سمك محشى جمبرى وخضار ..

[بندق أفندى]

السمكة هامور .. (وقار .. ويصلح اى نوع من السمك العريض المتماسك

مفتوحة من الظهر ومخلى الشوك او الحسك ..

تتبل بزيت زيتون وثوم وعصير ليمون وملح ... ومعها خلطة دايما موجودة فى الفريزر .. (بصل وتوم وفلفل أسود وفلفل أخضر وبقدونس وكسبرة مطحونة وزنجبيل ومسطردة)

ثم نرص الجمبرى ونجملها بشرائح ليمون وفلفل أخضر أو أحمر حسب المتاح

نلفها فى ورق زبدة ومن بعده ورق قصدير .. ثم ندخلها الفرن على أدنى رف لمدة 15 دقيقة ونقلبها على الجهة الأخرى لمدة 15 دقيقة أخرى .. ثم نخرجها نزيل ورق الزبدة وورق القصدير وندخلها الفرن مرة أخرى لمدة 15 دقيقة أخرى وهنا وعافية

معها كان سلطة .. عبارة عن كرافس مقطع مع بصل أبيض وزيتون مخلى مشكل (بدون رائحة وبدون دموع) ومتبلين لحوالى نصف ساعة بعصير ليمون وملح وخل .. ثم قبل التقديم نضيف طماطم ... ووجدت فى طريقى أناناس طازج أضفته لها .. وعمل شغل رهيب .. قبل التقديم نضيف زيت زيتون طبعا

[doudy]

ايه الجمال دة يا بندق

انا ضعيفة جدا قدام الاسماك اصل انا اسكندرانية اعمل ايه بقى

حاجة فظيعة جدا :ninja: تسلم ايدك و باذن الله لازم اجربها

[toota]

الشكل تحفة....والاحمرار مش طبيعي....الاناناس في السلطه مع الزتون حاجة اوريجينال.....

احدف علينا شويه...احسن الواحد اعصابه تعبت من المناظر المغريه دي .

[enjisultan]

هو شكلة تحفة

بس اكيد طبعا صباح الداسمة

تسلم ايدك

فكرتنى باسامة السيد مرة عمل حاجة عجيبة كدة مش عارفة الختة اللى بيبقى فيها الريش دى بس حتة واحدة كدة مش عارفة الحقيقة اسمها اية وبعدين حشاه لحمة مفرومة وقالك على سبيل تخفيف حدة اللحمة فى الموضوع قام حاطط عليها فستق بس انا وصلت للفستق وما قدرتش اكمل حسيت انى لو كملت هاتخن وانا باتفرج

احب احيك على روح المغامرة

كل تحياتى مستر بندق واللة انا حاسة انك هو اسامة بس متنكر

[znaty]

الرحمة يا نااااااااااس مراتي مسافرة :blink: :blink:

انا عمري مادخلت الباب دة بس وانا بانزل سكرول داون عيني وقعت على عنوان التوبيك صوابعب راحت كليك لا اراديا

تسلم ايديكوا انا شبعت كدة النهاردة :blink:

[بندق أفندى]

ايه الجمال دة يا بندق

انا ضعيفة جدا قدام الاسماك اصل انا اسكندرانية اعمل ايه بقى

حاجة فظيعة جدا :lol: تسلم ايدك و باذن الله لازم اجربها

جربيها يا أفندم .. وياااااااااه لو السمكة آروس ولا مياس ولا لوووووووووت .. هتكون رهيبة

[بندق أفندى]

الشكل تحفة....والاحمرار مش طبيعي....الاناناس في السلطه مع الزتون حاجة اوريجينال.....

احدف علينا شويه...احسن الواحد اعصابه تعبت من المناظر المغريه دي .

هى فعلا كان طعمها جبار .. بس المشكلة انه انا بأدوق وانتم بتتفرجو ههههههه

السلطة كانت سخية الى حد لا يطاق .. لأنه هتخلص يعنى هتخلص .. ودى نقطة التوقف عن الأكل فقط ولا شئ غيرها

[بندق أفندى]

هو شكلة تحفة

بس اكيد طبعا صباح الداسمة

تسلم ايدك

فكرتنى باسامة السيد مرة عمل حاجة عجيبة كدة مش عارفة الختة اللى بيبقى فيها الريش دى بس حتة واحدة كدة مش عارفة الحقيقة اسمها اية وبعدين حشاه لحمة مفرومة وقالك على سبيل تخفيف حدة اللحمة فى الموضوع قام حاطط عليها فستق بس انا وصلت للفستق وما قدرتش اكمل حسيت انى لو كملت هاتخن وانا باتفرج

احب احيك على روح المغامرة

كل تحياتى مستر بندق واللة انا حاسة انك هو اسامة بس متنكر

انجى هانم سلطان (وانا ليا أصحاب سلاطين كتير - ههههههه)

هو تحفة .. بس مش صباح الدسامة ولا حاجة .. لأنه خفيف جدا جدا ..

وبعدين روحى للسلطة فيها خل وزيت زيتون وكرافس .. ودول حوارق شديدة للدهون دا لو كان فيه دهون أصلا ..

شفت الحلقة بتاعت الشيف أسامة دى .. بس فيه حلقة عامل فيها مشويات فى الهواء الطلق .. حتى السلطة مشوية كانت أكثر من رائعة

[بندق أفندى]

الرحمة يا نااااااااااس مراتي مسافرة :lol: :P

انا عمري مادخلت الباب دة بس وانا بانزل سكرول داون عيني وقعت على عنوان التوبيك صوابعب راحت كليك لا اراديا

تسلم ايديكوا انا شبعت كدة النهاردة ;)

هههههههههههههه

بأضحك على حاجة فى بالى ..

ربنا يرجعلك المدام بالسلامة .. لو الموضوع سهل ومش محتاج مدامات ولا حاجة .. وممكن نتفوق عليهن (فى الافتكاسات بس هههههههههه)