح قلبه للنساء ..هيشيل كفته طول عمره)

8..الوصول الى رأى قاطع فى صنف النساء (الست زى المسمار الاتنين ميجوش غير بالدق).

9..العودة الى البيت متأخرا (كده كده الدنيا واقفة)

10..الانغماس المفاجىء فى العمل.

11..كتابة الشعر و الخواطر(غالبا ما يكون كلاما مستوحى من اغنيات مصطفى كامل)

12..اتخاذ قار خطير ...انا عمرى ما هتجوز

13..اتخاذ قرار اخطر ...انا لازم اتجوز بسرعة.

14..تأمل وجهك فى المرأة كثيرا.

15..ادمان البلاى ستيشن و التشات و التدخين فى البلكونة و متابعة برنامج انا و النجوم و هواك و الحرص على صلاة الفجر (الفجر بس)

[الباشمهندس ياسر]

تفاصيل كانت مشتركة تؤرقه كلما مر بها

1..سينما جالاكسى (واحد فيشار وواحده كيت كات و ازازة مية صغيره لو سمحت ...الرجل يسالك دائما سؤالا

واحدا "مفيش مع حضرتك فكة"؟ تلتقى عيناكما انت و الرجل فيما بعد وحيدا , تشعر بخجل ما بالرغم من كل

هذه الفكة التى تملىء جيوبك)

2..اغنية ايليسا (باستناك)تسمعها فيما بعد قادمة من تاكسى يقف الى جوارك فى اشارة روكسى ...فتبتسم له

ابتسامة المهزوم التى تجعل الفائز لا يقوى على استطعام النصر.

3..كافيه تباسكو ... الكافيه لاتيه بنكهة الكراميل و سلطة التونه.

4..جيل شور بريحة الخوخ (حضن سريع اول ما تتقابلوا تسالك انت حاطط بروفيوم ايه؟ريحتك حلوة..فتخبرها

عن الشور الجيل المفضل عندك فتطالبك بالمواظبة عليه ..تراه امامك فيما بعد على الرف فى السوبر ماركت فتتذكرها ..فتنفذ قرارا مؤجلا بمقاطعة البضائع الدانماركية)

5..شوارع الزمالك و الجزيرة ...حيث كروزه طويلة بالسيارة تدور فيها عشر مرات حول نادى الجزيرة و النادى الاهلى ..رغى و شيكولاته و دخان و سى دى موسيقى ينتهى

ليبدأ بمفرده من جديد.

6..الكوافير (عندما تسمع فى حوارك التليفونى معها انكما ستلتقيان غذا بعد ما تخلص الكوافير ... تنتعش رجولتك بفعل كلمة كوافير لانك تعرف انك ستراها متألقة و فى

احلى صورة لها..كلمة كوافير تعمق محبتك لها ..الان تثير فيك كلمة كوافير الامتعاض نفسه الذى تثيره فيك كلمة الديمقراطية).

7... سيتى ستاز (اكثر مكان تلاقى فيه كفك بمفها صدفة ليستقرا فى عناق تشهد عليه فتارين اجهزة الموبايل و طرقات محل فيرجين ...الان تذهب مع اصدقائك الى المول

فتتركهم يتجولون بحثا عما يريدون شرائه و تجلس انت وحيدا فى اى كافيه تحتسى القهوة و تجتر الذكريات و تتمنى ان تراها امامك صدفة بشرط ان تكون ..لوحدها

,اصبح هناك رجلا تكرهه الان قبل ان تراه, الرجل الذى سياخذ مكانك الى جوارها امام الفتارين)

8...محلات الورد (بعد ان اهدرت وقتا كثيرا تنتقى الباقة وردة وردة قبل ان تلتقى بها ..تمر الان بهذه المحلات و ينتابك الشعور نفسه الذى ينتاب ثور بلدى يمر بمحلات الجزارة)

9..شيط الباندول (شطواها الدائمة من الصداع بسبب الغى او دخان سجائرك او جيوبها الانفية يجعلك حريصا على الا تخلو سيارتك او جيوبك من شريط الباندول ...تتمنى ان

تشكو هى من الصداع كعادتها لتفاجئها بالشريط دليلا على محبتك لها و اهتمامك بها .. الان تتمنى لو انها كانت اخدت الشريط كله مرة واحدة)

10..رنة الموبايل (وماله لو ليلة رحنا بعيد...متنساش تغير الرنة اللى كنت عاملهاالها)

11...زجاجة البريفيوم التى احضرتها لك كهدية فى عيد ميلادك و تحتفظ بها بقفلتها على التسريحة تؤرقك فى الرايحة و الجاية ...تهديها لسايس الجراج حتى تستريح من

هذا العذاب.

12..السوالف العريضة التى تراها كلما وقفت فى المراة فتتذكر كم كانت تعشقها و تعشق العبث بها (تتوجه الى الحلاق و ترفع راسك كلها على الزيرو و بالمكنة فى مشهد

مشابه لمشهد رشدى اباظه و هو يمحو وشم التمر حنة من على صدرة بمية النار)

13...الممثل صاحب الحواجب الكثيفة و الذى كانت صديقته تعشقه و كنت انت تعشقه مجاملة لها ..اصبحت رؤيته ترفع الضغط و اصبحت تنتهز الفرصة عندما تاتى سيرته فى

اى تجمع لتقول للناس رايك فيه بصراحة

(انا اسمع انه شاذ جنسيا)

14..الكلام فى الحب بعد ان كان يفتح شهيتك للكلام و يجعلك تمسك المايك ولا تتركه لتقدم نظريات فى اهمية الحب للحياة كلما جاءت سيرته امامك الان تقولها

بصاحة(مافيش حاجة اسمها حب).

15..دباديب تملأ اركان غررفتك ..تفكر فى التخلص منها بهدوء فتدعو اصدقائك الى الغداء فى منزلك ( انا النهارده عملت لكم صينية بطاطس بالدباديب ف الفرن).

[الباشمهندس ياسر]

لا تعليق عندى على النص ولا على كاتبه

من يمتلك تعليقا فليتفضل بطرحه مشكورا

[ذهبية]

دى ماش اء الله حبيبتة ما تركت فية حسنة واحدة ولا ميزة يصبر نفسة بيها دى طلعتة شرك بضم الشين

من اول عصبى و مجنون الى روح عالج نفسك عند دكتور ولا روح لشيخ و بعد كل دة زعلان عليها ماشى يكلم نفسة فى الشارع و يتحسر على

الدباديب ومحلات الموبايل و كل شبر اتكلموا فية

دة يروح يرمى وراة زى ما احنا بنقول بالبلدى كدة يرمى وراها ميت زير

اية حبيبتة قليلة الادب دى دى حتى لو حبت تسيبة لاى عزر كان تسيبة باحترام بدون التهزىء دة كلة وبعد ما اتهزق منها كل دة زعلان قوى عليها

و الله لو منة هازعل على حاجة واحدة انى ما ضربتها بالقلم قبل ما مشى

ذهبية

[mandoo]

نصائح وجهتها الفتاة للمتوحد فى المكالمة الاخيرة

15..خد بالك من نفسك عشان خاطرى

الراجل إتبهدل ياولداه ... بس عجبنى أوى البند رقم ( 15 ) ويمكن دى الحاجة الوحيدة اللى خلت الراجل ده ماينطش من فوق كبرى أبو العلا :lol:

تحياتى لك

[الباشمهندس ياسر]

دى ماش اء الله حبيبتة ما تركت فية حسنة واحدة ولا ميزة يصبر نفسة بيها دى طلعتة شرك بضم الشين

من اول عصبى و مجنون الى روح عالج نفسك عند دكتور ولا روح لشيخ و بعد كل دة زعلان عليها ماشى يكلم نفسة فى الشارع و يتحسر على

الدباديب ومحلات الموبايل و كل شبر اتكلموا فية

دة يروح يرمى وراة زى ما احنا بنقول بالبلدى كدة يرمى وراها ميت زير

اية حبيبتة قليلة الادب دى دى حتى لو حبت تسيبة لاى عزر كان تسيبة باحترام بدون التهزىء دة كلة وبعد ما اتهزق منها كل دة زعلان قوى عليها

و الله لو منة هازعل على حاجة واحدة انى ما ضربتها بالقلم قبل ما مشى

ذهبية

قلم على وشها..!!!!!!

صعب اوى يا ذهبية انه يعمل كده و خصوصا انه كان بيحبها لدررجة اللى شفتيها

كمان نقطة انهم بيتناقشوا مش بيتخانقوا ...يعنى البنت تقدر تقول كل اللى نفسها فيه وزيادة شوية لما يبقوا بيتناقشوا

انما لو اتخانقوا و صوتها كان عالى و قالت واحد على عشررة من ده فاكيد هيمد ايده عليها او على الاقل هينفعل جدا

و اخيرا.

..اللى بيحب مبيعرفش يكره و حتى لو اختلفت ف يوم مع اللى كان حبيبك صدقينى مش هتقدر تكرهه ابدا ابدا

كبييييييررك اوى انك تحاول تنساه او تشغل نفسك عنه او تتلهى بحد جديد عنه

و كل ما كان حبك ليه كبير كل م كان كل اللى فات صعب و صعب اوى و الله

و زى ما قال عمر طاهر برده

يتورط الانسان فى كثيرين و يتورط فيه كثيرون لتيدأ متاهة تحتاج لخريطة أو لمعجزة للخروج منها ,

الحب كائن أبدى لا يموت لكنه قد يأخذ أشكالا تتغير بمرور الوقت , و الدليل على أنه أبدى فى يوم القيامة (يحشر المرء مع من أحب )

[الباشمهندس ياسر]

نصائح وجهتها الفتاة للمتوحد فى المكالمة الاخيرة

15..خد بالك من نفسك عشان خاطرى

الراجل إتبهدل ياولداه ... بس عجبنى أوى البند رقم ( 15 ) ويمكن دى الحاجة الوحيدة اللى خلت الراجل ده ماينطش من فوق كبرى أبو العلا :lol:

تحياتى لك

اهلا بحضرتك

تصدق قعدت افكر ف موضوع انه يرمى نفسه من فوق كوبرى ابو العلا

و افتكرت ان اشد طعنه فعلا و كانها ف القلب هى الطعنة اللى بالمنظر ده

انما الموضوع ممكن يوصل للانتحار مثلا...

معتقدش

[mandoo]

نصائح وجهتها الفتاة للمتوحد فى المكالمة الاخيرة

15..خد بالك من نفسك عشان خاطرى

الراجل إتبهدل ياولداه ... بس عجبنى أوى البند رقم ( 15 ) ويمكن دى الحاجة الوحيدة اللى خلت الراجل ده ماينطش من فوق كبرى أبو العلا

تحياتى لك

اهلا بحضرتك

تصدق قعدت افكر ف موضوع انه يرمى نفسه من فوق كوبرى ابو العلا

و افتكرت ان اشد طعنه فعلا و كانها ف القلب هى الطعنة اللى بالمنظر ده

انما الموضوع ممكن يوصل للانتحار مثلا...

معتقدش

الأخ الفاضل / باشمهندس ياسر

كونها قالت له خد بالك من نفسك علشان خاطرى ، فقد أحيت بصيص من أمل الحب الضائع داخله فهى أرادت فى النهاية أن تطيب خاطره بكلمة ولا استطيع أن أجزم انها احبته كحب عبلة لعنتر وهذا الحب لاينطبق عليه المثل القائل ( الحب أعمى ) ده طلع مفتح وعينه بجحة كمان ....مش كده ولا إيه

[ذهبية]

اة يا ياسر هو بيحبها دة شىء واضح و صريح لكن ياترى هى كانت بتحبة دة علامة الاستفهام ؟؟؟؟؟؟؟؟

اللى بيحب يا ياسر زى ما انت قولت من بيكرة و برضة يا ياسر مش بيشوف عيوب حبيبة و بيتخيل لة انة كامل الاوصاف

حتى عيوبة بيشوفها حسنات حتى الحب بيجعل اصحاب العقول فى حيرة لان الحب بيحول السيئات الى حسنات من هنا طلع المثل الشعبى مراية الحب عميا

قولى بالله عليك واحدة شايفة فية كللللللللللل العيوب دى كلها و بتتكلم مع المفروض انة حبيبها بالاسلوب دة وكمان وقت فراق

و تقولى بتحبة !!!!!!!!!!!!

مش معنى انها مكنتش بتعلى صوتها انها مقلتش كلام يوجع دة و يجرح واعتقد اللى بيحب بجد وحب كبير بجد اخر حاجة عندة

انة يفكر يجرح حبيبة بكلمة حتى وقت الفراق حتى لو كانت بينهم مشاكل او اختلاف لان وقت الفراق اى لحظة كانت وحشة بتختفى و يبقى اللحظات الجميلة فقط فى الذاكرة

اعتقد يا ياسر انها عمرها ما حبتة او على الاقل لم تبادلة ولا ربع حبة لها

[الباشمهندس ياسر]

الأخ الفاضل / باشمهندس ياسر

كونها قالت له خد بالك من نفسك علشان خاطرى ، فقد أحيت بصيص من أمل الحب الضائع داخله فهى أرادت فى النهاية أن تطيب خاطره بكلمة ولا استطيع أن أجزم انها احبته كحب عبلة لعنتر وهذا الحب لاينطبق عليه المثل القائل ( الحب أعمى ) ده طلع مفتح وعينه بجحة كمان ....مش كده ولا إيه

اهلا بحضرتك و الله

بس اسمحلى اختلف معاك ... احتمالية ان البنوته تقصد كده فدى احتماليه ضعيفة اوى ...لانها كان ممكن تقفل العلاقة باحترام و بطريقى اشيك من كده

انما اللى انا فهمته ..انها بتحاول تسيب الباب مواررب و ده ظهر ف الجملتين رقم 7 و رقم 15 ...يمكن الشاب الجديد ميطلعش احسن من ده اوى يعنى

تقرريبا المفروض الواحد يبقى مستحى نوعا ما و هو بيكتب الكلام ده ..بس دى الحقيقة على حسب فهمى

ولا حضرتك ايه رايك

اة يا ياسر هو بيحبها دة شىء واضح و صريح لكن ياترى هى كانت بتحبة دة علامة الاستفهام ؟؟؟؟؟؟؟؟

اللى بيحب يا ياسر زى ما انت قولت من بيكرة و برضة يا ياسر مش بيشوف عيوب حبيبة و بيتخيل لة انة كامل الاوصاف

حتى عيوبة بيشوفها حسنات حتى الحب بيجعل اصحاب العقول فى حيرة لان الحب بيحول السيئات الى حسنات من هنا طلع المثل الشعبى مراية الحب عميا

قولى بالله عليك واحدة شايفة فية كللللللللللل العيوب دى كلها و بتتكلم مع المفروض انة حبيبها بالاسلوب دة وكمان وقت فراق

و تقولى بتحبة !!!!!!!!!!!!

مش معنى انها مكنتش بتعلى صوتها انها مقلتش كلام يوجع دة و يجرح واعتقد اللى بيحب بجد وحب كبير بجد اخر حاجة عندة

انة يفكر يجرح حبيبة بكلمة حتى وقت الفراق حتى لو كانت بينهم مشاكل او اختلاف لان وقت الفراق اى لحظة كانت وحشة بتختفى و يبقى اللحظات الجميلة فقط فى الذاكرة

اعتقد يا ياسر انها عمرها ما حبتة او على الاقل لم تبادلة ولا ربع حبة لها

البنت لما بتحب بتحب اوى ... و لما بتكره بتكره اوى...و لما بتصيع بتصيع اوى...و لما بتتسلى بتتسلى اوى

البنت عنداها قدرة رهيبة على انها ترسم اسباب اتخاذ قرار ما...يعنى

صاحبتى مثلا صحيت النهارده الصبح و طلبت معاها انها تسيبنى ... هتلاقيها قعدت تخترع فى امور و حوارات تقنع بيها نفسها انها صح و ان قرارها ده هو المظبوط

و انها اتاخرت كتير اوى على ما قدرت تاخذه...فى حين ان عمر القرار 5 دقائق مش اكتر

مثل تانى ... الناس اللى بتشتغل فى اماكن فيها اختلاط ... لو زميلتك حبت تقنع نفسها بيك هيحصل حاجات شبه التالى كده

1..لو لقيتك بتزعق ف حد مثلا ... حتى و لو الساعى المسكين ..هتقول ده عنده شخصية

2..لو لقيتك بتتكلم مع المدير بهدوء هتقول ده سياسى شاطر

3..لو لقيتك بتتكلم مع نفس المدير بطريقة خشنة هتقول بيوقفه عند حده

4..لو لقيتك بتعزم على زمايلك اللى معندهمش سيارة يركبوا معاك هتقول كرريم

5..لو انت بتدخن مارلبوروا مثلا او مور او حتى روزمان او حاجة من دول ..هتقول شايفين النزاهة بتاعته

كفاية امثلة كده و نبص سوا ع الناحية التانية ... لو نفس البنوته و مش بتحب الولد ده و مش نازلها من زور هتقول ايه ف نفس الافعال اللى فاتت

1.. شايفين الافتراء بتاعه

2.. شايفين النفاق و الدهلزه و مسح الجوخ.

3..شايفين الغشومية و العجرفة

4..شايفين الهبل اهو زمايله بيستكردوه وهو عامل فيها ناصح اوى

5..شايفين التناكة و التبذير و الاسراف

و بكده نفهم ان سيكولوجيتها بتديها امكانيات لحاجات غريبة و عشان كده قالوا ان من يحاول ان يفهم المراة يموت ولا يفهمها

لكن

علشان الطرح بتاع المناقشة ميوسعش مننا

المسالة هنا مش مسالة حب عذرى زى ما حسيت انها وصلتكم

المسالة غير كده اصلا

نكمل بعد الفاصل

[فــيــروز]

أنا عندى تعليق بس مش على الكلام و لكن عن "عمر طاهر" نفسه ..

بصراحه وقت ما بدأت أتابع كتاباته كنت منبهره بخفّة ظلّه الواضحه و كنت سعيده جدّا إنّه عامل زى الصدا .. قصدى صدا الصوت كأنّه بيعيد علينا ذكريات عاشها جيلنا و لأنّه من نفس الشريحه العمريه فكل نوادره و تعليقاته لها صدى و مردود فى أذهاننا ..

بس بالتدريج و بمتابعة ما يكتبه بدأت أشعر أنّ كلّ ما يقوم به إنّما هو إعادة إنتاج لأشياء نعرفها بالفعل يقوم هو بفرزها و تصنيفها و تبويبها لدرجة أنّه صار يذكّرنى بموظّفى جهاز التعبئه و الإحصاء ..

يعنى كلّ ما يقوم به "عمر" هو تجميع مواقف و جمل تصلح للتصنيف تحت بند معيّن .. سواء ده كان فى أفلام السينما كما فعل فى كتابه "إبن عبد الحميد الترزى" أو بعض فصول كتابه "شكلها باظت" تحت عنوان "إزّاى تعرف إنّك بتشوف فيلم عربى" أو فى غيرها من فصول الكتاب .. بصراحه أنا عندى حيره هل يمكن تصنيف ما يكتبه "عمر" على إنّه إبداع أو فنّ أو أدب .. بصراحه شديده أنا شخصيا بقيت أملّ من الموضوع و بقيت أرى أنّه -كما ذكرت فى السابق- إعادة إنتاج لمواقف و نوادر نحن نعرفها بالفعل و جاء "عمر" و "عبّاها" فى كتب و بقى مؤلّف و مشهور ..

[Tafshan]

الهدف من الكتابه هو القراءة ... بغض النظر عن تسمية نوعية هذه الكتابه .. فمثلاً الشعراء الجاهليين بكل ثراءهم .. هل كان من ضمن خيالهم ان يتم تحليل اشعارهم بهذه الكيفيه التى حدثت في عصور لاحقه لكتابتها .. انها ببساطه نوع من انواع الانفعال الشعورى تحول الى شكل ادبي و تم تداوله ..

عمر طاهر اشتريت له كتاب "شكلها باظت " و هو كتاب لطيف .. لكن بعد ما وصلت لنصفه .. زهقت ! هو كتاب منعش للذكريات تماماً كقعدة القهوة مع الاصدقاء عندما تقابل صديق قديم و يبدأ يجتر امامك الذكريات .. تكون الجلسه فيها عذوبه لكونها تتناول "تاريخك" الغير مكتوب و تحرك مشاعر راكده منذ امد بعيد ... لكن سرعان ما تنتهى و تعود الى حياتك الجديده البعيده كل البعد عن تلك الذكريات ..

عندما قرأت ما نقله الباشمهندس ياسر ضحكت كثيراً على بعض المواقف لتطابقها ما مشاهد بعينها في ذاكرتى .. شئ لطيف ليس مهم ان نسميه شئ محدد .. لكنه لطيف .. و بالمناسبه هو شئ صعب ان تتم صياغة كل هذه التفاصيل الصغيره المكونه للذكريات في شكل ما من الادب .. قد لا نتفق على تسميته .. و لكن نتفق على انه "شئ لطيف " !

[فــيــروز]

عمر طاهر اشتريت له كتاب "شكلها باظت " و هو كتاب لطيف .. لكن بعد ما وصلت لنصفه .. زهقت ! هو كتاب منعش للذكريات تماماً كقعدة القهوة مع الاصدقاء عندما تقابل صديق قديم و يبدأ يجتر امامك الذكريات .. تكون الجلسه فيها عذوبه لكونها تتناول "تاريخك" الغير مكتوب و تحرك مشاعر راكده منذ امد بعيد ... لكن سرعان ما تنتهى و تعود الى حياتك الجديده البعيده كل البعد عن تلك الذكريات ..

عندما قرأت ما نقله الباشمهندس ياسر ضحكت كثيراً على بعض المواقف لتطابقها ما مشاهد بعينها في ذاكرتى .. شئ لطيف ليس مهم ان نسميه شئ محدد .. لكنه لطيف .. و بالمناسبه هو شئ صعب ان تتم صياغة كل هذه التفاصيل الصغيره المكونه للذكريات في شكل ما من الادب .. قد لا نتفق على تسميته .. و لكن نتفق على انه "شئ لطيف " !

أنا لا أجادل إطلاقا فى لطف ما يكتبه "عمر طاهر" ولم يكن همّى وضع اسم محدّد أو توصيف لما يكتبه .. هدفى من طرح أفكارى بشأن ما يكتبه أنّى أشعر -كما شعرت- بالملل .. ولم أعد أفكر فى اقتناء كتاباته لأنّها مهما كانت لطيفه و متعوب فى كتابتها و مهما أعادت لىّ من ذكريات دورها سيتوقّف عند هذا .. و ربّما يكون هذا كافِ للكثيرين لكنّى أصبحت أجده غير كافِ لى :ninja:

[الباشمهندس ياسر]

شبابنا الحلوين ... محدش ناوى يحكيلنا على تجربة مشابهة

[مغتربة]

الصورة التى رسمت فى الموضوع هى صوره حقيقيه جدا و بتحصل كثير جدا

و غالبا ما يمر فى اى علاقه عاطفيه مثل هذا بالضبط

و ليس معنى هذا اطلاقا ان الفتاه شيفلها شوفه تانيه او تستحق قلم على وجهها كما ناد البعض !!!!!!!!!!!!!

لا شك عندى فى صدق المشاعر التى كانت تكنها الفتاه للفتى والعكس

المشكله الحقيقيه يا ساده فى الاختلاف الجذرى بين طريقه تفكير الرجل و المراه كلا منهم عن الاخر

الفتاه ( و كذلك الشاب )تدخل العلاقه العاطفيه بدون اى خبره بانه هناك فرق شاسع بين طريقه تفكيرها و طريقه تفكير الطرف الاخر

فتحكم على تصرفاته من منطلق تفكيرها هى و بالتالى طبيعى جدا ان يكون هذا هو حكمها على شخصيته

لانها ببساطه لم تستوعب ان هناك اختلافات جوهريه فى نظره كلا منهم للامور

و اعتقد كذلك ان هذا من اهم اسباب تزايد نسب الطلاق فى العصر الحديث

فاهل يهتموا كثيرا الان بتعليم اولادهم الى اقصى درجات التعليم دون ان يكلفوا خاطرهم بان يمنحوهم اقل التعليم عن فن الحياه الزوجيه

فنجد الفتاه قد وصلت لاقصى درجات التعليم و الثقافه و لكنها للاسف جاهله جدا بابسط الفروقات بينها و بين الشخص الذى ستتزوجه

و نفس الموضوع للشاب

و تكون النتيجه الطبيعيه انهيار العلاقه الزوجيه او العاطفيه

لانها و ببساطه قد قامت بين اثنين يفتقروا لاسس التواصل الحقيقى بينهم

و هو التفهم الكامل لاختلافاتهم

فكاننا جمعنا بين شخص اصم مع شخص اعمى فى حجره واحده طالبين منهم اقامه تواصل ناجح بينهم !!!!!!!!!!!!!!!!

غياب هذه الثقافه بالضافه الى الاحباطات الكثيره التى يعانى منها الشباب اساسا فى هذا العصر

هو السبب الاساسى و الرئيسى لانتشار تفكك العلاقات حاليا سواء الزوجيه او العاطفيه

[الباشمهندس ياسر]

لانها و ببساطه قد قامت بين اثنين يفتقروا لاسس التواصل الحقيقى بينهم

و هو التفهم الكامل لاختلافاتهم

فكاننا جمعنا بين شخص اصم مع شخص اعمى فى حجره واحده طالبين منهم اقامه تواصل ناجح بينهم !!!!!!!!!!!!!!!!

غياب هذه الثقافه بالضافه الى الاحباطات الكثيره التى يعانى منها الشباب اساسا فى هذا العصر

هو السبب الاساسى و الرئيسى لانتشار تفكك العلاقات حاليا سواء الزوجيه او العاطفيه

أظن ان فترة التعارف ... قادرة على ان تقوم بهذا الدورر

[الباشمهندس ياسر]

ترى هل تعود؟

نعم انها عادت ........ و لكن

[om marawan]

معلش اصل احنا الظاهر كبرنا و عجزنا ولا ايه بس انا عندى كام سؤال

مين الاخ عمر طاهر ؟؟؟

والسؤال التانى هو كل العيوب دى فى شخص واحد يعنى ولا هو يقصد ان ده الكلام اللى بيتقال عموما فى المواقف دى لان ده اللى فهمته

تالت سؤال معلش يعنى طولت عليكم .. ليه نفترض انه العيوب دى مش موجودة فعلا بعضها يعنى مش كلها طبعا

طبعا كلنا فينا عيوب والحب مش اعمى ولا حاجة لكنه اكتر قوة تساعدنا على تغيير عيوبنا للافضل

يعنى لو انا واحد مقضيها شيكولاته وسجاير وقعدة على الكافيهات يبقا انا فعلا محتاج اشوف دكتور نفسانى ومحتاج يكون لى هدف فى حياتى ده كلام منطقى

ليه اخده على انه هجوم ولو هجوم ماهو فى مصلحتى واخرج من الموضوع اقوى وانجح

بشكل عام الكلام لطيف فعلا وقعدت اضحك علي حاجات كتير منها موضوع انه راح يحلق زيرو زى لقطة رشدى اباظة

بس بجد مين عمر طاهر اصل انا زى ماقلتلكم الظاهر جيل قديم واخرنا كان انيس منصور وشوية هزار من يوسف معاطى

هييييييييييييه دنيا