الكرامة الرجل و كبرياء المراءة ايهما تختار ؟؟؟

[ذهبية]

ليا صديقة عزيزة اخدت راى فى موضوع يهمها حبيت احكية لكم

ولد وبنت مخطوبين خطوبة تقلدية اسرية يعنى جواز صالونات البنت من اسرة غنية او كانت غنية ومازالت محتفظة بالبقية او على ذكرياتالماضى

الولد مكافح من اسرة كويسة جدا لدية كل امكانيا ت الجواز مركز فوق الممتاز

المشكلة اية

ان الولد لم يكون لة تجارب يعنى يعرف ربنا لا خرج ومشى ولف زى الشباب وكان ملتزم دينيا جدا واخلاقيا

البنت متعجرفة جدا متكبرة جدا عايزة منة من اول يوم عرفتة فية لم يغلق فمها من الطلبات

من اول شبكة سلوتير و جابها الى شكلك مش عاجبنى غيرة لبسك كلاسيك قوى مش روش خليك على الموضة انت مش شايف

الشباب بيلبس اية رد عليها ان المظاهر كدابة وانة كان يحب انها تهتم بية و بشخصيتة من جوة مش من برة

وبارلغم من دة علشان بيحبها غير من نفسة وبرضة مش عاجب كل شوية لازم تفكرة انها مش بتحبة ولازم تخلينى احبك

ازاى بقى يخليها تحبة بالاتى اى اختلاف فى وجهات النظر لازم رايها يمشى ولازم هو اللى يتاسف ولازم تجيب كل طالباتى

كسر الحيطة دى غير ديكور الشقة عايزة فرحى فىالمكان دة عايزة مؤخر 100 الف عايزة موبايل على احدث صيحة حتى يوم عيد ميلادها غيرت الهدية لانها معجبتها

وراحت اختارت هدية اعلى من قيمتها بخمس مرات

الولد لما اشتكى و دور على الكبير لم يجد الكل لا يقدر يقول لها بم الام كل الى عملتة انها استخدمت اسلو ب السياسة

ان البنت خام ومالها خبرة

وانت برضة عليك الغلط مش عارف تخليها تحبك انت ملكنش خبرات ومش بتعرف تقول كلام حلو زى الشباب

انت لازم تخدها فى حضنك و تخليها تحبك يا الله روح اتاسف لها يرد على الام يقول لها هى بتغلط فيا تقول لة لسة ضغيرة انت الراجل

لازم انت اللى تروح تصالح و تبدا بالخطوة الاولى

وهكذا كانت العلاقة حتى وصلت لحظة حاسمة والولد زهق لما وجد نفسة فى اخر المطاف بيخسر الافات ولا يوجد مقابل حتى الكلمةة الحلوة لا يوجد

لا تقابلة الا بالتكشيرة والطلبات و تخرج من طلب على طلب

لحد ما قال لها انا اسف انا مش عايزك انتى مش بتاعة جواز و الجواز الىل انتى فاهماة مش زى اللى انا فاهمة

ورمى فى وشها الدبلة و قال لها حاجتى ترجع ليا وهداياى حاولت اصلاحك و جيت على كرامتى ونفسى كتير لكن للاسف انتى عمرك ما حبتينى ولا هتحبينى

طلب الام و بلغها بالخبر الام طبعا اتصدمت وبرضة زى العادة جت علية وطلبت منة الصبر وانها ضغيرة ومدلعة وهنربيها مع بعض

بلاش تسيبها وهى مش فاهمة حاجة وغيرة من هذا الكلام

هو اشترط على الام شرط وحيد لمواصلة الرجوع انة زهق اعتذارت لانة الراجل وزهق تنازلت لانةالراجل وهو طلب منها طلب وحيد بسيط

انها تتصل بية تتاسف عما بدر منها من تصرفات وانها تقولة انها عايزاة يحس باى شىء ايجابى من نحيتها انها شارية

الان الامر فى المحك

هى كبريائها ازاى تتصل بية تتاسف وهو اللى فك الخطوبة و هو الراجل لازم هو الىل يتاسف مش انا هو يتصل يتاسف وانا افكر ارجع لة ولالا

هو كرامتة كفاية بقى لحد هنا انا اتنازلت كتير على كرامتى و بلعت اهانات كتير على امل ان ينصلح حالها لا تعرف الا المظاهر

والطلبات المادية فقط لا مشاعر لا حب مفيش اى حاجة عجباها بالاضافة انة هيشيل الليلة كلها بتاعةالجواز حتى الابتسامة مفيش

الام تظغط على الولد مش قادرة على البنت عايزة تجوز البنت علشان تخلص منها بالتالى تمارس كل ضغوطها على الولد انة هو يروح يصالحها واعتقد ان الام مش هترجع الشبكة و الهاديا اللى اتخطت رقم كبير جدااااااا

[tarek hassan]

من وجهة تظري والله أعلم

أقول الحمد لله إنه لم يتم الدخول

الراجل ده هيتعب لو تزوج بها دون أن تتغير بالكامل

هيتعب معاها ومع أفاربها

لن يجد أحدا يعطيه حقه أو يترد عليه أو يقول لها عيب

لسه هيبذل مجهود علشان تحبه وطبعا بطلبات فيها بهدلة مادية وأدبية

يعني لسه هيفصل واحدة طيبب ما يجيب واحده جاهزه

وفي النهاية لن تحبه ولن تحترمه لسبب بسيط لأنه يتنازل دائما

وظني أنها لن تشبع أبدا طلبات

أرى أنها هي المطالبة بتعديل نفسها وهو مطالب إن استمر أن يتمسك بحقه دائما

ولابد وأن يشعر دائما أنه المسيطر وأن الأمور لا تسير رغما عنه

وإذا لم تعدل من نفسها فإنه لن يخسر ولن تستطيع أمها أن تستولي على الشبكة

والوسطاء لن يسمحوا لها بذلك

وقعدة الرجالة

وإذا فعلت فقد خسرت كثيرا من سمعتها وسمعة ابنتها وصورتهم هتبقى مش كويسه ويحمد ربنا على إنه خلصه منهم

أراها لن تقدم أبدا على ذلك

والطلبات المادية فقط لا مشاعر لا حب مفيش اى حاجة عجباها بالاضافة انة هيشيل الليلة كلها بتاعةالجواز حتى الابتسامة مفيش

أمال فيه إيه يتجوز علشانه

لا حول ولا قوة إلا بالله

ربنا يحلها من عنده وينجيه

قلبي معاه يا ريت الأخت ذهبية تبقى تطمنا حصل إيه

تحياتي

تم تعديل 24 يوليو 2009 بواسطة tarek hassan

[toota]

امه بتحبه....البنات الي من الصنف ده لو جابلها لبن العصفور مش حيعجبها...,حتفضل تقول هل من مزيد.....

البنت لو متربتش في بيت اهلها...مش حينفع تتربى بعدين.....

ومن الواضح انها مش بتحبه...الحب بيحلي الحياة والعيشة...ولو جابلها اي هديه حتلاقيها قد الدنيا مهما كانت بسيطة....

الحياة بينهم حتبقى مساومات....والنوع ده من الحياة بيبقى متحمل كتير من المشاحنات والنكد بسبب تطلعات الزوجة الزائدة عن الحد...

باختصار يخسر الشبكه ويحاول انه يرد الهدايا الثمينه وينفد بجلده....العمر مش بعزقه....

[toota]

نسيت اضيف نقطه مهمة اوي....ان موضوع الشبكه ده عرف ومش في الشرع....يعني لو هو حتى فركش الخطوبه من حقه ياخد الفلوس الي دفعها...لانه دفع تمنهم بغرض الزواج...لانها حتبقى مراته مش عشان يخطبها شويه ويصرف دم قلبه ويسيب فلوسه ليها لو محصلش نصيب ...يعني ده مرتبط بده...مش العكس

[Rocky]

لا حول ولا قوة إلا بالله العلي العظيم

بصراحة بغض النظر عن موضوع الشبكة أو الهدايا ( سواء رجعت أو مرجعتش ) .... انا شايف العلاقة دي بالشكل اللي حضرتك بتحكي مش ممكن تستمر .. لان االلي بتعمل البنت دي طبع فيها أو اتربت علي كده وكذلك الشاب تنازل كتير ... الشخصيات مش ملائمة

ربنا يكرمه بالزيجة والذرية الصالحة

دمتم بود

[Salwa]

ذهبية ...انتى بتتكلمى جد؟؟

معقول بعد كل ده ولسا بيفكر ؟؟

ده ربنا بيحبه وراضى عنه ...........دى جوازة مكتوب عليها الفشل قبل ما تبدأ ...!!!!!!!!

ويابنتى الزمن اثبت لنا ان الخساير لو كانت مادية يبقى ده شئ امره سهل ...ومهما حزننا على الخسارة المادية مش حايبقى زى الحزن على الخسارة المعنوية ..

ده جواز....عارفة طبعاااا يعنى ايه جواز ....يعنى اتنين حايفضلوا عايشين مع بعض لحد ما ربنا يختار واحد فيهم ...بارادته طبعا .وقضائه سبحانه وتعالى ..

لكن دى ؟؟ عاوزة تخربها قبل حتى ما تدخل بيتها ...!!! معقول فيه كدة ؟؟

هى البنات لاقية عريس زى ده؟؟

خليه يلحق نفسه ويتركها ....دى ملهاش حل ..

الشجرة اللى تطلع عوجة من صغرها تفضل عوجة طول عمرها ..........(( ده مثل مصرى صحيح 100 % )) ..البنت دى مش حاتتغير ابدااااا...........

بالعكس ..

ده كل ما حاتعدى الايام حاتزيد اكتر وحاتبقى جشعة اكتر ....

ممكن احكى لك عشرات من الحكايات اللى كنت شاهد عين فيها ...!!

مثلا...

واحد ابن حلال كدة زى بطل حكايتك.....اعرفه معرفه وثيقة ..(( الله يرحمه))

...شاب مهندس من اسرة راقية ....اتعرف على زميلة معاه فى شغله وقرر يخطبها .....اهله وافقوا رغم ان امه كانت متخوفة لان البنت اتربت بعيد عن الأب وكان اعتقادها ان كل الرجالة يجب الحذر منهم ويامآمنة للرجال يامآمنة للميه فى الغربال ....وكدة يعنى .....برضه ام العروسة طلبت شبكة ومهر كبير و....طالما انتوا عاوزين انتريه وصالون يبقى انتوا ياتجيبوا الانتريه ياالصالون...!!!!...وفعلالالالالا.........وافقوا ...!!!...المهم....تزوجوا ..

بدأت تلح ان الشقة تتكتب باسمها ....!!!!!....ده بعد ماقالت له ان انا كدة ببقى مرتبطة بوجودك وبصراحة هات لى عربية اروح وآجى بيها ...!!!

متاهات....عرفنا بعدين....انها حتى كانت بتحسب اللى حايورثه لما والدته تموت....!!!!!!!!!!!!!!!!!!!!!....آه والله.....شفتى الجبروت؟؟ ده افترى والله....الناس اتجننت ..

وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ}…(لأنفال:30)

وبرضه...

كتب الشقة باسمها ...!!!

فاتت شهور ....وسنين ...وكانت امه تلاحظ اشياء غريبة بتحصل ....ولما سألته؟؟ اتضح انها مش بتطبخ...!!!...بس لو امها راحت عندهم تطبخ لها ...!!! وكللللللللل اكلهم جاهز...!!!!!

حتى بعد ما بقى عندهم ولدين ...

برضه..

نظام...كل شوية تزعل من اقل حاجة...ولابد يصالحها ....بحاجة دهب ..!!!

آه...

والله على ما اقول شهيد.....

كان اجبارى وفيه اتفاق بينهم ..............!!!!.......كان لها مرتب اول كل شهر ....تشيله بمعرفتها وهو ملهوش دعوة بيه .............!!!!!!!!!!!!!!!........من فلوسه...وتقول له الدين قال والدين قال...

لا وايه؟؟ تقول له...قال الله وقال الرسول .....(((((((( مش فاهمة ازاى روضت الدين لصالحها ؟؟ ))))))))))..

طيب دى حقوقك؟؟ امال فين واجباتك ؟؟؟

الله يرحمه بقى ....مش حانقول مكانش عنده شخصية ....لالالالالا......لكن حانقول ...(( زوجة مفيهاش ريحة الانسانية استغلت انسانيته ...!!! فقط لاغير ))..

فى يوم....اشتكى ....كان عنده حوالى اربعة واربعين سنة ...

وهى قابلت الشكوى باستهتار ..!! انت بتتدلع..؟؟ ...هو اى حد دماغه توجعه يفضل يقول آه...

المهم...

اتوفى ...(( ليرحمه الله رحمة واسعة ويدخله جنات النعيم ))..

الهانم؟؟

خلعت الاسود قبل الاربعين ......قالت...حرام لبس الاسود..!!!

لم تحضر دفنه..ولا تزور المقابر ............برضه.........الدين.....!!!!!!!!!!!!!!

لكن؟؟؟

ده ما يمنعش ان الهانم ..........رايحة جاية بالسيارة ....وبرضه بتتغدى وتتعشى فى المطاعم او تحضر اكل جاهز ...

..وتعيش فى عز مكانتش تحلم بيه ولا فى افضل احلامها .........بدون الزوج الطيب المكافح اللى اخدت هيا على الجاهز شقى عمره ..

و..

هى عايشة ....وهو...تحت التراب ...(( مهما قلنا من اسماء لتجميل الموقف )) ...واللى بيسكت؟؟ بياخد على دماغه وبتروح حياته وعمره من الحسرة والتحمل ..

لازلت اعتقد انه مات قهراااا.....

على فكرة ...

يوم وفاته....اكتشف اخاه....انه كان مجهز لنفسه مكان للنوم فى حجرة مكتبه ....يعنى هو كان بيبعد عنها....لكنه (( للأسف )) لم يواجهها ...!!

وحاتسألينى ليه حكيتلك الحكاية دى ؟؟

لان دى (( جوازات....تجيب النكد والغم ...وتؤدى للموت...سواء فى الحقيقة او فى الحياة ...يعنى هو ياعينى ...مات بدون ان يعيش ....كان فقط زى خيل السبق بيجرى علشان هى تاخد الجائزة .

قولى لهذا الشاب يلحق نفسه ...ويبعد عنهم ....السعادة مش بالحاجات وبس تكويم موبيليا لاتستخدم وفلوس فى البنوك ...وشراء مالايلزم ..والانتقام من شاب لمجرد انه شاريها ...!!!

اللى زى البنت دى .....حلال فيهم ...يعيشوا لوحدهم بعيد عن الناس ..

اعتذر للاطالة ...

[الباشمهندس ياسر]

مساء الورد

اولا : مينفعش خااااااااااااالص اننا نحط نقطة الشبكة السوليتير و الفلوس اللى اتصرفت كمتغير فى معادلة انى اكمل او مكملش...

ثانيا : انا لو مكانه مش هكمل اطلاقا... ليه

لان الطبيعى يا اختى ان البنت هى اللى بتتغير مش الولد اللى بيتغير

البنت هى اللى بتبدأ تظبط لبسها على دماغ خطيبها...

مثلا .. مفيش جينز من هنا و رايح ..يبقى مفيش جينز..

.مثلا ..نبدا نركز ع الجوب يا قطة ...يبقى هتبدا تركز

مثلا... الطرحة الاسبانيش متتعملش الا جوه البيت انما بره البيت يبقى الطرحة كاملة

البنت هى اللى بتبدا تظبط مواعيد دخولها و خروجها ... مينفعش تتاخرى ف المحاضرات بتاعتك لغاية 8 ( بيحصل فى تجارة عين شمس تقريبا على ما افتكر)

البنت هى اللى بتبدا تتشكل على دماغ الولد مش العكس

و مفيش شك للحظة ان الشاب اللى بتتكلمى عنه هو الغلطان من الاول للاخر... انا اسف يعنى

و مش عاوز اقول ان مفيش امل ان البنت تتصلح

انما عاوز اقول انه صعب و صعب جدا كمان و عاوزه ولد دماااااااااااااااغ اوى عشان يعرف يلعب معاها و يمارس دور ترويض الشرسة

ده غير النقطة الارتكازية اللى قالتها الاخت توتا .. البنت محستش تجاه الولد باى شعور مريح خالص و الا كان انعكس على تصرفاتها

نصيحة من قلب محب (نسال الله ان تكون خالصة لوجه الله)

بلاش احسن

و بالنسبة للشبكة و الهدايا و الحوارات دى كلها

فطالما الناس عندهم اصل كويس يبقى الحاجة هترجع كاملة الا ما تم استعماله مثل الملابس و العطور و مصاريف الخرروجات و كده يعنى

و رايى الشخصى ف المسالة دى ... انه يقول هدايا فلانه ليها لانها جات على اسمها

انما الدهب بتاعى ليا لانه جاى لمراتى مش لحد تانى.

انا عملت الكلام ده

[الباشمهندس ياسر]

اعتذر للاطالة ...

ياريت حضرتك تطولى شوية اكتر و الله

ربنا يفتح عليكى كمان و يراضيكى

:ninja:

[عنبو]

مساء الورد

اولا : مينفعش خااااااااااااالص اننا نحط نقطة الشبكة السوليتير و الفلوس اللى اتصرفت كمتغير فى معادلة انى اكمل او مكملش...

ثانيا : انا لو مكانه مش هكمل اطلاقا... ليه

لان الطبيعى يا اختى ان البنت هى اللى بتتغير مش الولد اللى بيتغير

البنت هى اللى بتبدأ تظبط لبسها على دماغ خطيبها...

مثلا .. مفيش جينز من هنا و رايح ..يبقى مفيش جينز..

.مثلا ..نبدا نركز ع الجوب يا قطة ...يبقى هتبدا تركز

مثلا... الطرحة الاسبانيش متتعملش الا جوه البيت انما بره البيت يبقى الطرحة كاملة

البنت هى اللى بتبدا تظبط مواعيد دخولها و خروجها ... مينفعش تتاخرى ف المحاضرات بتاعتك لغاية 8 ( بيحصل فى تجارة عين شمس تقريبا على ما افتكر)

البنت هى اللى بتبدا تتشكل على دماغ الولد مش العكس

و مفيش شك للحظة ان الشاب اللى بتتكلمى عنه هو الغلطان من الاول للاخر... انا اسف يعنى

و مش عاوز اقول ان مفيش امل ان البنت تتصلح

انما عاوز اقول انه صعب و صعب جدا كمان و عاوزه ولد دماااااااااااااااغ اوى عشان يعرف يلعب معاها و يمارس دور ترويض الشرسة

ده غير النقطة الارتكازية اللى قالتها الاخت توتا .. البنت محستش تجاه الولد باى شعور مريح خالص و الا كان انعكس على تصرفاتها

نصيحة من قلب محب (نسال الله ان تكون خالصة لوجه الله)

بلاش احسن

و بالنسبة للشبكة و الهدايا و الحوارات دى كلها

فطالما الناس عندهم اصل كويس يبقى الحاجة هترجع كاملة الا ما تم استعماله مثل الملابس و العطور و مصاريف الخرروجات و كده يعنى

و رايى الشخصى ف المسالة دى ... انه يقول هدايا فلانه ليها لانها جات على اسمها

انما الدهب بتاعى ليا لانه جاى لمراتى مش لحد تانى.

انا عملت الكلام ده

لا خبره بس تصدق انا معاك اصل ده جواز وكل لما الانفصال يكون بدرى كل لما يبقى احسن لما بنفصلوا وهم مخطوبين غير لما ينفصلوا وهم متجوزين

وسلاموز وحته الحاج محمد الروش من جده البلد

[ذهبية]

تكملة للقصة اللى مازالت احداثها موجودة الى الان

للاسف الشديد تطورت الاوضاع الى الاسوء و بعدما كانت الام الى جانب الشاب و هى بتشجعة على التكملة وان بنتها غلطانة تم تغير موقفها تماما و طلبت لقاء الشاب لوحدة من غير اهلة و بدات تربية هو مش بنتها كما قالت

و اية يعنى لما تقول للبنت نعم و حاضر فيها اية يعنى و اية يعنى لما تطبطب عليها ما انت اللى مش عارف تخليها تحبك

و تعال معايا علشان نتاسف للبنت و تروح تصالحها طبعا الولد لم يعجبة الطريقة و كان صدمة للشاب لانة تغير تام م

[ذهبية]

طبعا الولد اتصدم من موقف الام بعد ما كانت فى صفة و قالت انها هتغير بنتها علشانة و تكون بجانبة تغير الموقف تمام و لانها مقدرتش على نبتها

فطلبت منة هو التغير وبدات فى انها تخفف من المشكلات بانها قالت و اية يعنى لما تقولها حاضر علطول فيها اية لما مش بتطبطب عليها انت مش عارف تخليها تحبك

طبعا الولد اتصدم و طلب منها ينهى الموضوع كلة لانة مش هيقدر يقول حاضر علطول ولا يتناول عن كرامتة على طول الخط

لذلك هو يطل شبكتة وكل شىء قسمة و نصيب

جاء موقف الام بعد هذا الكلام مفاجىء تمام انها قالت لة انا مش عايزة افك الموضوع احنا مش هنسيبك و لو انت سيبت يبقى انت اللى سايب

ملكش شبكة عندنا

ذهب الاهل من طرف الشاب للتحدث مع الام وخالها و كان نفس الموقف المماطلة و التوسيف و نفس المعنى احنا عايزنك لو عايز انت تفك

يبقى دخلو البيوت مش بالساهل ملكش شبكة ولا اى شىء

اية رايكم ؟؟؟؟؟؟

[الباشمهندس ياسر]

الناس دى بتخاف مبتختشيش

وصلت ولا نقول كمان

[toota]

لو معرفش يرجع الشبكة ....كنت سمعت ان واحد رفع قضية على اهل خطيبته وارتجعت الشبكة ليه برغم انه هو الي فسخ....بصراحة معنديش معلومات وافية للموضوع ده اوي,,,,بس لو الشبكة ثمينة يستشير محامي طالما النوايا ظهرت....

[عنبو]

عادى اذا بيرفع قضيه بيكسبها علشان القانون المصرى بيقول ان الواحد طالما مدخلش يبقى الشبكه من حقه وهياخدها بالغصب عن التخين فى عيلتهم

وانا لو مكانه كنت خليت البنت دى تقول معدتش عاوزه ابص فى وشه ارموا له شبكته ؟؟ طالما الزوق والادب منفعش ؟؟

او يوقل انه عاوز يكتب الكتاب ويتحجج باى حجه زى المؤخر وطبعا هما هيرفضوا وهو يركب دماغه وسعتها يبقى هم اللى سابوه ؟؟

[ذهبية]

والله يا جماعة سالوا محامى فى الموضوع دة المحامى قال الفاتورة بتاعة الشبكة باسم مين قالة باسم العروسة لانة كانت نتية سليمة الشاب من الاول

المحامى قال للاسف لو كانت باسمة كنت كسبت القضية فورا الفاتورة مع شوية صور للشبكة و اللفرح كانت رجعت لك ام الان الاحتمال ضئيل جدااااا

للاسف كل ما يتصل بيهم يقولوا احنا مسارفين مش موجودين لما نرجع من السفر ولو بعت لهم حد من طرفة يقولوا لة على فكرة دة قليل الذوق كان بيتكلم بطريقة وحشة

دة مش بيحب لك الخير احنا لو كنا وحشين كنا قلنا ملكش حاجة عندنا

قال لهم هاضطر ادخل حد غريب بينا وهنبدا نشوشر على بعض و احنا مش عايزين يحصل بينا كدة زى ما دخلنا بالمعروف نخرج بالمعروف

قالوا و الغريب يدخل بينا لية محدش لة عندنا حاجة

اية رايكم بقى؟؟؟؟؟؟؟؟؟؟

[ذهبية]

على فكرة يا محمد العنبى

موضوع انة يطفشها لحد ما البنت تقول لة مش عايزها و هارمى الشبكة فى وشة جربها مع البنت لان طالبتها كانت فوق فوق المبالغ فية قال لها معنديش مش جايب انا امكانياتى كدة

مش عاجبك سيبى و كل واحد فى حالة

عارف ردت علية اية ؟؟؟؟

قالت لة و انا مش هاسيبك مين قال انى عايزة اسيبك انا مش مستعجلة على الجواز سنة اتنين اربعة خمسة

لحد ما تجيب كل طلباتى اللى اشاور عليها روح سافر برة وانا هاستناك اى عدد من السنين براااااااحتك بس طلباتى تيجى زى ما باقول

عليها انا مش احسن من اختى اللى اتعمل لها كل حاجة على الاخر

ولما رجع لمماتها قالت لة عادى دى بتهزر متخدش فى بالك

على فكرة علشان ما تتسرعوا كمان فى الحكم ان الولد ما سالش الشاب دة سال عليهم اكتر من حد و اكتر من مرة و النصيبة ان الكل شكر فيهم

و بالذات فى الام

اية رايك يا محمد بقى تعمل اية ساعتها لو انت مكانة ؟؟؟؟

على فكرة يا حماعة و الله القصة دى حقيقة و احداثها مازالت مستمرة الى الان

[Guest مريخى]

هذا الشخص حالفه الحظ أن إستطاع أن يلقى لها دبلتها و يتوقف عن فكرة الزواج بها.. و الصبر الذى لا طائل من ورائه. إنتظاره إن تتغير الخطيبة هو وقت ضائع .. فلالأمور التى يمكن تغيرها تتم غالبا فى مرحلة مبكرة من العلاقة.. أما التغير الجزرى فى الشخصية فهو نادر الوجود و إن كان غير مستحيل.

هذه الفتاه ليس لديها اى نوع من المشاعر تجاهه و ربما حتى بدون مشاعر.. مسؤليتها تجاه رجل سيكون زوجها. حتى لو إعتزرت.. " الطبع يغلب التطبع" . لا اقصد أن أشيع جو تشائم.. أو سوء ظن.. لكنى احكم من منطلق أوضاع عايشتها مع أصدقاء .. و شخصيا للاسف.. و النهاية دائماً فشل زريع و زيادة آلام و أوجاع مع طول الإنتظار و الصبر و محاولة إيجاد عزر لمن لا عزر لها.. إطلاقا!

أما هداياه .. فهو من الجهة الشرعية له الحق فى إستردادها بالكامل.. هو لم يعقد عليها و لم يدخل بها.. و إن كان العرف يخالف ذلك.. لذا إن لم يستطع الحصول على ما أنفقه.. فليبتعد بخساره مادية يمكن تعويضها بدلا.. من خسارة سنوات و مشاعر.. تـُفقد ولا تعود... فضلا عن إن رفضهم إعاده هداياه يعنى إن ليست الفتاه وحدها هى الشخصية الإستغلالية.. بل الاهل ايضا إستغلاليين .. و غير عادلين.. و من يقبل بمثل هذه العائلة و الفتاه؟؟

فى النهايه.. اقول من قلبى الله يصلح لهما الأحوال و يوفقهما لما فيه خير لكلاهما.. ايا كان شكل و معنى هذا الخير.

الساده المشرفين: آمل نتسخ ردى للموضوع الأصلى.

[عنبو]

على فكرة يا محمد العنبى

موضوع انة يطفشها لحد ما البنت تقول لة مش عايزها و هارمى الشبكة فى وشة جربها مع البنت لان طالبتها كانت فوق فوق المبالغ فية قال لها معنديش مش جايب انا امكانياتى كدة

مش عاجبك سيبى و كل واحد فى حالة

عارف ردت علية اية ؟؟؟؟

قالت لة و انا مش هاسيبك مين قال انى عايزة اسيبك انا مش مستعجلة على الجواز سنة اتنين اربعة خمسة

لحد ما تجيب كل طلباتى اللى اشاور عليها روح سافر برة وانا هاستناك اى عدد من السنين براااااااحتك بس طلباتى تيجى زى ما باقول

عليها انا مش احسن من اختى اللى اتعمل لها كل حاجة على الاخر

ولما رجع لمماتها قالت لة عادى دى بتهزر متخدش فى بالك

على فكرة علشان ما تتسرعوا كمان فى الحكم ان الولد ما سالش الشاب دة سال عليهم اكتر من حد و اكتر من مرة و النصيبة ان الكل شكر فيهم

و بالذات فى الام

اية رايك يا محمد بقى تعمل اية ساعتها لو انت مكانة ؟؟؟؟

على فكرة يا حماعة و الله القصة دى حقيقة و احداثها مازالت مستمرة الى الان

هو يافندم يعمل ايه اولاً مع احترامى فى اللفظ الوضع ده عاوز واحد يكون بجح شويه وطبعا على مواصفات الشاب اللى بتحكى عنه انه شاب مؤدب وغلبان

نيجى بقى للجد ممكن يعمل ايه ؟؟ هو اذا راح اقلهم انه عاوز يدخل دلوقتى طبعاً هيطلبوا منه طلبات وهو طبعا هيقول انا امكانياتى كده وانا مش عاوز اسيبكم وطبعا هم مش هيوافقوا على الوضع ده وبكده هيكونوا هما اللى عملوا المشكله وهم اللى هيبقوا مش عاوزينه ؟؟

وفيه حل تانى بس خليه للاخر لانه حل بلطجه ؟؟

[elfakhrany]

على فكرة علشان ما تتسرعوا كمان فى الحكم ان الولد ما سالش الشاب دة سال عليهم اكتر من حد و اكتر من مرة و النصيبة ان الكل شكر فيهم

و بالذات فى الام

لى تعقيب صغير هنا ودى حاجة مزروعة فينا كمصريين لو حد بيجى يسأل عن عروسة كل الناس بتشكر فيها حتى لو كانت معقدة نفسياً بيقولو دى تمام ولما تعاتب حد وتواجهه بالحقيقة الكلمة المعتادة أنا مش عايز اوقف حال البنت وربنا ستار

أما بخصوص المشكلة من وجهة نظرى الحل الأمثل هو الإستعانة بأحد من الأصدقاء المقربين لعائلة العروسة للتوسط فى إرجاع الشبكة ..

تم تعديل 4 أغسطس 2009 بواسطة elfakhrany

[عنبو]

على فكرة علشان ما تتسرعوا كمان فى الحكم ان الولد ما سالش الشاب دة سال عليهم اكتر من حد و اكتر من مرة و النصيبة ان الكل شكر فيهم

و بالذات فى الام

لى تعقيب صغير هنا ودى حاجة مزروعة فينا كمصريين لو حد بيجى يسأل عن عروسة كل الناس بتشكر فيها حتى لو كانت معقدة نفسياً بيقولو دى تمام ولما تعاتب حد وتواجهه بالحقيقة الكلمة المعتادة أنا مش عايز اوقف حال البنت وربنا ستار

أما بخصوص المشكلة من وجهة نظرى الحل الأمثل هو الإستعانة بأحد من الأصدقاء المقربين لعائلة العروسة للتوسط فى إرجاع الشبكة ..

عن جد يافخرانى انا بتخنق اقوى من الموضوع ده كان فيه واحد عاوز يخطب بنت جارتنا وجه سألنى عليها اقولته على كل حاجه انا متاكد منها وواثق منها وبعدين لقيت كل االى قاعدين بيقولوا ليا حرام عليك اقولتهم لا دى شهادة حق والراجل شهدنى وانا مينفعش اقول معرفش ومينفعش اقول غير الحق

وده جواز مش لعب عيال