ادعوا لنا يا جماعة الله يخليكم

[doudy]

فتفوتة فيه كمان ديتول جيل حلو جدا

انا بستعمله لتعقيم ايدينا انا و الولاد

لما حد يعطس او يكح او لما نكزن برة فى النادى او اى حتة

عشان ما نضمنش ايه اللى موجود من امراض

ممكن تستخدميه بدل الديتول العادى عشان دة كويس و مش ليه ريحة جامدة

زى الديتول العادى

و ربنا يطمنا عليكم جميعا

[عنبو]

ان شاء الله خير يافتفوته ومتخفيش وبعدين الواحد فى المواقف دى بيعمل اللى عليه والباقى على ربنا

قل لن يصيبنا الا ما كتب الله لنا فالواحد يعمل اللى عليه وياخد بالاسباب وان حصل حاجه بعد كده يبقى قدر الله وما شاء فعل وان شاء الله مافيش حاجه هتحصل واقولك على حاجه طلعى صدقه لله بنية ان ربنا يبعد عنكم الفيروس ده

تحياتى الحاج محمد الروش

lose the long face

[ozoozo]

هل اتاكدتو ان السعودي ده عنده انفلونزا لان اللي عنده ده ممكن يكون اشتباه بس فقعدوه يومين في المستشفي لحين عمل البي سي ار وبعد كده سابوه لان لو تحاليله ايجابي بيعملو فحص لكل اهله والمحيطين به ومابيخرجش قبل مايتاكدو من شفاءه

مش عارفة اعمل اقتباس لمداخلاتكم مع بعضها وارد عليها عشان كده برد على مداخلة ورا التانية وايدى وجعتنى وده مايدلش غير انكم بجد اخواتى واهلى الل خايفين علينا وعاوزين تطمنوا وفعلا انتوا ناس كويسة وربنا يجازيكم خير يارب على تفاعلكم معانا

الاخ ozoozo هما فعلا متاكدين انه جاى من برا عنده المرض ده بس هو بيقول انه اتعالج منه هناك فى البلد اللى كان فيها وهو دلوقتى فى فترة نقاهة واللى يغيظ ويجنن انه بيقول انهم نبهوا عليه لا يبوس حد ولا يحضن ولاده ولا يقرب منهم ويبعد بعيد عنهم فترة النقاهة دى وقال ايه بقى هو قاعد فى فندق

طب لما انت فى فندق يا خويا بتروح الشغل ليه تحضن وتبوس فى زمايلك من غير ماتنبه حد فيهم

ولا كمان بعد ما مديره زعق بيقول انا كنت فاكر انه مديرى وهيبقى ستر وغطا عليا ...... مش عارفة اقول ايه والله فيه وبعدين مين اللى هيبقى ستر وغطا عليه ده مديره الانجليزى!!!! شوف انت بقى

والله للاسف بعض الناس اللي بيبقي عندهم امراض او اي حاجه وحشه بيتمنو ان كل الناس يبقو زيهم

علي العموم انتم ادامكم عشر ايام من تاريخ المخالطه وكل يوم بيعدي كويس من غير اعراض بتقربوا علي بر الامان وانا متوقع انه مفيش حاجه انشاء الله لانه سلم ومشي علي طول

[زهرة الجبل]

يا ترى يا فتفوته حصل معاكي إيه

طمنينا على تطورات الأمور عندك

و كان الله في عونكم

أم كريم

[اميره]

اخت فتفوته اطمنى انشاء الله ربنا يجيب العواقب سليمه بس ياريت ماتخليش جوزك ياخد العقار ده لان سمعت فى القاهره اليوم مع عمرو اديب بيقولو انو بيمنع الجسم ان يكون مناعه وافضل حل استشيرى طبيب ماتستخدميش اى حاجه غير بامر طبيب .. وربنا يكفينا شر البلاء ويرحمنا اللهم ما ارفع مقتك وغضبك عنا ياارحم الراحمين

[الباشمهندس ياسر]

ان شاء هتكمل معاكم بالستر يا فتفوتة

و ربنا هيجيبها معاكم على احسن حال

بس انا شايف ان لازم الاستاذ يهتم بالمسألة و يعمل الاختبارات اللازمة لاكتشاف الفيروس

صحته بالدنيا و اللى فيها

و طمنينا عليكى يا فتفوتة

[doha]

الى فتفوته القاطنه بدير النحاس حول .. لا تاخذوا التامفلو فيه برد قاتل ..

ايه يابنتي رحتي كده واختفيتي منعرفش عملتي ايه ولاكل ده لسه بتغسلي بالكلور ؟

عن نفسي ابشرك رحت العمره من اسبوع وقاعدين من ساعتها في البيت عاملين لنفسنا حجر صحي .. هانت باقي يومين ..

بدأت اشك ان انفلونز الخنازير دي اشاعه .. اتشووووووووووو .. الحمد لله .

[النجم الثاقب]

مدام فتفوته اختفت لا حس و لا خبر .. قلقتونا كده يا جماعة

بقالى يومين حاسس بإحتقان فى اللوزتين .. امبارح كان على خفيف و النهاردة زاد شوية و ابتديت احس النهاردة بضغط خفيف فى اذنى .. مش عارف الواحد يروح يكشف و لا يستنى شوية و لا الموضوع كله أوهام بسبب انتشار الكلام عن المرض اللعين ده ؟؟

[elfakhrany]

{قل لَنْ يُصِيبَنَا إِلَّا مَا كَتَبَ اللَّهُ لَنَا}

الرجاء من الأخوات الفضليات لو أى حد على اتصال مع فتفوتة يطمنا عن زوجها mfb:

[pink rose]

و الله يا جماعة انا كل ما اتصل بيها الموبايل بتاعها مقفول

هي كانت قايلة قبل موضوع جوزها دا انها هاتنزل مصر على اول 8

نتمنى ان جوزها ان شاء الله يكون بخير و يكونوا في مصر بيقضوا اجازة سعيدة