كلام الناااااااس...

[Sherief AbdelWahab]

هل تشتري شيئا لأن شخصا ما قال لك أنه جيد؟

هل تدخل ابنك/ابنتك الكلية العلانية لأن شخصا ما يقول أنها تؤمن مستقبلا مضمونا؟

هل تتزوج أو لا تتزوج بناء على كلام الناس؟...من غير تحقق أو تحقيق؟

ما هو الدور الذي يلعبه كلام الناس في حياتنا؟...هل هذا الدور أضخم مما يستحق في مجتمعنا المصري؟

خلص الكلام

[Lancelot]

هل هذا الدور أضخم مما يستحق في مجتمعنا المصري؟

الدور فعلا أضخم مما يستحق ...

لأسباب عديدة ....

أولا .. عدم الثقة بالنفس ... في بعض الحالات و ليس كلها ...

ثانيا ... أخذ رأي الناس في مواضيع تحول إلي الأخذ برأي الناس ... و الفرق كبير ... أن تأخذ رأيهم أي أن تستشيرهم و تستطلع ما ترون في هذا الموضوع و في النهاية يأتي الراي من دماغك ... لكن الحادث هو أن تأخذ رأي فلان و فلان و فلان و تستطلع أيهم أعلم بهذا الموضوع و أيهم أكثر إقناعا .. و تأخذ برأيه ...

ثالثا .. إختفي مصدر المعلومة الصحيحة ... مثال .. لو عايز تعمل ورق رسمي لحاجة معينة .. الطبيعي إنك تروح للهيئة المسئولة عن الورق ده .. و هم يرشدوك ... لكن لما يحصل إن معلوماتهم ليك تكون ناقصة ... و لما ترجع لهم بعد كده تلاقي إن الكلام اللي سمعته قبل كده إتغير brth) .. يبقي الحل هو إنك تعتمد علي سؤال الناس عن الإجراءات المطلوبة .... hypr: chn:

رابعا ... الإفتاء أو "الفتي" ... كل واحد عرف نقطة عن موضوع خلاص أصبح خبير فيه و تلاقيه يبدأ يعمل قصص و حكايات علي النقطة ديه اللي هو عارفها fwrk: cnst: ... و في النهاية تحس إنه متمكن أوي من الموضوع ده ... و للأسف تأخد برأيه .... مش الأسهل إنه يقول "مش عارف" ...

لكن كل ده كوم و رد فعل الناس و كلامهم علي تصرفات الواحد ده كوم تاني .... brth) brth)

[Lighthouse]

موضوع جميل

صراحة تدخل الناس في حياة الغير في احيان كثيرة يفسد على الناس حياتهم.

فتجد الناس لاهم لهم الا فلان عمل وعلانة سوت

وترتان يناسب فلانة وعلان ينفع يتجوز دي

وايه عاجبه في دي

وهكذا

سلسلة متواصلة من التدخل السمج في حياة الغير cnst:

وللاسف كلام الناس له تاثير كبير على حياة الكثيرين ويعملون له الف حساب

ولي عودة fwrk:

[جدو]

سلامو عليكم

الاسئله دي جامده جدا

بس راي الناس صعب تفصله عن رأيك الشخصي لان رايك الشخصي عباره عن انطباع اولي بيتاكد اولا والانطباع ده بيجي من اللي حوليك والمسئله تختلف مثلا نفترض جدلا انا نازل اشتري موبيل بكميرا(يارب)

وبعدين لقيت اتنين نفس المواصفات والسعر طيب مهو نا هسئل اصحابي اجيب النهو

طبيعي واحتمال 60 في الميه امشي ورى كلامهم اما في حاجات زي مموضوع ادخل بنتي

او ابني الكليه المعينه رايي هيكون لمجرد الارشاد يعني رايي هنا مش الاساس والكلمه في النهايه لصاحب الشان

وموضوع الجواز مش عارف لان ده قصه في حد ذاته بس لو انا ما اخترتش اللي هتجوزها هختار ايه امال

ودي الحاجه اللي ممكن ما اسمعش فيها كلام حد لان الانسانه دي محدش هيتعامل معاها غيري اكيد هسمع للنصايح بس انا مش عارف اوصف لكن بيتهيئلي المعنى وصل واكيد النقطه الفاصله في الموضوع ده المعايير اللي محددها لنفسي عشان اختار على اساسها الانسانه اللي هتبقى زوجتي

وشكرا

[فــيــروز]

هل تشتري شيئا لأن شخصا ما قال لك أنه جيد؟

ايوه لكن الاهم اكون مقتنعه انا كمان انه جيد

يعنى لو شئ الناس شايفينه حلو وانا لا ارى كذلك لا اشتريه لانى انا من سيتعايش معه بعد ذلك

هل تدخل ابنك/ابنتك الكلية العلانية لأن شخصا ما يقول أنها تؤمن مستقبلا مضمونا؟

طبعا ده سؤال نظرى حتى الآن fwrk: لكنى لا اعتقد انه ممكن اعمله لان المستقبل بيد الله و الواحد لو دخل كليه مش على معدته ممكن يفشل فيها ويبقى ضاع المستقبل

هل تتزوج أو لا تتزوج بناء على كلام الناس؟...من غير تحقق أو تحقيق؟

اتزوج عشان كلام الناس لا صعبه شويه ماظنش و ارجو الا ياتى يوم اضطر فيه للزواج فقط اتقاء لكلام الناس

لا اتزوج بناء على كلام الناس .. تقصد يعنى قالوا اشياء ضد العريس

ده يتوقف على اشياء كتير

يعنى لو باحبه فى الغالب لن اهتم بكلامهم وربنا يستر وماندمش cnst:

لو الموضوع اقل من الحب مفيش مانع من التحقق من كلامهم وبناء على التحريات ابقى اقرر hypr:

ما هو الدور الذي يلعبه كلام الناس في حياتنا؟...هل هذا الدور أضخم مما يستحق في مجتمعنا المصري؟

الدور نحن الذين نحدده

طبعا الناس المحيطه بينا قد تكون مثابره و عنيده ومصره تتدخل فى حياتنا لكننا ببعض الصبر نستطيع تحييدهم و ابعادهم عن حياتنا قدر المستطاع حتى يملوا ويبحثوا عن غيرنا يتدخلوا فى شئوننا

كلام الناس ليس دائما صحيح وليس دائما خطا

المهم ان نتعلم ان نمرر كل شئ على عقولنا لنرى هل نتقبل كلام الناس و رايهم ولا نقلبه و نمضى فى حياتنا !!

من ملاحظاتى على اعمالنا التليفزيونيه مثلا انه فى كل حاره شعبيه او حى شعبى يتدخل الكل فى حياة الكل بمناسبه و غير مناسبه بدعوى ان هذا هو حق الجيره !! وينسون انه من حسن اسلام المرء تركه ما لا يعنيه !! لكن لفتره طويله كان التقارب الجغرافى فى الاحياء الشعبيه مبررا للبعض فى التدخل فى حياة الغير بدعوى الجيره و الانسانيه و الشهامه الى آخر تلك الاسطوانات المشروخه متناسين ان التدخل المحمود فى الغالب ينبغى ان يطلبه صاحب الشان اولا و بالحدود التى يراها مناسبه له مش الناس تتدخل فى حياة بعض ببدافع الفضول و ترمى التهمه على قيم نبيله مثل الجيره و الاخوه و الانسانيه !!

[Cleo]

أمى عندها وسواس قهرى اسمه "كلام الناس" ....

الناس يقولوا إيه لما يشوفوكى خارجة من البيت الساعة 10 الصبح راجعة الساعة سبعة.... يقولوا كل ده قاعدة فى الشارع ملكيش بيت...!!! cnst: hypr:

الناس تقول إيه لما يشوفوكى واقفة تذاكرى فى الشباك...!!! يقولوا عايزة تتعاكسى...!!!!

كدة يعنى....

fwrk:

تم تعديل 17 نوفمبر 2003 بواسطة Cleo

[Sherief AbdelWahab]

معظم "الودنيين" لا يخرجون عن فئتين اثنتين:

الأولى: شخص كسول لا يريد أن يكلف نفسه عناء التبين مما يقوله الناس...فلماذا يفكر في التحقق من صحة معلومة جاءته من غير تعب!

الثانية: شخص مهزوز ضعيف الشخصية "كلمة توديه و كلمة تجيبه"...وهذا الشخص من الممكن أن يفعل أي شيء ...أي شيء بما في ذلك القتل!

و في بعض المواقف قد يكون الشخص الودني مغرضا..بمعنى أنه "يتلكك" لشخص ما على شائعة حتى ولو كانت غير صحيحة كي يحرج بها مركزه!

السؤال: هل ضعف المستوى الثقافي هو السبب الوحيد لتأثرنا الزائد عن حده بكلام الناس؟

خلص الكلام

[Guest Mohd Gramoun]

بسم الله الرحمن الرحيم

موضوع ممتاز يتناسب و مايعيشه المجتمع المصري من حالة عدم اتزان نتيجة جهل تفشي بسبب إنحسار الموارد الثقافية في جهاز الإعلام الحكومي الغبي و غياب الثقافة الدينية و العلمية...

هل تشتري شيئا لأن شخصا ما قال لك أنه جيد؟

لا.. أنا أشتري ما يتوافق مع احتياجاتي و ميزانيتي وقبل أن أشتري دائما أجهزة او سيارة مثلا ما اقوم بعمل بحث عن إمكانيات و ميزات كل سلعة ولا أقبل علي شراء الكماليات او لوازم البهرجة ..أشتري فقط كل ما هو حلال و ضروري.

هل تدخل ابنك/ابنتك الكلية العلانية لأن شخصا ما يقول أنها تؤمن مستقبلا مضمونا؟

أتمني أن أعيش تلك اللحظة و لبناتي مطلق الحرية في أختيار مسار التعليم الذي يناسب طموحهم و إمكانيتهم بشرط ألا تكون كليات تافهة..

هل تتزوج أو لا تتزوج بناء على كلام الناس؟...من غير تحقق أو تحقيق؟

هذا السؤال صعب.... إذ أن شهادة جيران العريس او العروس هي شهادة مطلوبة خاصة في مجتمعنا المصري فكثير من الزيجات تتم بين غرباء لا معارف او اقرباء و بالتالي شهادتهم تكون ذات ثقل ...لكن يظل المعيار الرئيسي في الزوج هو الرضا عن الشخص لعامل الدين و الخلق.

ما هو الدور الذي يلعبه كلام الناس في حياتنا؟...هل هذا الدور أضخم مما يستحق في مجتمعنا المصري؟

دور كبير إذ أن الطرفين كلاهما يؤثر في الآخر ...

فالطرف الاول و هو الناس ...في مجتمعنا دائما ما تلعب دور الناصح و الناقد و الحكم و و معظمهم لا يتكلم عن علم بل كلام من أجل الكلام و من أجل اثبات الذات و التواجد و الحضور في كل الاوقات و المحافل.

أما الطرف الثاني و هو أي شخص يتأثر بكلام الناس فهو يسعي للمراءاة في كل صغيرة و كبيرة إذ يكون رأي الناس و حكمهم هو العامل الاول و المؤثر في أكله و شربه و لبسه و معيشته قبل أن يكون إيمانه و ضميره ووازعه الديني هو المحدد لقراره.

والله أعلم

[Salwa]

كلام الناس؟؟؟

اى ناس؟؟؟.....اهلك.؟؟...جيرانك.؟؟...اصحابك..؟؟.المتربصين بكل مايمسك..؟؟....ناس تحبك لله فى لله...؟؟..

ومن هم الناس ؟؟

هم انا وانت وهى وهو وهم وهن ...ونحن جميعا..

ومن قال ان الغير..يفهم عنك.؟؟..وله الحق ان يفتى..فى أى شأن يخصك؟؟

كم ضاعت من ايام..واحلام..لأنك تخشى..حكم الناس..وماذا سيقول ويعيد

الناس..

ابسط شئ....

الناس تنصح الزوجة الا تتغرب مع زوجها...والأفضل هو ييجى لك مرة والا مرتين فى السنة...وتكون ايه النتيجة؟؟....اسرة مفككة..كلهم عاوزين علاج نفسى...ـ..شئ طبيعى ..ـ

ينصحك لازم ابنك يدخل شرطة...او..بنتك كلية الطب..

طيب تقول انا ابنى متفوق وغاو كيمياء...وبنتى بتخاف من منظر الدم..

وينسوا..ان دى حاجة راجعة فقط لصاحب الشأن..

طيب..من ناحية الزواج..والله العظيم دى حصلت حقيقى..

لى صديقة هنا اسمها مارى..كانت مخطوبة لشخص ممتاز...بل..اكثر من ممتاز

وفجأة تركها..

علمت بعد زواجها ـ من زوجها الحالى ـ..انه راح قال لخطيبها انه شافها مع واحد تانى...وبما انه كان صديق ثقة..صدقه.

و فى نفس الوقت قال لها ان خطيبها بيحب واحدة تانية ومش عارف يلاقى

عذر علشان يرجع فى كلامه..

وبعدوا عن بعض...وصاحبنا اتقدم لها واتجوزها فى ثلاث شهور..

صديقه قاطعه طبعا..

يعنى اهو كلام وتدخل الناس غير مصير شخصين...

واحد يتدخل فى حياتك..

ليه العمل الحر؟؟؟ دى الوظيفة احسن وتنام مرتاح البال..ليه تخاف من

بكرة؟؟ ياعم انت تضمن معاش..واجازات مدفوعه الاجر وبدلات..

تلاقى نفسك.....بعد 20 سنة....مجرد ترس فى طاحونة...مش عارف تخرج ولا تاخد نفسك...ولو قلت ياريتنى ماسمعت كلامكم...يردوا يقولولك...وهو حد كان ضربك على ايدك..؟؟

اسمع صوت عقلك..فقط...خذ النصيحة من شخص تثق فى رجاحة عقله واتزانه

غير كدة....انت حر.

والله...كدة..او..كدة..الناس بتتكلم وما بيعجبهاش العجب..

مرة..زمان..

كنت مكتوب كتابى..وكنا فى حفلة فى المنتزة...كل الحضور طبعا كانوا لابسين ملابس سهرة..

وكنت لابسة.تايور..شيك جدا.......كان حذائى جديد..ضيق.

قبل نهاية الحفلة...وبمنتهى الشياكة والايامة...خلعت حذائى..مسكته فى

ايدى ومشيت حافية...وسط ذهول الجميع..

الآن..نتذكر هذا الموقف...ونضحك...واحكى لأولادى..ويقولوا منتهى الصح

كنت اشعر بآلام رهيبة...وكل من حولى يقول..عيب..الناس حاتقول ايه؟؟

ولاد الناس الطيبين ميعملوش كدة؟؟؟؟ ليه؟؟؟ رجلى وانا حرة فيها..صح

مايهمكوش من كلام حد....

طالما اللى بتعملوه صح ومش بيأذى حد...اعملوا اللى نفسكم فيه..

دى نصيحة غالية من ماما سلوى.

سلامى.

[Scorpion]

مدام سلوي...

مافيش مرة قريت مداخلة لحضرتك ألا و أزداد أعجابي بتفكيرك... كل مرة تبهريني بأسلوبك.. بطريقة تناولك للحياة... بأقتناعك بكل ما تقوليه... منذ فترة طويلة و أنا أريد أن أعبر عن هذا الأعجاب.. و لكن بعد هذه المداخلة وجدت نفسي مندفع تلقائيآ لكتابة هذه السطور...

أحييكي من كل قلبي... و هنيئآ لأولادك بأم مثلك و لزوجك بشريكة حياة لها طبعك..

تحياتي و أحتراماتي العميقة..

[ragab2]

كتب اسكوربيون

مدام سلوي...

مافيش مرة قريت مداخلة لحضرتك ألا و أزداد أعجابي بتفكيرك... كل مرة تبهريني بأسلوبك.. بطريقة تناولك للحياة... بأقتناعك بكل ما تقوليه... منذ فترة طويلة و أنا أريد أن أعبر عن هذا الأعجاب.. و لكن بعد هذه المداخلة وجدت نفسي مندفع تلقائيآ لكتابة هذه السطور...

أحييكي من كل قلبي... و هنيئآ لأولادك بأم مثلك و لزوجك بشريكة حياة لها طبعك..

تحياتي و أحتراماتي العميقة

..

شرحه

[Salwa]

الافاضل سكوربيون ورجب2..

شكرا جميلا ..

ثناء لعلى لا استحقه.

الأمر بمنتهى البساطة..انى اعيش حياتى ببساطة بدون تعقيد ....

بصراحة وبدون خداع..اعلم انى..تركيبة كدة لوحدى..

تعلمت ..وتعودت من صغرى..مزج الاحساس بالعقل وليس بالقلب وحده...

احكم على الأشياء..بعد دراستها من اكثر من زاوية..

لعلى لدى حصيلة معلوماتية كبيرة فى كل شئ..لأنى نشأت احب الكتب محبتى

للصحاب..وناهيك ان تتتلمذ وتتعلم على يد راهبة وشيخ عالم حكيم هو

جدى..وأب عاشق للحياة والموسيقىالكلاسيك والكتابة..والحياة بلا متاعب

او لنقل...الحياة السلسة الناعمة..

وام تشعرك فى كل لحظة.. انك الكون كله..

ومع مرور الأيام....بحلوها ومرها..

تقف فجأة...وتتسائل...من انا؟؟؟؟؟

وتكتشف انك حصيلة هؤلاء...

انت منهم..انت هم......وتفعل نفس الشئ مع اولادك واحفادك..مع الاختلاف..

وفى اوقات تطغى شخصية الشيخ على شخصية الحالم...واحيانا تمتزج...

وفى الحقيقة...كما يقولون...كل اناء ينضح بما فيه..

واجمل شئ ان تكون مقتنع بذاتك..وانك كما انت..يجب ان تتقبل نفسك قبل ان تطلب من الآخر ين ان يتقبلوك.

شكرا مرة اخرى انكم تتقبلونى كما انا..

وانا ايضا اعتز بكم جميعا...جميعا..

ربنا يخليكم..

سلامى.

[ragab2]

الكل

يناديكى بماما سلوى

ولكن اسمحيلى اتخطى القاعدة وأناديكى بالابنة العزيزة سلوى لمراعاة الأقدمية

الحقيقة

اسلوبك فى الكتابة تلقائى وتستشهدى بقصص وحكايات من الحياة

فى صراحة وتلقائية

بجانب أن آرائك تحمل حنكة وخبرة بالحياة وتتوافق مع آراء شريحة كبيرة من القراء

خلص الكلام

مع الاعتذار لابننا الفاضل شريف

[صعيدي]

فيما يتعلق بالامور الاجتماعية والخصوصية كالزواج او دخول كلية معينة ...الخ , لا القى بالا بكلام الناس

اما فيما ما يتعلق بالامور الاقتصادية كشراء سيارة او جهاز كمبيوتر او اى شيى أُفضل ان أخذ أراء ذوى الخبرة (فقط) وذلك راجع للظروف المادية التى قد لا تتحمل عناء التجربة فى شيئ جديد

اما عن كلام الناس والنميمة فهى أفة منتشرة فى المجتمع المصرى بشكل كبير وهى عادة فاكهة المجالس